~*¤ مراقبنا " ساهر Sahiro " ضيفنا على كرسي الاعتراف" ¤*~ [الأرشيف]

مشاهدة النسخة كاملة : ~*¤ مراقبنا " ساهر Sahiro " ضيفنا على كرسي الاعتراف" ¤*~

walix ! l.e.d.a

29-01-2008, 06:09 PM

مره اخرى .. واخرى ... نظل نرتشف من تميز .. وعذوبه اعترافات

كرسي منيراً بـــ وجودهم ..

اسبوعنا هذا له تميز اخر

وحوار يسير نحو كبد الابداع المعهود .

شخص عنوانه الصراحه ..

اسلوبه الوضوح ......والعفويه الجمه

شخص .. تميز .. بوجوده .. الدائم في ارجااء منتدانا منتدى اهلى ديفلز ....

كــ الطيور بل هو اروع .. بــ التحليق الجميل .....

فهو الصقر المبجل .. للطيران الفذ ..

وبـــ وجوده .. فخر واعتزاز لهذا العالم بوجوده وبــ امثاله

اسميه انا "جبرالخواطر"

لـــ اجبارهـ لكل مشاركه اقرأها اجد اسمه الفاضل

يتسيد بينها نشاطه الدائم الذي يسعدناا

ويبهجنا بـــ ردوده العطره....وتعقيباته الجميله ....

رحبو معي بمن جلس على الكرسي لهذا الاسبوع

مـــــــــــــــــراقبنا القــــــــــــــــــدير

(¯`·._.·(ساهر SaHeR)·._.·°¯)

اهلا وسهلا ......ومرحبا الف ....

لـــ تقبلك دعوتي ... المتواضعه ....

واتمنى لك التوفيق بــ الاجابات والحضور الرائع ...

وكن كما عودتناا ...

الدائم على العطاء بلاحدود ..والابداع بلا قيود ...

وانت الان في الكرسي ولامفر من الهروب
...

تفضل بالجلوس

http://www.horchow.com/products/mp/HCF5282_mp.jpg
http://www.arb-up.com/files/arb-up-2008-1/2el14829.jpg

sahiro

29-01-2008, 10:10 PM

مش عارف أقلوك ايه يا وليد

مقدمه مبهره عن انسان اقل بكتير من الكلام اللى اتقال ده :AD (46):

شكرا يا معلم وانتا اللى نجم المنتدى والله .. :AD (24):

وفى انتظار اسئلة الاعضاء

وان شاء الله يكون ضيف خفيف عليهم :AD (43):

ويكون توبيك خفيف ..

elnaggar

29-01-2008, 10:12 PM

لا لا لا ياساهر
ولــيــد مظبتكـ وجيبلكـ كنبــه وشــاى وعصــير ومهدء وكل حاجـه

اول حــاجـه ياجميــل

البطـــاقــه الشخصيــــه

الاكلــه المفضــله والمشرررررروب برضه

المطرب والمطربـه المفضليــن

نفسـكـ تحقق ايه لنفٍــسكـ ؟ وللمنتدى

مين ااقرب النــاس ليكـ ؟ هنا فى المنتدى

سلبيــه نفسكـ تتمحى من المنـــتدى ؟

ايه اجمل مافى المنتدى ؟

راجعلك

سندباد

29-01-2008, 10:39 PM

LoveBarcelona

29-01-2008, 10:40 PM

دلوعه اهلاويه

29-01-2008, 11:30 PM

ميييييييييييييييين

الكبيييييييييييييير بتاعنا

منور يا ساهيرووووو المنطقه كلها

همخمخ مع نفسي كده شويه

وارجع وجيبالك حبه اسءله انما ايه

تووومام

Rania Ebrahim

30-01-2008, 10:13 PM

منور يا ساهر والله

مش هطول عليك .. متقلقش

1 - أحلام ساهر اللى محدش يعرفها ونفسه يحققها ؟؟؟؟

2 - ايه أكتر موقف ضايقك فى حياتك ؟؟؟

3 - أكتر موقف خلاك تضحك من قلبك ؟؟؟

4 - كان نفسك تدخل كلية ايه غير التربيه ؟؟؟

5 - بتعمل ايه لما بتكون متضايق ومخنوق ؟؟؟

6 - لو سافرت بره مصر >> تحب تروح فين ؟؟؟

7 - مين أكتر الاعضاء القريبين من قلبك على منتدى أهلى ديفيلز ؟؟؟

8 - هتقول لمين ::::

- بحبك ؟

- وحشتنى اوى ؟

- انت أغلى حاجه فى حياتى ؟

- نفسى أقرب منك ؟

- بكرهك ؟

- صعبان عليا ؟

- أنا آسف ؟

يارب مكونش ضايقتك بأسئلتى

بس رجعالك تانى ان شاء الله .. منور يا ساهر

سندباد

30-01-2008, 10:19 PM

سؤال بسيط وصغنون اوووووووى يا ساهر يا مشرفنا

اول بتحب انسان اوى اوى وزعلته او زعلت منه تبتدى انت بالصلح ولا تنتظر لما هو اللى ييجى يصلحك ؟؟؟
بدون نفااااااااااااااق؟

