التائه الجزء الثالث ( وملخص لما سبق)

[فارس]

ملخص لما سبق

بعد نجاح زوجه العمده فى سرقه اوراق تضع زوجها فى السجن واعطتها لعيسى انتقاما من زوجها الذى كان يريد الزواج من ام عيسى ... يكتشف عيسى بعد ان تتطور الامور ان له ارض ورث بهذه الاوراق لان هناك تزوير حدث لامضاء جده والد امه .. وبالتالى يعطى الاوراق لوالده قبل ان بسافر الاسكندريه للعمل فيها ... يعتمد عيسى على المحامى ووالده ولكن المفاجاه ان والده متورط مع العمده فى التزوير ولهذا يسلم الاوراق للعمده لتضيع فرصه القاء القبض على العمده ... من ناحيه اخرى مايزال المامور يريد ابن عمه فواز ان يفوز فى الانتخابات وهو يضغط على شيخ الجامع باستمرار لكى يقف فى صفه ولكن شيخ الجامع ضده .... ينتهى الجزء الثانى بمفاجات رهيبه .. فابن المامور والذى فقد القدره على الانجاب من حادثه مايزال متمسك بزوجته وبالاخص بعد ان عرف ان زواجه من رشا لخدمه صالح عمه فى الانتخابات ... عيسى يعمل فى كافيتريا وتقدم له فتاه ورقه ليتعرف عليها ... العمده يكشف مخططه لحليفه المامور ويبدا فى التعاون لفوز قواز فى الانتخابات ومحمود والشيخ ضدهما ... مايزال الموقف غامض بالنسبه للمحامى الذى لم نعرف عنه شىء بعد .... لمزيد من التفاصيل اليك لنكى الجزء الاول والثانى

الجزء الثانى

http://www.ahlydevils.com/vb/showthread.php?t=4925&page=7

الجزء الاول

http://www.ahlydevils.com/vb/showthread.php?t=4065

ترقبوا الجزء الثالث ان شاء الله غدا .............

[sahiro]

شكراا يا دكتور على الملخص السريع دا

وفى انتظار الجزء التالت ان شاء الله

[فارس]

انهى عبسى عمله وجلس يفكر ... انه رقم تليفون هذه الفتاه ... بالطبع لن يفكر ان يكلمها انها تبدو من الفتيات الاهيات وهو لا يحب هذه النوعيه وبدا يتذكر نبويه حبه الكبير ....

وهنا ظهر صديقه مصطفى وهو من ساعده على العمل فى الكافيتريا ويدور الحوار


- عيسى ... عامل ايه ؟؟؟

- الحمد لله يا مصطفى بدات الشغل بس عايزك فى حكايه

- قول وان شاء الله نساعدوك

- بنت ادتنى ورقه برفم تليفونها

- تلاقيها زمرده

- اشمعنى ؟؟

- لانها الوحيده اللى ممكن تعمل كده

- هى بنت مش كوبسه

- ياعم مين اللى كوبس

- يعنى مش كوبسه

- الحياه هنا يا عيسى منفتحه شويه ... انسى قريتك دلوقتى انتا عايش فى الاسكندريه

- يعنى اسمها زمرده ؟؟؟

- مش شرط قولى كده مواصفاتها

- هى طويله شويه ولابسه يعنى هدوم مكشوفه شويه و....

- ههههههههه حلوه هدوم مكشوفه دى كمل

- هى بيضا ... شعرها اصفر بصراحه هى جميله

- الصفار بتاع الشعر ده مش طبيعى اكيد ضرباه والبياض بويه كمل

- بس وعندها حسنه صغيره فى انفها

- هههههههههه يخرب عقلك يا عيسى دانتا بتوصف فى بحريه

- مين بحريه دى

- دى اجمل بنات اسكندريه عمرى ما شفت فى جمالها والحق عمرها ما كلمت حد

- اشمعنى كلمتنى انا واداتنى رقم تليفونها

- اهو ده بقى سر غريب انا هاندورولك ونشوف الحكايه ايه اما تيجى ابقى رنلى على الرقم ده

- ماشى

- وهتتصل برقم التليفون اللى اداتهولك

- لا طبعا ....

- غشيم ... بنت زى اللوز وجميله جدا .. لا بويه ولا حاجه ومش بتكلم حد ... انا عرف بصالك انته ليه ... حاجه غريبه

- اسمها بحريه .؟؟

- ههههههه لا دى اسم الشهره اسمها بسنت ...

- اسم حلو

- هههههههه وشكل حلو وانت حلو ... يا بختك يا معلم انا لو منك ادوس

- بطل يا د ... ربنا يستر

.................................................. ..........


