ضيفنا الان على كرسى الاعتراف MoOoDi [الأرشيف]

مشاهدة النسخة كاملة : ضيفنا الان على كرسى الاعتراف MoOoDi

walix ! l.e.d.a

10-12-2007, 01:26 AM

السلام عليكم ورحمة الله وبركاته

تحية مليئة برائحة العنبر والعود والعطور
مساء معطر بـ عطر ورود المحبه

أبعثها لجميع طاقم هذا المنتدى

من المدير العام إلى أخر عضو يسجل معنا في هذا المنتدى

أحبتي ...

يسرنا اليوم في كرسي الاعتراف ان نستضيف احد نجوم هذا المنتدى اللامعين

ضيفنا إنسان رزين، ذات شخصية محبوبة شخصية جميلة ورائعة

مميز في ردوده ، إنسان رائع في حضوره

مبدع في حروفه

يحمل في قلبه روح الجد والمرح

فرض حنان قلبه وحبه واحترامه على الجميع هنا

الكلام عنه يطول ويحتاج الى الكثير من الوقت ، ولكن فليعذرني ؛؛

هذا القلب الكبير ، فليعذرني على تقصيري

بأجمـل بـاقـات الـورود

وأعـطـر التـحـايـا

رحبوا معي بضيفنـا

<<<<< MoOoDi>>>

فلكم حرية توجيه السؤال له

وله حرية الأمتناع عن الأجابة ...

أن شعر أن هناك أقتحام للخصوصيه ....

أهلا ومرحبا بك أخي معنا هنا

تقديم بطاقتك الشخصية
- لماذا اخترت منتدى شياطين الاهلى ليكون بيتك,,,؟؟
1_طمـوحـك لمستقبـل المنتدى ,,,,؟؟
2_متـى كـان تعـرفك علـى النـت,,,؟؟
3_مالذي رأيتـه من النـت >ايجـابي وسلبـي<,,؟؟
نسفيـد من خبـرتك
_مـن هـو قدوتـك بالحيـاة ,,؟؟
لـن أطيـل وأتـرك المجـال للاعضـاء
- أقدم لك في بداية هذا اللقاء كأس من عصير الليمون لتهدئة أعصابك
http://www.horchow.com/products/mp/HCF5282_mp.jpg

! MaDa.WaR !

10-12-2007, 02:33 AM

ضحكنا ضحكة بصوت عالى .. لما الخير جانا بعد أيام وليالى
قلنا خلاص الهم راح .. وهنعيش زمن الافراح

اهدى هذة الكلمات لـــahlydevils
وعلى فكرة الكلام دة انا عاملة ليــك خصوصا

يارب يكون عجبك

بطاقتى انا اولا بعد اذن الكبير بتاعنا

دعنى ادخل فى باب الموضوع...
اول ســ .ما عمرك وما هو مؤهلك؟

ثانى ســـ .. لما اخترت هذا المنتدى..؟
ثالث ســـ . وهل حلمك بالمنتدى تحقق..؟
رابع ســ .. ماذا تتمنى بعد هذا ..؟

خامسا ما هية السلبيات لهذا المنتدى ..؟

الان نتفق معك قبل ان ارى الاجابة فانا اثق فيك زى ما اثق فى الاهلى الكبير فا انت كذلك لنا كبير

تقبل تحياتى

walix ! l.e.d.a

10-12-2007, 10:56 PM

ايه يا جماعة عدى يوم وفريد مجاش انا بقول نغير العضو ولا نكمل اسئلتنا ولا ايه

كده الكرسى هيقف صح

طيب عايزين متطوع من غير استفتاء يدخل دلوقتى موافقين ولا ايه

سندباد

10-12-2007, 11:04 PM

نغير العضو افضل

CrazY GirL AbouT AhlY

11-12-2007, 10:26 AM

الوووووووووووووووووووووووووو انت فين يا فريد

فارس

11-12-2007, 02:20 PM

لعل المانع خير ان شاء الله ...................

walix ! l.e.d.a

11-12-2007, 05:05 PM

ان شاء الله خير يا جماعة

انا خلاص بدل ما الكرسى يقف هغير العضو مين يا جماعة يدخل مكانة ولا ادخل انا طالما الكرسى واقف كده

ردوا عليا ونشوف مين يقعد مكانه

فارس

11-12-2007, 07:58 PM

اعتقد انه لو تاخر العضو نختار المرشح رقم 2 .... مودى على ما اعتقد ........... ايه رايكم ؟؟؟

MoOoDi

او

كتكوت

kapo4e

11-12-2007, 10:26 PM

انا عن نفسي موافق

walix ! l.e.d.a

11-12-2007, 10:39 PM

موافق عن ايه يا كابو مودى ولا كوت كوت

CrazY GirL AbouT AhlY

11-12-2007, 10:47 PM

انا عايزة اقطع مودى اسئلة لحد ما يبنوا صاحب
هههههههههههههههههههههه

walix ! l.e.d.a

11-12-2007, 10:58 PM

يبقى رسيت عليك يا مودى

سندباد

11-12-2007, 11:01 PM

اوك مودى ولله الامر من قبل ومن بعد هههههههههه
:D

samoha

11-12-2007, 11:09 PM

واااااااااااااااااو
حبيبي قلبي موووووووووووودي

بس ياجماعه مودي ليل نهار قاعد في المتواجدين الان

لو طلع بره هيجيله برد ةهيتعب والمنتدي من بعده هيبوظ اكتر ماهو بايظ

بص يالول عايز احلي بطانبه علي الكرسي لحيبيبي مووووووودي

يلا بقي يامووووووووووودي

استرح علي الكرسي فاني قاااادم لك

walix ! l.e.d.a

11-12-2007, 11:25 PM

مووووووووووودى على الكرسى يا جداااااااااااااعان

samoha

12-12-2007, 12:24 AM

يااااااااااجدعان حد يروح يناديله من غرفه الموجودين الان

ياجدعااااااااااان مودي مش سامعنا خالص اصله قافل الباب عليه وبيراقب من العين السحريه للمنتدي

™Mahmoud

12-12-2007, 02:43 AM

يا جماعة انا معاكو اهو

بس فين الاسئلة

ماشي يا سامح

اشوف فيكو يوووووووووووووووووووووووووم

walix ! l.e.d.a

12-12-2007, 02:51 AM

انا بقى هسئلك سؤال واحد دلوقتى

ما هو حبك فى التواجد فى غرفة المتواجدون الان

ده ميعتبرش سؤال هههههههه

samoha

12-12-2007, 02:52 AM

مااااااااااااشي ليه ياموووووودي قدامك اسبوع يامعلم

والله بس انا لقيتهم عمالين يدوروا عليك فقولتلم علي مكانك عشان يبعتوا يحيبوك ياحبي

وبعدين لو مش عايز تعد اوعي تعد ده انت كبير الحته ياريس يعني ممكن تقفل المنطقه كلها ياريس

الاسئله بقي بكره ياعنيا عشان افوقلك كده ياجميل

ده انا هجطعك جطييييييييييع ياحبي

منووووووووووور ممووووووووووووودي

™Mahmoud

12-12-2007, 03:25 AM

انا بقى هسئلك سؤال واحد دلوقتى

ما هو حبك فى التواجد فى غرفة المتواجدون الان

ده ميعتبرش سؤال هههههههه

بص يا سيدي

طبعا مش انت اول واحد تسألني السؤال دة

بص بقا يا جميل

اولا احنا عندنا شركة استضافة يعني بنبيع مواقع وكدا ومساحات

فبباشر الشركة وانا علي النت علطول

ثانيا انا مش بشغل دماغي بالحجات اللي جوا المنتدي والتوبيكات وكدا

علشان انا بلف ودور برة المنتدي علشان اجيب ناس

واشهر المنتدي وكدا

يعني وقتي كلو ضايع بين حاجتين

مباشرة الشركة - الف والدوران لشهرة المنتدي

وعلشان كدا يا حبي انا علطول في المتواجدون

علشان لو حصل حاجة غلط جوا المنتدي

ابقا شايف بردو اية اللي بيحصل

وبكدا اكون خلصت اول سؤال

اية دة السؤال الاول كل دي اجابة

امال البقاي هيكون ازاي

:eek:

مااااااااااااشي ليه ياموووووودي قدامك اسبوع يامعلم

والله بس انا لقيتهم عمالين يدوروا عليك فقولتلم علي مكانك عشان يبعتوا يحيبوك ياحبي