LoveBarcelona

30-01-2008, 10:30 PM

elnaggar

01-02-2008, 09:33 PM

ايــه ياســـاهر انت فــين ياكبيـــر :)

LoveBarcelona

01-02-2008, 09:34 PM

8

8

8

ايوه صح ...... :AD (9):

انت فين يا ساهر ؟؟؟ :(

يا ابني تعالى ...... احنا هناكلك ؟؟؟ ههههههه .. :AD (51):

sahiro

02-02-2008, 01:17 AM

أنا اسف والله يا جماعه

ظروف النت والله مش اكتر :AD (46):

لا لا لا ياساهر
ولــيــد مظبتكـ وجيبلكـ كنبــه وشــاى وعصــير ومهدء وكل حاجـه

وليد دا عسل

اول حــاجـه ياجميــل

البطـــاقــه الشخصيــــه

ساهر محمد رشاد
10-12-1988
مسلم أعزب طالب

الاكلــه المفضــله والمشرررررروب برضه

مش محدده والله يا محمد انتا عارف أخوك مش مهتم بالاكل

المطرب والمطربـه المفضليــن

كاظم .. شيرين

نفسـكـ تحقق ايه لنفٍــسكـ ؟ وللمنتدى

لنفسى .. اكون انسان متقى ربنا

للمنتدى .. نفسيى أخليه أنشط وأحسن

مين ااقرب النــاس ليكـ ؟ هنا فى المنتدى

الدكتور محمد حسن وانتا مودى طبعا

سلبيــه نفسكـ تتمحى من المنـــتدى ؟

الهزار الزايد شويه وعدم الايجابيه فى موضوعات محتاجه ناس ايجابيين

ايه اجمل مافى المنتدى ؟

الصداقه والناس الحلوه وروح الاخوه اللى فيه

راجعلك

تنور يا محمد باشا

دلوعه اهلاويه

02-02-2008, 01:30 AM

ساهيرررو نورت الكرسي يا كبير

أتاخرت علينا كده ليه؟؟؟

انا بسأل أسئله بسيطه عشان ابقي ضيفه خفيفه عليك

اتكلم علي ساهر يعني امتي بفرح اوى وامتي بزعل اوى وامتي بتحس بزاتك؟؟

انت طبعا في كليه تربيه!! ياتري دي كانت حلمك؟؟ ولو مكنتشي حلمك ايه كانت الكليه اللي نفسك فيها؟؟

انت كنت علمي ولا ادبي وايه مجموع المرحلتين؟؟؟

ايه سبب حبك للنادي الاهلي وامتي اول مره شجعته؟؟

يا تري بتعترف بصداقه الانترنت ام لا؟؟؟

ليه متعلق بالمنتدي ؟؟ وياتري دخولك للانترنت متعلق متوقف علي المنتدي ده وبس والايميل

ولا لك مجالات تانيه ؟؟ولو في ايه هي؟؟

قول رأيك في الاعضاء دول

دلوعه اهلاويه

نانسي

هدي الاهلاويه

اميره اهلي ديفلز

دعاء

يمنه رشا

مودي

كابو

النجار

فارس

سندباد اهلي ديفلز

سامح

عاشق الفنان ابو تريكه

اخيرا كلمه للمنتدي كله؟؟

يارب مكنشي تقلت عليك؟؟:AD (24)::AD (24)::AD (24):

فارس

02-02-2008, 06:39 AM

sahiro

02-02-2008, 10:03 PM

ساهر ابن عمى عندنا يا مرحبا يا مرحبا نورك غطى على الكهربا
:AD (40)::AD (40)::AD (40)::AD (40)::AD (40)::AD (40)::AD (40)::AD (40)::AD (40):

حلوه المقدمه دى
استلم بقى يا حلووووووووووووووووووووووووووووووووووووو
:AD (7):

بسم الله نفتتح الجلسه
:AD (9)::AD (9)::AD (9):
بص على الماشى كده
بطاقتك الشخصيه؟؟ بالتفصيل الممل جدا جدا
ورجعلك يا مشرفنا يا حلو عقبال ما امخ مخ كده لانى والله بعزك جدا ونفسى اعصرك :AD (46): قصدى اعرفك عن قرب

ههههههههه منور يا عمور يا ابن عمى

شكرا على تشريفك للتوبيك

بالنسبه لبطاقتى انا ذكرتها فوق فى ردى على النجار

شكرا لمرورك واسف على تأخيرى فى الردود

عشان مشكلة النت :AD (57):

sahiro

02-02-2008, 10:06 PM

الكــــــــــــــرسي منور بيك يا ساهر ... :AD (9):

