المساعد الشخصي الرقمي

مشاهدة النسخة كاملة : 'القيعي': 'فشل صفقة معوض أحزنني.. وسنجدد مفاوضاتنا مع أسامة محمد'


MOnMOn
10-01-2008, 06:30 PM
http://www.boswtol.com/Upload/Pages/1_18_33_13_10_1_2008_.jpg

في أول رد فعل عقب فشل صفقة انتقال سيد معوض للقلعة الحمراء قال المهندس عدلي القيعي مدير لجنة التسويق بالأهلي : 'لا أستطيع أن أخفي مدى حزني بعد فشل صفقة معوض لأن ماحدث لا يدل على أننا نعيش عالم الاحتراف، فاللاعب أعلن رغبته في الرحيل عن الإسماعيلي لارتداء الفانلة الحمراء ولكنه لم يحققها بسبب غضب جماهير الإسماعيلية'.

وأضاف: 'سنواصل رحلة البحث عن ظهير أيسر لضمه للفريق خلال فترة الانتقالات الشتوية في يناير الجاري وسنجدد مفاوضاتنا مع مسئولي نادي بتروجيت لضم أسامة محمد الظهير الأيسر لأنه الأفضل في مصر إلى جانب سيد معوض'.

واعترف القيعي بصعوبة ضم أسامة لتمسك إدارة ناديه بوجوده في الفريق إلا أن القيعي – أكد أن الأيام المقبلة ستشهد مفاوضات مكثفة مع إدارة بتروجيت ووزير البترول سامح فهمي لإنهاء الصفقة.

وأكد القيعي أن هناك ضرورة ملحة لدى الجهاز الفني لضم ظهير أيسر نظرا للقصور الشديد الذي يعاني منه الفريق في هذا المركز، وتمنى التوفيق في إنهاء تلك المهمة على أكمل وجه.

وكعادته دائماً، رفض القيعي الحديث عن بعض اللاعبين الذين يحاول التفاوض معهم ويجيدون اللعب في مركزالظهير الأيسر والمرشحين للانتقال إلى الأهلي وأكد أن كل شيء سيتم الإعلان عنه في الوقت المناسب.

kapo4e
10-01-2008, 06:32 PM
بصراحه لا تعليق علي موقف الاسماعيلي

CrazY GirL AbouT AhlY
10-01-2008, 08:43 PM
والله الانسان الوحيد اللى صعبان عليه فى الموضوع ده هو سيد معوض نفسه لان دى كانت اخر فرصة ليه لتأمين مستقبله وختمه فى نادى محترم
والاهلى مش هيموت من غير معوض لان اسامة محمد موجود وهو كويس بردوا

من تواضع لله رفعه
10-01-2008, 08:47 PM
والله انا لا عاوز سيد ولا اسامة هما كويسين اة بس اعمارهم كبيرة انا نفسى نجيب محمد عبد الشافى لاعيب جامد بجد وصغير فى السن احنا عاوزين ننزل بمعدل الاعمار مش بعد سنة ولا اتنين نرجع تانى ندور

kotkot22
10-01-2008, 08:55 PM
منهم لله جماهير الاسماعيلي

MOnMOn
11-01-2008, 07:25 PM
ِشكرا للردود

Rania Ebrahim
11-01-2008, 08:37 PM
ان شاء الله اسامه يجى بداله

والله كويس انه مجاش انا كارهاه لله فى لله .. واللى يجى من وش الاسمعلاويه يغوووووووووووور

شكرا يا يمنة

سندباد
11-01-2008, 09:29 PM
سيد معوض مين ده اللى الاهلاويه يزعلوا عليه والله ده حتى كونا هنضفه ونعلمه الادب والاحترام والمبادئ اللى عمرها ما دخلت النادى بتاعه نادى الكتاكيت الصفرا والله جت من عند ربنا والحمد لله انها فشلت
شكرا يا يمنه الخبر ده المفروض يفرح الاهلاويه مش يزعلهم

freeheart
11-01-2008, 09:36 PM
لا اله الا الله
هيا خسارة للاهلي اه بس لازم ما نكونش متعصبين بجد انا شايف ان الاسماعيلي احلي فريق يلعب كورة في مصر بس للاسف مش فريق بطولات ولاعيبتة مش دولية يعني مش بتعرف لا تلعب في منتخب وتكمل وتسبت جدارتها ودة من زمان زي احمد العجوز محمد صلاح ابو جريشة كانو بيكونو مقطعين الدوري بس في المنتخب ولا هما هنا
هو من حق الاهلي انو يتعاقد مع اي لاعيب بس من حق الفرق التانية برضو انها تخلي لاعيبتها المهمة اة احنا ما ننكرش كرة جمهور خط القناة كلو للاهلي بس فريق زي الاهلي فريق بطولات ومن احسن الفرق في العالم ما يتهزش بي كل دة اية صفقة راحت صفقة جات

CLEOPATRA2010
12-01-2008, 10:50 AM
هنقول ايه بس لجماهير الاسماعيليه غير ربنا يهديكم