وبعدين لو مش عايز تعد اوعي تعد ده انت كبير الحته ياريس يعني ممكن تقفل المنطقه كلها ياريس

الاسئله بقي بكره ياعنيا عشان افوقلك كده ياجميل

ده انا هجطعك جطييييييييييع ياحبي

منووووووووووور ممووووووووووووودي

دة نورك والله يا موحا

بس انا عاوزك تكون حنين عليا شوية

اوك يا معلم

منتظرك امس

فارس

12-12-2007, 03:54 AM

اسئله خفيفه

عرفنا بنفسك - هواياتك - اسمك - سنك - مهتنك - كليتك

احكيلنا عن شقاوتك وانت صغير .... اى حاجه تيجى فى بالك دلوقتى

كنت شاطر فى الابتدائى ؟؟؟ احكى يا معلم

هربت من المدرسه قبل كده ؟؟؟؟ ولو حصل ليه ؟؟؟

هاه ايه حكايتك مع الجنس الاخر مش العفاريت البنات يعنى ؟؟؟

راجع تانى ان شاء الله

™Mahmoud

12-12-2007, 04:30 AM

اسئله خفيفه

عرفنا بنفسك - هواياتك - اسمك - سنك - مهتنك - كليتك ?

انا محمود صبحي -- بحب الكورة السباحة ركوب الخيل والكمبيوتر -- في شهر 5 القادم هتم 19 سنة --انا دلوقتي طالب في اكاديمية المستقبل شعبة نظم معلومات في الفرقة الثانية -- ببشتغل في شركة استضافة بتاعت محمد اخوية بشتغل معاه يعني فيها

احكيلنا عن شقاوتك وانت صغير .... اى حاجه تيجى فى بالك دلوقتى ?

لا انا اللي افتكرو ان انا مكنتش شقي ولا حاجة
فعلا مش فاكر حاجة لان الذاكرة الحمد لله مش تمام

كنت شاطر فى الابتدائى ؟؟؟ احكى يا معلم

انا فاكر في اولي ابتدائي كنت حاجة حلوة التاني من ورا كدا ....ههههههههههالحمد لله كنت تمام بيتهيقلي الناس كلهم في الابتدائي كدا

هربت من المدرسه قبل كده ؟؟؟؟ ولو حصل ليه ؟؟؟

يااااااااااااااااااااااااااااااااااه كتييييييييييييييييييييييير قوي
علشان حجات كتير بردو يعني مثلا كنا بنروح انا واصحابي نلعب كورة
او بينج بونج او بلاي استيشن او علشان اروح انام
اصل انا اكره ان انا اصحا بدري دي

هاه ايه حكايتك مع الجنس الاخر مش العفاريت البنات يعنى ؟؟؟

لحد دلوقتي لسة ملقيتش بنت الحلال بس بردو مش منعزل عنهم للناس تفكر ان انا معقد ولا حاجة
وللعلم انا بتكسف جدا من اي انسان اشوفو لاول مرة وببقا مش عارف اتكلم معاه في اي حاجة

راجع تانى ان شاء الله

حلو السؤال دة ........ ههههههههههه

تنور في اي وقت يا دكتور

-----------------------------------------------

KEMOOO

12-12-2007, 04:48 AM

منور يا مووووووووووووووووووووودي
متخفش انا مش حسأل حاجه خالص لاني مش من طبعتي اسال بس بقولك ربنا يعينك لانك أدبست يا معلم ههههههههههههههههههههههههههههه
بالتوفيق يا مان

Mido Star

12-12-2007, 05:23 AM

حبى انا جيت انت عارف انا بحبك قد ايه طبعا

المهم

1_ ايه اكتر وقت بتكون مبسوط فيه ؟؟؟

2_ اكتر حاجه بتحبه فى البيت ؟؟

3_ انت مريت بقصة حب حقيقيه ؟؟

4_ اكتر اكله بتحب تعملها غير البيض بردو ؟؟؟

5_ لو ناوى تشتغل بعد الكليه نفسك تشتغل ايه بعيد عن تخصص الكليه ؟؟؟؟

6_ اكتر وقت بيعدى عليك بسرعه هو لما تكون فى البيت ولى لما تكون مع اصدقائك وايه السبب ؟

كده كفايه مؤقتا ربنا يوفئك ياحبى انا تقلت عليك على شان

انت بتخنقنى بردو فى حجات كتير وانت عارف صح متنكرش

يلاه سمعنا صوتك

™Mahmoud

12-12-2007, 05:59 AM

منور يا مووووووووووووووووووووودي
متخفش انا مش حسأل حاجه خالص لاني مش من طبعتي اسال بس بقولك ربنا يعينك لانك أدبست يا معلم ههههههههههههههههههههههههههههه
بالتوفيق يا مان

يا سلام عليك يا كيمو

هوا دة الكلام

وان شاء الله ربنا يعيني

نورت يا معلم

حبى انا جيت انت عارف انا بحبك قد ايه طبعا

المهم

1_ ايه اكتر وقت بتكون مبسوط فيه ؟؟؟

لما بكون مع الناس اللي بحبهم وبيحبوني
ولما بكون لوحدي بردو

2_ اكتر حاجه بتحبه فى البيت ؟؟

امي واخواتي

3_ انت مريت بقصة حب حقيقيه ؟؟

يعتبر لا

4_ اكتر اكله بتحب تعملها غير البيض بردو ؟؟؟

البيض من غير بردو ..........ههههههههههه

5_ لو ناوى تشتغل بعد الكليه نفسك تشتغل ايه بعيد عن تخصص الكليه ؟؟؟؟

طيار حربي

6_ اكتر وقت بيعدى عليك بسرعه هو لما تكون فى البيت ولى لما تكون مع اصدقائك وايه السبب ؟

اكتر وقت بيعدي عليا بسرعة لما اكون بعمل حاجة بحبها
السبب اني بحبها فمش بحس بالوقت وانا بعملها

كده كفايه مؤقتا ربنا يوفئك ياحبى انا تقلت عليك على شان

انت بتخنقنى بردو فى حجات كتير وانت عارف صح متنكرش

يلاه سمعنا صوتك

احنا في استار ميكر ولا اية
وبعدين يعني لو انا مخنقتكش هخنق ميييييييييينـ .............؟

walix ! l.e.d.a

12-12-2007, 06:15 AM

لو ناوى تشتغل بعد الكليه نفسك تشتغل ايه بعيد عن تخصص الكليه ؟؟؟؟

طيار حربي

من فين تتشغل طيار حربى وانتا فى اكاديمية المستقبل شعبة نظم معلومات

طيب قول سوفت وير قول اى حاجة تبع الكمبيوتر

ههههههههههههههههههههههههههه

نانسي

12-12-2007, 06:37 AM

هااااااااااااااااااااااى يا مودى والله صعبان عليا من الى هتشوفه بس انا مبحبش اتقل على حد

دوله ببيعدو يسالوا اساله كتير وبيزهقو الضيف انا هسالك اساله بسيطه خالص خالص

مش هتحس بيها زى شكت الدبوس يلا تعاله اقولك

بتحب الليل ولا النهار ؟

بتحب تعيش اللحظه ولا بتخاف وتقول لا؟

بتحب الورد واى نوع؟

بتحب الموجاملات وليه؟

بتحب التجديد ولا روتينى؟

بتحب تشرب الدرنك امته والقفى امته ولا فى اى وقت؟

طيب بتحب الوان ايه وايه اللون المفضل؟

موصفات فتات احلامك ايه؟

بتحب الحب ولا ؟

طيب ايه مفهوم الحب من وجهة نظر سعتك يا فندم؟

كفايه بقا انا مش هطول عليك دوله سؤلين كده على بال مفكر فى حاجه اصل الصراحه زهنى مش حاضر

ناوووووووووو يلا سلام بقا

™Mahmoud

12-12-2007, 06:55 AM

من فين تتشغل طيار حربى وانتا فى اكاديمية المستقبل شعبة نظم معلومات

طيب قول سوفت وير قول اى حاجة تبع الكمبيوتر

ههههههههههههههههههههههههههه

والله انتي يا وليد لو ركزت شوية

هتلاقي ان السؤال بيقول تشتغل اي حاجة بعيد عن تخصصك

يعني بعيد عن دراستك

اقول سوفت وير ازاي بقا

ركز تاني كدا يمك تفهم ................ ههههههههههههه

هااااااااااااااااااااااى يا مودى والله صعبان عليا من الى هتشوفه بس انا مبحبش اتقل على حد

