الأهلي من هنا ورايح "رئيس جمهورية نفسه"

[ناني]

http://center.jeddahbikers.com/uploads/jb12875138031.jpg

http://center.jeddahbikers.com/uploads/jb12875138032.jpg

http://center.jeddahbikers.com/uploads/jb12875138033.jpg

http://center.jeddahbikers.com/uploads/jb12875138034.jpg

http://center.jeddahbikers.com/uploads/jb12875138035.jpg

http://center.jeddahbikers.com/uploads/jb12875141381.jpg

http://center.jeddahbikers.com/uploads/jb12875141382.jpg

http://center.jeddahbikers.com/uploads/jb12875141383.jpg

http://center.jeddahbikers.com/uploads/jb12875141384.jpg

http://center.jeddahbikers.com/uploads/jb12875141385.jpg

http://center.jeddahbikers.com/uploads/jb12875143011.jpg

http://center.jeddahbikers.com/uploads/jb12875143012.jpg

http://center.jeddahbikers.com/uploads/jb12875143013.jpg

http://center.jeddahbikers.com/uploads/jb12875143014.jpg

[ƒayrouź]

لووووول

هو كان وحش بس مش هو الي خسرنا والله :d

[ABOTREKA22]

مين يا بنتى الى مخسرناش
الحكم 99ز9% هو الى خسرنا
بس حلوة اوى الصور يا جميل
حسبى الله ونعم الوكيل فيه

[ناني]

لووووول

هو كان وحش بس مش هو الي خسرنا والله :d

sorry لو قلت اما تكوى زملكويه او مسمعتيش الماتش
ميرسى ع المرور:confused:

[ناني]

مين يا بنتى الى مخسرناش
الحكم 99ز9% هو الى خسرنا
بس حلوة اوى الصور يا جميل
حسبى الله ونعم الوكيل فيه

ميرسى اوى احمد نورت التوبيك:Applauds:

[kapo4e]

التحكيم بخير في مصر وفي غانا والعالم كله

[ƒayrouź]

sorry لو قلت اما تكوى زملكويه او مسمعتيش الماتش
ميرسى ع المرور




لا مش زملكاوية الحمد لله ، ومسمعتش الماتش فعلا

انا شوفت الماتش ، وشوفت التوجيه التحكيمي من الاول للترجي

وشوفت البجاحة التحكيمية وبجاحة الاتحاد الافريقي

بس احنا ملعبناش كورة اصلا ، مباصيناش 3 كور صح على بعض

فين الخبرة الي قلنا عليها قبل الماتش

بركات رايح يضرب لاعيب في وشه ! فين الخبرة في التصرف ده

وبعدين اللاعيبة في الملعب مش واقفة على رجلها

المفروض تكون متوقعة كل ده او مش بالاوفر ده يعني ، بس ميبقاش ده رد فعلهم في الملعب

الاهلي كان فيه اخطاء كتيرة جدا ، اكبر من اخطاء الحكم

بداية من كثرة التصريحات قبل المباراة

مرورا ً بالمدير الفني وعدم تهيئته للاعيبته قبل المباراة

كلهم متنرفزين وعصبيين وكابتن الفرقة بيشوح للحكم وبيزعق في وشه

والبدري واقف بره بيقرقد ضوافره مبيتدخلش يهدي لاعيبته ولا اي حاجة

مرورا ً بالتغييرات الكارثية ، بخروج ابو تريكة العامل النفسي الرهيب على الترجي وكل التوانسة

وعدم اجراء التغيير الثالث واللعب بـ 3 محور ارتكاز رغم انه كان محتاج المجازفة لانه كدا كدا خارج من افريقيا

منزلش شكري بدل غالي او عاشور وخلى ال 3 لاعيبة لحد اخر الماتش

وقبل ده كله ، المدير الفني بيطلع مع شلبي ويطلع في قناة الاهلي ويطلع هنا وهنا

ومش مركز في شغله اصلا

الاهلي في خلل في المنظومة ، ولازم نعيد ترتيب اوراقنا ، فنيا وادرايا

[MR.FeeeRooo]

لا مش زملكاوية الحمد لله ، ومسمعتش الماتش فعلا

انا شوفت الماتش ، وشوفت التوجيه التحكيمي من الاول للترجي

وشوفت البجاحة التحكيمية وبجاحة الاتحاد الافريقي

بس احنا ملعبناش كورة اصلا ، مباصيناش 3 كور صح على بعض

فين الخبرة الي قلنا عليها قبل الماتش

بركات رايح يضرب لاعيب في وشه ! فين الخبرة في التصرف ده

وبعدين اللاعيبة في الملعب مش واقفة على رجلها

المفروض تكون متوقعة كل ده او مش بالاوفر ده يعني ، بس ميبقاش ده رد فعلهم في الملعب

الاهلي كان فيه اخطاء كتيرة جدا ، اكبر من اخطاء الحكم

بداية من كثرة التصريحات قبل المباراة

مرورا ً بالمدير الفني وعدم تهيئته للاعيبته قبل المباراة

كلهم متنرفزين وعصبيين وكابتن الفرقة بيشوح للحكم وبيزعق في وشه

والبدري واقف بره بيقرقد ضوافره مبيتدخلش يهدي لاعيبته ولا اي حاجة

مرورا ً بالتغييرات الكارثية ، بخروج ابو تريكة العامل النفسي الرهيب على الترجي وكل التوانسة

وعدم اجراء التغيير الثالث واللعب بـ 3 محور ارتكاز رغم انه كان محتاج المجازفة لانه كدا كدا خارج من افريقيا

منزلش شكري بدل غالي او عاشور وخلى ال 3 لاعيبة لحد اخر الماتش

وقبل ده كله ، المدير الفني بيطلع مع شلبي ويطلع في قناة الاهلي ويطلع هنا وهنا

ومش مركز في شغله اصلا

الاهلي في خلل في المنظومة ، ولازم نعيد ترتيب اوراقنا ، فنيا وادرايا

الماتش كله على بعض ماكملش 35 دقيقه لعب منتظره ايه من فريق فى بداية الماتش تتحسب عليه ضربه ركنيه ظالمه وتتلعب وتيجى جون ظلم يعنى الكوره من اولها لاخرها ظلم فى ظلم اكيد لازم اعصاب اللعيبه تتوتر

بس انا معاكى ان كان لازم يبقى فى دور لحسام البدرى انه يلم الفرقه تانى وكمان كان لازم يكون فى دور لكابتن الفرقه اللى هو المفروض حسام غالى واللى بالرغم من انى بحبه جدا كلاعب بس مش مقتنع بيه كابتن للفريق

ومعاكى جدا انه ماكانش ينفع يخرج تريكه باى حال من الاحوال وكان يكفيه انه يشوف اخر دقيقه من ماتش الصفاقس وهو كان عرف ان ابو تريكه ممكن يفضل نايم طول الماتش وفى كوره واحده يجيب بطوله

بس بالرغم من الاخطاء الكتيره اللى بيقع فيها البدرى برضه هايفضل هو انسب واحد فى الفتره دى وماننساش ان فى عجز فى معظم مراكز الفريق ونتمنى ان شاء الله ان المشكله دى تنتهى فى اقرب وقت

احيييكى على رايك المحترم

وشكرا نور على الصور الجميله

وحسبى الله ونعم الوكيل فيك ياحياتو

[MOnMOn]

شكرا ياقمر
حسبى الله ونعم الوكيل فى الحكم

[ƒayrouź]

الماتش كله على بعض ماكملش 35 دقيقه لعب منتظره ايه من فريق فى بداية الماتش تتحسب عليه ضربه ركنيه ظالمه وتتلعب وتيجى جون ظلم يعنى الكوره من اولها لاخرها ظلم فى ظلم اكيد لازم اعصاب اللعيبه تتوتر

بس انا معاكى ان كان لازم يبقى فى دور لحسام البدرى انه يلم الفرقه تانى وكمان كان لازم يكون فى دور لكابتن الفرقه اللى هو المفروض حسام غالى واللى بالرغم من انى بحبه جدا كلاعب بس مش مقتنع بيه كابتن للفريق

ومعاكى جدا انه ماكانش ينفع يخرج تريكه باى حال من الاحوال وكان يكفيه انه يشوف اخر دقيقه من ماتش الصفاقس وهو كان عرف ان ابو تريكه ممكن يفضل نايم طول الماتش وفى كوره واحده يجيب بطوله

بس بالرغم من الاخطاء الكتيره اللى بيقع فيها البدرى برضه هايفضل هو انسب واحد فى الفتره دى وماننساش ان فى عجز فى معظم مراكز الفريق ونتمنى ان شاء الله ان المشكله دى تنتهى فى اقرب وقت

احيييكى على رايك المحترم

وشكرا نور على الصور الجميله

وحسبى الله ونعم الوكيل فيك ياحياتو

منا متفقة معاكوا بردو في حكاية الظلم التحكيمي مقلتش حاجة

بس حتى ال 35 دقيقة لعب الي بتقول عليها معملناش حاجة فيها

حتى لو كانت الضربة الركنية ، صحيحة ، وانيرامو لعبها براسه بدل ايده " لو كان مهاجم رشيق "

او لو كان واقف صح

مين الي ماسك انيرامو ؟ الراس الحربة الوحيد الصريح في الترجي ، في الكورة دي

فين وائل جمعة ؟

مهو ده خطأ

اخطاء الاهلي قبل واثناء الماتش ، أكبر من خطأ الحكم

لو احنا كنا جاهزين اوي ولاعيبتنا جاهزه اوي ، والجهاز الفني كان مركز اوي

مكناش هندي للحكم فرصة ، ومهما كان عمل كنا هنكسب ، زي ما في اوقات كتيييير جدا

اتغلبنا على الجمهور والارض والتحكيم ، ايام جوزية

انيمبا النيجيري في عزه وقوته ، في نيجيريا ، لعب ونتيجة

وكسبنا على ارضهم

الصفاقسي في تونس

والخ

كنا بنلعب ونسجل ونكسب ومنسمعش عن التحكيم

مفيش الا العرجون في عودة النجم الساحلي ، وبردو الفريق كان وحش وجوزية زبط نفسه السنة

الي بعدها وغلبنا الفرق كلها وخدنا افريقيا ..


