حسنى عبد ربه علي أبواب القلعة الحمراء بسبب 5 مليون جنيه

[MR.FeeeRooo]

http://img717.imageshack.us/img717/4055/1289546484.jpg

اقترب حسني عبد ربه لاعب الاسماعيلي من الانتقال إلي الأهلي في يناير المقبل بعد اقتراب وجهات النظر وسيتم عقد مقابلة بين هادي خشبة مدير الكرة وحسني عبد ربه خلال الأيام المقبلة.

وذكرت صحيفة روزاليوسف أن الاسماعيلى يفشل في تدبير مبلغ خمسة ملايين جنيه في الموسم، ولو كابر ورضخ لضغوط الجماهير لفشل في استثمار أي استفادة مالية من وراء اللاعب خاصة أن عقده ينتهي بنهاية الموسم الحالي، ويحق له التوقيع لأي ناد خلال يناير بدون أن يحصل الاسماعيلي علي أي مقابل.

والطرف الثاني الأهلي الذي يواصل بحثه الدائم عن ضم لاعب سوبر يمتلك مهارة التسديد مثل حسني عبدربه، وهو ما سعي الأهلي لضم اللاعب عندما كان في ستراسبوريج الفرنسي .

حسني عبدربه لم يقطع اتصالاته بالمسئولين في الأهلي علي مدار الشهور الماضية، بل استعان بخبرات الأهلي في إجراء جراحة الرباط الصليبي، والتأهيل عن الطبيب الذي يتعامل معه الأهلي، وفوق ذلك فإن اللاعب حصل علي تأشيرة ألمانيا بأسرع وقت بسب الأهلي وعلاقته في السفارة الألمانية بالقاهرة.

وبرغم أن الأطراف الثلاثة ليس لديهم أي مانع في إتمام الأمر، إلا أن هناك تدخلات لإفساد الصفقة، حيث ظهر رجل الأعمال حماد موسي نائب رئيس الإسماعيلي ليتدخل في محاولة إقناع اللاعب بأنه سوف يدفع له المبلغ بحيث يبقي في الإسماعيلي ولو ستة شهور أخري قادمة، وإلا ينتقل للأهلي في يناير، حتي يساعده ذلك في انتخابات مجلس الشعب المرشح له حماد.. بحيث يرحل عبدربه بعدها أو يبقي كيفما يشاء.

المشكلة الثانية التي قد تؤجل ضم عبدربه للأهلي من يناير إلي يوليو أن قائمة الأهلي باقي بها مكانان فقط مسموح بإكمالهم في يناير المقبل، الأول محجوز لعماد متعب الذي عاد وتعاقد من جديد مع الأهلي الذي دفع له غرامة العودة من بلجيكا.. والمكان الآخر محجوز لضم مهاجم أفريقي من أصحاب الخامات الرائعة مثل الزامبي سينجولوما لاعب مازيمبي وهداف دوري رابطة الأبطال الحالية، وهداف كأس الأمم الأفريقية للاعبين المحليين الماضية.

[ahlawya 4 ever]

حسني عبد ربه لاعب متميز وانا بحبه جدا
بس مش حاسه ان احنا محتاجينه ولا انه هوا الي هايجي يصلح الدنيا يعني
مشكوووووور ع الخبر ..

[MR.FeeeRooo]

حسني عبد ربه لاعب متميز وانا بحبه جدا
بس مش حاسه ان احنا محتاجينه ولا انه هوا الي هايجي يصلح الدنيا يعني
مشكوووووور ع الخبر ..

مع احترامى لوجهة نظرك بس حسنى هايبقى اضافه قويه جدا خصوصا ان احنا بالرغم اننا عندنا لعيبه كتير فى خط النص بس مفتقين لحد بيشوط كويس على الجون من مسافات واماكن مختلفه من بره خط ال 18 ودى اكتر ميزه فى حسنى ..

[ahlawya 4 ever]

مع احترامى لوجهة نظرك بس حسنى هايبقى اضافه قويه جدا خصوصا ان احنا بالرغم اننا عندنا لعيبه كتير فى خط النص بس مفتقين لحد بيشوط كويس على الجون من مسافات واماكن مختلفه من بره خط ال 18 ودى اكتر ميزه فى حسنى ..