دوله ببيعدو يسالوا اساله كتير وبيزهقو الضيف انا هسالك اساله بسيطه خالص خالص

مش هتحس بيها زى شكت الدبوس يلا تعاله اقولك

بتحب الليل ولا النهار ؟

الاتنين بس اعتقد الليل اكتر

بتحب تعيش اللحظه ولا بتخاف وتقول لا؟

والله هوا حسب الموقف نفسو بالنسبة لاني اعيش اللحظة او لا

وبالنسبة لاني اخاف اقول لا

ابدا والله بقول لا للي مش عاجبني حتي لو كان مين ؟

بتحب الورد واى نوع؟

كل الورد

بتحب الموجاملات وليه؟

الموجاملات : عادي يعني يعتبر زي اي انسان عادي

بتحب التجديد ولا روتينى؟

لا بكره الرويتن وبحب كل حاجة تكون مختلفة علطول حتي في الاكل

بتحب تشرب الدرنك امته والقفى امته ولا فى اى وقت؟

عادي في اي وقت

طيب بتحب الوان ايه وايه اللون المفضل؟

اكيد اول لون هيكون الاحمر وبحب الاخضر والزرق وكلو كلو

موصفات فتات احلامك ايه؟

ميعرفش موصفاتها غير والدتي

بتحب الحب ولا ؟

ههههههههههههه اكيييييد

بس للعلم مش الحب بين الرجل والست يعني

كل انواع الحب اكيد كل الناس تحبها

طيب ايه مفهوم الحب من وجهة نظر سعتك يا فندم؟

السؤال دة كبير شوية علي سنكـ.......... ههههههههههه

بصي يا ستي

الحب انواع

حددي نوع واحد واقولك المفهوم بتاعه

كفايه بقا انا مش هطول عليك دوله سؤلين كده على بال مفكر فى حاجه اصل الصراحه زهنى مش حاضر

ناوووووووووو يلا سلام بقا

سلام يا نانسي ونورتي الموضوع بعد مغلبتيييييييييني

نانسي

12-12-2007, 07:35 AM

طيب ايه مفهوم الحب من وجهة نظر سعتك يا فندم؟

السؤال دة كبير شوية علي سنكـ.......... ههههههههههه

بصي يا ستي

الحب انواع

حددي نوع واحد واقولك المفهوم بتاعه

يعنى هيكون حبك لايه يا مودى للعصفير يعنى ههههههههههههه

اكيد الحب بمفهومه عند البشر يعنى الحب من اجل الحب ايه من وجهة نظرك ومتردش اجابه دبلوماسيه تانى اوك

يلا حسيت بحاجه بقا مش قولتلك شكت دبوس

™Mahmoud

12-12-2007, 07:51 AM

kapo4e

12-12-2007, 03:26 PM

مودي باشا حبيب قلبي ....

منور كرسيك يا معلم ....

كام سؤال صغير كدا ...

1_ حلم حلمته وضاع منك ؟

2_ حلم حلمته واتحقق ؟

3_ حلم بتحلم تحققه ؟

™Mahmoud

12-12-2007, 06:34 PM

مودي باشا حبيب قلبي ....

منور كرسيك يا معلم ....

كام سؤال صغير كدا ...

1_ حلم حلمته وضاع منك ؟

يااااااااااه كتييييييييييير بس تعتبر كلها حجات عادية يعني

مش حاجة مهمة يعني علشان ازعل عليها

2_ حلم حلمته واتحقق ؟

مش فاكر تصدق :confused: .......... اية يا عم الاسئلة دي

3_ حلم بتحلم تحققه ؟

اني اخلص الاسئلة دي علي خير

نورتني ولله يا كابو

kapo4e

12-12-2007, 08:11 PM

هههههههههه ماشي يا مودي

sahiro

12-12-2007, 08:52 PM

™Mahmoud

12-12-2007, 09:21 PM

مووووووووووووووووووودى انتا وقعت ولا ايه http://ahlymasr.com/forum/style_emoticons/default/tongue.gif

انا كنت صوت ليك فى الاستفتاء

مش عارف دى حاجه تفرحك ولا تزعلك http://ahlymasr.com/forum/style_emoticons/default/unsure.gif.. بس كويس انك على الكرسى والله

يا معلم انت عارف ان انا مقدش ازعل منك

اسئلتى كالعاده خفيفه http://ahlymasr.com/forum/style_emoticons/default/mellow.gif

اما نشوف

- بتحب السهر ؟؟

اكييييييييييييييييييييييييييد يبني السهر دة ادمان دلوقتي بالنسبة ليا

- يا ترى انتا اهلاوى متعصب ولا عادى ؟؟

مش متعصب قوي علي فكرة............. خفيف خفيف

- ايه علاقتك باالاطفال عامة ؟؟

الاطفال اللي بتعيط مش بحب اقعد جمبهم الاطفال اللي تدحك علطول بقول اية الهبل دة ومش بقعد جمبهم بردو ....هههههههههههههه

لا لا فعلا بحب الاطفال اللي بتدحك جدا ويعتبر ببقا في اسعد اوقاتي لما يكون معايا طفل وبيدحك علطول

-اخر مره ضحكت فيها من قلبك ؟؟

الوقت بالظبط مش هعرف احدد لاني ذاكرتي الحمد لله مش تمام

- اخر مره نزلت دموع عنيك ؟؟

من فترقة قصيرة حوالي شهر

-بتحس بايه وانتا على المنتدى ؟؟

بأني في بيتي ووسط اخواتي

- اعضاء بتفرح اما تلاقيهم فى المنتدى ؟؟ (اجابه محدده)

لية الاحراج دة بقااااااااااااا

بص يا سيدي

بجد بجد انت من اول الناس دي مش علشان انت اللي سائل السؤال دة والله

بس فعلا sahiro و MeDoOo و Mido Stars و MeDo9 و برنس الاهلي و samoha و اخوية طبعا

وكل الناس والله انا مش عارف لية يا ساهر انت عاوز الناس تزعل مني

وربنا بكون فرحان وكل الناس موجودين

وبحبهم كلهم وبعتبرهم زي اخواتي

كفايه ولا ايه .................

استنى شويه كمان
http://ahlymasr.com/forum/style_emoticons/default/laugh.gif
-مين اللى بيدلعك باسم مودى فى الواقع ؟؟

ناس متعرفهمش ....هههههههههههههههههههههه

- بتحب دراستك ؟؟

والله يا ساهر انا بحبها بس الحمد لله مش عارف اي حاجة فيها

- كان نفسك تبقى ايه وانتا صغير ؟؟

وانا صغير كان نفسي اكون طيار حربي ادخل كلية جوية يعني

- اما تقف قدام المرايا بتشوف ايه ؟؟

بشوف مراية...........هههههههههههه وبشوف نفسي علي المراية

بس كفايه .. ولا أقولك http://ahlymasr.com/forum/style_emoticons/default/cool.gif

لأ كفايه بجد .. أصلى بحب النجوم http://ahlymasr.com/forum/style_emoticons/default/wink.gif

نورت يا معلم

وان شاء الله النجوم تحبك هيا كمان

نانسي

12-12-2007, 09:46 PM

بصي يا ستي

الحب هو اجمل شئ في الوجود ولا يقدر الانسان علي العيش بدون الحب

قال عصافير قال

اجري اجري

ههههههههههه

طيب بمنسبت العصفير بقا قولى بتحبها ولا بتصتدها ولا بتكوله هههههههههه؟

ممكن تقولى انت راضى عن نفسك ولا نووووووو؟ وليه؟

ترتيبك الكام بين اخواتك ؟

لو عكست بنت وطلعت وقيحه ولمت عليك الشارع هيكون موقفك ايه؟

لو عكست بنت وضحكت وقلتلك انا كنت بموت فيك اصلا يا واد ههههههههه

اقول لبابا انك هتظورنا امته هتعمل ايه ؟

لما تتجوز بعد عومر طويل هههههههههههههه تحب تجيب ولاد اد ايه وتسميهم ايه؟

يلا مش عرفه اسالك حاجه مش عرفه ليه بس يلا مش مهم انت طيب

وانا مش هزهاك وزى مقلتلك شكت دبوس مش هتحس خالص

بالشفه

هههههههههههههههههههههههه

samoha

12-12-2007, 09:57 PM

هااااااااااااااه ياكووووتش اجي ولا استني

شكرا علي اساس انك قولتلي تعالي

حتي لو مقلتش كنت هاجي برده بالعافيه

يلا بقي نبد

سيري علي بركه الله يانورماندي تووووووووووو

1-اشمعني اسمع الدلع مودي مع ان دلع محمود هو حوده ولا هي غلاسه وخلاص؟؟

2-ليك كام صاحب انتيم اوي؟؟؟؟؟؟؟

3-ياتري ايه سر حبك للموز باللبن اللي خنفتني بيه المره اللي فاتت؟؟؟؟

4-عرفنا انك بتموت في الموز باللبن ايه بقي اكتر اكله بتحبهااااااا؟؟؟

5-ياتري ياهل تري محمد باشا اخوك بيعاملك علي انك طفل ولا علي نك عاقل؟؟؟؟اعتقد الاوالي

6-الباشا محسسنا ان المنتدي ه مش تبعه ليه لاسمح الله؟؟؟؟اوعي تقولي الشركه لاجي اعلقك !!!