ان شاء الله مش اكون عضوه تقيله عليك ... :AD (7):

انا هسئلك سؤالين لحد ما افكر في اسئله تانيه ... :AD (44):

لونك المفضل ؟؟؟ :AD (63):

ايه رأيك في نادي برشلونه ؟؟؟:D

مع السلامه ... :AD (23):

هجيلك كمان شويه ... :AD (7):

دا انتى اللى منورة المنتدى كله يا دعاء والله

ومش معقول طبعا تكونى تقيله ولا حاجه :AD (44):

لونى المفضل ممكن يكون الاسود او الغوامق:AD (46):

برشلونه احسن نادى فى العالم بس مستواه فى النازل مش عارف ليه

تنورى فى اى وقت :AD (24):

sahiro

02-02-2008, 10:08 PM

ميييييييييييييييين

الكبيييييييييييييير بتاعنا

منور يا ساهيرووووو المنطقه كلها

همخمخ مع نفسي كده شويه

وارجع وجيبالك حبه اسءله انما ايه

تووومام

ولا كبير ولا حاجه يا سهر :AD (46):

لو فى كبير وصغير هنا يبقى انا اقل واحد فى المجموعه :AD (23):

هههههههه تنورى طبعا يا سهر :AD (7):

sahiro

02-02-2008, 10:19 PM

منور يا ساهر والله

دا نورك انتى يا رانيا .. :AD (24):

مش هطول عليك .. متقلقش

ولا يهمك

1 - أحلام ساهر اللى محدش يعرفها ونفسه يحققها ؟؟؟؟

بحلم ببيت جميل وولاد حلوين وزوجه مهذبه يعنى اسره جميله صغيره .. حلم جميل اوى

2 - ايه أكتر موقف ضايقك فى حياتك ؟؟؟

مش عارف فى حياتى دى كلمه كبيره
بس حاجات كتير اكيد دايقتنى

3 - أكتر موقف خلاك تضحك من قلبك ؟؟؟

كتير والله يا رانيا ... اخوكى بيضحك كتير
وكل حياته فى الجامعه ضحك وهزار :AD (9):

4 - كان نفسك تدخل كلية ايه غير التربيه ؟؟؟

طب :AD (7):

5 - بتعمل ايه لما بتكون متضايق ومخنوق ؟؟؟

ادخل انام بس مش بنام يعنى بقعد افكر فى الحاجه اللى مدايقانى
وبحاول انساها رغم انه بيبقى صعب او بكتب كلام فى مذكراتى

6 - لو سافرت بره مصر >> تحب تروح فين ؟؟؟

ممكن الامارات والسعوديه .. الفلوس فيهم حلوه :AD (68):

7 - مين أكتر الاعضاء القريبين من قلبك على منتدى أهلى ديفيلز ؟؟؟

الدكتور محمد حسن ومودى والنجار والبنات طبعا كلهم

8 - هتقول لمين ::::

- بحبك ؟

لأ اتكسف أقول :AD (56):

- وحشتنى اوى ؟

بابا الله يرحمه

- انت أغلى حاجه فى حياتى ؟

والدتى

- نفسى أقرب منك ؟

لأ مفيش

- بكرهك ؟

واحد اعرفه معرفة نت بس مش هنا

- صعبان عليا ؟

واحد اعرفه معرفة نت بس هنا

- أنا آسف ؟

أكيد لأى حد زعلته بقصد او من غير

يارب مكونش ضايقتك بأسئلتى

بس رجعالك تانى ان شاء الله .. منور يا ساهر

تنورى فى اى وقت يا رانيا

اعتبرى التوبيك بتاعك .. :AD (24):

sahiro

02-02-2008, 10:26 PM

سؤال بسيط وصغنون اوووووووى يا ساهر يا مشرفنا

اول بتحب انسان اوى اوى وزعلته او زعلت منه تبتدى انت بالصلح ولا تنتظر لما هو اللى ييجى يصلحك ؟؟؟
بدون نفااااااااااااااق؟

مش عارف والله يا عمرو هو حسب مدى حبى للشخص دا

يعنى واحد صاحبى زى اخويا كان عمل موقف كده زعلت منه ورغم ذلك انا اللى صالحتو

انما لو انا اللى غلطان دايما ببدأ بالصلح .. ولو الشخص مش بحبه ممكن مصلحهوش خالص

sahiro

02-02-2008, 10:32 PM

انت فيــــــــــــن يا ساهيرو ؟؟؟ :AD (10):

خايف مننا ولا ايه ؟؟ http://www.ahlydevils.com/vb/images/icons/icon10.gif

يللا ادخل مستنيينك .......... :AD (7):

سـ : رقمك المفضل ـ حرفك المفضل ـ يومك المفضل ؟؟؟ :AD (56):

رجعالك يا ساهر ....... http://www.ahlydevils.com/vb/images/icons/icon10.gif

يللا بقى ادخل .. :AD (44):