جلس العمده ينظر الى زوجته بعد ان ردها اليه مره اخرى وقال

- عملتيلى قلق الفتره اللى فاتت وكنتى هتودينى السجن يامره

- انته همك فى نفسك على طول .... دم بنتك فى رقابتك يا عمده

- بصى

- هاتقول ايه ... كل الناس عارفه ان شوكت اللى قتلها بعد ما استحقر انه يتجوزها وانته ما شيلى مع ابوه ... سياده المامور الهمام

- بطلى يا مره ... افهمينى

- عايز تقول ايه

- وشرفى المامور وابنه لهدمرهم ... خصوصا ان الاوراق كلها رجعتلى ... انا بس معاه دلوقتى ضد الشيخ لانى كارهه وعايزه يدمر ... لكن بعد كده هافضاله وهالعب مع المامور

- انته عدت زى المامور بقيتوا شياطين

- الحياه لازم تخليكى تكونى كده ... العمديه ممكن تروح منى يامره والمامور بيساندنى بعد فتره البلبله ما تخلص والعموديه تستقر لى ... ساعتها اعرف المامور شغله

- اها قول كده الحكايه حكايه خوفك من الشيخ انه يكون العمده ... برده بتفكر فى نفسك

- يا مره انتى افهمى بقى .... العموديه لو راحت سلطتى هتقع وممكن اخش السجن ... يعنى عايزانى ادخله ... بالحق فين البن نبويه

- عماله هريه نفسها عياط بتحب عيسى

- يا عبنى يا عينى ... عيسى اللى كان ضدى رغم انى ساعدته فى ...

- اسكت يا عمده ومتفتحشى فى القديم ... انته ناسى انك كنت عاز تتجوز امه ... حقته يا كلك بسنانه

- احترمى نفسك فى الكلام

- وانتا بتحترمنى اما تقعد تقولى مره ... دا من الاخلاق والادب ؟؟؟

- انتى هتعلمينى الكلام ؟؟؟

- لا ... بس يعنى كنت عايزك تحترمنى شويه فى الكلام ... ياعمده لازم تحب الناس وتعمل لمصلحتهم

- بصى غورى من قدامى دلوقتى لارمى عليكى اليمين


صعدت زوجه العمده الى بنتها نبويه

- بنت يانبويه

- ايوه يا مه

- انتى لسه بتعيطى ؟؟؟

- عيسى مش ظاهر واختى اتقتلت وابويا كرهته ... عايزه ايه اكتر من كده ... سيبونى فى حالى

- بصى يا بنتى

- ماما افتحى النور

- نور ايه ما النور مولع

- انا مش شايفه حاجه

وكانت صدمه لزوجه العمده !! يبدو ان نبويه فقدت بصرها

................................

قرر المحامى قريب عيسى ان يتصل بوالد عيسى ليساله

الاستاذ شاكر ... الو مين معايا ؟؟؟

- انا المحامى هاه الاوراق معاك عشان نقدمها بكره ل....

قاطعه

- لا الاوراق اتسرقت والظاهر ان العمده خدها

- ايه ؟؟؟ كده القضيه باظت ازاى الاوراق تتسرق انته مش قلت ان ..

- بص يا جناب المحامى مش الارض دى ارض مراتى اخرج انته بره اللعبه وسيب لى التصرف بقى ممكن

- لا مش ممكن انا قريب مراتك ولى الحق فى المطالبه بحقوقها

- اضرب راسك فى الحيطه ... ممكن بقى تقعد ساكت وتقفل الخط

تيت تيت

واغلق الاستاذ شاكر الخط

كانت صدمه للمحامى الذى قرر ان يتصل بعيسى ويحكى له .... وعلى الجانب الاخر بعد ان اغلق الاستاذ شاكر الخط قال لزوجته تفيده

- انا رايح الشغل اللى جابهولى الشيخ

- طيب متتاخرشى

- متخافيش مش هتاخر دى مسافه زمن

- اوكى

وبدا ان الاستاذ شاكر سعيد بامر ما .... وبعد خروجه .... قال احمد ماما هو بابا بيروح الحاره اللى جنبنا كتير ليه

- حاره ايه يا احمد

- اللى جنبنا كنت بلعب انا واخويا محمد هناك وشفناه بيخش بيت ... ودى تالت مره نشوفه

- ايه ... طيب اوصفلى البيت كده

وبعد ان انتهى من وصف البيت بدات تفهم انه يزور بيت شلبيه الرقاصه .... ويبدو ان الامور ستتطور كثيرا

......................... يتبع

[نانسي]

ههههههههههههه الله الله هى فيها غزيه كمان يا مجاهد يوه اصدى يا فارس هههههههههههه

لا الجوز ءده فيه تطورات كتير جدااااااااااا بسنت ونبويه الى اتعمت وكمان رقاصه بينك ناوى تدلعنا فى الجزء ده

احنا معك يا فارس بس عيزين شوية دسكوهات بقا دى الكس ههههههههههههههه

لا بجد تسلم ايدك يا فارس

[فارس]

شكرا يا نانسى .......... تابعوا الحلقات بعد العيد ان شاء الله .... كانت اجازه بس عن الحلقات

[فارس]

قال الطبيب شوكت لللعمده .... يا عمده بنتك السبب فى عماها نفسى انصحك تخدها عند دكتور نفسانى

- ايه ؟؟؟ ما عندناش بنت تروح ل ...