ده بالنسبة لنقطة الحكم ، انا عارفه انه كان من اول دقيقة ضد الفرقة وأثر على معنويات اللاعيبة

بس لما نقول فريق الاهلي فيه خبرات ، زي جمعة والسيد ومعوض وتريكة وبركات وعاشور

وفتحي وحتى عبد الفضيل خبرة لما كان بيلعب مع الاسماعيلي

يبقى انا مشوفتش اي خبرة ولا اي تحكم في الاعصاب في الملعب في الماتش ده

وكل ده اترجم في ضربة بركات للاعب التونسي وطرده من المباراة

- -

بالنسبة لحكاية البدري انسب واحد دي ، انا كنت بقولها اول ما مسك الاهلي

كنت فاكراه اتعلم من 10 سنين مدرب عام ، منهم 6 مع الاسطورة

بس للأسف ولا اي حاجة ، وللأسف بردو ، مكتوب علينا لنهاية السيزون

لا لرحيل البدري اثناء الموسم ، الا في حاله تكرار نتيجة اسماعيلية ، او اي هزيمة ثقيلة

وشكرا

[برنس الاهلي]

لووووول

هو كان وحش بس مش هو الي خسرنا والله :d


مش عارف ليه دايما جماهير الزمالك بتحب تقوم النادي علي الاهلي :happ:مع ان عمرنا ماتكلمنا عن نادي الزمالك
للاسف الزملكاويه خدو علي انهم يشيلو اي حد الخساره لانهم خدو عليها انما احنا فاهمين اللي بيحصل وعمرنا ماهنغير مديرين في سنه واحده

[ƒayrouź]

مش عارف ليه دايما جماهير الزمالك بتحب تقوم النادي علي الاهلي مع ان عمرنا ماتكلمنا عن نادي الزمالك
للاسف الزملكاويه خدو علي انهم يشيلو اي حد الخساره لانهم خدو عليها انما احنا فاهمين اللي بيحصل وعمرنا ماهنغير مديرين في سنه واحده

شكرا ، بس حضرتك انا مش زملكاوية الحمد لله

وممكن تختلف معايا في الرأي بس مش عشان مخالفة لرأيك تقولي زملكاوية والكلام ده

وانا مقلتش اننا نغير مديرين في سنة واحدة

وده جزء من كلامي في رد على عضو ، الرد الي قبلك على طول

لا لرحيل البدري اثناء الموسم ، الا في حاله تكرار نتيجة اسماعيلية ، او اي هزيمة ثقيلة

اظن ان مفيش حد اهلاوي وعارف الاهلي ، هيطالب بتغيير مدير فني اثناء الموسم

لانها عمرها محصلت الا في ايام النكسات ، فاكيد عارف انها عملية مستحيلة

انا كلامي كله ان منظومة الاهلي فيها خلل

واننا كان ممكن نتغلب ونقهر كل الظروف دي

لو احنا فريق قوي ومنسجم جوه الملعب وعلى الخط

انما لا اللاعيبة في حالتها ولا منسجمة ولا المدير الفني منسجم مع الفريق وعارف يديره

واقرى اخبار الاهلي الصبح على المواقع

هتلاقي لاعيبة من الاهلي صغيرين عملوا اعلانات لاتصالات تاااني

بعد المشكلة القديمة ، وهيتوقع عليهم غرامات من فودافون وهتحصل مشكلة

التخبط موجود ، ومش عشان اهلاوية لازم نشوف كل حاجة منورة وبيضة وجميلة

لا الاهلي الايام دي فيه خلل ، وان كان مش هيقترب من اي خلل من الموجود في الاندية المصرية

بس احنا دايما بنخاف على فريقنا وبنحبه يكون احسن حاجة

ومرة تانية ، انا اهلاوية : )

[MR.FeeeRooo]

منا متفقة معاكوا بردو في حكاية الظلم التحكيمي مقلتش حاجة

طب الحمد لله اننا ماختلفناش لان دى حاجه ماينفعش اى اتنين يختلفوا عليها

بس حتى ال 35 دقيقة لعب الي بتقول عليها معملناش حاجة فيها

بس على الاقل كان مستوانا احسن من الترجى وتوتر اللعيبه ساعد على اننا مانعملش حاجه

حتى لو كانت الضربة الركنية ، صحيحة ، وانيرامو لعبها براسه بدل ايده " لو كان مهاجم رشيق "

او لو كان واقف صح

ماينفعش نقيم ادااء الفريق على اساس لو حصل ولو كان ( بس مش هاختلف معاكى ان فى خلل فى الدفاع باين اوى وده من ساعة تطبيق 4/4/2 )

مين الي ماسك انيرامو ؟ الراس الحربة الوحيد الصريح في الترجي ، في الكورة دي

فين وائل جمعة ؟

مهو ده خطأ

الخطا مش فى الكوره دى بس الخطأ بيتكرر مع كل كوره ثابته وده باين اوى بقاله فتره كبيره اى كورنر اى فاول اى كوره ثابته بقت كابوس لدفاع الاهلى وجمهور الاهلى

اخطاء الاهلي قبل واثناء الماتش ، أكبر من خطأ الحكم

أزاى يعنى >>> الاخطاء موجوده وكل حاجه بس التحكيم كان فاجر ماينفعش اننا نتغاضى عنه ونقول احنا اللى غلطانين من قبل الماتش فى غلطات فنيه فى الماتش ماحدش يقدر ينكر بس اعتقد لو كان الماتش مشى طبيعى بتحكيم متزن كان الاهلى على الاقل اتعادل وده كان يكفينا

لو احنا كنا جاهزين اوي ولاعيبتنا جاهزه اوي ، والجهاز الفني كان مركز اوي

مكناش هندي للحكم فرصة ، ومهما كان عمل كنا هنكسب ، زي ما في اوقات كتيييير جدا

يعنى ايه حتى لو الحكم كان عمل ايه مش فاكره ماتش النجم الساحلى طب ماهو الفريق كان مركز اوى وكان العبقرى جوزيه معانا وكانت الامور كلها بيييييييييييييييس ومع ذلك العرجون ماكنش كويس وكانت النتيجه اننا اتغلبنا 3 مع اننا كنا الافضل فى كل حاجه

اتغلبنا على الجمهور والارض والتحكيم ، ايام جوزية
معاكى

انيمبا النيجيري في عزه وقوته ، في نيجيريا ، لعب ونتيجة

وكسبنا على ارضهم

الصفاقسي في تونس

والخ

كنا بنلعب ونسجل ونكسب ومنسمعش عن التحكيم
عشان دى طبيعة الحياه اى مكسب هايغطى على السلبيات

مفيش الا العرجون في عودة النجم الساحلي ، وبردو الفريق كان وحش وجوزية زبط نفسه السنة

الي بعدها وغلبنا الفرق كلها وخدنا افريقيا ..


ده بالنسبة لنقطة الحكم ، انا عارفه انه كان من اول دقيقة ضد الفرقة وأثر على معنويات اللاعيبة

بس لما نقول فريق الاهلي فيه خبرات ، زي جمعة والسيد ومعوض وتريكة وبركات وعاشور

وفتحي وحتى عبد الفضيل خبرة لما كان بيلعب مع الاسماعيلي

يبقى انا مشوفتش اي خبرة ولا اي تحكم في الاعصاب في الملعب في الماتش ده

وكل ده اترجم في ضربة بركات للاعب التونسي وطرده من المباراة

- -
ماحنا متفقين ان كان المفروض البدرى يلم اللعيبه واللعيبه كمان كان المفروض يبقوا متزنين اكتر من كده

بالنسبة لحكاية البدري انسب واحد دي ، انا كنت بقولها اول ما مسك الاهلي

كنت فاكراه اتعلم من 10 سنين مدرب عام ، منهم 6 مع الاسطورة

بس للأسف ولا اي حاجة ، وللأسف بردو ، مكتوب علينا لنهاية السيزون

لا لرحيل البدري اثناء الموسم ، الا في حاله تكرار نتيجة اسماعيلية ، او اي هزيمة ثقيلة

تمام البدرى ماينفعش فعلا يمشى دلوقتى والحساب يبقى فى نهاية الموسم ونشوف

وشكرا

نتمنى ان لما نيجى نقارن بين البدرى وجوزيه نقارن على اساس اللعيبه اللى كانت موجوده فى عهد جوزيه واللعيبه اللى موجوده فى عهد البدرى على اياام جوزيه ماكانش فى مشكله فى اى مركز من المراكز بالعكس كان كل مركز فى لعيب واتنين احتياطى بيغطوا اللعيب الاساسى اللى بيلعب

لكن دلوقتى فى عندنا مشكله فى راس الحربه ومافيش حراسة مرمى عدله ومافيش باك شمال غير سيد معوض حتى الباك اليمين لما احمد فتحى بيحصل له اى مشكله مابيلقيش قدامه غير عبد الفضيل وبالتالى ضاع مركز عبد الفضيل

الاهلى فى حاجه ماسه جدا لتدعيم صفوفه فلو البدرى هايصمم على 4/4/2 وده المتوقع يبقى لازم يكون فى اتنين مساكين سراااااااااااااااع + باك شمال كويس وباك يمين يكون سريع وبيلعب أووووفرات كويس

مش هانتكلم خاااااااااالص عن خط النص لاننا ماعندناش اى مشكله فيه غير ان لعيبته كتير