]بس اينو عنده الميزه دي ..انا عارفه انه مش ف مستواه خالص طبعا بس ده نتيجه انه ملعبش لفتره طويله
وبعدين احنا لو هنتعاقد مع حد بيتهيالي ندور ع مدافع الاول لان احنا ف حاجه ماسه لمدافع كويس دلوقتي اكتر من لاعب ف خط النص ...[/color]

[deco]

الاهلى بقاله بفترة بيهجص
وبعد ثفقة محمد فضل وقبله طارق السعيد ومحمد صديق اصبح من السهل ان اى اهبل بيلعب كورة يروح الاهلى
عليه العوض

[amino_madrid]

انا شايف إن حسنى صفقه كويسه
عشان كذا حاجه
اولا حسنى الوحيد لو لعبنا ب 3 ديفيندر هو اللى يقدر يهاجم
ثانيا حسنى كويس فى الضربات الثابته وعنده قدره تحكم فى اعصابه جامده جدا
وشوفناه فى 2008 وكل ماتش يعيد ضربه جزاء
ثالثا حسنى هيعوضنا عن غياب احمد حسن وكمان ساعه اعتزال احمد حسن او إنه ممكن يمشى فى يونيو

عيوب الصفقه
إن الاهلى محتاج مهاجم او مدافع فى يناير جنب متعب
إن الاهلى هيستغنى عن شوقى او غالى او هيموت شهاب وده اللى مش عايزه خصوصا ناحيه غالى او شهاب

[MR.FeeeRooo]

]بس اينو عنده الميزه دي ..انا عارفه انه مش ف مستواه خالص طبعا بس ده نتيجه انه ملعبش لفتره طويله

اينو فعلا بيعف يشوط من بره ال 18 بس مره تروح على الجون و30 مره تروح فى السما فى فرق شاسع بين اينو وعبد ربه فى الشوط على الجون وبالرغم من كده اينو لعيب كويس برضه ولو خد فرصه ولعب كتير هايبقى مستواه كويس
وبعدين احنا لو هنتعاقد مع حد بيتهيالي ندور ع مدافع الاول لان احنا ف حاجه ماسه لمدافع كويس دلوقتي اكتر من لاعب ف خط النص ...[/color]
انا معاكى ان احنا فعلا عاوزين قلب دفاع كويس ولو هاندور بقى على االلى الاهلى محتاجه دلوقتى الاهلى محتاج أربع لعيبه عشان يقدر يرجع لمستواه وناخدج كل البطولات تانى ( باك شمال وباك يمين وفى حالة لو جبنا باك يمين ممكن نستغنى عن قلب الدفاع + اننا محتاجين مهاجم كمان على عماد متعب )


الاهلى بقاله بفترة بيهجص

مش مسالة انه بيهجص بس الاداره ركزت كل صفقاتها فى خط النص وسابت الفريق يخرب فى باقى المراكز والبدرى كمان اعتمد على لاعبين صغيرين فى معظم المراكز وده اللى اثر على مستوى الفريق
وبعد ثفقة محمد فضل وقبله طارق السعيد ومحمد صديق اصبح من السهل ان اى اهبل بيلعب كورة يروح الاهلى
عليه العوض

بس خللى بالك ان لما فضل كان فى الاسماعيلى الاهلويه كلهم كانوا بيقولوا ياريييت فضل ييجى الاهلى بس هو مشكلة فضل انه كتيييييير الاصابات ومش عارف يرجع لمستواه وحتة اى لعيب اهبل يلعب انا مش موافقك فى دى لان مش اى لاعب بييجى الاهلى بس المشكله ززى ماقولنا ان كلهم فى الفتره الاخيره كانو خط نص

انا شايف إن حسنى صفقه كويسه
عشان كذا حاجه
اولا حسنى الوحيد لو لعبنا ب 3 ديفيندر هو اللى يقدر يهاجم

وغالى كمان عنده الحته دى بس اللى يميز حسنى التسديد القوى الكتقن على الجون يعنى ممكن الاتنين يكملوا بعض ويبقى خط نارى
ثانيا حسنى كويس فى الضربات الثابته وعنده قدره تحكم فى اعصابه جامده جدا
وشوفناه فى 2008 وكل ماتش يعيد ضربه جزاء