قاطعته زوجته ... اللى تقول عليه يا دكتور ... ان شاء الله نوديها لافضل دكتور نفسانى ... متعرفشى حد كويس

- اه الطبيب رامى .... طبيب جامد جدا وهو هيساعدها انها تستعيد الابصار تانى ان شاء الله

- حاضر يا دكتور ادينا بس عنوانه

- معايا كرنيه ليه ... اتفضلوا

اطرق العمده طوال الطريق وهو مفكرا ... هل هو السبب فى ما حدث لبناته واحده قد قتلت والاخرى فقدت الابصار ... ان حياته بدات تتدمر ... حتى زوجته اصبحت تكرهه وتعيش معه من اجل المال فقط

وقد يفقد العموديه فى اى وقت ولكن لن يسمح بذلك ابدا ........ واثناء تفكيره قالت زوجته

- الا قوللى يا عمده .... ناوى تعمل ايه الفتره الجايه ؟؟

- فى ايه ؟؟

- انته بتسال .... بنتك هنوديها لدكتور نفسانى ودم بنتك التانيه لسه مبردش ... امتى بقى تفوق يا عمده

- اسكتى يا وليه انتى مش فاهمه حاجه .... العموديه فى خطر ... حربى مش هتخلص ابدا

- انته اللى بتحارب نفسك

- انتى كلامك مستفز

- خلاص ماعدتش هفتح بقى بالكلام يا خويا ... ياله بينا على عياده الدكتور

وصعدا لعياده الدكتور رامى ....... كانت عياده فخمه

وبعد ان قصا للطبيب الحكايه ... نظر الى البنت المسكينه والتى لاتنطق

- قوليلى يا نبويه انتى زعلانه من حاجه

لم تتحدث نبويه وسقطت الدموع من عينيها ......... وهنا قال الطبيب ... ارجوكم سيبونا لوحدنا مش عايز حد غير الممرضه بالداخل

كرر الطبيب سؤاله ... قوليلى يا نبويه انتى زعلانه من حاجه ؟؟؟

لم تنطق نبويه

- طيب بصى انتى مش عايزه تفتحى ؟؟؟ طيب اتكلمى عشان اساعدك

سقطت الدموع من عينيها وفتحت فمها وبدا ان شفتاها تتحركان بالكلام ولكنها لم تقل شىء

- انتى مالك ؟؟؟ اتكلمى يا نبويه ... ارجوكى اتكلمى

فتحت فمها وحركت شفتيها وسقطت الدموع من عينيها .....

- انتى مش عارفه تتكلمى ؟؟؟

هزت راسها بالموافقه وسقطت الدموع من عينيها بغزاره

وكانت صدمه للطبيب فقال .... طيب انتى هتكتبى رد على اسئلتى وباذن الله الامور هتتحسن ........ يابدر ( مشيرا للممرضه ) ورقه وقلم لنبويه

واحضرت الممرضه الورقه والقلم وقدمتهم لنبويه ... ولكن نبويه القت بهم ارضا واذداد بكاءها

- بصى يا نبويه لازم نؤمنى بالقدر يا نبويه مش لازم نفقد الامل فى الحياه ونتخلى عن بصرنا ونطقنا لاى شىء مهما كان .... امسكى الورقه والقلم واحكى لينا ايه اكتر شىء مزعلك دلوقتى وثقى ان الكلام اللى بتقوليه محدش هيعرفه

نظرت نبويه للورقه والقلم وامسكت بهما وقررت ان تكتب ما تخفيه منذ ان كانت طفله ... كل شىء عن طريق الورق

...............................................

جلس عيسى لكى يستريح قليلا واذا بالفتاه والتى تدعى بسنت او بحريه قد قدمت وهى تنظر الي عينيه العسليتين قبل ان تقول ... مجتش ليه ... اعدنا نستنوك تتصل

- بصى انا مش بكلم بنات

- ليه ؟؟ مفيش دبله فى صابعك

- انا بحب واحده قريبتى ومش بفكر الا فيها

- جميله ؟؟؟

- عسل ....

- طيب ممكن نبقى اصحاب؟؟؟

- بصى انا بجد ممل قوى مش هتحبى تتكلمى معايا ...