7-قولي بقي علي اسرار الاجتماعات مع المشرفين ماتقلقش مش هقوال لاي حد؟؟؟علي كره ده اجباري

8-بتحط كريم ايه علي شعرك ؟؟؟؟؟عقدتني ياراجل!!!!!!

9-الباشا بينجح علي طول ولا سطر وسطر؟؟؟؟؟؟؟اوعي تهجص عليا

10-الباشا بيذاكر اخر شهر ولا اخر سبوع؟؟؟؟؟؟انا عن نفسي اخر اسبوع هههه

حبه جد شويه بقي كفايه لعب لحد هنا

11-ياتري ايه اللي بتكرهه في مووووودي ونفسك يغيره؟؟؟

12-طيب ايه اكتر حاجه بتحبها فيه وعايزه يحافظ عليها؟؟؟؟؟؟

13-ايه اخبارك مع ربنا ياجمييييييييل ؟؟؟؟

14-اكيد كلنا بنعصي ربنا بتحس بايه بعد ا معصيه وبتعمل ايه؟؟؟

15-لو بنت لابسه لبس مش كويس وطلبت منك مساعه هتعمل ايه؟؟؟؟؟؟؟؟؟؟؟قول ياخحبيث قول انا عن نفسي مش هقدر اطنشها ههههههههههه بس ممكن اقلبها

16-طيب لو نفس البنت لاقيته بتتعاكس واستنجدتت بيك برده مع انها هتبقي فرحانه هتعنل ايه بقي؟؟؟؟عارفك شهم علي طول

17-الباشا دلوقتي بيجاوب علي الاسئله وهو قاعد فين ياتري من زفتي ولا من العاشر من رمضان؟؟؟

18-ياتري يا هل تري ايه انطباعك بعد اول مقابله اللي كانت فيلا العيد الي فات؟؟

19ياتري ياهل تري تحب اجي تاني ولا ماجيش؟؟؟؟؟؟؟

20-قبل ما امشي قولي اشمعني المتواجدون الان ممكن تخليك في الصفحه الرئيسيه يا اخي ؟؟؟

انا بقول كفايه كده عشان العيد وكل سنه وانتم طيبين

جوووووووووود باي

علي فكره لو فضيت هاااااجي

انا مش بستاذن انا بقولك عشان تستعد بس

™Mahmoud

12-12-2007, 10:06 PM

طيب بمنسبت العصفير بقا قولى بتحبها ولا بتصتدها ولا بتكوله هههههههههه؟

لا بحبها جدا جدا وكنت بصطادها وانا صغير وهاكلها قريب

ممكن تقولى انت راضى عن نفسك ولا نووووووو؟ وليه؟

اية يا بنتي الاسئلة الصعبة دي انتي بتجيبي الاسئلة دي منين

مش قلتلك مرة ان الحجات دي كبيرة عليكي شوية

والله انا راضي عن نفسي في حجات ومش راضي عن نفسي في حجات تانية

لية بقا دي مش عارفها

ترتيبك الكام بين اخواتك ؟

انا التاني

لو عكست بنت وطلعت وقيحه ولمت عليك الشارع هيكون موقفك ايه؟

بصي يا ستي اولا البنات الوقيحة بيبقا باين علي شكلهم يعني قبل معاكس هركز كدا وابص بعقل

لو شكيت انها وقيحة مش هعاكس

لو طلعت وقيحة :eek: .............هههههههههههههه

هعمل اية ؟؟ هعملي اية ؟؟

هحاول اهدي الموقف بأي طريقة وان مهديش

يبقا الجري نص المجدعة :D

لو عكست بنت وضحكت وقلتلك انا كنت بموت فيك اصلا يا واد ههههههههه

اقول لبابا انك هتظورنا امته هتعمل ايه ؟

في الحالة دي هقولها اجري يابت من قدامي مهوا اصل انتي مش عارفة اللي في ايدك بتبقي مش محتاجاة

ولو الحاجة مش بتعتك بتبقا حلوة في نظرك

ويا سلام بقا لو حاجة كانت بتاعتك وكنتي زهقانة منها لو راحت منك هتبقي هتمووووووووووتي عليها

ولا انتي اية رأيك

لما تتجوز بعد عومر طويل هههههههههههههه تحب تجيب ولاد اد ايه وتسميهم ايه؟

بصي يا ستي ان شاء الله يعني لو ربنا اذن يبقا اللي يجيبو ربنا كويس

بس انا احب ان المدام تجيبلنا ولد وبعدين بنت

الولد يكون اسمه يوسف بحب الاسم دة جدا بس مش عارف لية اليومين دول با موضه

شكلي علي متجوز هكون غيرت رأيي

البنت بقا لسة محددتش اسمها

يلا مش عرفه اسالك حاجه مش عرفه ليه بس يلا مش مهم انت طيب

وانا مش هزهاك وزى مقلتلك شكت دبوس مش هتحس خالص

بالشفه

هههههههههههههههههههههههه

بالشفا اية هوا انا في عيادة دكتور

يلا مش مشكلة

نورتي اجين

™Mahmoud

12-12-2007, 10:41 PM

هااااااااااااااه ياكووووتش اجي ولا استني

شكرا علي اساس انك قولتلي تعالي

حتي لو مقلتش كنت هاجي برده بالعافيه

يلا بقي نبد

سيري علي بركه الله يانورماندي تووووووووووو

1-اشمعني اسمع الدلع مودي مع ان دلع محمود هو حوده ولا هي غلاسه وخلاص؟؟

انت اية اللي مزعلك يا موحا عموما انا مش عاوزك تزعل خالص

اللي تحب تقولو قولو وحتي لو تحب اغيرو يبقا حالا

2-ليك كام صاحب انتيم اوي؟؟؟؟؟؟؟

انتيم قوي قوي

هوا طبعا علي رأسهم اكتر واحد اقرب لقلبي وكدا

بس انتيم انتيم حوالي 7 او 8

3-ياتري ايه سر حبك للموز باللبن اللي خنفتني بيه المره اللي فاتت؟؟؟؟

هههههههههه

انت لسة فاكر

عادي يعني زي اي حاجة الانسان بيحبها

4-عرفنا انك بتموت في الموز باللبن ايه بقي اكتر اكله بتحبهااااااا؟؟؟

حجات كتير بس علي رأسهم المكرونة بالبشمل والمحشي المعمول صح

5-ياتري ياهل تري محمد باشا اخوك بيعاملك علي انك طفل ولا علي نك عاقل؟؟؟؟اعتقد الاوالي

والله يا مش مهندس انا واخوية مش بنتعامل مع بعض كتير

لان علطول في اختلاف بس طبعا دة مش معناه ان احنا بنكره بعض يعني

بس يعني زي اي اخوات

6-الباشا محسسنا ان المنتدي ه مش تبعه ليه لاسمح الله؟؟؟؟اوعي تقولي الشركه لاجي اعلقك !!!