الله ينور عليك
ثالثا حسنى هيعوضنا عن غياب احمد حسن وكمان ساعه اعتزال احمد حسن او إنه ممكن يمشى فى يونيو

انا شايف ان احمد حسن مش هايأثر اوى الا فى انه عنده خبره ممتازه لكن كفنيات ولعب فى كتير فى الاهلى يعوض غيابه

عيوب الصفقه
إن الاهلى محتاج مهاجم او مدافع فى يناير جنب متعب
إن الاهلى هيستغنى عن شوقى او غالى او هيموت شهاب وده اللى مش عايزه خصوصا ناحيه غالى او شهاب

تمام وبصراحه انا نفسى شوقى يرجع لمستواه هو وغالى بس تخيل عندك خط نص فيه حسنى وغالى وشوقى واحمد حسن وشهاب وتريكه :music:

[ABOTREKA22]

حسن لاعب كبير اوى وحيبقى اضافة للاهلى لكن احنا مش محتاجين غير مهاجم جنب العمدة
ولا ايه
وشكرا يا نجم على المتابعة

[MR.FeeeRooo]

حسن لاعب كبير اوى وحيبقى اضافة للاهلى لكن احنا مش محتاجين غير مهاجم جنب العمدة
ولا ايه
وشكرا يا نجم على المتابعة

بصراحه يابو حمد لو على اللى الاهلى محتاجه فالاهلى محتاج مش اقل من اربع لعيبه سوبر متعب وواحد كمان جنبه وياريت يبقى سينجلوما ومحتاجين باك يمين وباك شمال بدل ماحنا كل شويه ممرمطين شريف عبد الفضيل فى مركز شكل ومحتاجين كمان واحد مساك يكون سريع عشان يقدر يغطى فى 4/4/2

[ABOTREKA22]

بصراحة عندك حق والاهم الباك الشمال
عارف انت رضا العزب الاعب ده ممتاز مش لازم اجنبى
وفى عندك ايمن اشرف ده كويس بس مش عارف مش بيلاعبه ليه
بس تمام
هو فعلا احنا محتاجين دول

[MR.FeeeRooo]

بصراحة عندك حق والاهم الباك الشمال
عارف انت رضا العزب الاعب ده ممتاز مش لازم اجنبى
وفى عندك ايمن اشرف ده كويس بس مش عارف مش بيلاعبه ليه
بس تمام
هو فعلا احنا محتاجين دول

هو ايمن ورضا كويسين بس احنا فى المرحله دى محتاجين لعيبه عندها خبرات ولو احنا هانجيب سينجلوما يبقى ممكن نستغنى عن غدار ويبقى عندنا مكان فاضى بقى وقتها نجيب الواد الباك يمين بتاع الترجى واد جامد جدا وباك شمال ممكن نجيب شديد قناوى اللى احنا فعلا خسرناه يوم مامشى من الاهلى ...الاهلى فعلا محتاج ترميييييم خصوصا ان بطولة افريقيا اللى جايه هاتبقى صعبه جدا مع مستوى الزمالك اللى موجود دلوقتى

[ABOTREKA22]

اها عندك حق
لكن مستوى الزمالك ده مش هيستمر كتير
لان الاهلى الوحيد فى افريقيا الى عندو النفس الطويل
او سياسة النفس الطويل
فهو هيقدر يستمر
وان شاء الله الى جاى احسن

[اهلاويه كيوت]

مش عايزين حسنى فى الاهلى
ولا انتو نسيتو اللى عمله مع الاهلى الاول
فى كتير احسن منه

[اهلاوية للابد]

حسنى عبدربه لاعب كبير ولو جه اكيد ها يكون صفقة قوية بس انا مش عارفة ليه
رغم كل اللعيبة اللى فى المركز ده واسمائهم الكبيرة بس بردوا مركز ضعيف
بس عموما بالتوفيق ليه وانا بحبه جدا ونفسى يكون موجود فى الاهلى

[MR.FeeeRooo]