- يابنى هنكلموك يعنى هنكلموك

ابتسم عيسى وقال ..... طيب بصى هاتصل بيكى مش دلوقتى

- عشان تضحك على تانى

- لا بجد هاتصل بيكى لان مينفعشى اتكلم كده قدام الناس

- ماشى .. هنوافقوك اما نشوفوا اخرتها معاك

- خير ان شاء الله

قالها ثم ابتسم

اقترب منه صديقه مصطفى وقال .... دى بسنت فعلا يا معلم انته وقعتها ازاى

- وقعت ايه ياعمنا ... الظاهر البنات عندكوا فى اليكس واقعين جاهزين

- ياعم دا دى بالذات المنطقه كلها هتموت عليها ولا سالت فى اى حد

- انا اساسا مكلمتهاش فى حاجه

- غريبه دى جايز عشان عيونك العسليه

وهنا اقترب صاحب المحل وقال لعيسى ... تعالى يا عيسى

- ايوه يا فندم

- ابعد عن بسنت يا حبيبى

- انا مليش كلام معاها

- انتا فاكرنى داقق عصافير ... بس يا حبيبى ورقه وتاخدها وتيجى تانى وتكلمك ومش تشرب حاجه يعنى جايالك يا معلم .. عايز تظبطوا بعيد عن هنا

- لو سمحت متتكلمشى معايا كده قلتلك مليش دعوه بيها

- معلوم .... هنشوف بس الشغل شغل ....

- يا فندم انا هنا شغال بما يرضى الله واوقات الراحه هى اللى اتكلمت معاها فيها ثم انها هى اللى اتكلمت مش انا

- ماشى يا خفيف هانسمحوك ...

وهنا تركه صاحب المحل واتجه صديقه مصطفى اليه مره اخرى وقال .... ما تيجى ياعم اقعد فى الشقه الصغيره اللى تحتنا بدل ما تعذب نفسك فى المبيت هنا ....

- ماشى والاجره كام

- انته عيل والمصحف تانى مره اسمع حاجه زى ده هنعوروك

- مش عارف ارد جمايلك دى ازاى

- يابنى اسكندريه احدع ناس

ابتسم عيسى وهو يتوجه للمبيت مع صديقه بينما تداعب يده ورقه بسنت فى جيبه وعقله ذاهبا لدنيا اخرى

...............................................

كانت صدمه لتفيده والده عيسى ان تعرف ان الرقاصه شلبيه على علاقه بزوجها وقررت ان تذهب لتعرف طبيعه العلاقه وتركت السوق وتوجهت مباشره للعماره

رنت الجرس

- مين بره ؟؟

- انا

- انتى مين

- انا واحده انتى متعرفهاش

فتحت الراقصه الباب وقالت انتى مين ؟؟؟؟

- طيب ادخل الاول

- ادخلى

وافسحت لها الطريق وهنا قالت تفيده .... تعرفى ايه عن الاستاذ شاكر

- جوزى؟؟؟

كانت صدمه لتفيده واخرجت بطاقه الجواز وقدمتها للرقاصه وقالت تقصدى دا

- ايه ده هو انتى مراته ؟؟ اه انتى عرفتى ايوه متجوزنى من زماااااااان ...

- وهنا رن جرس الباب ففتحت الراقصه ودخل الاستاذ شاكر وكانت صدمه عندما راى تفيده وسقط راسه لاسفل ولم يتحدث اى منهما بينما ابتسمت الراقصه وقالت

- انتوا بتتعرفوا لسه على بعض ولا ايه ؟؟؟؟

لم يتحدث اى منهما وان كانت الدموع قد ملات عين تفيده ... وقالت ابعتلى ورقه طلاقى اما تيجى هو ده الشغل اللى الشيخ جابهولك ؟؟؟؟

خرجت تفيده بينما وقف الاستاذ شاكر متسمرا لا يتحدث ثم رمى نفسه على اقرب مقعد

................................................ يتبع

[sahiro]

حلقه جميله يا دوك وممتعه

فى انتظار القادم

[نانسي]

جميله او يا فارس بس انت بتزلنا على بال متكتب الحلقه بليز متتاخرش كده تانى

وبعدين انا مش قلتلك اوصفلى الواد شكله ايه عيسى مقلتش ان عينو عسلى

انا كنت متخيلاها سوده ممكن تغيرها هههههههههه

تسلم ايدك يا فارس والله تجنن

[فارس]

مش كنتى تقولى عايزه عنيه سوده ؟؟

ياله بقى طلع عسلى اسمر كده ههههههههههه جارى كتابه الحلقه الجديده

[فارس]

جلست نبويه وعقلها ينطلق الى نقطه البدايه وكتبت الاتى

كان ابى دائما عنيف فى كلامه معى لم اشعر ابدا انه ابى لم يضحك لى مره .. وتعامله معى جاف جدا ... لقد كنت ابكى اياما كثيره بسبب سوء معاملته لى ... وكنت ابكى بمفردى لا يشاركنى احد البكاء والحزن ابدا ... وصارت حياتى قطعه من الجحيم

وحدث ان وقعت الخلافات بين ابى وامى وهنا كان عندى وقتها فرحه مخفيه وبدات اشعر انى مذنبه لانى عرفت انى اكره والدى واخذت الوم انفسى بشده ... الا ان قتلت اختى وعرفت ان قاتلها ابن صديق ابى .. او ابن المامور القاتل ورغم معرفه ابى بالامر الا انه كان ساكنا لا يتحرك .. وهنا اذداد انهيارى لفقدى اختى ولفقدى ابى ايضا فى نفس الوقت .. بل ورجوع ابى وامى الى بعضهما البعض بعض الطلاق لم يكن شيئا محببا لى ... كان ايضا كارثه ان اعيش مع رجل يعرف ان ابنته قتلت ولا يتحرك ...