مش فاهم السؤال بالظبط

مش تبعي ازاي يعني

لو انت تقصد يعني ان انا بكون في المتواجدون حاليا علطول

دة لاني زي مقلت قبل كدا الشغل واشهار المنتدي واوقات بكون مش موجود علي الجهاز اصلا

7-قولي بقي علي اسرار الاجتماعات مع المشرفين ماتقلقش مش هقوال لاي حد؟؟؟علي كره ده اجباري

ههههههههههههههه

هوا انا في امتحان ولا اية

عموما يا معلم مفيش اسرار ولا حاجة

وعلشان كدا الاجتماس السابق كان متاح لكل الاعضاء

8-بتحط كريم ايه علي شعرك ؟؟؟؟؟عقدتني ياراجل!!!!!!

للاسف انا مش بحط كريم خالص

انا بحط زيت سانسيلك

بتاع اخواتي البنات ........هههههههههههه

9-الباشا بينجح علي طول ولا سطر وسطر؟؟؟؟؟؟؟اوعي تهجص عليا

الحمد لله عمري ممشيت علي سطر وسطر دي

ولا مرة الحمد لله شيلت مواد

بس كان في بعض الاوقات بعدي بفرق درجة ولا اتنين .....هههه

10-الباشا بيذاكر اخر شهر ولا اخر سبوع؟؟؟؟؟؟انا عن نفسي اخر اسبوع هههه

بص يا سيدي انا اليوم اللي بيبقا علي فية امتحان قبلها بيوم بزاكر ساعتين بس بالليل

وبنام وقبل الامتحان بعشر دقايق نص ساعة براجع اللي انا زاكرتة

حبه جد شويه بقي كفايه لعب لحد هنا

11-ياتري ايه اللي بتكرهه في مووووودي ونفسك يغيره؟؟؟

بيتهيقلي العصبية دي شوية والنسيان دة بيعصبني جدا مع انو في بعض الاوقات بيكون احسن شئ عندي

12-طيب ايه اكتر حاجه بتحبها فيه وعايزه يحافظ عليها؟؟؟؟؟؟

بص يا سيدي اولا انا مش بحب حد يزعل مني خالص
ولو انا عملت حاجة وانت توقعت ان انا عملت غير كدا بتدايق جدا لان بحب اوصل الصورة الحقيقية دايما

وحاجة كمان لو في واحد انا مثلا متخانق معاه او مخاصمة مهما كان اللي عملو فيا

لو جة كلمني عمري معرف اصدو او احرجو

13-ايه اخبارك مع ربنا ياجمييييييييل ؟؟؟؟

والله الفترة اللي فاتت مقصر شوية

بس ان شاء الله هحاول اشد حيلي

وربنا يهدينا جميعا

14-اكيد كلنا بنعصي ربنا بتحس بايه بعد ا معصيه وبتعمل ايه؟؟؟

والله هيا بتبقا حسب المعصية نفسها

كبيرة او صغيرة

انا عن نفسي لما بعمل اي معصية بدعي ربنا ان انا مموتش قبل متتمسح من عليا

15-لو بنت لابسه لبس مش كويس وطلبت منك مساعه هتعمل ايه؟؟؟؟؟؟؟؟؟؟؟قول ياخحبيث قول انا عن نفسي مش هقدر اطنشها ههههههههههه بس ممكن اقلبها

يعني اية مش كويس

بدلة رقص مثلا

عموما بيتهيقلي ان انا هساعدها حتي لو كانت لابسة خيش

16-طيب لو نفس البنت لاقيته بتتعاكس واستنجدتت بيك برده مع انها هتبقي فرحانه هتعنل ايه بقي؟؟؟؟عارفك شهم علي طول

والله بقا حسب اللي بيعاكس

وانت عارفني لو حد حلو كدا وجسمو كبير كدا وانت فاهم يعني

هضرب البت واقولها مش عيب اللي انتي بتعملية دة

واسلم علي اللي يعاكسها واقولة انت تمااااااااااااااااااااام

واجري .........هههههههههه

لو واحد زينا كدا وهقدر علية هقولة عيب يبني اللي انت بتعملو دة

لو تنح مش هتخانق بردو لاني مش بحب الخناق

هخلي واحد صاحبي يضربو واشوف البنت لو بتعيط ولا حاجة هديلها منديل ......ههههههههه

17-الباشا دلوقتي بيجاوب علي الاسئله وهو قاعد فين ياتري من زفتي ولا من العاشر من رمضان؟؟؟

لا دلوقتي في زفتي لسة جي اليوم الصبح

18-ياتري يا هل تري ايه انطباعك بعد اول مقابله اللي كانت فيلا العيد الي فات؟؟

بص يا سيدي انا فعلا كنت سعيد جدا ان انا شوفتك لا انت الوحيد بيتهيقلي اللي كنت اول مرة اشوفو

بس كنت سعيد بجد اني اتعرفت علي شخصية زيك

وربنا يديم المعروف

19ياتري ياهل تري تحب اجي تاني ولا ماجيش؟؟؟؟؟؟؟

يا باشا لو حصل تاني وخرجنا يبقا لازم تيجي

دا انت اكبر مش مهندس في الدنيا ........ ههههههههههه

20-قبل ما امشي قولي اشمعني المتواجدون الان ممكن تخليك في الصفحه الرئيسيه يا اخي ؟؟؟

انا ببقا في المتواجدون طبعا علشان اشوف الناس بتعمل اية وموجودة فين بس يعني

انا بقول كفايه كده عشان العيد وكل سنه وانتم طيبين

جوووووووووود باي

علي فكره لو فضيت هاااااجي

انا مش بستاذن انا بقولك عشان تستعد بس

والله يا سيدي انا استمتعت بأسئلتك فعلا

ويلا بقا كفاية كدا علشان انا صدعت ....ههههه

walix ! l.e.d.a

13-12-2007, 01:17 AM

ربنا معاك يا عم مودى متخافش مش هسئلك دلوقتى بكره باذن الله تكون هديت وصوابعك ارتاحت من الكتابة

دا انتا لسه مشفتش حجاة من هدى ولا رانيا ولا حتى رشا

™Mahmoud

13-12-2007, 04:34 PM

ربنا معاك يا عم مودى متخافش مش هسئلك دلوقتى بكره باذن الله تكون هديت وصوابعك ارتاحت من الكتابة

دا انتا لسه مشفتش حجاة من هدى ولا رانيا ولا حتى رشا

ايون كدا ادعيلي يا ليدا

وخليك معايا

وان شاء الله ربنا هيعدي الجماعة اللي انت قلتهم دول علي خير

وربنا يسهل

سندباد

14-12-2007, 01:11 AM

samoha

14-12-2007, 01:11 AM

منور مووووووووووودي
انا جي وماشي تاني ومش هرخم المره دي

بس ملاحظ ان عمرو قاعد عندك بقاله ساعه شكله كده بيخطط لحاجه خطررررررررررر

انا قلت احذرك بقي

ههههههههههههههه

ربنا معاك

احتمال اجي تاني بس مش هابقي فاضي

™Mahmoud

14-12-2007, 06:19 AM

بجد انا كنت داخل اسألك عن حاجات كتير لانى بصراحه معرفش عنك حاجات كتير
بس والله ما لقيت حاجه اسألهالك كل حاجه تقريبا اتسألت
ربنا يكون فى عونك
واضح ان الناس دى بتحبك اووووووووووووووووووووووووووووى

نورتني والله يا معلم

واسأل براحتك عادي ميهمكش

انا بردو لسة ماسك نفسي

منور مووووووووووودي
انا جي وماشي تاني ومش هرخم المره دي

بس ملاحظ ان عمرو قاعد عندك بقاله ساعه شكله كده بيخطط لحاجه خطررررررررررر

انا قلت احذرك بقي

ههههههههههههههه

ربنا معاك

احتمال اجي تاني بس مش هابقي فاضي

لا يا خوية والنبي تفضا وتيجي تاني

ومتقلقش خالص من عمر

انا حاطط حاية علي اي حاجة ممكن تتوقعها

يعني اللي بيخطط يبطل علشان الخطط دي هتفشل ......... هههههههههه

نانسي

14-12-2007, 12:59 PM

مودددددددددى اخبار سعتك ايه يا رب متكونش تعبت انا جيه اعد معاك شويه واسالك

سؤالين كده سهلين خالص وانت عارف اسالتى زى شكت الدبوس مبتحسش بيها

خااااااااااااااااااااااااااااااااااااااااااااااااا االص

بتحب الفلام العربى الفشله ولا الاجنبى ؟

مين الممسلين الاجانب الى بتحبهم فى الرجاله والستات ؟

بتحب الاغانى القديمه ولا الجديده ؟

مين مطربك المفضل وبتحب مين من المغنيات وليه ؟

لو كنت بقيت ممثل مشهور ونجم ولا نجمتين كنت تفضل تبقا زى مين من الفنانين ؟

بتحب القطط ؟

بتحب الشكولاته؟

طيب تحب اسالك فى ايه تانى بس انا هسيبك تجاوبوارجع ليك تانى يلا سلمين وحته

هدى الاهلاوية

14-12-2007, 07:02 PM

اهلا اهلا يا موودى ..... انا قولت بقة اسيبك تستعد فترة كدة للاجابة على أسئلتى الجامدة ...
ههههههههههههههههههههههههههه

آلأسئـلـهـ ..