مش عايزين حسنى فى الاهلى
ولا انتو نسيتو اللى عمله مع الاهلى الاول
فى كتير احسن منه

والله حسنى وغير حسنى نفسهم يلعبوا فى الاهلى عشان حاجات كتير جدا بغض النظر عن انه اقوى نادى عربى وافريقى ده عشان كمان اكثر نادى فيه استقرار واى لاعب بيروح الاهلى بيبقى مطمئن على مستقبله وفى قضية حسنى افكرك بجمهور اسماعيليه المتخلف لما بدأ يبعتوله تهديدات بالقتل وبصراحه لو اى واحد مكانه كان هايعمل كده لما يلاقى شعب محافظه بالكامل بيهددوه

وماتنسيش برضه اننا فى عالم الاحتراف دلوقتى واهم حاجه عند اى لاعب مصلحته اولا واخيرا

[MR.FeeeRooo]

حسنى عبدربه لاعب كبير ولو جه اكيد ها يكون صفقة قوية بس انا مش عارفة ليه
رغم كل اللعيبة اللى فى المركز ده واسمائهم الكبيرة بس بردوا مركز ضعيف

عشان مافيش ولا لعيب لحد دلوقتى جاهز فى الخط ده عندك شوقى حاجه غريبه جدا انه بقاله اربع شهور ولحد دلوقتى البدرى مش عاوز يعتمد عليه وكمان اينو لسه راجع من اصابه وماكانش بيلعب وحسام غالى لسه مش هو ده حسام اللى احنا نعرفه واللى جوزيه قال عليه لو حسام لو فضل معايا فى الاهلى قبل مايحترف هاخليه من افضل لعيبة خط النص فى العالم + النحس بقى اللى ماسك الفرقه اليومين دول من اصابات احمد حسن وشهاب وحسام عاشور تقريبا لوحده فى خط النص دلوقتى اللى يعتبر جاهز بنسبة 70 %
بس عموما بالتوفيق ليه وانا بحبه جدا ونفسى يكون موجود فى الاهلى


معاكى حق حسنى لعيب قوى جدا ولو رجع لفورمته بسرعه هايخرب الدنيا

[اهلاوية للابد]

اه بس انا عندى احساس ان اى لاعب
يخرج يحترف ويرجع مصر مالوش مكان فى
الاهلى بيرجع زى الزفت علشان كده ما
كانش شوقى لازم يرجع وكمان حسام غالى
وفى لاعيبة بتخرج من الاهلى زى فضل
وترجع برضوا بعد ما يكون جاب اخره وكمان
حسنى عنده مشكلة اصابته دى ممكن تأثر
عليه وفى لاعيبة زيه كتير كانوا كويسين وبعد
الاصابة دى ادائهم قل زى احمد بلال بس
ان شاء الله لو جه نقدر نستفاد منه خصوصا لو
رجع ادائه زى زمان
وشكرااااااااااااااااااااااا

[MR.FeeeRooo]

اه بس انا عندى احساس ان اى لاعب
يخرج يحترف ويرجع مصر مالوش مكان فى
الاهلى بيرجع زى الزفت علشان كده ما
كانش شوقى لازم يرجع وكمان حسام غالى
وفى لاعيبة بتخرج من الاهلى زى فضل
وترجع برضوا بعد ما يكون جاب اخره وكمان
حسنى عنده مشكلة اصابته دى ممكن تأثر
عليه وفى لاعيبة زيه كتير كانوا كويسين وبعد
الاصابة دى ادائهم قل زى احمد بلال بس
ان شاء الله لو جه نقدر نستفاد منه خصوصا لو
رجع ادائه زى زمان
وشكرااااااااااااااااااااااا

لا والله مش قاعده ان اللى يخرج يحترف ويرجع بيرجع زى الزفت هى كل المشكله انهم بيبقوا محتاجين شوية وقت لانهم بيخرجوا بره يتركنوا ومايلعبوش والاهلى ماينفعش معاه غير اللعيب الجهاز لانه بينافس على كل البطولات فانا اعتقد لو حسام وشوقى خدوا وقت شويه ولعبوا كتير هايرجعوا لمستواهم وعلى الموسم الجاى هايبقى خط النص ناااارى خصوصا كمان لو حسنى جه وبالنسبه لفضل فضل مشكلته انه جاى فى الوقت الغلط وكمان عنده مشكله انه كل شويه اصابه اصابه وده مش مدى له فرصه يرجع لمستواه اللى كان بيه مع الاسماعيلى