وكنت احب عيسى وبشده وطالما ما كنت اعوض كرهى لحياتى برغبتى فى الخلاص بالزواج منه ... الا انه رحل ورحل معه كل شىء ..............




قرا الطبيب النفسى تلك العبارات وهو حزين اشد الحزن لما ال اليه الامر ... وقال لنبويه

طيب يا نبويه انا فهمت كل شىء ... محدش هيعرف بالكلام ده


وخرجت نبويه بينما طلب الطبيب من العمده البقاء لانه يريده فى امر هام

بقى العمده مضطربا ... وقال الطبيب ... لقد فقدت ابنتك القدره على الكلام بجانب القدره على الابصار حتى اننى كلمتها عن طريق كتابتها على ورقه وبالرغم من انها لا ترى الا انها كتبت بالقلم جيدا وفهمت كلامها

- وايه الحل يا دكتور ...؟؟؟
- الحل انك تعاملها برفق شويه وتشوف انته كنت السبب فى ايه ... وتجيب عيسى وتجوزه لبنتك

- ايه عيسى؟؟؟ دا معدم

- دا الحل ان كنت عايز بنتك تخف
- حاضر يا دكتور هندور عليه مادام ده فيه شفاء للبنت
- وجوده عامل مساعد فقط انما فى الاصل لابد من الكثير من العوامل لكى تخف بنتك لو جبت عيسى هيكون بدايه للشفاء

.....................................

رن جرس التليفون فى حجره بسنت فاسرعت وامسكت بالموبايل ووجدت رقما غريبا .. وهمست مين معايا ؟؟؟

- انا عيسى

- اهلا اهلا انا مش مصدقه نفسى

- ممكن افهم بقى انتى عايزه منى ايه قلتلك انا خاطب

- نكون صحاب

- وبعدين

- مش بعدين ... هانتقابل فى (.............) ووصفت له المكان بالتفصيل ... ولما اغلق عيسى التليفون بعد ان كتب العنوان كان خائفا ... انه اصبح فى دنيا واسعه عليه ولم يعد هناك رقيب عليه وبالتالى ممكن ان يرتكب اى حماقات واخذ يتضايق من نفسه لماذا اتصل بها وما هو اخر ما فعله ... وبدا يشعر بالضيق .... ونام على هذا الفراش وهو يتذكر نبويه وكم هى رقيقه جميله ... انه بدا يفتقدها ... بدا يشعر بالوحده رغم انه اعتادها منذ صغره ... كان يعتقد بانه عند عوده والده سيشعر بالسعاده ولكنه شعر بالضيق والتعاسه منذ قدوم والده ... كانت نبويه هى حبه الوحيد ... ان بسنت اجمل بكثير ولكنه لا يشعر تجاهها باى نوع من الاحتياج .. انها اشبه بشىء مبروز من الخارج وبالداخل فراغ ... ان الحياه فى بلده كانت حياه بسيطه .. صحيح يمتلا عالمه بالشر ... ولكن الشيخ كان مقاتلا وفارسا فى زمن يندر فيه الفرسان ....

وفجاه رن جرس الباب فقام على الفور وفتح الباب ووجد امامه صديقه وبسنت وكانت مفاجاه ثقيله

- انتى ايه اللى جابك وجيتى ازاى

- معلش يا عيسى صاحبك دلنى على البيت ... مش بطال

- انا ساكن فيه عند صاحبى يعنى مش بيتى .... وخدى بالك انى عازب وعيب عليكى تخشى بيت وا..

-قاطعته قائله ... بص يا عيسى انا واثقه قيك اكثر من نفسى ... الا قولى ايه احوال ابوك شاكر

التفت اليها عيسى متعجبا فلا احد هنا يعرف اسم والده

- قالت بسنت .. اظن يا مصطفى تسيبنا لوحدنا احسن بينا كلام كتير عايزين نقوله

وانصرف مصطفى مبتسما وهو يقول لصديقه دوس يا عم

- قال عيسى ... عرفتى اسم ابويا ازاى ...؟؟

- من الصوره دى .......

واخرجت صوره لوالده وهو يقف معها

نظر عيسى للصوره بذهول وقال انتى عارفه ابويا منين ؟؟؟

- دى قصه طويله ... مش تخلى مصطفى يعمل 2 شاى ونحكوا كل حاجه ... اصل الحكايه طويله اوى يا عيسى

.............................................