؛؛

صـف لنـآ نفسـك في سطريـن ...؟!

؛؛

مـآذآ أضـآف لك اهلى ديفيلز ..؟! ومـآذآ أضفت لـهـ ...؟!

؛؛

حكمتك بـآلحـيــآهـ ..؟!

؛؛

قرآر إتخذتـهـ ونـدمت عليـهـ فيـمـآ بعد .. مـآهو ..؟! ..

؛؛

مـآهـي آلتـجربـهـ آلتـي تتمـنـى أن تكررهــآ ...؟

؛؛

أهم 3 أعضــآء تتـآبـعهم ...؟!

؛؛

3 هدآيـآ لـمـن تقـدمهـآ ...؟!

؛؛

مـآشعورك عنـدمـآ تـوآجـهـ شخـص لأ يستطيع تفهمك ...؟!

؛؛

كتـآب قرأتــهـ وتتمنـى مـن آلجـميــع قرآتــهـ ...؟!

؛؛

مـآذآ يعـني لك ::

:: آلبـحـر ::

:: آلغـروب ::

؛؛

مـآهـي أصعب آللحـظــآت آلتـي يحـس فيهـآ سامح بـآلعجـز عـن آلتعـبـيــر ..؟!

؛؛

مـآهو مبدأك فـي آلحيـآهـ ..؟!

؛؛

مآ آلحلم إللي تـتـمنـآهـ وإنت على يقيـن أنـهـ لـن يتحـقق ..؟!

؛؛

ماذا يعنى لك كل من ....

sahiro
أميرة أهلى ديفيلز
برنس الاهلي
حماده ياجاااااااااامد
دلوعه اهلاويه
عاشق الحرية
فارس
نانسي
هدى الاهلاوية
crazygirl about ahly
elnaggar
kapo4e
kmsh
kotkot22
Mido Star
monmon
AhlyDevils
Dr.MSK

سخن بدول وهرجعلك تانى ..... هههههههههههههههههههههه
سلام

CrazY GirL AbouT AhlY

14-12-2007, 10:08 PM

اهلاااااااااااااااااااااااااا يا مودى والله فرحت فيك جداااااا قصدى فرحتلك طبعا
قولى بقى1- ايه اللى خلاك انت وباقى الادارة تفتحوا الموقع ده مع انكم بتدفعوا كل شهر عشان يفضل مفتوح ايه الاسباب فعلا اللى خلاكم تجتمعوا وتقرروا ده؟؟؟؟؟؟؟؟؟؟؟؟؟؟
2- ايه اقرب انسان اللى قلبك اللى وانت بتكلموا كانك بتكلم مع نفسك؟
3- ايه نقطة ضعفك؟
4- ايه الشىء اللى فيك بتحس انها نقطة قوة؟
5- ايه عيوبك؟
6- انت عمرك حبيبت واتجرحت؟
7- وايه اصعب موقف مر فى حياتك كلها؟
8- ايه احلى موقف حصلك؟
9- وايه الموقف الكوميدى اللى حصلك فعلا؟
10- وبصراحة وبكل صراحة انت فعلا حاسس اننا اهل ولا الاحساس ده عندى بس؟؟؟؟؟

™Mahmoud

15-12-2007, 12:34 AM

مودددددددددى اخبار سعتك ايه يا رب متكونش تعبت انا جيه اعد معاك شويه واسالك

لا متقلقيش متعبتش ولا حاجة وبعدين انتي تشرفي في اي وقت
فين السندوتشين اللي الواد ميدو قالك عليهم
والدعوتين

سؤالين كده سهلين خالص وانت عارف اسالتى زى شكت الدبوس مبتحسش بيها

خااااااااااااااااااااااااااااااااااااااااااااااااا االص

خالص خالص
اخف كمان من شكة الدبوس

بتحب الفلام العربى الفشله ولا الاجنبى ؟

لا طبعا مش بحب الفلام العربي الفاشلة
وطبعا مش بحب كل الافلام الاجنبي
انا بحب الكومدي والاكشن والرعب

مين الممسلين الاجانب الى بتحبهم فى الرجاله والستات ؟

والله يا نانسي انا بنسا اسمائهم بسرعة يعني صعب قوي تلاقيني حافظ اسم منهم

لاكن انا عندي حل

ممكن تجيبيلي صورهم كلهم وانا هعرفك مين اللي بحبهم ........... هههههههههه

بتحب الاغانى القديمه ولا الجديده ؟

والله انا مش بفرق

اهم حاجة عندي ان الاغنية تكون حلوة

وانا بفضل اغاني الحزن والجرح علي فكرة يعني

مين مطربك المفضل وبتحب مين من المغنيات وليه ؟

من المطربين المفضلين (( محمد فؤاد - تامر حسني - ساموزين ))

من المغنيات انا مش بحبهم بس بحب اسمعلهم ........هههههههههه

بحب اسمع ((جنات - لإليسا - وشرين اه يا ليل - وشرين وجدي - اصالة - سوما ))

وعلشان خاطرك يبقا نانسي كمان يلا مش حارمك من حاجة اهو .........ههههههههه

اي خدمة

لو كنت بقيت ممثل مشهور ونجم ولا نجمتين كنت تفضل تبقا زى مين من الفنانين ؟

والله كلمه (( لو )) دي من عمل الشيطان

وانا اصلا مفضلش اني اكون نجم او 3 نجوم

مع تحيات نجوووووووووووووووووم fm

بتحب القطط ؟

ههههههههههههههههه

عادي يعني مش مغرم بيها

بتحب الشكولاته؟

اكيييييييييييييييييييييييييييييييييييييييييييييييي يييييييييييييييييييييييييييييد

طيب تحب اسالك فى ايه تانى بس انا هسيبك تجاوبوارجع ليك تانى يلا سلمين وحته

--------------------------------------------------------

™Mahmoud

15-12-2007, 01:20 AM

اهلا اهلا يا موودى ..... انا قولت بقة اسيبك تستعد فترة كدة للاجابة على أسئلتى الجامدة ...
ههههههههههههههههههههههههههه

:eek:
انتي جيتي
ارحمنا يا رب

آلأسئـلـهـ ..

؛؛

صـف لنـآ نفسـك في سطريـن ...؟!

اية الاسئلة الصعبة دي

انا هحاول

انا عصبي جدا ودماغي ناشفة لدرجة متتخيليهاش بس حنين جدا وقلبي ابيض وطيب جداااااااااااااااااا
وعلي فكرة انا لو مخاصم حد حتي لو هوا اللي غلطان وعمل فيا اللي ميتعملش كلو وجه كلمني عمري مصدو وبتكسف جدا بردو كفاية

انا مش بحب اتكلم عن نفسي بلاش الاسئلة دي تاني

؛؛

مـآذآ أضـآف لك اهلى ديفيلز ..؟! ومـآذآ أضفت لـهـ ...؟!

اهلي ديفلز عرفني علي ناس كتييييييييييير وحلوين زيكو كدا وبجد استفد منهم في حجات كتير

انا بقا اضفت له حجااااااااااااات كتييييييييييييييييير مش عاوز اتكلم عن نفسي بقا يا هدي :rolleyes:

هههههههههههههههههههه

بجد الحمد لله يعني ان هوا شغال لحد دلوقتي بالشكل دة وانا والله ببذل اقصي جهدي علشان اخلية احسن من كدا ان شاء الله

؛؛

حكمتك بـآلحـيــآهـ ..؟!