لألأ طبعا يا دعاء

حد يخاف من اخواته الصغيرين .. هى ظروف نت بس

رقمى المفضل ممكن 11 حرفى المفضل الاس ويومى المفضل ممكن السبت

sahiro

02-02-2008, 11:15 PM

ساهيرررو نورت الكرسي يا كبير

أتاخرت علينا كده ليه؟؟؟

والله النت يا سهر .. بس مش عارف انتوا بتدخلوا ازاى
هى مش المفروض ازمه دوليه :AD (68):

انا بسأل أسئله بسيطه عشان ابقي ضيفه خفيفه عليك

ولا يهمك يا سهر
go ahead

اتكلم علي ساهر يعني امتي بفرح اوى وامتي بزعل اوى وامتي بتحس بزاتك؟؟

والله ساهر دا انا اعرفه كويس .. هو واحد خيالى شويه بيضحك كتير .. اللى يعرفه من بعيد يقول انه معقد واللى يقرب منه يعرف انه دايما بشوش ومش بيزعل حد منه .. ممكن يزعل من حاجات تافهه ساعات بس بيسامح بسرعه .. بيحس بذاته اما يعمل حاجه كويس اما ينجح انا يكون سبب فى سعاده حد تانى .. كفايه كده مش عايز اجيب فى سيرته كتير احسن يزعل :AD (46):
انت طبعا في كليه تربيه!! ياتري دي كانت حلمك؟؟ ولو مكنتشي حلمك ايه كانت الكليه اللي نفسك فيها؟؟

والله من كتر ما سمعت عن كلية طب من ماما .. عشان ابقى زى بابا
كان الطبيعى انى احلم اكون طالب فى الكليه دى .. بس دى مسألو قدرات

انت كنت علمي ولا ادبي وايه مجموع المرحلتين؟؟؟

كنت علمى وجبت 80 فى الميه بالظبط فى تانيه وحولت ادبى
وفى تالته جبت 98 فى الميه .. بقا كله 89 ودخلت تربيه اساسى
وفرقت معايا تربيه عام على واحد من عشره فى الميه

ايه سبب حبك للنادي الاهلي وامتي اول مره شجعته؟؟

لانه اكتر نادى شعبيه فى مصر ودى حقيقه فعلا
متهيألى اول مره شجعته بعد اهتمامى بالكره على طول
يعنى فى الاعدادى كده

يا تري بتعترف بصداقه الانترنت ام لا؟؟؟

أكيد .. انا ليا اصحاب كتير جدا ع النت زى اصحابى اللى فى الجامعه بالظبط
رغم ان عمرنا ما شوفنا بعض

ليه متعلق بالمنتدي ؟؟ وياتري دخولك للانترنت متعلق متوقف علي المنتدي ده وبس والايميل

متعلق بالمنتدى جدا .. عشان الناس اللى فيه .. دخولى على النت متوقف على حاجات تانيه
بس المنتدى والايميلات دول الاهم

ولا لك مجالات تانيه ؟؟ولو في ايه هي؟؟

ممكن الداون لود ومتابعة الاخبار الرياضيه واحيانا الفنيه

قول رأيك في الاعضاء دول

دلوعه اهلاويه

بجد اضافة رائعه للمنتدى .. بنت زوق طيبه .. دمها خفيف

نانسي

أبلة نانسى .. نرفوزة شويه بس هى طيبه وهاديه وبحس دايما انها طفله :AD (7):

هدي الاهلاويه

من أنجح البنات فى المنتدى عقلانيه اوى .. بتعجبنى طريقتها فى التفكير زيها زى رشا

اميره اهلي ديفلز

دى عشرة عمر .. رانيا اختى الكبيره ومش عارف اقولها ايه على ذوقها دايما معايا
مكنتش اعرفها اوى فى اهلى فورايفر ..
بس بجد كنا فى منتدى تانى وحصل مشكله والناس كتير فهمتنى غلط وزعلوا منى
وفوجئت ان رانيا بتعاملنى عادى ولا كأن حاجه حصلت

دعاء

مين دعاء ؟؟ :AD (40): تقصدى العضوة اللى بتحب برشلونه دى
والله دمها خفيف اوى وشيك فى ردودها وتوبيكاتها

يمنه رشا

يمنه .. بتحب منى ذكى جدا ومروف كده عنها من زمان ايام ما كان فى اهلى فور ايفر
طيبه اوى بس دايما مش بتشارك الا فى اقسام الكورة

رشا .. مش عارف حاسس فيها اختلاف عن رشا فور ايفر .. بس هى بجد من البنات اللى بحترم طريقة تفكيرهم .. بنت تعرف تاخد قرار بنت تغير بنت جدعه ..