[اهلاوية للابد]

ممكن بس حاسة غير كده احترم وجهة نظرك جداا وممكن يكون رأيك هو اللى صح
بس مش عارفة متعب خرج للسعودية ورجع زى الزفت احمد بلال خرج تركيا ورجع
زى ما شوفناه احمد فتحى كان مكسر الدنيا فى الاسماعيلى خرج انجلترا ورجع
مستواه مختلف وغير لاعيبة تانية كتير فاللاعيب اللى يخرج من مصر بصفة عامة
ومن الاهلى بصفة خاصة ما ينفعش يرجع الاهلى احنا اه محتاجين لاعيبة جاهزة
ومش لسة ها ياخدوا على التأقلم هنا تانى محتاجين وقت كبير وبدل الوقت الطويل
اللى ها نستغرقه فى اننا نخلى اللاعيبة دى تنسجم من تانى ممكن نستفاد بلاعيبة
ناشئين ياخدوا على اللعب فى الفريق الاول وكمان نستفاد منهم فى المستقبل
دى وجهة نظرى محتملة الصواب او الخطأ

[MR.FeeeRooo]

ممكن بس حاسة غير كده احترم وجهة نظرك جداا وممكن يكون رأيك هو اللى صح
بس مش عارفة متعب خرج للسعودية ورجع زى الزفت احمد بلال خرج تركيا ورجع
زى ما شوفناه احمد فتحى كان مكسر الدنيا فى الاسماعيلى خرج انجلترا ورجع
مستواه مختلف وغير لاعيبة تانية كتير فاللاعيب اللى يخرج من مصر بصفة عامة
ومن الاهلى بصفة خاصة ما ينفعش يرجع الاهلى احنا اه محتاجين لاعيبة جاهزة
ومش لسة ها ياخدوا على التأقلم هنا تانى محتاجين وقت كبير وبدل الوقت الطويل
اللى ها نستغرقه فى اننا نخلى اللاعيبة دى تنسجم من تانى ممكن نستفاد بلاعيبة
ناشئين ياخدوا على اللعب فى الفريق الاول وكمان نستفاد منهم فى المستقبل
دى وجهة نظرى محتملة الصواب او الخطأ

ماهو انا مش مختلف معاكى ان اللعيب اللى بيطلع بيرجع مستواه وحش بس انا بقول ان فى عوامل بتخليه انه يبقى مستواه وحش بره وهى انه مش بيلعب لكن لو رجع وخد ماتشات كتير هايبقى مستواه كويس تانى متعب راح السعوديه ولما رجع الاهلى كان بقاله فتره فى الاصابه وبلال نفس الحكايه واحمد فتحى بصراحه مستواه كويس جدا ومجهوده هايل فى الملعب
وجهة نظرك اننا محتاجين لعيبه جاهزه صح طبعا خصوصا اننا بننافس على بطولات كتير بس احنا فى امر واقع ان الاهلى مافيش قدامه غير مكانين فى يناير بس ومتعب خد واحد منهم فالمفروض ندى بقى فرصه لشوقى والناس التانيه تلعب عشان حتى على مالموسم يبقى فى النهايه تكون اللعيبه دى وصلت لمستواها ونقدر نستفيد بيها فى باقى البطولات

[فخري النظامي]

يارب قولوا ان شاء الله

[بركوته]

حسني لو جه هيظبط خط النص هو عاشور واحد بيقوم بالضغط علي اللاعبين طوال ال90 دقيقه عنده مجهود جبار مسمار خط النص زي مابيقوله والتاني بيعرف يسمك كوره حلو وباص سليم يقدر ينقل الفريق لنص ملعب المنافس و كمان عنده ميزه انه يقدر يقوم بالدور الهجومي

[فخري النظامي]

ياسلام ياريت حسنى ييجى الاهلى يسمع من بقك ربنا