راس حربه لازم يكون فى اتنين راس حربه مع عماد متعب لما يرجع وفضل يبقى بديل هو وفرانسيس

بعد ده كله نقارن بين جوزيه والبدرى ونشوف هل البدرى فعلا كويس ولا ماينفعش يبقى مدير فنى لفريق بحجم الاهلى

[ƒayrouź]

الخطا مش فى الكوره دى بس الخطأ بيتكرر مع كل كوره ثابته وده باين اوى بقاله فتره كبيره اى كورنر اى فاول اى كوره ثابته بقت كابوس لدفاع الاهلى وجمهور الاهلى

متفقة جدا معاك

أزاى يعنى >>> الاخطاء موجوده وكل حاجه بس التحكيم كان فاجر ماينفعش اننا نتغاضى عنه ونقول احنا اللى غلطانين من قبل الماتش فى غلطات فنيه فى الماتش ماحدش يقدر ينكر بس اعتقد لو كان الماتش مشى طبيعى بتحكيم متزن كان الاهلى على الاقل اتعادل وده كان يكفينا

والله ده رأيي ، الاخطاء موجودة ، واخطاء التحكيم موجودة ، وبزيادة

انما انا بحط اخطاء الاهلي قبل اخطاء التحكيم ، مهما كانت نسبتها


يعنى ايه حتى لو الحكم كان عمل ايه مش فاكره ماتش النجم الساحلى طب ماهو الفريق كان مركز اوى وكان العبقرى جوزيه معانا وكانت الامور كلها بيييييييييييييييس ومع ذلك العرجون ماكنش كويس وكانت النتيجه اننا اتغلبنا 3 مع اننا كنا الافضل فى كل حاجه

التربص بالاندية والمنتخبات المصرية موجود

من فترة

المشكلة مش في العرجون ولا في الحكم الغاني

طب مهو ماتش النجم الساحلي الذهاب بتاع 0-0 الحكم محسبش ضربة جزاء لبركات واداله انذار وحرمه من النهائي

وكان بركات ساعتها في عزو

الاهلي الي ساعتها كان وحش ، وكانت قوته مقدرتش على اخطاء التحكيم ، ذهابا وعودة

انا مع الرأي الي بيقول ان بطولة افريقيا صعبة جدا ، مش لصعوبة الفرق ، بس لصعوبة التحكيم

يوم ما الاهلي بيبقى فايق جدا ، بيغلب اي فريق واي حكم ادامه ، ومهما كانت نسبة الاخطاء

ده رأيي وانا مقتنعة بيه جدا ، وعمري مهقول ان الاهلي خسر بسبب التحكيم نمبر 1

احنا كنا وحشين ، والحكم عامل مساعد


عشان دى طبيعة الحياه اى مكسب هايغطى على السلبيات

أكيد ، وعشان الاهلي ساعتها كان اقوى من ان اي حد يقف ادامه


نتمنى ان لما نيجى نقارن بين البدرى وجوزيه نقارن على اساس اللعيبه اللى كانت موجوده فى عهد جوزيه واللعيبه اللى موجوده فى عهد البدرى على اياام جوزيه ماكانش فى مشكله فى اى مركز من المراكز بالعكس كان كل مركز فى لعيب واتنين احتياطى بيغطوا اللعيب الاساسى اللى بيلعب

لكن دلوقتى فى عندنا مشكله فى راس الحربه ومافيش حراسة مرمى عدله ومافيش باك شمال غير سيد معوض حتى الباك اليمين لما احمد فتحى بيحصل له اى مشكله مابيلقيش قدامه غير عبد الفضيل وبالتالى ضاع مركز عبد الفضيل

الاهلى فى حاجه ماسه جدا لتدعيم صفوفه فلو البدرى هايصمم على 4/4/2 وده المتوقع يبقى لازم يكون فى اتنين مساكين سراااااااااااااااع + باك شمال كويس وباك يمين يكون سريع وبيلعب أووووفرات كويس

مش هانتكلم خاااااااااالص عن خط النص لاننا ماعندناش اى مشكله فيه غير ان لعيبته كتير

راس حربه لازم يكون فى اتنين راس حربه مع عماد متعب لما يرجع وفضل يبقى بديل هو وفرانسيس

بعد ده كله نقارن بين جوزيه والبدرى ونشوف هل البدرى فعلا كويس ولا ماينفعش يبقى مدير فنى لفريق بحجم الاهلى

مفيش مقارنة بين جوزية والبدري

انا بجيب بس عدة نقط وبستشهد بمواقف ايام جوزية لتوضيح الفارق الرهيب في الامكانيات

جوزية كان هو النجم بتاع الفريق ، وكل اللاعيبة سواسية

انما دلوقتي الفريق مش معروفله نجم ، والنجم باه مش نجم في الملعب وفي لخبطة

جوزيه لو حصل اعتراضات كان بينزل الملعب بنفسه يزق اللاعيبة يبعدهم عن الحكم ويزعقلهم

البدري كان بياكل في صوابعة ولاعيبة عنده على وشك الطرد

جوزية كان كل ماتش وماتش ، كل تغيير بيثبت انه مدرب كفء ، رغم كل الانتقادات الصحفية

جوزية كان بيطلع في قناة الاهلي مرة كل موسمين

البدري مقضيها لف واعلانات

البدري لا يصلح للأهلي ، وعمري مهقتنع بيه

بس مقتنعة جدا انه مينفعش يرحل في الايام دي ، لانه الوحيد الي عارف كل اللاعيبة

والي عارف كل حاجة عن الفريق

انما من ناحية المقارنة ، فمفيش مقارنة طبعا

وجوزية اخد الكاس من الصفاقسي وكان بيلعب بشيتوس واكوتي ومحمد عبد الله ومحمد صديق

وكان فيه فراغات كتيرة في الفرقة

جوزية اخد افريقيا بأمير عبد الحميد ، يعني كان في مشكلة في الحراس بردو

جوزية مكنش عنده في وقت من الاوقات في النص غير انيس بوجلبان وعاشور

جوزية كان عنده اوقات كتيرة جلبرتو بس ، وشديد قناوي بديل ليه ، ومأثبتش نفسه بالمرة

لحد مجيه سيد معوض ، واغلب الفترات كان جيلبرتو مصاب ومفيش غير سيد بردو

مشكلة الهجوم بقالها 4 شهور فقط من ساعة اصابة متعب في ماتش الاتحاد الليبي وبعدين مشكلة احترافه

قبل كدا كان بيلعب ويسجل ومفيش اي حجة للبدري

البدري عنده لاعيبة احسن من لاعيبة جوزية ، بس لحد دلوقتي مش قادر يستخدمهم

مش قادر يعمل توليفة جيدة

املنا الفترة الجايه سعيود ياخد فرصته وعفروتو وشبانة والناس دي مع الكبار ويعمل فريق قوي

ياما يرحل مع نهاية الموسم ، ونجيب مدرب اجنبي باه ، عشان بقالنا كتير ملعبناش كورة

[MR.FeeeRooo]

متفقة جدا معاك



والله ده رأيي ، الاخطاء موجودة ، واخطاء التحكيم موجودة ، وبزيادة

انما انا بحط اخطاء الاهلي قبل اخطاء التحكيم ، مهما كانت نسبتها

حتى لو الفريق فى احسن حالاته والتحكيم كان ظالم ماينفعش ... والدليل ماتش اسبانيا وكوريا ... ماتش جمل الغندور الشهير وغيره وغيره ......


التربص بالاندية والمنتخبات المصرية موجود

من فترة

المشكلة مش في العرجون ولا في الحكم الغاني

طب مهو ماتش النجم الساحلي الذهاب بتاع 0-0 الحكم محسبش ضربة جزاء لبركات واداله انذار وحرمه من النهائي

وكان بركات ساعتها في عزو

الاهلي الي ساعتها كان وحش ، وكانت قوته مقدرتش على اخطاء التحكيم ، ذهابا وعودة

انا مع الرأي الي بيقول ان بطولة افريقيا صعبة جدا ، مش لصعوبة الفرق ، بس لصعوبة التحكيم

يوم ما الاهلي بيبقى فايق جدا ، بيغلب اي فريق واي حكم ادامه ، ومهما كانت نسبة الاخطاء

ده رأيي وانا مقتنعة بيه جدا ، وعمري مهقول ان الاهلي خسر بسبب التحكيم نمبر 1

احنا كنا وحشين ، والحكم عامل مساعد

أكيد ، وعشان الاهلي ساعتها كان اقوى من ان اي حد يقف ادامه

الحكم كان وحش واحنا اللى ساعدناه ( ممكن تقولى بحاجات كتير بقى توتر فى الاداء نرفزه عمال على بطال تخلف ادارى وعدم احتواء للعيبه بالشكل المناسب )

مفيش مقارنة بين جوزية والبدري

انا بجيب بس عدة نقط وبستشهد بمواقف ايام جوزية لتوضيح الفارق الرهيب في الامكانيات

جوزية كان هو النجم بتاع الفريق ، وكل اللاعيبة سواسية
معاكى تماما

انما دلوقتي الفريق مش معروفله نجم ، والنجم باه مش نجم في الملعب وفي لخبطة

جوزيه لو حصل اعتراضات كان بينزل الملعب بنفسه يزق اللاعيبة يبعدهم عن الحكم ويزعقلهم

البدري كان بياكل في صوابعة ولاعيبة عنده على وشك الطرد

ماحنا قولنا انه ماعرفش يحتوى اللعيبه بتاعته وده قصور منه انا متفق ممعاكى

جوزية كان كل ماتش وماتش ، كل تغيير بيثبت انه مدرب كفء ، رغم كل الانتقادات الصحفية