مودي

من أحلى وأطيب الناس اللى عرفتهم من النت
بحس انه قريب منى جدا وفينا طباع واحده كتير
كابو

كابو انسان زى العسل ومش بيزعل حد منه مشكلته انه مش بيدخل كتير

النجار

النجار دا حكايه .. بحبه اوى لله فى الله
وبعتبره اخويا بالظبط بحب اهتمامه بالقسم بتاعه
بحب جرأته وكمان بحترم تواضعه

فارس

الدكتور محمد من أكتر الناس اللى فهمانى .. عارف شخصيتى كويس
عارف غبائى :AD (44): وذكائى لو كان فيه
بتعلم منه كتير بجد ..
سندباد اهلي ديفلز

مش محتاج اتكلم عن عمرو كتير لانه عضو اثبت نفسه
وكل المنتدى بيحبه ما شاء الله ..
وبيحب المنتدى جدا

سامح

اخويا الصغير ..
نفس كلامى عن عمرو بالظبط

عاشق الفنان ابو تريكه

احمد انا عرفته فى فورايفر كان عامل توبيك عن امتحانه
بجد طيب قوى وبيحب الناس كلها .. ويارب يرجعلنا بقا
اخيرا كلمه للمنتدي كله؟؟

ياريت كلنا نتكاتف عشان المنتدى يشتغل صح
وياريت نعرف قوانين التعامل مع المنتديات قبل ما نشتغل

يارب مكنشي تقلت عليك؟؟:AD (24)::AD (24)::AD (24):

لا تقلتى ولا حاجه يا سهر
أسعدنى مرورك
:AD (24):

sahiro

02-02-2008, 11:27 PM

ربنا معاكى يا غزه

حول هذه القضيه تحدث بالتفصيل موضحا ما علاقه تريكه بالشعار

.................................................. ..............

بعض الاحداث فى المنتدى كانت ساخنه اختر حدثين وتحدث عنهما بشىء من التفصيل

والله يا دوك ابقى كداب لو اتكلمت معاك فى الموضوع دا كتير

لانى معرفشى عنه اى حاجه .. وكل اللى معلوماتى عنه مجرد كلام بسمعه من اصحابى وخلاص

لان التليفزيون عندنا خارج نطاق الخدمه ومش متابع اى حاجه خالص غير ماتشات مصر بنزل اتفرج عليه فى الكافتيريا

تريكه ... هو لاعب كرة قدم ولكنه انسان .. مش عارف هو عبر عن رأيه وخلاص ودا مش غلط

الاحداث الساخنه فى المنتدى مش فاكر منها غير موضوع الردود والكلام من دا

كنا عايزين نقلل من الخروج عن المواضيع الاسايه للتوبيكات وتحويلها لغرف شات وكده

والناس زعلوا وفهموا الكلام غلط .. مش هتكلم فى الموضوع دا تانى طبعا

كل واحد ليه مستوى عقلى معين هو اللى بيتحكم فيه .. واحنا لازم نحترم جميع الاعضاء

وكمان طريقة تفكير كل واحد

نانسي

03-02-2008, 01:52 AM

هند الاهلاويه

03-02-2008, 04:01 PM

sahiro

03-02-2008, 09:51 PM

مين ساهر منور يا سكر والله انت وقعت ولا الهوى الى رماك

هههههههههههه انا نرفوزه بردو يا ساهردانا طيبه خالص والله

انا عشان الكلمه الحلوه دى انا مش هكتب اسئله دلوقتى بس

رجعالك بكل الحب والموده

واوعه اوعه اوعه تغير الكرسى

هههههههههههه استنانى انا رجعه ومعايه الخرزانه يوووووه اصدى الاساله

دا نورك انتى يا نانسى :AD (60):

التوبيك نور يا شباب والله :AD (9):

مين قال انك نرفوزة ... دا سهر اللى بتقول :AD (23):

مش بقولك متسرعه ههههههههه :AD (7):

فى انتظار الخرزانه يا اختى

اللى بنعملو فى العيال هيتعمل فينا ولا ايه :AD (43):

sahiro

03-02-2008, 10:06 PM

الصراحه انا معرفكش اوى يا ساهر بس واضح من ردودك انك انسان طيب ومرح وعرفت حاجات كنت داخله اسالك عنها بس برضه ليه سؤال عايزاك تجاوب بصراحه
اى اللى مش عاجبك فى المنتدى ونفسك تغيره بحكم انك المشرف العام؟

اذيك يا أهلاويه

منوره التوبيك بجد .. :AD (24):

هههههههه اللى مش عاجبنى فى المنتدى بصراحه حاجات كتير :AD (46):

- ان المنتدى كبير قوى واقسامه كتير يعنى ممكن اقسام الاغانى والافلام كلها تبقى قسم واحد

- الناس مش بتحب المواضيع الجاده ومش بتساعد على تنشيطها او تشارك فيها :AD (19):

- اخير .. المشرف العام مش عاجبنى ومش بيشتغل صح .. والمسؤليه كبيره عليه بصراحه .. ياريت يتغير :AD (23):

شكرا على مرورك

samoha

03-02-2008, 10:49 PM

سااااااااااااااااهر اخويا الكبير ..........وقع

يامرحبا.....يامرحبا

يلا ياجماعه سنوا السكاكين ...............

