كشفت راسى .. و دعيت عليك .. روح..

[محمد سعيد]

بالامس يا ساده يا كرام اعلن الدكتور العلامة : حسن شحاته دكتور المنتخب و مديره الاول قائمة مبدئية تتضمن 30 لاعبا للدخول في المعسكر الاول للمنتخب استعدادا لكاس الامم الافريقية بغانا اوائل العام المقبل.

و الملاحظ ان الدكتور حسن ( عايز ) يعمل منتخب جديد يكون له تطلعات قارية و دولية ويجرب لاعيبة جداد علما بان الكاس الافريقية باقي عليها اقل من شهر..

تجرب مين يا عم المعلم ..

هو المنتخب ناقص تجريب - ولحد امتي لسه هنجرب بينما القوام الاساسي مثلا لمنتخب كوت دايفوار معروف و السنغال و نيجريا وحتي السودان00

بقي يا معلم تاخد احمد سلامه الذي اثبت فشله في تجربة الدورة العربيه العقيمة التي كدنا نخسرها
و تسيب اسامه حسني و احمد بلال

دا اسمه كلام

انا تعبت من الكلام معا اتحاد الكورة و حسن شحاته .. بصراحه

انت خسرت يا معلم حسن
ولا نجيب درافها و نقول كده خللاص جبرت..

و كفاية علينا امم 2006 .. و الدورة العربيه اللي محسوبه علينا بطوله غير معترف بها حتي علي مستوى بعض المنتخبات العربيه

ثم مين محسن هنداوى ده اللي في البطوله العربيه اللي فشل حتي في ايقاف التائب في مباراة لييبا و اللي حتي معرفش يرفع اوفر لله ..

فين القوام الاساسي للمنتخب يا معلم..

تصدق بالله .. انا كشفت راسي خلاص ودعيت عليك .. روح يا اخي
يارب يسهلك..

كتبه : محمد سعيد

[walix ! l.e.d.a]

الله عليك يا محمد سعيد


فعلا حسن شحاته ده بقى متخلف عقليا فى الكورة عايز يصنع نجوم فى وقت لا يجوز فيه المجازفة ببلد كاملة بتجريب لاعيبة جدد

يا عمنا عندك لاعيبة الاهلى والاسماعيلى حاجة تحفة تجبلك كاس العالم بس انتا وجههم صح ايه تفرق باقى المنتخابات الاوربية عن المنتخب المصرى


ايه تفرق انتا عن مانويل جوزيه اللى استطاع انه يجلب للاهلى العديد من البطولات

فكر كويس يا معلم قبل ما تودينا فى داهية الله يخرب بيتك

[محمد سعيد]

والله شكله هيودينا في داهيه
شكرا لمرورك

[kotkot22]

ربنا يستر علي المنتخب في غانا

[هدى الاهلاوية]

شكرا يا محمد على مناقشة الموضوع دة .... ورأى حسن شحاتة ان احمد سلامة افضل من احمد بلال
هنقول ايه .... احنا فى مصر
محدش يستغرب من حاجة

[فارس]

طيب تعالوا نحسبها بالمنطق ونفكر .... بقى انتوا عايزين تلعبوا اسامه حسنى وبلال ؟؟؟ باى منطق يعنى

بلال لسه مش بلال واسامه حسنى اللى متكسر ومتبهدل ... يا جماعه بطوله افريقيا غير بطوله الدورى اللى بسميها بطوله الفقراء .. لان مفيهاش كوره .... يعنى اسامه ايه وبلال ايه ... ايوه سلامه اقوى جسما ولياقه والتحاما ... يعنى بالذمه نلعب اقزام امام لاعبى الكاميرون .... المنتخب شىء والكره المحليه شىء اخر ... عشان نلعب لاعب فى البطوله لابد ان يكون قوى البنيه مثل سلامه وعمرو ذكى ولا مانع من وجود لاعب حريف زى عماد متعب ... والمخضرم زيدان لو سليم وميدو ... ومش معنى ان لاعب فى الاهلى يبقى حلو والتانى وحش ... يعنى لو تانى يوم قالوا سلامه فى الاهلى كنتوا هتقولوا وسايب سلامه المتالق ...

شوفوا الراجل يشوف شغلوا يا جماعه وبطلوا هجوم على الفاضى ... نغمه الهجوم دى يا ريت تبقى نغمه مسانده