جوزية كان بيطلع في قناة الاهلي مرة كل موسمين

البدري مقضيها لف واعلانات

مش هى دى المشكله مورينيو مقضيها تليفزيون برضه وكان بيروح يتفرج على ماتشات مصارعهوحسن ليبتون قصدى حسن شحاته كان بيعمل اعلانات الشاى وخد بطولة افريقيا هو اينعم طيرنا من كاس العالم بس اهه خد افريقيا على الاقل

البدري لا يصلح للأهلي ، وعمري مهقتنع بيه

ده رايك الشخصى .... ولازم نحترمه

ماينفعش احكم على مدير فنى لمجرد انه خرج من بطوله بظلم تحكيمى( وانتى نفسك قولتى ان كان فى ظلم ) وعنده عجز فى معظم مراكز الفريق

انا ولا معاه ولا ضده بس انا بحط الظروف المحيطه بيه دلوقتى وبحط الظروف اللى كانت موجوده ايام جوزه قدام عينى

وعلى كل نحكم عليه فى نهاية الموسم ونشوف هل ينفع ولا لا

بس مقتنعة جدا انه مينفعش يرحل في الايام دي ، لانه الوحيد الي عارف كل اللاعيبة

والي عارف كل حاجة عن الفريق

الله ينور عليييييكى

انما من ناحية المقارنة ، فمفيش مقارنة طبعا

جوزيه كان ظاهره صعب تتكرر لكن هو ده حال الدنيا ربنا يبارك لللتحاد السعودى فيه

وجوزية اخد الكاس من الصفاقسي وكان بيلعب بشيتوس واكوتي ومحمد عبد الله ومحمد صديق

وكان فيه فراغات كتيرة في الفرقة

بس خدى بالك ان ماتش الصفاقس اتقلب 360 درجه بعد ماشيتوس نزل يعنى شيتوس كان قوه اضافيه مش عاله على الفريق بصى لو عاوزه تقارنى بين الاتنين شوفى الناس اللى كانت مع جوزيه وقتها عامله ازاى والناس اللى مع البدرى عامله ازاى بمعنى هافترض معاكى ان ماكانش فى لعيبه كتير على ايام جوزيه بس برضه اللعيبه اللى كانت موجوده دى كانت ساده الفراغ فى كل الامكان يعنى ماكانش حد يحس اننا عندنا مشكله ولا فى حراسة مرمى ولا فى دفاع ولا فى خط نص ولا فى هجوم لكن دلوقتى فى نجوم متير بس كلهم فى خط النص وباقى المراكز فيهم مشاكل وده مش انصاف انى احكم على مدير فنى وهو عنده النقص ده كله واقارنه بواحد هو فعلا اعلى منه فنيا وده واقع وكمان كان معاه نجوم تسد عين الشمس مش تسد مراكز الفريق بس فاحنا حرام نطلب من البدرى انه يجيب لنا كل اللى جابه جوزيه

جوزية اخد افريقيا بأمير عبد الحميد ، يعني كان في مشكلة في الحراس بردو

كان موجود دفاع قوى وكان جوزيه بيلعب بليبرو لكن احنا بنقول دلوقتى مافيش دفاع كويس وحراسة المرمى مش كويسه يعنى الدنيا خرابه ورا

جوزية مكنش عنده في وقت من الاوقات في النص غير انيس بوجلبان وعاشور

جوزيه كان معاه بوجلبان وعاشور وحسن مصطفى وشوقى ولما شوقى مشى كان فى ناس شايله خط النص وكمان انا ماتكلمتش عن خط النص دلوقتى انا بقول انه اقوى خطوط الاهلى دلوقتى ولو الاهلى هجومه اتظبط ودفاعه هايبقى اقولى فريق بلا منازع .. وحتى لو ماكانش معاه غير انيس وعاشور فالاتنين دول مع باقى الفريق كانو منظومه متاكلمله تساعد اى مدرب

جوزية كان عنده اوقات كتيرة جلبرتو بس ، وشديد قناوي بديل ليه ، ومأثبتش نفسه بالمرة

انا مش مع الناس اللى بتقول ان شديد قناوى كان وحش فى الاهلى وبجد احنا خسرناه

لحد مجيه سيد معوض ، واغلب الفترات كان جيلبرتو مصاب ومفيش غير سيد بردو

ماهى دى هى الفتره اللى موجود فيها البدرى بداية ماجيلبرتو بدا يتصاب ومابقاش موجود غير سيد وغير كده سيد كان لسه فى الاول كان جاى مرتاح لكن اول لما جه الاهلى ولقى الضغط عليه بالشكل ده منتخب ودورى وافريقيا بدأ يهنج

مشكلة الهجوم بقالها 4 شهور فقط من ساعة اصابة متعب في ماتش الاتحاد الليبي وبعدين مشكلة احترافه

قبل كدا كان بيلعب ويسجل ومفيش اي حجة للبدري

البدري عنده لاعيبة احسن من لاعيبة جوزية ، بس لحد دلوقتي مش قادر يستخدمهم

مش قادر يعمل توليفة جيدة

فين ده ؟؟؟!!!! ابو تريكه مش هو تريكه جوزيه ولا بركات هو بركات جوزيه وفلافيو مش موجود ومحمد شوقى يعتبر مش موجود والحضرى راح فى داهيه وشادى مشى ومتعب لسه مش موجود وجيلبرتو خلاص كلته القطه

انا معاكى ان دلوقتى فى نجوم فى الاهلى بس كلهم يا إما عمرهم اتقدم ومابقوش زى وقت جوزيه يا إما راجعين من فترة نقاهه طويله اوووووووى زى حسام وشوقى ياإما لسه ماعنهمش خبره غير ان كل النجوم متركزين فى خط النص وباقى المراكز مافيييش

املنا الفترة الجايه سعيود ياخد فرصته وعفروتو وشبانة والناس دي مع الكبار ويعمل فريق قوي

معاكى مليون فى الميه سعيود لازم يلعب موهبه فاذه والاهلى هايستفاد منه كتير وعفروتو ان شاء الله هايبقى اضافه قويه جدا ... شبانه ماقدرش احكم عليه دلوقتى

ياما يرحل مع نهاية الموسم ، ونجيب مدرب اجنبي باه ، عشان بقالنا كتير ملعبناش كورة

ههههههه خلاااص نجيب مدرب أجنبى بأه انتى تؤمرى

[برنس الاهلي]

شكرا ، بس حضرتك انا مش زملكاوية الحمد لله

وممكن تختلف معايا في الرأي بس مش عشان مخالفة لرأيك تقولي زملكاوية والكلام ده

وانا مقلتش اننا نغير مديرين في سنة واحدة

وده جزء من كلامي في رد على عضو ، الرد الي قبلك على طول

'طيب الحمد لله انك اهلاويه http://www.ahlydevils.com/vb/images/smilies/ad/AD%20%2868%29.gif

اظن ان مفيش حد اهلاوي وعارف الاهلي ، هيطالب بتغيير مدير فني اثناء الموسم

لانها عمرها محصلت الا في ايام النكسات ، فاكيد عارف انها عملية مستحيلة

انا كلامي كله ان منظومة الاهلي فيها خلل
واننا كان ممكن نتغلب ونقهر كل الظروف دي

لو احنا فريق قوي ومنسجم جوه الملعب وعلى الخط

انما لا اللاعيبة في حالتها ولا منسجمة ولا المدير الفني منسجم مع الفريق وعارف يديره

واقرى اخبار الاهلي الصبح على المواقع

هتلاقي لاعيبة من الاهلي صغيرين عملوا اعلانات لاتصالات تاااني

بعد المشكلة القديمة ، وهيتوقع عليهم غرامات من فودافون وهتحصل مشكلة

التخبط موجود ، ومش عشان اهلاوية لازم نشوف كل حاجة منورة وبيضة وجميلة

لا الاهلي الايام دي فيه خلل ، وان كان مش هيقترب من اي خلل من الموجود في الاندية المصرية

بس احنا دايما بنخاف على فريقنا وبنحبه يكون احسن حاجة

ومرة تانية ، انا اهلاوية : )

فين الخلل؟ الاهلي في مرحله احلال وتجديد وخد الدوري والكاس وسيمي فاينل ابطال افريقيا
مورينيو لما مسك الريال وهيا فيها نجوم العالم قال مش هوعدكم ببطوله قبل موسمين من دلوقتي
في الموسم التالت طالبوني باول بطوله ليا
الاهلي فيه نخبه من نجوم مصر مش نجوم العالم
الاعيبه بتلعب مع المنتخب ومع النادي لحد مهيموتو من كتر الاجهاد
الاعلام كل يومين يدبحلو واحد من نجوم النادي والجهاز الفني
الجماهير نفسها حافظه ومش فاهمه :happ:
يا جماعه اوزنو الكلام واحترمو عقليه القارئ ازاي مفيش انسجام ده البدري في النادي من حاجه وعشرين سنه
لاعب مساعد مدرب مدير فني الانسجام بين الاعيبه والجهاز موجود
واكبر دليل علي كده ان الكلام قل عن ايام جوزيه مع الاعلام عن عاوز العب عاوز امشي والحوارات دي مشوفناش غير احمد بلال واينو وواحد فيهم راجع من اصابه والتاني كان بيشطب كوره
مشكله الاعلانات دي ملهاش دعوه بالبدري ولا بالاعيبه
وكيل الاعب بيقوله اعمل كذا بيعمل منغير نقاش لان دي شغله وكيل الاعب وبلاش نعمل ازمه منغير لازمه

[ƒayrouź]

ماكانش فى لعيبه كتير على ايام جوزيه بس برضه اللعيبه اللى كانت موجوده دى كانت ساده الفراغ فى كل الامكان يعنى ماكانش حد يحس اننا عندنا مشكله ولا فى حراسة مرمى ولا فى دفاع ولا فى خط نص ولا فى هجوم لكن دلوقتى فى نجوم متير بس كلهم فى خط النص وباقى المراكز فيهم مشاكل وده مش انصاف انى احكم على مدير فنى وهو عنده النقص ده كله واقارنه بواحد هو فعلا اعلى منه فنيا وده واقع وكمان كان معاه نجوم تسد عين الشمس مش تسد مراكز الفريق بس فاحنا حرام نطلب من البدرى انه يجيب لنا كل اللى جابه جوزيه