استلم ياحبيبي---------------------------------------

1-عامل ايه مع ربنا؟؟؟؟؟
2-عامل ايه مع نفسك؟؟؟؟
3-عامل مع اللي حواليك؟؟
4-بتفكر ازاي لبكره؟؟؟؟؟
5-ايه رايك في امبارح.الماضي القريب يعني؟؟
6-مخطط لقدام ولا زي ماتيجي تيجي؟؟
7-نفسك في ايه في المستقبل غير الوظيفه والزوجه؟
8-ازاي تعرف ان ربنا مش راضي عنك؟
9-كلمه علي طول بتقزلها لساهر في ودنه؟
10-بتعمل ايه لو حسيت امن ربنا مش راضي عنك؟
11-ساهر ناقصه ايه؟؟
12-اختر 3 اعضاء و3 عضوات ووجهلهم نصيحه ؟؟؟؟؟
13-ايه اخبار الجو بتاعك ولا زي حالاتي كده لسه مفيش؟؟؟؟؟؟
14-ياتري ياهل تري ايه سر عقده النقص اللي مخلياك علي طول معتقد ان انت اكبر مني؟؟
15-لمن توجهه هذه الكلماااات......................
**خلي بالك قدامك حفره

**اتقي الله

**انت في خطر

**جميلك فوق راسي

**تفائل وبص لقدام

انا بقول كده كفايه....دول اللي في دماغي دلوقتي
اتنسلي وانت وحظك لو فضيت هاجيلك تاني

يلا ياسااااااااااهر ......يا اخويا الصغير

سندباد

04-02-2008, 03:17 AM

ساهر انت لسه حى
:AD (7):
والله انت صعبان عليه
:AD (46)::AD (46)::AD (46)::AD (46):
بس برضه هسألك ودى هتكون اخر مره
:AD (40)::AD (40)::AD (40)::AD (40)::AD (40):
وعلشان خاطر انت المشرف العام :AD (9): يهمنى ويهم كل الاعضاء انك تملئ الفراغات الاتيه بالعضو المناسب
بدون مجامله وبدون دبلوماسيه او هروب
8
8

8
8

1-(( . . . )) عضو توقيعه جميل .

2- (( . . . )) عضو نشيط بصراحة .

3- (( . . . )) عضو مفقود .

4- (( . . . )) عضو خفيف دم .

5- (( . . . )) عضو واثق من نفسه .

6- (( . . . )) عضو داخل مزاجي .

7- (( . . . )) عضو أتمنى ألتقي به .

8- (( . . . )) عضو بتحس أنه مثقف .

9- (( . . . )) عضو نفسك تعرف معنى اسمه .

10- (( . . . )) عضو نفسك تغير اسمه . .

11- (( . . . )) عضو بتحس انه يفهمك .

12- (( . . . )) عضو نفسك تقوله ( كلامك صحيح دائما ) .

13- (( . . . .)) عضو يناسبه لقب ( الطموح )

14ـ (( . . . )) عضو عاجبك اسمه .

15 ـ (( . . . )) عضو يستحق الإشراف .

16- (( . . . )) عضو سيئ جدا جدا جدا .

17- (( . . .)) عضو يستاهل الأحترام والتقدير.

18 -(( . . .)) عضو تعطية درجة امتياز بجدارة على طريقة طرحه للمواضيع
19- ((...)) عضو مظلوم
20 - ((...)) عضو محبوب

يلا يا سهور شيد حيلك كلنا لها

sahiro

04-02-2008, 09:31 PM

سااااااااااااااااهر اخويا الكبير ..........وقع

هع هع طب منتا عارف أهو

يامرحبا.....يامرحبا

مرحب بيك يا حبى

يلا ياجماعه سنوا السكاكين ...............

ايه قالولك فى كرسى الاعتراف بقره :mad:

استلم ياحبيبي---------------------------------------

1-عامل ايه مع ربنا؟؟؟؟؟

هقولك ايه بس يا موحا .. بحاول اكون احسن

2-عامل ايه مع نفسك؟؟؟؟

مش راجل معاها اما اخد قرارات

3-عامل مع اللي حواليك؟؟

لأ فى دى الحمدلله .. اجتماعى جدا
4-بتفكر ازاي لبكره؟؟؟؟؟

زمان كنت متشائم .. دلوقتى متفائل حتى لو حصل ايه

5-ايه رايك في امبارح.الماضي القريب يعني؟؟

بالنسبالى الماضى دايما مش حلو .. واما افكر فيه بنشغل اوى عن الحاضر

6-مخطط لقدام ولا زي ماتيجي تيجي؟؟

يعنى تخطيط خفيف كده .. قابل للفشل

7-نفسك في ايه في المستقبل غير الوظيفه والزوجه؟

أموت موته حلوه ..