بكت تفيده واخذ ا كلا من محمد واحمد ينظران اليها ودموعهما تسقط بالرغم من عدم معرفتهم بالسبب

محمد .. انتى بتعيطى ليه يا ماما

- مفيش يا بنى ...

- لا قوليلى

- مش هاتكلم اقعد ساكت انتوا مش بعتوا للشيخ يجى ؟؟

- احمد ... ايوه بعتنا يامه انا رحلتله

- بس مش عايزه اى كلام لحد ما يجى

- طيب يا ماما انا عيسى واحشنى اوى

- عيسى سابنى لوحدى ومشى .... سابنى احمل الهم لوحدى

- هوه بابا مرجعشى ليه ؟؟؟

- باباك مات يابنى خلاص

- مات ازاى

واخذ يبكى

صرخت الام ... اسكت ابوك عايش بس مش حى ابوك رجع عشان يتزوج على ... ابوك اللى هرب من تربيتكم وانتم صغار ورماكم اربيكم .. بتسال عليه ليه عملك ايه ؟؟؟؟

ابوك مبستحقش انى اعيش معاه ... هو مبيفكرشى الا فى نفسه ... لو عيسى هنا كان اتصرف معاه .... فينك يا عيسى

وانهمرت فى البكاء ومحمد واحمد غير فاهمين الى الموقف ...

ويبدو ان الشيخ قد وصل فقد ارتفعت الطرقات على باب نبويه ......

........................ يتبع

[نانسي]

والله انا بتخنق لما بقره كلمت 000 يتبع دى هههههههههههههه

يعنى ابقى مندمجه جداا فى الاحداث وفجئه تقولى كده ينفع الكلام ده هههههههههههههه

لا بجد تسلم ايدك يا فارس ويا ريت متتاخرش كده


فى كتابة الحلقات الجميله دى

[فارس]

الله يخليكى والله المشكله انى فى الغالب مبقعدشى على النت كتير الايام دى ... بس هحاول انى اكتب حلقه كل يوم سا مسهل ....

نورتى

[sahiro]

المشهد الاخير مؤثر بجد يا دوك

أحييك على طريقة اخراجه وفى انتظار القادم ان شاء الله

[KEMOOO]

إيه الجمال ده يا فارس أنا من أشد المتابعين للمسلسل ده تسلم إيدك فكك من الإمتحانات ويلا اكتب باقي الحلقاااااااااااااااات ههههههههه يلا ربنا يكرمك و يكرم عيسي و نبويه و يتجوزوا بقي

[فارس]

رن الهاتف المحمول لعيسى فقال ... معلش يا بسنت ارد على المكالمه وتحكيلى بالتفصيل ....

واخذ جانبا وهو ممسك بالموبايل ولاحظ ان الرقم غريب فقال مين معايا

- انا احمد اخوك

- وبتتكلم منين يا احمد

- من سنترال

- ايه فى حاجه فى البلد ؟؟

- امك قاعده تعيط والشيخ بيكلمها اهوه ...

- بتعيط ليه ؟؟

- معرفشى هى قاعده متضايقه من ابويا ...

- لا دا بين فى موضوع جامد وانا مش عارف .. طيب يا احمد اقفل انته وانا هشوف فى ايه

وما ان انتهت المكالمه حتى رن الموبايل للمره الثانيه

- اهلا بصديقى المحامى ايه الاخبار

- انته موبايلك كان مشغول ليه ؟؟؟

- معلش بقى كان اخويا بيكلمنى ... المهم ايه الاخبار

- ابوك سلم الورق للعمده ...

- ايه ؟؟؟ ليه ؟؟

- ماعنتش فاهم حاجه ... انته المفروض تاخد اجازه وبعد كده تكمل شغلك .. انا مكنتش عايز اقولك وكنت متردد عشان معكننشى عليك بس قلت لازم اقولك فى الاخر

- طيب ايه اخبار امى والبلد وابويا

- والله منا عارف بس الانتخابات شغاله على ودنه الصراعات ماليه البلد ... والظاهر اللى اسمه فواز ده هو اللى هيكسب الانتخابات

- للاسف

- بس الغريبه انى سامه ان محمود جوز رشا ... ان المامور بقى بيتردد على الشيخ كتير وبيحاولوا يعملوا جبهه ضد فواز ده اللى وصلى لغايه دلوقتى

- طيب وايه اخبار ابويا

- كويس على ما اسمع .. الشيخ جابله باين وظيفه على معرفت من امك

- اه كويس ... طيب ونبويه ؟؟؟

- معرفشى عنها حاجه بس بيقولوا فى مستشفى مش عارف بينها تعبانه

- ايه ؟؟؟ تعبانه عندها ايه

- ومالك منفعل اوى كده ؟؟

- لا خلاص مفيش انا نازل البلد بكره ان شاء الله اما اشوف ايه الحكايه

- طيب سلام

ووضع عيسى السماعه وهو لا يفهم اى شىء ... امه تبكى وغضبانه من ابوه وابوه سلم الاوراق للشيخ ... ونبويه فى المستشفى ..