كلامك ده يثبت صحة وجهة نظري ، ان العيب مش في اللاعيبة ، العيب في المسئول عن اللاعيبة دي

مفيش ولا لاعيب في الاهلي في حالته ، الا عبد الفضيل على فترات وفتحي بردو ، الباقي كله متذبذب

اكيد العيب مش في اللاعيبة كلها

وبعدين طالما بنتكلم عن الاخطاء ، مهو كون ان اغلب لاعيبتنا خط وسط ده خطأ اداري فادح

كان لازم نلاقي بديل اول مفلافيو مشي ، فضلنا على متعب متعب متعب ولما كان بيغيب بتبقى مشكلة

لحد ما متعب مشي ، مجبناش بديل بردوووو

بس بردو توظيف اللاعيبة خطأ ، البدري مش قادر يوظفهم ، معندوش مهارات مدربين

لاعيبة عايزة ترجع مستواها ، ومش لاقيه حد يساعدها ، زي تريكة وحسام غالي

يلاعب اينو في الدوري ويقيد شوقي في افريقيا

والله الراجل ده بيعمل بلاوي في الاهلي ، وياريت يمشي اخر السيزون ، ومحدش هيمشيه والدوري شغال متقلقش :d


ههههههه خلاااص نجيب مدرب أجنبى بأه انتى تؤمرى

هو ده الحــل :$


فين الخلل؟ الاهلي في مرحله احلال وتجديد وخد الدوري والكاس وسيمي فاينل ابطال افريقيا
مورينيو لما مسك الريال وهيا فيها نجوم العالم قال مش هوعدكم ببطوله قبل موسمين من دلوقتي
في الموسم التالت طالبوني باول بطوله ليا
الاهلي فيه نخبه من نجوم مصر مش نجوم العالم
الاعيبه بتلعب مع المنتخب ومع النادي لحد مهيموتو من كتر الاجهاد
الاعلام كل يومين يدبحلو واحد من نجوم النادي والجهاز الفني
الجماهير نفسها حافظه ومش فاهمه
يا جماعه اوزنو الكلام واحترمو عقليه القارئ ازاي مفيش انسجام ده البدري في النادي من حاجه وعشرين سنه
لاعب مساعد مدرب مدير فني الانسجام بين الاعيبه والجهاز موجود
واكبر دليل علي كده ان الكلام قل عن ايام جوزيه مع الاعلام عن عاوز العب عاوز امشي والحوارات دي مشوفناش غير احمد بلال واينو وواحد فيهم راجع من اصابه والتاني كان بيشطب كوره
مشكله الاعلانات دي ملهاش دعوه بالبدري ولا بالاعيبه
وكيل الاعب بيقوله اعمل كذا بيعمل منغير نقاش لان دي شغله وكيل الاعب وبلاش نعمل ازمه منغير لازمه






اولا الاهلي ياخد الدوري ، دي حاجة طبيعية ، مش بحسه انجاز

ثانيا احنا خسرنا الكاس بضربات الجزاء مأخدناش الكاس

ثالثا انا مش كل اهدافي اننا نروح سيمي فاينل افريقيا

رابعا انا مبحبش اخفي مشاكل موجودة بالفعل

خامسا حكاية الاعلانات دي ملهاش دعوة بوكيل اللاعب

اعلان اتصالات ده اللاعيبة بتلجأ ليه ، لان فودافون عاملة حظر على كل لاعيبة الاهلي

الاعلانات تبقى ليها هيا بس مش لشركة منافسة ، وفي نفس الوقت بتخلي النجوم بس هم الي يعملوا اعلانات

ففي لاعيبة بتطمع ، وبتبقى عايزه فلوس الاعلانات ، والكلام ده بيبقى ضغط على اللاعيبة من الشركة نفسها

وبيحاولوا يخلوهم يصوروا الاعلان ويوعدوهم بفلوس كتير وتغطية قيمة الغرامة المتوقعة عليهم والي هيا نص مليون جنيه تقريبا

ويخلوهم يخالفوا التعليمات ويوقعوا على الاعلانات بتاعت الشركة المنافسة للشركة الراعية للأهلي

كل ده خلل اداري ، وخلل تنظيمي .. والي ينكره يبقى من نوعية الجمهور

الي مش بيشوف غير ان الاهلي حديد والباقي بسكويت والجو ده

بالنسبة للتفاهم بين الجهاز الفني بقيادة البدري وبين اللاعيبة

فانت بتقول انه فيه انسجام وبتدلل بأدلة غريبة

ايه الي جاب ان البدري بقاله حاجة وعشرين سنة في الاهلي

وبين انه مش عارف يجهز لاعيب جايله من اول السنة ، زي محمد شوقي عشان يستفيد بيه في افريقيا

ده مثال واحد

ايه الي جاب ان البدري بقاله عشرين سنة في الاهلي ونتايجه وهو مدرب دلوقتي بالشكل ده ؟

تاريخ البدري على عيني وعلى راسي ، ولو انه معملش شيء يذكر وهو لاعيب بحكم الاصابة

بس البدري مدرب عام مش مدير فني

وملوش اي خبرات ولا كورسات تدريبية ولا مهارات في التدريب ، مبنشوفش ده في الملعب

مش جرئ وبيخاف يخسر كتير ، مع انه معاه احسن لاعيبة في مصر وافريقيا

الاهلي وحش ، وان كنت على امل بعد مخرجنا من افريقيا ، والبدري خلع منها بشياكة وكلها جابها عالحكم

انه يبدأ مرحله جديده لحد اخر الموسم ، معندوش غير الدوري والكاس ، زينا زي الجونة

وعلى امل بردو انه يرحل مع نهاية الدوري ده

[ساجد]

فى اعضاء كتير فى المنتدى مقنعين
وعملين انفسهم اهلويه وفاهمين كوره
لكن خليها ع لله
حكايه بيخه ومفهومه

[ƒayrouź]

فى اعضاء كتير فى المنتدى مقنعين
وعملين انفسهم اهلويه وفاهمين كوره
لكن خليها ع لله
حكايه بيخه ومفهومه

ليه بس كدا مهي الناس بتتكلم اهي وتمام وكلهم ما شاء الله بيفهموا كويس

رغم ان اغلب التوبيكات الي شغالة مسابقات وعد من 1 ل 5 وكدا بس في ناس كتير انا ملاحظه بتفهم

في الكورة كويس اوي

[برنس الاهلي]

اولا الاهلي ياخد الدوري ، دي حاجة طبيعية ، مش بحسه انجاز
لا طبعا انجاز بالنسبه لفريق بيلعب بخطه جديده ودخله عناصر جديده
لو تلاحظي طريقه لعب الاهلي مع اي فريق اجنبي ايام جوزيه او قبل حتي جوزيه 3/5/1/1طريقه اعمل حيطه واستخبي وراها ونلعب بقي علي امل ان كوره تترفع ييجي منها جول في اي وقت
البدري بيطور فكر الاعيبه وهوا معزور لان لاعيبته كتير منهم فوق ال30 سنه مش هيستوعبو الكلام ده بس عمل خطوه كويسه مع الناشئين هيكونو مستقبل النادي ال10 سنين الجيين

ثانيا احنا خسرنا الكاس بضربات الجزاء مأخدناش الكاس
سوري جت اوت ايوه خسرنا الكاس بس طلعنا الزمالك اول ماتش ده لوحده انجاز 3/1 في الزمالك سكور مش شويه

رابعا انا مبحبش اخفي مشاكل موجودة بالفعل
طب هيا فين المشاكل لو الحكم مكنش حسب جول اينرامو مكناش هنشوف المشاكل دي يعني :smile:
خامسا حكاية الاعلانات دي ملهاش دعوة بوكيل اللاعب
لا ازاي دي بتاعه وكيل الاعب
وهو الاعب يعرف ايه علشان يتكلم مع الشركات
اعلان اتصالات ده اللاعيبة بتلجأ ليه ، لان فودافون عاملة حظر على كل لاعيبة الاهلي

الاعلانات تبقى ليها هيا بس مش لشركة منافسة ، وفي نفس الوقت بتخلي النجوم بس هم الي يعملوا اعلانات

ففي لاعيبة بتطمع ، وبتبقى عايزه فلوس الاعلانات ، والكلام ده بيبقى ضغط على اللاعيبة من الشركة نفسها

وبيحاولوا يخلوهم يصوروا الاعلان ويوعدوهم بفلوس كتير وتغطية قيمة الغرامة المتوقعة عليهم والي هيا نص مليون جنيه تقريبا

ويخلوهم يخالفوا التعليمات ويوقعوا على الاعلانات بتاعت الشركة المنافسة للشركة الراعية للأهلي

كل ده خلل اداري ، وخلل تنظيمي .. والي ينكره يبقى من نوعية الجمهور

الي مش بيشوف غير ان الاهلي حديد والباقي بسكويت والجو ده
بما ان حسن شحاته في الموضوع
افتكر ان الاعلان متصور بتيشرت منتخب مصر يعني الاهلي بره الموضوع
وموضوع خلل خلل اللي مركزه عليه ده مش موجود في الاهلي علي فكره
بصي في الدوري المصري وهاتيلي فريق واحد في استقرار اداري زي النادي الاهلي احنا عندنا احسن اداره في مصر ومعلش يعني موضوع غير قابل للنقاش خلينا نتكلم في الكوره لان موضوع الاداره ده مسلم بيه لا محتاج كلامي ولا كلامك
بالنسبة للتفاهم بين الجهاز الفني بقيادة البدري وبين اللاعيبة