الندالة مبدأ والجري نص المجدعة ................ههههههههههه

بصي هقولك علي حاجة حلوة قوي

ليس كل ما يتمناه المــرء يدركه ولكن تجري الرياح بما لا تشتهي السفن

طبعا الحكمة دي مش من تأليفي

بس عجباني جدا

؛؛

قرآر إتخذتـهـ ونـدمت عليـهـ فيـمـآ بعد .. مـآهو ..؟! ..

بجد مش فاكر حاجة دلوقتي

؛؛

مـآهـي آلتـجربـهـ آلتـي تتمـنـى أن تكررهــآ ...؟

انتي اسئلتك صعبة قوي يا هدي وانا زاكرتي مش مسعداني وانتي عارفة عندي الزهيمر ......... ههههههه

؛؛

أهم 3 أعضــآء تتـآبـعهم ...؟!

والله انا مش محدد حد بيتهقلي انا بتابع كلو يعني

؛؛

3 هدآيـآ لـمـن تقـدمهـآ ...؟!

لوالدتي واخواتي البنات واعز اصحابي

؛؛

مـآشعورك عنـدمـآ تـوآجـهـ شخـص لأ يستطيع تفهمك ...؟!

بحاول بكل قدر اني افهمو وبكون سعيد جدا وانا بفهم اي حد مش عارف حاجة حتي لو كان غبي جدا وهيقعد وقت طويل يفهم

؛؛

كتـآب قرأتــهـ وتتمنـى مـن آلجـميــع قرآتــهـ ...؟!

والله يا هدي الصراحة انا مش بقرأ كتير بس الكتاب الوحيد اللي قريتة هوا

انا مش فاكر اسم الكتاب بس هوا بيتكلم عن قصص حقيقية للشباب علشان تتعظ

؛؛

مـآذآ يعـني لك ::

:: آلبـحـر ::

مكان بستمتع فية بكل شئ المنظر الطبيعي

وصوت البحر بحبو جدا وبحب السباحة جدا وبحب البحر علشان بيجمعنا انا واعز اصحابي

:: آلغـروب ::

بكون لسة صاحي ودماغي مش معايا ....................هههههههههه

؛؛

مـآهـي أصعب آللحـظــآت آلتـي يحـس فيهـآ سامح بـآلعجـز عـن آلتعـبـيــر ..؟!

سامح مين .................................................. ........!!!!!!
لو سموحا ابقي اسألية هوا انا اللي هعرف

؛؛

مـآهو مبدأك فـي آلحيـآهـ ..؟!

قلت مرة الندالة مبدأ ........................هههههههههه

الالتزام بكل كلمة اقولها

؛؛

مآ آلحلم إللي تـتـمنـآهـ وإنت على يقيـن أنـهـ لـن يتحـقق ..؟!

ان يكون موقعنا هذا نفس ترتيب موقع ياهو .....................ههههههههههه

يعني الاول علي العالم

؛؛

ماذا يعنى لك كل من ....

sahiro

بجد دة يبقا حبيب قلبي مع اني لسة اعرفو من بداية المنتدي

أميرة أهلى ديفيلز

اللي اعرفو عنها ان هيا رانيا بس طبعا بعتبرها زي اختي

برنس الاهلي

زميل ايام الثانوي وصديق الان

حماده ياجاااااااااامد

صاحب ايام الثانوي حتي الان

دلوعه اهلاويه

سهر دي دلوعة المنتدي بعتبرها زي اختي طبعا

عاشق الحرية

اخ عزيز ولسة متعرف علية من حوالي شهر او اقل

فارس

الدكتور بتاع المنتدي واول واحد ان شاء الله هروحلو اول متعب....................هههههههه

نانسي

الاخت الغلباوية نانسي بعتبرها زي اختي

هدى الاهلاوية

هههههههههههههههههههههه انتي اية رأيك
طبعا انتي المش مهندسة الكبيرة بتاعت المنتدي

وبعتبرك زي امي بالظبط ............ لا لا اقصد زي اختي ههههههههههههههههههه

crazygirl about ahly

اختي الكبيرة اللي بديلها كل احترام وتقدير

elnaggar

اخوية اللي هلجألو ان شاء الله في اي استفسار في الدين

kapo4e

كابو اللي نفضلنا في اللقاء الاول بتاع الاعضاء

kmsh

كيمو هوا اللي بينقزني لما بكون مش فاضي وبيرفع الاهداف وقت مكون غايب (( المنقز ))
kotkot22

انسان فاضل لسة معرفتش عنو حجات كتير

Mido Star

الواد دة حبيبي كنا بنغش من بعض ايام الثانوي مع انو زملكاوي معفن بس عادي

monmon

هيا طبعا عاشقة منا زكي وهيا اخت من اخواتي في المنتدي

AhlyDevils

الواد فريد ابن عمي اللي كل ميكلمني يهزقني ....................ههههههههه
طبعا دة حب اوعو تاخدو الكلام لجوا

Dr.MSK

دة بقا كبيري وكبير المنطقة اخوية الاكبر وله افضال عليا من ساسي لراسي
بس انا مغلبو جدا جدا جدا جدا وعلطول في خناق يا جماعة حد يشوفلنا حل ................هههههه

سخن بدول وهرجعلك تانى ..... هههههههههههههههههههههه

دول تسخينة حراااااااااااااااااااااااااااااااااااااااااااااااا اااااااااااااااااااااااام

سلام

انا رايح انتحر اهو سلاموت

--------------------------------------------------------------------

™Mahmoud

15-12-2007, 01:47 AM

اهلاااااااااااااااااااااااااا يا مودى والله فرحت فيك جداااااا قصدى فرحتلك طبعا
قولى بقى1- ايه اللى خلاك انت وباقى الادارة تفتحوا الموقع ده مع انكم بتدفعوا كل شهر عشان يفضل مفتوح ايه الاسباب فعلا اللى خلاكم تجتمعوا وتقرروا ده؟؟؟؟؟؟؟؟؟؟؟؟؟؟

تبرعو يا اخواني ولو بشق تمرة ..........................هههههههههههههههههه

بصي يا ستي فكرة عمل الموقع اصلا ترجع الي فريد
ومحمد اخوية فاتح شركة استضافة وتصميم
يعني هوا اللي بيبيع المواقع ودة شغلو
فالواد محمد اخوية قام عامل الموقع بقا من غير محنا ندفع هوا اللي بيدفع وملناش دعوة مدام هوا شغال دلوقتي وبلاش يبقا تمام التمام ولا تحبوو تدفعو معانا هههههههههههه

2- ايه اقرب انسان اللى قلبك اللى وانت بتكلموا كانك بتكلم مع نفسك؟

هما اتنين واحد معانا في المنتدي وواحد لا واللي معانا اسمه MeDoOo
واللي مش معانا اسمة محمد رضوان ودة يعتبر اعز اصدقائي من عمر طويييييييييييييييل

3- ايه نقطة ضعفك؟

والله يا رشا مش عارف بجد انا مش بقول كدا علشان اني خايف من حاجة مثلا بس بجد مش عارف
وطبعا مفيش انسان ملوش نقطة ضعف بس انا ممكن يكونو كتير بس مش عارف احدد يعني

4- ايه الشىء اللى فيك بتحس انها نقطة قوة؟

يمكن ان انا بسامح علطول حتي من غير تفكير وبنسي بسرعة لذلك دة بيقوي علاقاتي بالناس

5- ايه عيوبك؟

العصبية - النسيان اوقات بيبقا عيب كبير - دماغي ناشفة حتي لو عارف ان اللي بعملو غلط بس علي فكرة لما اكون عارف انو غلط بعملو علشان محدش يرغمني علي حاجة بس الحمد لله بصحح الغلط تاني

6- انت عمرك حبيبت واتجرحت؟

والله لحد دلوقتي لسة ملقيتش بنت الحلال اللي احبها
فبالتالي متجرحتش بس مش عارف لية بموت في الاغاني الحزينة والجرح

7- وايه اصعب موقف مر فى حياتك كلها؟

يوم وفات والدي

8- ايه احلى موقف حصلك؟

مش فاكر والله يا رشا
:o

9- وايه الموقف الكوميدى اللى حصلك فعلا؟

كتيييييييييييير متعديش

10- وبصراحة وبكل صراحة انت فعلا حاسس اننا اهل ولا الاحساس ده عندى بس؟؟؟؟؟

والله يا رشا انا لو مش حاسس اللي انتي حساة دة بيتهيقلي مكنتش هسمح لحد انو يسألني الاسئلة دي
او كنت هجاوب بكل صراحة زي منا بجاوب