ثم نظر الى بسنت وقال هاه احكيلى باه ايه الموضوع بالظبط ....

ابتسمت بسنت وقالت .... الاستاذ شاكر يبقى ابويا يا عيسى ... يعنى احنا اخوات


ونزلت الجمله كصاعقه على عيسى

.................................................. ....

وقف الامامور ينظر الى ابنه محمود بغضب وقال ... بص يا محمود قاعدتك كتير مع الشيخ دى مزهقانه ... دا غير انى عرفت انك كلمت ابو رشا انه يقف ضد عمك ... انته بتحاربنا يعنى

- بص يا با .... انا سمعت خبر كده ان فى وفد اجنبى جاى البلد

- وفد ايه ؟؟؟

- مش عارف بس وفد اجنبى جايين البلد يقابلوا الشيخ


- والوفد ده اجنبى ازاى

- يعنى مش مصرى هما عايزين الشيخ يروح يدرس علوم الفقه بره مصر

- يعنى الشيخ هيسافر

- للاسف ماهو ده اللى مضايقه ... محدش كده هيقف ضد عمى فى الانتخابات لان الاساس الشيخ

- طيب وانته بتقولى الكلام ده ليه

- عشان التخطيط بتاعكم انكم تخلصوا على الشيخ ملوش فايده .... سيبوه يمشى ونجحوا اللى انتوا عايزينه

- ااااااااااه انته خايف على الشيخ

- ايوه طبعا

- ماشى عموما رحيله هيريحنا ولو عرفت انك تانى تدخلت من قريب او بعيد فى الموضوع هدخلك السجن ...

- حاضر اظاهر لازم الانسان يبقى سلبى فى حياته

- ايوه كده تعجبنى

- حاضر

- ريحتنا يا شيخ ..... اهو الواحد يتصل بفواز يقوله

بينما ذهب المامور لابلاغه كان محمود يبتسم وكانه قد دبر الكثير والكثير

.................................................. ......

جلس العمده امام نبويه وقال ... يعنى يا بنتى انتى عايزانى انتقم لاختك صح

لم ترد نبويه فهى لا تستطيع الكلام ....

قال العمده ... بصى يا بنتى انا عارف انك كرهتينى بس انا عايز اقولك ان العموديه دى حاجه كبيره لو انا سبتها مش هقدر اعيش ولا انتوا هترتاحوا .... انا بحبك بجد يا بنتى ومستعد اتصل بعيسى عشان خاطرك ... وهاكلموا

.. اثناء حديثه رن جرس الباب فاسع بفتح الباب وكان الاستاذ شاكر

اشار اليه ان يدخلا فى حجره جانبيه يتحدثا

- العمده ... ايه يا معلم انته فين

- اسكت مراتى عرفت علاقتى بالرقاصه

- يعنى اتطربقت على دماغك

- الفلوس اللى جايبه من بره كلها بصرفها على الرقاصه

- عارف يا اخويا وعامل قدامهم مفلس

- انا خايف من تفيده

- مراتك عاقله

- لا هتطلب الطلاق وانا متاكد

- طيب فرضنا ان ده حصل ايه المشكله

- عندك حق مفيش مشكله بس
- بس ايه ؟ على الاقل تخلص من عيسى اللى قارفك

- صح ... طيب وايه اخبار الانتخابات ؟؟

- فواز هايكسب .. ملكش دعوه بالموضوع ده ... المهم حاول تتصل بعيسى وتجيبه قبل ما يعرف بموضوع الطلاق اللى ممكن يحصل ..

- مينفعشى

- طيب هات رقم موبايله

- اشمعنى ؟؟

- هجوزه لبنتى

- ايه ؟؟؟ مش فاهم حاجه

- اسكت انته دا لا زم يحصل .... ونبقى ارتحنا من كل حاجه

.............................................. يتبع

[KEMOOO]

بسنت أخت عيسي ( بحريه ) طيب كويس كنت فاكرها واحده معجبه بيه طمنتنا يا راجل شاكر ده راجل فاسد فعلا و راجل بيموت علي الفلوس تسلم إيدك يا فارس

[فارس]

مرور متميز يا كريم

تسلم إيدك فكك من الإمتحانات ويلا اكتب باقي الحلقاااااااااااااااات ههههههههه

انا خلصت امتحانات وامتياز يا كريم ... صباح الخير

المشهد الاخير مؤثر بجد يا دوك

شكرا يا ساهر

بسنت أخت عيسي ( بحريه ) طيب كويس كنت فاكرها واحده معجبه بيه طمنتنا يا راجل

هههههههههه اطمن اطمن

[فارس]