فانت بتقول انه فيه انسجام وبتدلل بأدلة غريبة

ايه الي جاب ان البدري بقاله حاجة وعشرين سنة في الاهلي

وبين انه مش عارف يجهز لاعيب جايله من اول السنة ، زي محمد شوقي عشان يستفيد بيه في افريقيا

ده مثال واحد
جميل جينا لموضوع محمد شوقي
محمد شوقي بقاله سنتين مبيلعبش وافتكر انه محضرش العسكر التاهيلي اللي كان معمول بدايه الموسم
البدري بيحاول يشركه في كل اللقاءات الوديه علشان يرجع مستواه
ولو انتي تقصدي انه يديله ماتشات رسميه دلوقتي ده مينفعش طبعا علشان الجمهور ميكرهش الاعب لان مستواه تحت خالص ومفيش اكتر من انه متسجل افريقي كمان يعني اي وقت كان يبقي جاهز كان هيلعب
وموضوع محمد شوقي ده بتاعه هوا اولا واخيرا هوا اللي مبيجتهدش علشان يلعب
ايه الي جاب ان البدري بقاله عشرين سنة في الاهلي ونتايجه وهو مدرب دلوقتي بالشكل ده ؟
انتي فاهمه التدريب غلط علي فكره :happ:
انتي بتتكلمي في التفاهم ولا الفنيات ؟
تاريخ البدري على عيني وعلى راسي ، ولو انه معملش شيء يذكر وهو لاعيب بحكم الاصابة
والله مشوفتوش كلاعب كنت صغير ساعتها بس اسمع انه كان كويس جدا
بس البدري مدرب عام مش مدير فني

وملوش اي خبرات ولا كورسات تدريبية ولا مهارات في التدريب ، مبنشوفش ده في الملعب
لا هوا خد اكتر من كورس في مناطق كتير وخد كورس في مانشيستر يونايتد انا فاكر الموضوع ده
مش جرئ وبيخاف يخسر كتير ، مع انه معاه احسن لاعيبة في مصر وافريقيا

الاهلي وحش ، وان كنت على امل بعد مخرجنا من افريقيا ، والبدري خلع منها بشياكة وكلها جابها عالحكم

انه يبدأ مرحله جديده لحد اخر الموسم ، معندوش غير الدوري والكاس ، زينا زي الجونة

وعلى امل بردو انه يرحل مع نهاية الدوري ده

بصي بالنسبه لموضوع الفنيات وكده البدري بيعمل اكتر من اللي عليه بشهاده كل الاعيبه
حتي في الضربات الثابته اللي مبهدله مصر كلها
بيشرحلهم قبل كل ماتش في الضربات السابته كذا هييمسك كذا وكل واحد بالاسماء عالصبوره بالاماكن في مختلف الضربات الثابته
اللاعيبه اللي مبتركزش طول الماتش ودي عاده الاعب المصري مش بتاعه مدرب
خلينا مننساش ان النادي بيمر بازمه ماليه مينفعش يشتري لاعيبه تسدله ثغرات موجوده
خلينا مننساش ان في لاعيبه زي وائل جمعه وابو تريكه بقالهم اكتر من خمس سنين مخدوش اجازه
الراجل بيخلق فلوس للنادي بالناشئين بتوعه مشوفنهاش قبل كده
بالنسبه لانك بتقولي كنتي مستنيه استقاله البدري
اقل رد ده النادي الاهلي ولو مستنيه الموضوع ده يبقي هتستني علي طول

[ƒayrouź]

لا طبعا انجاز بالنسبه لفريق بيلعب بخطه جديده ودخله عناصر جديده
لو تلاحظي طريقه لعب الاهلي مع اي فريق اجنبي ايام جوزيه او قبل حتي جوزيه 3/5/1/1طريقه اعمل حيطه واستخبي وراها ونلعب بقي علي امل ان كوره تترفع ييجي منها جول في اي وقت
البدري بيطور فكر الاعيبه وهوا معزور لان لاعيبته كتير منهم فوق ال30 سنه مش هيستوعبو الكلام ده بس عمل خطوه كويسه مع الناشئين هيكونو مستقبل النادي ال10 سنين الجيين

مهو ده الكلام الي ملوش أي اثبات ، خطة جديدة دي الحجة بتاعت البليد يعني ؟

مش هيعرف يطبق الخطة مش عايزينها ، ومفيش اي تطور في تطبيق الخطة

شوية لاعيبة لو غابوا عن الملعب بنشيل بالتلاتة والاربعة ، واخرها ماتش الاسماعيلي

والحجة ، بنلعب بالاحتياطي

شباب وناشئين ، فين دول ؟

شكري لحد دلوقتي مأثبتش نفسه وكذلك طلعت وكذلك عفروتو ، وحتى لو فيهم حد ممكن يظهر

مبياخدوش الفرص

مفيش الا طلعت الي بياخد فرص كتيرة ومبيستغلهاش

سنتين مع البدري اهو ، ومشوفتش منه حاجة غير شهاب ، وبحالات

ايمن اشرف ، قولنا خامة كويسة ، سيد اتصاب ، شريف باه يلعب باك شمال ، طب فين ايمن اشرف ؟ مفيش

وبعدين كلامك عن طريقة 3-4-3 سئ جدا

الطريقه دي الي خدنا بيها كل البطولات ولعبنا حلو في كاس العالم وخدنا تالت العالم

الطريقه دي الي بيلعب بيها مع الاتحاد السعودي دلوقتي وبيحقق نفس النجاح الي حققه مع الاهلي

وطريقه 4-4-2 مش وحشة ، بس البدري ملعبش بيها وهو لاعب

ملعبش بيها وهو مدرب عام

على أي اساس طبقها اول ممسك الاهلي ؟

اقولك انا ، عشان لما يحصل هزائم متتالية ، يقول الخطة واللاعيبة لسه مستوعبتهاش

طب مانت معندكش لاعيبة تستوعبها او لاعيبتك سنها كبير ، العب بالي تكسب بيه !

انما لو كسب بطريقه 3-4-3 هيقولوا ده بقية اثار جوزية

فهو قال لن اعيش في جلباب جوزية ، واهو لو نجحت ومشيت معايا هيتنسب النجاح ليا

ولا هو لعب بيها ولا هو دربها ، ولا خد كورسات تدريبية فيها ولا اي حاجة

اللعب عشوائي ، مفيش جمل بتتنفذ ، مفيش شكل للأهلي

شخصية الاهلي في الملعب بتتمحي ، واحنا قاعدين بنردد كلام ورا ناس بواقع مصلحة الاهلي

او بواقع ان طالما الي ادامنا بيتكلم عن الاهلي وبيطلع فيه عيوب ، يبقى هو زملكاوي !!


سوري جت اوت ايوه خسرنا الكاس بس طلعنا الزمالك اول ماتش ده لوحده انجاز 3/1 في الزمالك سكور مش شويه

اننا نكسب الزمالك ده انجاز !!

احنا وصلنا للدرجة دي من التدنى في الطموح !!

لا تعليق بجد


طب هيا فين المشاكل لو الحكم مكنش حسب جول اينرامو مكناش هنشوف المشاكل دي يعني

مين قال

شكل حضرتك مش متابع !!

المشاكل موجودة من قبل الماتش اصلا ، وكل الناس بتتكلم الفترة الاخيرة عن الاهلي ومشاكله

تعثره في الدوري ، نتائجة المخيبة في افريقيا ، كل ده بالنسبة ليك مش مشاكل !

انت ملخص الاهلي حاليا ، في انه نادي كان هيروح النهائي لولا لمسة يد لمهاجم

مع انها مش كدا خالص

انت منفض لان الاهلي في دوري المجموعات ، مكسبش غير الاسماعيلي في القاهرة وبهدف مشكوك فيه

وهارتلاند النيجيري ، وخسرت من الشبيبة هناك واتعادلت هنا ، واتعادلت مع هارتلاند هناك

وخسرت من الاتحاد الليبي هناك وخسرت من اول فرقة لعبتها بره ارضك

ده غير 4 ماتشات دوري منهم 2 تعادل و 2 مكسب بلا طعم ، باستثناء اخر ربع ساعة في الانتاج

كل ده والاهلي مفهوش مشاكل فنية ؟

مش عارفه اقولك كلامك استفزني ازاي


بما ان حسن شحاته في الموضوع
افتكر ان الاعلان متصور بتيشرت منتخب مصر يعني الاهلي بره الموضوع
وموضوع خلل خلل اللي مركزه عليه ده مش موجود في الاهلي علي فكره
بصي في الدوري المصري وهاتيلي فريق واحد في استقرار اداري زي النادي الاهلي احنا عندنا احسن اداره في مصر ومعلش يعني موضوع غير قابل للنقاش خلينا نتكلم في الكوره لان موضوع الاداره ده مسلم بيه لا محتاج كلامي ولا كلامك

انا مليش دعوة بالدوري المصري !!