بس ارحموني شوية والنبي انا كدا خلاص هموت منكو

الحمد لله خلصت

هييييييييييييييييييييييييييييييييييييييييييييييييي يييه

يا رب اللي جي يكون خفيف

walix ! l.e.d.a

15-12-2007, 03:56 AM

خلاص هنات يا بوب باذن الله هنزلك يوم الوقفة علشان تلحق تعيد هيص يلا

فارس

15-12-2007, 04:23 AM

ايه العصير اللى حاصل ده ... الحمد لله انى مش مكانك يا شيخ

انا حبيت امسى بس ...... مش لاقى اسئله اقولها

™Mahmoud

15-12-2007, 04:24 PM

خلاص هانت يا بوب باذن الله هنزلك يوم الوقفة علشان تلحق تعيد هيص يلا

ربنا يخليك ليا يا وليد بية

ايه العصير اللى حاصل ده ... الحمد لله انى مش مكانك يا شيخ

انا حبيت امسى بس ...... مش لاقى اسئله اقولها

نورتني والله يا دكتور

samoha

15-12-2007, 06:39 PM

حاج مووووووووووووودي واحشني وربنا يا ولد

المره اللي فاتتكنت بقولك اني حاي بس مش هبقي فاضي

يعني هاجي محمل بالاسئله

شكلك فهمتني غلط واني مش هابقي فاضي اجيلك

ده انت غلبان اوي

ده انا اضي نفسي ليك ياحببي

كل سنه بقي وانت طيب عشان العيد

متقلقش انا جاي تاني طبعا

™Mahmoud

15-12-2007, 07:06 PM

pretty-girl

15-12-2007, 09:26 PM

هااااااااااااااي مودي

أنا هسألك سؤال عادي عشان تعرف إن أنا طيبة

هل إنت عضو مميز وفعال في منتديات تانية زي ما انت هناوللا عضو عادي وحاططوقتك كله في المنتدى ده ؟

™Mahmoud

15-12-2007, 09:46 PM

هااااااااااااااي مودي

أنا هسألك سؤال عادي عشان تعرف إن أنا طيبة

هل إنت عضو مميز وفعال في منتديات تانية زي ما انت هناوللا عضو عادي وحاططوقتك كله في المنتدى ده ؟

بصي يا ستي

طبعا المنتدي دة هوا اللي واخد كل وقتي

لاكن انا في المنتديات التانية اللي بشترك فيها هيا المنتديات اللي هتنفعني

يعني عضو عادي في المنتديات التانية ووقتي كلو هنا

وانتي نورتيني والله

CrazY GirL AbouT AhlY

16-12-2007, 11:26 AM

الحمد لله خلصت

هييييييييييييييييييييييييييييييييييييييييييييييييي يييه

يا رب اللي جي يكون خفيف

آميييييييييييين
هههههههههههههه
شكرا يا مودى على صراحتك المعهودة

walix ! l.e.d.a

17-12-2007, 06:14 AM

walix ! l.e.d.a

17-12-2007, 06:23 AM

انااسئلتى خفيفة جدا لانى مش لاقى اسئلة الاخوة اللى هنا قامو بالواجب وزيادة

بس هقولك

انا هحط ليك اغانى وانتا تقول على الاغانى دى اسامى الاعضاء

خلصت فيك كل الكلام

طمنى عليك

فين حبيبى

مش قدى

هى ناقصك

احلى منهم غير انا طبعا هههههههههه

الواد قلبه بيوجعه

ريح بالك

اطلع من دوول

باينو ضاع

احترت معاك

وش كسوف

الف مشا الله عليك

بقيت بتوحشنى

شخبط شخابيط

كمل كلامك

انتا الغالى

كفاية دول

وكل سنة وانتا طيب يا مودى السنة الجاية اشوفك على الكرسى برضه هنا
ههههههههههههههه

™Mahmoud

18-12-2007, 12:15 AM

هااااااااااانت يا مودى خلاص النهاردة الاثنين بكره تنزل ان شاء الله

قولى بقى يا سيدى ولا اقولك مش هسئلك علشان متسئلنيش لانى حاسس انى مش هقعد ع الكرسى ده

هههههههههههههههههههه

قابلنى اذا انا قعدت انتا ناسى انى المشرف على القسم يعنى مش هدخل برجلى يا نجم

ههههههههههه

لو انتا فى بيت كله زمالكوية والدك واخواتك كلهم زمالكوية وانتا بس اهلاوى

يارتى المعاملة بينكم هتتغير ولا هتبقى زى ما هيا

لو الزمالك اتهزم فى مباراة مهمة وانتا ابديت اعجابك بالهزيمة ماذا سيكون رد فعل والدك وواخواتك

هههههههههههههههههههه

اولا الحمد لله انا اهلاوي بالوراثة يعني مفيش حد في الاسرة زملكاوي خالص

ثانيا للرد علي سؤالك انا ليا اصحاب كتير جدا زملكاوية وبعزهم جدا رد فعلي لما الزمالك يلعب وحش او يتغلب

بزلهم وممكن يقوم حد يضربني بس طبعا بيبقا ضرب اصحاب يعني مش بنزعل من بعض

وربنا يخليهوملي

انااسئلتى خفيفة جدا لانى مش لاقى اسئلة الاخوة اللى هنا قامو بالواجب وزيادة

بس هقولك

انا هحط ليك اغانى وانتا تقول على الاغانى دى اسامى الاعضاء

لية السؤال الرخم دة بقا

عموما انا هحاول علي قد مقدر وطبعا الاغاني اللي فيها كره لحد او حاجة عيب كدا كدا مش هعرف اجاوب فيها

لان الناس هنا انا بحبهم كلهم ومفيش حد دايقني او كدا يعني

خلصت فيك كل الكلام

عاشق الحرية (( الكلام : بدعي عليك علشان السؤال الرخم دة )).......ههههههه

طمنى عليك

AhlyDevils غيب كدا من غير حس ولا خبر

فين حبيبى

في الدنيا (( مش عارف ابقا اسألو ))

مش قدى

انت عاوزني اتخانق يعني ولا اية

هى ناقصك

عاشق الحرية بردو (( يعني انت مش شايف الاسئلة اللي فوق تقدر وتريحني انت )) هتتظبط بس اصبر ........ههههههه

احلى منهم غير انا طبعا هههههههههه

المنتدي كلو حلوين

الواد قلبه بيوجعه

MeDoOo

ريح بالك

zoro اصل الواد يا عيني بيمتحن وصعبان عليا

ربنا يوفقو ويوفقنا يا رب

اطلع من دوول

لو عرفتني مين دول هقولك هوا مين

باينو ضاع

AhlyDevils

احترت معاك

Mido Star & MeDo9 اصل الاتنين دول غلبوني

وش كسوف

انا مش فاكر الاغنية وربنا لو افتكرتها هقولك

الف مشا الله عليك

مش عارف

بقيت بتوحشنى

sahiro ربنا يعينو اليومين دول عندو امتحانات وعملي وحوارات

شخبط شخابيط

عبد الله اسماعيل (( العضو دة محدش بيفهم من ردودو حاجة ))

كمل كلامك

مش عارف

انتا الغالى

Dr.MSK اكيد علشان اخوية مع اننا علطول في خلاف بس طبعا هوا الغالي

وكل المنتدي والله بأعضائو غاليين عندي جدا

كفاية دول

وكل سنة وانتا طيب يا مودى السنة الجاية اشوفك على الكرسى برضه هنا
ههههههههههههههه

وانت طيب يا وليد باشا

وكل سنة والاعضاء كلهم طيبين

وان شاء الله عيد سعيد علي الامة الاسلامية كلها

برنس الاهلي

18-12-2007, 12:23 AM

خلي بالك ياض يا مودي انا براجع وراك يعني لو كدبت هسيح علي طول وانته عارفني

™Mahmoud

18-12-2007, 03:58 PM

خلي بالك ياض يا مودي انا براجع وراك يعني لو كدبت هسيح علي طول وانته عارفني

يا باشا الحمد لله من غير متقول

انا الحمد لله ماشي مظبوط لدرجة كبيرة جدا لحد دلوقتي

walix ! l.e.d.a

19-12-2007, 12:09 AM

كل عام وانتا بخير يا مودى

تم اخلاء سبيلك من سرايا كرسى الاعتراف

هههههههه

يغلق الموضوع