عيسى.. ابويا ابوكى ؟؟ اقصد ابوكى ازاى ؟؟؟

بسنت ... الحكايه بسيطه يا عيسى ... ابوك كان متجوز امى اللى ماتت وهو ربانى كل الفتره اللى فاتت... وبعتلى صورتك قريب من النت ... كان بيحكيلى عنك ... وكان قالى انه هينزل لامك ... وانا وافقته ... هو مش بيخبى عنى حاجه

- يعنى افهم من كده انه كان قاعد معاكى كل الفتره اللى كان مسافر فيها

- اه

- سايبنى بنتلوى من الجوع وعايش معاكى

- متظلموش يا عيسى

- يا سلام ... افرح انه سابنى اتبهدل مش كده

- بص يا عيسى .... هوه بصراحه فاهمنى ان امك سبب هجره ليها لان اسلوبها فى الكلام معاه مش حلو .. و...

- وايه ؟؟ دا كداب ... انا بكرهه جدا

- فى حد بيكره ابوه

- مش بس كده وبكرهك وكرهت حياتى .. اطلعى بره ... بره

وهنا خرجت بسنت ترتجف بينما كان عيسى يبكى بحرقه .... لم يكن يتصور ان له اب بهذه القسوه ... انه كره والده ... ولكنه ينبغى ان يرجع الى القريه لان نبويه فى حاجه له

وهنا بدا يعد حقيبته للسفر ... بينما نزل صديقه وقال

- انته رايح فين

- راجع البلد

- ليه ؟؟

- كده

_ فهمنا طيب

- افهمك ايه .... بص انا راجع وشكلى مش جاى تانى

- يعنى تعلق البت بسنت وتخرجها تعيط يا قاسى

- بطل كلام انا مش ناقص ... انا راجع البلد

- طيب اهدى وفهمنى ايه اللى حصل

- مفيش ... جهز معايا شنطتى انا مش طايق نفسى وشكرا على واجبك معايا

- براحتك ... انا بيتى مفتوح ليك وانته عارف

.................................................. ...............

وصل عيسى الى القريه اخيرا وكان باستقباله شيخ الغفر الذى اقتاده للعمده

- عيسى .. فين نبويه

- ادخل عليها


وتركه العمده يدخل الى نبويه والتى كانت حزينه وفجاه بكت نبويه

- عيسى ... مالك يانبويه ؟؟ اتكلمى ... عشان خاطرى اتكلمى

ولم تستطع الكلام

- اتكلمى ... انا هتجوزك ... انا بحبك بجد .. عارفه انا كده بتقطع لما اشوفك مش تتكلمى


وفجاه رمت نبويه بنفسها فى احضان عيسى واخذت تبكى

كانت ام نبويه واقفه ... ولما رات المشهد خرجت واغلقت الباب

- ب... ب.... ب.... بحبك

نطقتها نبويه قبل ان تبكى .. ودموعها تتساقط ...

- وهنا بكى عيسى وقال .... لقد تركت كل شىء لاراك .....

وخرج عيسى وهو ممسكا بيدها ونظر للعمده وقال هتجوزها ... بنتك اتكلمت خلاص يا عمده ...

بس انا استاذنكم اروح بيتى ويبقى لينا كلام بالتفصيل

وهنا بكت ام نبويه وقالت ... بل واصبحت طبيعيه تماما لقد شفت تماما

- الحمد لله يا امى

- لو كنت اعلم ان عيسى دواك لما تاخرت فى احضاره ... قالها العمده وهو يخرج


بينما عيسى اخذ ينظر الى نبويه قبل ان يذهب لبيته

.................................................. ......

دخل عيسى البيت ووجد والدته تبكى

- مالك يامه ؟؟

- ابوك طلقنى ...

- ليه؟؟

- انا شفته مع رقاصه .. و...........

- احسن انا اصلا مش بحبه ....... بصى دا ريحنا يا شيخه كده .. كبرى

- طيب وهنعبش ازاى اهو كان بيحط قرشين

- بصى يامه ... متحمليش هم حاجه ......... اسيبك انا عشان رايح للشيخ فى زياره هامه

- ربنا يوفقك لما تحبه يابنى

.................................................. ....

كان محمود ابن المامور جالسا مع زوجته رشا

رشا ... محمود والدى عايزك

- اشمعنى

- معرفشى لسه طالبنى

- اوك ... بس هابعث برساله كده للشيخ .... على الموبايل ... واقوله كل حاجه تمام

- هوه ايه اللى تمام

- لا متاخديش فى بالك

- اوك ... هتروح يعنى لابى

- اينعم

وبالفعل خرج محمود


ويبدو ان الامور اشتعلت

يتبع

[KEMOOO]

أيوه كده يا فارس ربنا يعينك و بالتوفيق علي طول