انا مش طموحي كاس مصر والدوري المصري

احنا كنا بنبص للعالمية

وموضوع الادارة فاق حده ، الادارة دي بتغلط زي ما أي ادارة بتغلط

اه احنا ادارتنا انضج من اي ادارة في الدوري المصري

بس بتغلط بردو ، وحاليا فيها خلل

وأي ادارة اي نادي في اوروبا معرضة للاخطاء والخلل ، ايه مشكلتك يعني

مش عايز تتكلم فيها انت حر ، بس متقوليش مش محتاجة كلامك

انا خايفه على فريقي وبحب اتناقش في الحلول عشان نفوق من الي احنا فيه ونرجع للانتصارات


جميل جينا لموضوع محمد شوقي
محمد شوقي بقاله سنتين مبيلعبش وافتكر انه محضرش العسكر التاهيلي اللي كان معمول بدايه الموسم
البدري بيحاول يشركه في كل اللقاءات الوديه علشان يرجع مستواه
ولو انتي تقصدي انه يديله ماتشات رسميه دلوقتي ده مينفعش طبعا علشان الجمهور ميكرهش الاعب لان مستواه تحت خالص ومفيش اكتر من انه متسجل افريقي كمان يعني اي وقت كان يبقي جاهز كان هيلعب
وموضوع محمد شوقي ده بتاعه هوا اولا واخيرا هوا اللي مبيجتهدش علشان يلعب

ههههههههههه ، ولما هو كدا اتقيد في افريقيا ليه

على سبيل الاحتياط ؟

مهو عندنا اينو على الاقل مبقالوش سنتين ، دول هما 6 شهور

كان يتقيد ويفيدنا في ماتش زي الترجي بحيويته وتسديداته وسرعته

انت للأسف بتدافع عن لاشئ

انتي فاهمه التدريب غلط علي فكره
انتي بتتكلمي في التفاهم ولا الفنيات ؟

وهو ان المدرب يبقى متفاهم مع اللاعيبة ومتواصل معاهم وقريب ليهم وبينفذوا تعليماته وبتنجح

ده مش فنيات وتدريب ؟

وبعدين مين حضرتك عشان تقولي انتي فاهمة التدريب غلط : ) ؟؟


لا هوا خد اكتر من كورس في مناطق كتير وخد كورس في مانشيستر يونايتد انا فاكر الموضوع ده

ولا كورس ولا حاجة ، مدرسش فترة كدا وقعد ودرس وذاكر ، وازاي يتعامل مع نفسيات اللاعبين والخ

كان كل مالاهلي يلاعب فريق اوروبي يحضر تمرينه ، مؤتمر كدا ، بس مدرسش كورة حسام البدري

ولو اخد من ورانا ، مش باين عليه !


بصي بالنسبه لموضوع الفنيات وكده البدري بيعمل اكتر من اللي عليه بشهاده كل الاعيبه
حتي في الضربات الثابته اللي مبهدله مصر كلها
بيشرحلهم قبل كل ماتش في الضربات السابته كذا هييمسك كذا وكل واحد بالاسماء عالصبوره بالاماكن في مختلف الضربات الثابته
اللاعيبه اللي مبتركزش طول الماتش ودي عاده الاعب المصري مش بتاعه مدرب
خلينا مننساش ان النادي بيمر بازمه ماليه مينفعش يشتري لاعيبه تسدله ثغرات موجوده
خلينا مننساش ان في لاعيبه زي وائل جمعه وابو تريكه بقالهم اكتر من خمس سنين مخدوش اجازه
الراجل بيخلق فلوس للنادي بالناشئين بتوعه مشوفنهاش قبل كده
بالنسبه لانك بتقولي كنتي مستنيه استقاله البدري
اقل رد ده النادي الاهلي ولو مستنيه الموضوع ده يبقي هتستني علي طول

يا راجل

داحنا ياما خدنا على افانا من الضربات الركنية دي

وتبقى غلط اللاعيبة بردو

البدري ممكن يكون بيجتهد ، بس مش عاااارف يصلح ويعالج اخطاء الفريق

ومتجبش الغلط على اللاعيبة في حاجة وتبرأهم في حاجة تانية

انت بتقول اللاعيبة دي كتر خيرها وبتلعب في المنتخب والدوري وافريقيا

وبعدين تقول الغلط مش عالبدري الغلط على اللاعيبة

لا الغلط مشترك ، بين الاتنين ، بس لازم نحس ان في معالجة للاخطاء اول بأول ، وانا مش شايفة ده

- - -

متأسفة جدا للي هقوله ، بس واضح ان فكر حضرتك ، ان الاهلي حديد ، و الدنيا بمبي

فلو حسيت في ردك على كلامي لو تكرمك ورديت يعني ان فعلا ده فكرك

انا مش هرد على كلامك

لاني بتناقش في مشاكل موجودة فعلا ، سواء بنكسب او بنتعادل او بنخسر

مش بتناقش في مشاكل ولا مفيش !!!

[برنس الاهلي]

مهو ده الكلام الي ملوش أي اثبات ، خطة جديدة دي الحجة بتاعت البليد يعني ؟
اللي هوا ازاي يعني 4/4/2 حجه بليد ما علينا

مش هيعرف يطبق الخطة مش عايزينها ، ومفيش اي تطور في تطبيق الخطة
ايوه حضرتك مش عاوزاها بس انا نفسي ارفع راسي وانا بتفرج للاهلي وهوا مع فريق اجنبي
مش الفريق كله يدافع ونلعب علي مرتده كل شوط ويمكن تيجي ويمكن متجيش
شوية لاعيبة لو غابوا عن الملعب بنشيل بالتلاتة والاربعة ، واخرها ماتش الاسماعيلي

والحجة ، بنلعب بالاحتياطي
لا مفيش حجه بس ماتش ملوش اي لازمه ولا هيقدم ولا هياخر الاعيبه لازم تخاف علي نفسها في المعب علشان داخلين علي ماتش مهم وتعتبره تدريب للماتش الجي
وبعدين ما الاهلي مع جوزيه خسر من الاسماعيلي بنفس النتيجه في ماتش مهم
شباب وناشئين ، فين دول ؟
يااااااااااااه كتيير وبيجيلهم عروض دلوقتي ولو استمرينا بالطريقه دي الاهلي هيدخله ملايين كتير
شكري لحد دلوقتي مأثبتش نفسه وكذلك طلعت وكذلك عفروتو ، وحتى لو فيهم حد ممكن يظهر
شكري ازاي ماثبتش نفسه الراجل كل ماتش بينزل فيه بيادي بشكل كويس جدا
مش فاهم ممكن يثبت نفسه ازاي :happ:
مبياخدوش الفرص
احنا بنتفرج علي الدوري المصري من 20 سنه مشوفناش نماشئين بتشارك في الاهلي غير السنتين دول
ازاي مبياخدوش فرص مش فاهم ده كل الشباب اللي صعدو الفريق الاول كلهم اتشهرو خلاص
مفيش الا طلعت الي بياخد فرص كتيرة ومبيستغلهاش
طلعت خامه كويسه جدا يتفوق علي متعب في المهاره ويتميز عنه بالطول والسرعه
ينقصه شويه خبره وخشونه وهيبقي احسن مهاجم في مصر
سنتين مع البدري اهو ، ومشوفتش منه حاجة غير شهاب ، وبحالات
لا تعليق تاخدي النضاره بتاعتي :smile:
ايمن اشرف ، قولنا خامة كويسة ، سيد اتصاب ، شريف باه يلعب باك شمال ، طب فين ايمن اشرف ؟ مفيش
مهو انتي مش بتدربي الفريق في حاجه اسمها الاعب ده فورمه ولا لا
وبعدين الماتشات اللي فاتت متسمحش للبدري يقدم ايمن اشرف للجمهور علشان هيعمل زي جوزيه لما حرق جيل كامل من الناشئين لما لعبهم ماتش فيه 9 ناشئين ومشوفناهمش تاني
وبعدين كلامك عن طريقة 3-4-3 سئ جدا
والله علي قدي انا بتكلم علي اللي كنت بلاحظه وانا مش دارس الكلام ده بس الحمد لله بفهم كويس فيه
الطريقه دي الي خدنا بيها كل البطولات ولعبنا حلو في كاس العالم وخدنا تالت العالم
:happ: معنديش مشكله في كل ده بس امتي لعبنا حلو دي
الطريقه دي الي بيلعب بيها مع الاتحاد السعودي دلوقتي وبيحقق نفس النجاح الي حققه مع الاهلي
ربنا يعينه بس هوا الدوري السعودي ده دوري اصلا؟
وطريقه 4-4-2 مش وحشة ، بس البدري ملعبش بيها وهو لاعب

ملعبش بيها وهو مدرب عام
ومين لعب 4/4/2 اصلا وبيدرب دلوقتي ؟
مع العلم ان العالم كله بيلعب 4/4/2
على أي اساس طبقها اول ممسك الاهلي ؟
علشان يطور الكوره في مصر
اقولك انا ، عشان لما يحصل هزائم متتالية ، يقول الخطة واللاعيبة لسه مستوعبتهاش
يا راجل في كده والنبي
ده كلام ناس بتهاجم وخلاص
طب مانت معندكش لاعيبة تستوعبها او لاعيبتك سنها كبير ، العب بالي تكسب بيه !
لا طبعا الاعيبه دي بتعتزل وده انسب وقت يطبق فيه خطه جديده علشان يصعد شباب مع الكبار ياخدو منهم خبره ويحتكو مع احسن لاعيبه في الجيل ده وهما بيخلصو
انما لو كسب بطريقه 3-4-3 هيقولوا ده بقية اثار جوزية
مش بقولك ناس بتهاجم وخلاص يعني لا كان هيعجب كده ولا كده
علي العموم الراجل مصمم عالتطوير واحنا وراه
فهو قال لن اعيش في جلباب جوزية ، واهو لو نجحت ومشيت معايا هيتنسب النجاح ليا

ولا هو لعب بيها ولا هو دربها ، ولا خد كورسات تدريبية فيها ولا اي حاجة
ايه حكايه الكورسات معاكي انتي تعرفيه معرفه شخصيه ؟
جيبتي التاكيد ده منين
بقولك انا فاكر انه خد كورس في مانشيستر يونايتد مره
وهوا قال في برنامج مع مدحت شلبي انه خد كورسات تدريبيه كتير
اللعب عشوائي ، مفيش جمل بتتنفذ ، مفيش شكل للأهلي
ازاي يعني امال شكل مين
وياتري الكلام ده عموما ولا الماتش الاخير بس اصل الماتش اللي قبله قطعناهم في مصر
شخصية الاهلي في الملعب بتتمحي ، واحنا قاعدين بنردد كلام ورا ناس بواقع مصلحة الاهلي
والله انتي وكل جمهور الزمالك تتمنو بس شخصيه البدري موجوده
او بواقع ان طالما الي ادامنا بيتكلم عن الاهلي وبيطلع فيه عيوب ، يبقى هو زملكاوي !!