8-ازاي تعرف ان ربنا مش راضي عنك؟

مش عارف مش فاهم السؤال اوى

9-كلمه علي طول بتقزلها لساهر في ودنه؟

ركز

10-بتعمل ايه لو حسيت امن ربنا مش راضي عنك؟

بحاول ارجع بسرعه .. وبخاف اوى اما اكون بعيد عنه سبحانه وتعالى

11-ساهر ناقصه ايه؟؟

اممممم حاجات كتير .. منها الجرأه

12-اختر 3 اعضاء و3 عضوات ووجهلهم نصيحه ؟؟؟؟؟

معلش مش هعرف اجاوب السؤال دا

13-ايه اخبار الجو بتاعك ولا زي حالاتي كده لسه مفيش؟؟؟؟؟؟

والله الجو اليومين دول مش حلو .. برد وهوا ومطر وكلام من دا :AD (7):

14-ياتري ياهل تري ايه سر عقده النقص اللي مخلياك علي طول معتقد ان انت اكبر مني؟؟

هع هع هع هع هع

أضحكتنى يا غلام ..

عشان اخويا الكبير اسمه سامح

ودايما بشوفو انه اصغر منى:AD (68):

15-لمن توجهه هذه الكلماااات......................
**خلي بالك قدامك حفره

اى واحد ناسى ربنا

**اتقي الله

اى واحد ظالم

**انت في خطر

اى واحد بيعصى ربنا متعمد

**جميلك فوق راسي

اى واحد وقف جمبى .. ممكن الدكتور محمد حسن هنا

وعضوه كانت معانا فى أهلى فور ايفر اسمها شيرين

**تفائل وبص لقدام

للأخوه اللى فاكرين الحياه كل شىء وحش

انا بقول كده كفايه....دول اللي في دماغي دلوقتي
اتنسلي وانت وحظك لو فضيت هاجيلك تاني

يلا ياسااااااااااهر ......يا اخويا الصغير

تنور يا عسل والله

احنا فى الخدمه .. بلاش أخويا الصغير دى تانى :AD (23):

careful boy
my mercy have limit

sahiro

04-02-2008, 09:40 PM

ساهر انت لسه حى
:AD (7):
والله انت صعبان عليه
:AD (46)::AD (46)::AD (46)::AD (46):
بس برضه هسألك ودى هتكون اخر مره
:AD (40)::AD (40)::AD (40)::AD (40)::AD (40):
وعلشان خاطر انت المشرف العام :AD (9): يهمنى ويهم كل الاعضاء انك تملئ الفراغات الاتيه بالعضو المناسب
بدون مجامله وبدون دبلوماسيه او هروب
8
8

8
8

1-(( دعاء)) عضو توقيعه جميل .

2- ((عمرو )) عضو نشيط بصراحة .

3- (( نتاليا)) عضو مفقود .

4- (( سامح)) عضو خفيف دم .

5- ((فارس والنجار)) عضو واثق من نفسه .

6- ((وليد)) عضو داخل مزاجي .

7- ((مودى )) عضو أتمنى ألتقي به .

8- (( قارس وهدى)) عضو بتحس أنه مثقف .

9- (( رشا :AD (43):)) عضو نفسك تعرف معنى اسمه .

10- (( رانيا .. احسن رانيا الأهلاويه بدل أميرة أهلى ديفلز)) عضو نفسك تغير اسمه . .

11- (( فارس ومودى)) عضو بتحس انه يفهمك .

12- ((أكيد فارس)) عضو نفسك تقوله ( كلامك صحيح دائما ) .

13- (( وليد)) عضو يناسبه لقب ( الطموح )

14ـ (( سهر)) عضو عاجبك اسمه .

15 ـ (( عمرو)) عضو يستحق الإشراف .

16- ((أنا)) عضو سيئ جدا جدا جدا .

17- ((فارس)) عضو يستاهل الأحترام والتقدير.

18 -(( فارس)) عضو تعطية درجة امتياز بجدارة على طريقة طرحه للمواضيع
19- ((مفيش)) عضو مظلوم
20 - ((عمرو)) عضو محبوب

يلا يا سهور شيد حيلك كلنا لها

هههههههههههه ولا يهمك يا عمور

والتوبيك بينور بوجودك والله :AD (24):

walix ! l.e.d.a

07-02-2008, 12:50 AM

sahiro

09-02-2008, 04:29 PM

طبعا زى ما كل الاعضاء شافت انى مش بحب اسئل اى حد من اللى قعدوا على الكرسى

بس هسئلك سؤالين كده على الماشى

انتا هترشح مين يقعد مكانك على الكرسى وابعد بعيد عن اللى قعدوا

ههههههههه

بم انك مشرف عام

من وجهة نظرك
ما اهو انشط قسم

هل تريد فتح اقسام تانية
هل تريد حذف اقسام مش شغالة

الاول حابب ااتأسف للناس كلها عشان بعدى عن المنتدى الفتره اللى فاتت بسبب النت والله

وبرشح النجار بعدى ان شاء الله

والله مدايقانى حكاية المشرف العام دى .. مسؤليه مش قدها
انشط قسم المقهى
لأ كفايه اقسام كده يا وليد
كثرة المنتدى عيب فى المنتدى بصراحه
ايوه ممكن اقسام الاغانى والافلام كلها تبقى قسم واحد وكذلك البرامج

شكرا يا وليد

واتمنى اكون ضيف خفيف عليكم
واعتذر مره اخرى عن تأخيرى

عاشق الفنان ابوتريكه

09-02-2008, 04:40 PM

سااااااااااهر حبيب قلبي من ايام الجيزه

وحشني يا باشا خالص والله

وانا بتأسف اني جيت متأخر بس انا لسه شايف التوبيك مع سهر دلوقتي قولتلها وسعي علشان عاوز اسئله شويه اسئله ع السررررررررريع كده

1/ انت عامل ايه الفتره اللي فاتت دي يا كبير

2/ ايه رأيك في مستوي المنتدي؟؟ وياتري حاسس انه بيتقدم ولا لأ؟؟

3/ ممكن المنتدي ده يبقي زى فور ايفر ولا لأ؟؟

4/ايه رأيك في ان المواضيع الكرويه الاهتمام بيها قليل جدا؟؟ ياتري ده هيأثر علي المنتدي ولا لأ؟؟

5/مين من وجهه نظرك؟؟

انشط عضو وعضوه

مين افضل عضو وعضوه

مين الطف عضو وعضوه

مين اكتر واحد وواحده بيخاف علي مصلحه المنتدي

مين انشط مشرف ومشرفه

مين انشط الاقسام

مين العضو المحبوب بين الاعضاء

يارب مكنونشي طولت علييييييييييييك

كلمه في سرك خد بالك من عضو اسمه حماده البورسعيدي

ياريت تشوف ملفه الشخصي
انسان بيشتم في المنتدي وفي الاعضاء

sahiro

10-02-2008, 10:59 AM

سااااااااااهر حبيب قلبي من ايام الجيزه

معلم واحشنى والله .. انتا فين يا ابنى ينفع الغياب دا كله

وحشني يا باشا خالص والله

انتا اكتر والله

وانا بتأسف اني جيت متأخر بس انا لسه شايف التوبيك مع سهر دلوقتي قولتلها وسعي علشان عاوز اسئله شويه اسئله ع السررررررررريع كده

ولا يهمك

1/ انت عامل ايه الفتره اللي فاتت دي يا كبير

والله الحمدلله ... بس الفتره اللى فاتت امتحانات وتربيه عسكريه .. كانت فتره صعبه بس الحمدلله عدت على خير

2/ ايه رأيك في مستوي المنتدي؟؟ وياتري حاسس انه بيتقدم ولا لأ؟؟

أكيد المنتدى كل يوم فى تقدم والحمدلله

3/ ممكن المنتدي ده يبقي زى فور ايفر ولا لأ؟؟

هقولك ايه المفروض انك عارف الاجابه .. مفيش منتدى هيبقى زى فورايفر

4/ايه رأيك في ان المواضيع الكرويه الاهتمام بيها قليل جدا؟؟ ياتري ده هيأثر علي المنتدي ولا لأ؟؟

عندك حق ودا بيأثر بالسلب فعلا .. بس ان شاء الله مع عودة الدورى وبطولة افريقيا كله هيبقى تمام

5/مين من وجهه نظرك؟؟

انشط عضو وعضوه

متهيألى رانيا .. دا تبع احصائيات المنتدى

مين افضل عضو وعضوه

هههههههه لسه الاستفتاء مخلصشى مش انا اللى هقول

مين الطف عضو وعضوه

رانيا و ميدوستار

مين اكتر واحد وواحده بيخاف علي مصلحه المنتدي

مودى ..

مين انشط مشرف ومشرفه

النجار وهدى ورشا

مين انشط الاقسام

المقهى

مين العضو المحبوب بين الاعضاء

عمرو

يارب مكنونشي طولت علييييييييييييك

كلمه في سرك خد بالك من عضو اسمه حماده البورسعيدي

ياريت تشوف ملفه الشخصي
انسان بيشتم في المنتدي وفي الاعضاء

نورت التوبيك والله يا معلم

وشكرا على النصيحه

ويارب مشوفك معانا قريب على طول

walix ! l.e.d.a

12-02-2008, 05:15 AM

ساهر انتا مش ناوى تقوم من على الكرسى ولا ايه يا بنى انتا طولت اووى

انا نسيتك والله

بس بجد كنت عضو لطيف وعضو محبوب علينا كلنا

وطبعا زى ما انتا قولت ان محمد هو اللى هيقعد

انا هعمله توبيك دلوقتى