لا خالص احنا ممكن نقول المدرب غلط في كذا الاعب غلط في كذا الاداره غلطت في كذا
بس كلامك مش كلام ناس عاوزه تصليح كلامك كلام ناس بتهاجم وخلاص
الاداره مش عارف ايه البدري ملوش شخصيه الاعيبه والخطه :happ:
نفسي اسمع منك نقد يضيف للفريق


اننا نكسب الزمالك ده انجاز !!

احنا وصلنا للدرجة دي من التدنى في الطموح !!

لا تعليق بجد


طبعا انجاز لما يبقي متوسط اعمار لاعيبه الزمالك 20 ومتوسط اعمار الاهلي 27
والاهلي في مرحله بناء والزمالك بادئ يشد حيله وفي حاله نفسيه عاليه جدا وتكسبي الزمالك 3
ونشوف الاهلي بينقل الكوره 30 نقله ورا بعض وفي ضغط من لاعيبه الزمالك كبير جدا ومش عارفين ياخدو الكوره
ده انجاز ولا لا

مين قال

شكل حضرتك مش متابع !!

المشاكل موجودة من قبل الماتش اصلا ، وكل الناس بتتكلم الفترة الاخيرة عن الاهلي ومشاكله

تعثره في الدوري ، نتائجة المخيبة في افريقيا ، كل ده بالنسبة ليك مش مشاكل !

انت ملخص الاهلي حاليا ، في انه نادي كان هيروح النهائي لولا لمسة يد لمهاجم

مع انها مش كدا خالص

انت منفض لان الاهلي في دوري المجموعات ، مكسبش غير الاسماعيلي في القاهرة وبهدف مشكوك فيه

وهارتلاند النيجيري ، وخسرت من الشبيبة هناك واتعادلت هنا ، واتعادلت مع هارتلاند هناك

وخسرت من الاتحاد الليبي هناك وخسرت من اول فرقة لعبتها بره ارضك

ده غير 4 ماتشات دوري منهم 2 تعادل و 2 مكسب بلا طعم ، باستثناء اخر ربع ساعة في الانتاج

كل ده والاهلي مفهوش مشاكل فنية ؟

مش عارفه اقولك كلامك استفزني ازاي

ههههههههه والله حاجه اسعدتني جدا اني كلامي الحمد لله استفزك



انا مليش دعوة بالدوري المصري !!

انا مش طموحي كاس مصر والدوري المصري
انتي حره ده طموحك بقي
احنا كنا بنبص للعالمية
كنا ازاي يعني جوزيه كل اللي عمله انه جاب احسن لاعب في كل نادي مصري علشان يحصد البطولات وفضي خزائن النادي
وموت الاعيبه وده قصر دلوقتي عالمنتخب هيا دي العالميه اللي كنتي تتمنيها ؟
وموضوع الادارة فاق حده ، الادارة دي بتغلط زي ما أي ادارة بتغلط

اه احنا ادارتنا انضج من اي ادارة في الدوري المصري

بس بتغلط بردو ، وحاليا فيها خلل
يادي النيله
لما تتكلمي عن مشكله اطرحي المشكله ومتتكلميش عن الاداره انتي تعرفي ايه عن الاداره علشان تقولي في خلل ولا لا
وأي ادارة اي نادي في اوروبا معرضة للاخطاء والخلل ، ايه مشكلتك يعني

مش عايز تتكلم فيها انت حر ، بس متقوليش مش محتاجة كلامك

انا خايفه على فريقي وبحب اتناقش في الحلول عشان نفوق من الي احنا فيه ونرجع للانتصارات
بس انتي لحد دلوقتي مقولتيش حلول ولا قولتي كلام احنا نستفيد بيه
كل كلامك هجوم سواء علي الاهلي او البدري
مشوفناش كلمه واحده تفيدنا
كله كلام مابين يعصب او يحرق الدم
نفسي اسمع مثلا انه في غلط في النقطه دي في التشكيل
كذا نزل المعب وماداش
دي كانت سبب الخساره من وجهه نظري
كلام يفيدنا يعني انما هجوم هجوم هجوم كرهتونا في الدفاع



ههههههههههه ، ولما هو كدا اتقيد في افريقيا ليه

على سبيل الاحتياط ؟

مهو عندنا اينو على الاقل مبقالوش سنتين ، دول هما 6 شهور

كان يتقيد ويفيدنا في ماتش زي الترجي بحيويته وتسديداته وسرعته
يعني ايه الاقرب يقيد لاعب سليم ومش جاهز ولا يقيد لاعب مصاب وميعرفش ممكن يتعافي من الاصابه امتي وياتري بعد ميتعافي هيبقي جاهز امتي ؟
انت للأسف بتدافع عن لاشئ
لا الحمد لله ليا الشرف اني بدافع عن الاهلي

وهو ان المدرب يبقى متفاهم مع اللاعيبة ومتواصل معاهم وقريب ليهم وبينفذوا تعليماته وبتنجح

ده مش فنيات وتدريب ؟
لا خالص دي مش فنيات علشان كده بقول لحضرتك انك فاهمه التدريب غلط
وبعدين مين حضرتك عشان تقولي انتي فاهمة التدريب غلط : ) ؟؟

اللي هوا ازاي يعني :ghost:

ولا كورس ولا حاجة ، مدرسش فترة كدا وقعد ودرس وذاكر ، وازاي يتعامل مع نفسيات اللاعبين والخ

كان كل مالاهلي يلاعب فريق اوروبي يحضر تمرينه ، مؤتمر كدا ، بس مدرسش كورة حسام البدري

ولو اخد من ورانا ، مش باين عليه !

لا باين عليه كويس اوي شوفنا لاعب زي شريف عبد الفضيل بعد ماكان مساك لعب يمين بقي احسن باك يمين في مصر
شوفنا تنفيذ ل4/4/2 في بعض الماتشات بطريقه جميله جدا جدا
شوفنا تبديلات مؤثره كتير
بس اللي عاوز اعلق عليه موضوع نفسيات الاعيبه مش بتاعه المدرب يا جدعان انتو مضحوك عليكو وربنا


يا راجل
يانعم
داحنا ياما خدنا على افانا من الضربات الركنية دي
والبدري بيحلها علشان يرحم قفاكي
وتبقى غلط اللاعيبة بردو

البدري ممكن يكون بيجتهد ، بس مش عاااارف يصلح ويعالج اخطاء الفريق

ومتجبش الغلط على اللاعيبة في حاجة وتبرأهم في حاجة تانية

انت بتقول اللاعيبة دي كتر خيرها وبتلعب في المنتخب والدوري وافريقيا

وبعدين تقول الغلط مش عالبدري الغلط على اللاعيبة

لا الغلط مشترك ، بين الاتنين ، بس لازم نحس ان في معالجة للاخطاء اول بأول ، وانا مش شايفة ده
مهو لو فهمتي كلامتي ان الاعيبه تعبت من المشاركات علشان كده بيغلطو
- - -

متأسفة جدا للي هقوله ، بس واضح ان فكر حضرتك ، ان الاهلي حديد ، و الدنيا بمبي

فلو حسيت في ردك على كلامي لو تكرمك ورديت يعني ان فعلا ده فكرك

انا مش هرد على كلامك

لاني بتناقش في مشاكل موجودة فعلا ، سواء بنكسب او بنتعادل او بنخسر

مش بتناقش في مشاكل ولا مفيش !!!
الاول انا لما بشوف غلط في ماتش بقول في اخطاء للماتش مش اخطاء للنادي
تاني حاجه انا لما برد بدافع عن النادي اللي بشجعه مش برد علشان ارد علي حضرتك وليكي كل الاحترام والتقدير لكن انتي حره في رايك بشرط انك متتجاوزيش
واتمني من اي زملكاوي عاوز يشاركنا ويتكلم عن النادي الاهلي ويظهر بعض اخطاء عاديه في ماتشات علي انها كوارث انه يشوفله مكان تاني يقول فيه الكلام ده بس
لو في حد عاوز بجد يتناقش مش يهاجم ممكن يجيب مشكله ونبدا كلنا نتناقش معاه فيها مش زي ماحضرتك بتعملي

[ƒayrouź]

تلميح : بعض النقاط في ردك الاخير ، تلمح الى جهل شديد ببعض الامور

وانا مش هخوض فيها ولا هرد عليك ، لانك بتكلمني على اني زملكاوية

لا يشرفني اكون زملكاوية ، ولا شخصيتي تخليني اتستر ورا شخصية عشان اتكلم عن ده وده

ولا يشرفني ارد عليك ..

[برنس الاهلي]

تلميح : بعض النقاط في ردك الاخير ، تلمح الى جهل شديد ببعض الامور

وانا مش هخوض فيها ولا هرد عليك ، لانك بتكلمني على اني زملكاوية
جهل شديد ازاي يعني والترجيع اللي كنتي بتقوليه من شويه ده يتدرس ولا ايه ؟ :happ:
لا يشرفني اكون زملكاوية ، ولا شخصيتي تخليني اتستر ورا شخصية عشان اتكلم عن ده وده
مالهم الزملكاويه سبحان الله كلامك كله تحديف http://www.ahlydevils.com/vb/images/smilies/ad/ad%20%2868%29.gif
ولا يشرفني ارد عليك ..
ماشي يا اشرف بس اتمني كومنتاتك في مواضيع النقاش تكون هادفه لمصلحه الفريق مش تخبيط وخلاص ياعم مورينهو :d