على كرسى الاعتراف سهر بناء على رغبه الجميع

[فارس]

معنا الان عضوه اجمع الكل على انها متميزه ...... تم اختيار العضوه سهر بتاء على رغبه الاغلبيه فى التوبيك الذى تقدم به عاشق الحريه

اتمنى ان تكون الاسئله متميزه والاجابات جيده

الى ان يتم تحديد المسئول عن اداره كرسى الاعتراف والذى اعتقد ان عاشق الحريه هو الاقرب للتعيين ....... فحتى لا تقف العمليه بالكرسى

نبدا على بركه الله مع سهر

صاحبه موضوع اخص اخص

http://www.ahlydevils.com/vb/showthread.php?t=3628

:p

اللى مش هيخش يسال يبقى اخص اخص عليه

[Rania Ebrahim]

أولا شكرا ليك يامحمد على انك بدأت .. واحنا برضه فى انتظار الادارة تحدد مين اللى هيكمل فى ادارة الكرسى

ثانيا حمدلله عالسلامه يا سهر ونورتى الكرسى .. وانا هحضر شوية اسئله ورجعالك بسرعه


بس ممكن تتسلى فى البطاقه الشخصيه كده على ما ارجعلك ههههههههههههههههه

[Mido Star]

اهلا يكى ياسهر على الكرسى

السؤال الاول

انتى ليكى فى شغل البيت ؟

السؤال التانى

ايه اكتر حاجه بتحى تعمليها اول متقومى من النوم ؟

السؤال التالت

انتى بنتحبى الكليه بعتك ولا دخلتيها باء على رغبة الاهل ؟

السؤال الرابع

انتى مبسوطه من حياتك ؟

[دلوعه اهلاويه]

ايه ده هو انا هنا وانا معرفشي طيب ازاى ده بقي


شكلكم كده مستحلفينلي جامد قوى


بس والنبي براحه عليا شويه

واحده واحده يعني

يعني حاجه كده ع الماشي ههههههههه

[Mido Star]

ههههههههههههههههههههههههههههههه

لزم تجوبى

مينفعش كده

وعلى فكره لما تجوبى على الحبه دول فى تانى كتير

يالله بسرعه

[دلوعه اهلاويه]

أولا شكرا ليك يامحمد على انك بدأت .. واحنا برضه فى انتظار الادارة تحدد مين اللى هيكمل فى ادارة الكرسى

ثانيا حمدلله عالسلامه يا سهر ونورتى الكرسى .. وانا هحضر شوية اسئله ورجعالك بسرعه


بس ممكن تتسلى فى البطاقه الشخصيه كده على ما ارجعلك ههههههههههههههههه





الله يسلمك يا رانيا يا قمر

انا مستنيه اسألتك السهله البسيطه الخفيفه ماشي



وياستي لو عاوزه البطاقه هجيبهالك لحد عندك هههههههههه


سهر راغب السيد عشرين

1/7/1987

طالبه بكليه تجاره الفرقه الرابعه

المحله الكبري

بس خلاص كده كفايه عليكم هههههه

[دلوعه اهلاويه]

اهلا يكى ياسهر على الكرسى


اهلا اهلا بيك عقبالك ههههههه

السؤال الاول

انتى ليكى فى شغل البيت ؟

ههههههههههههه

انا ؟؟؟

انا ماليش في شغل البيت نهائي نهائي نهائي

ومش بطيقه ولا بحبه وبكره خالص خالص خالص

كبيري يعني لما اقول اني روقت الشقه هي الاوضه بتاعتي وخلاص


غير كده نوووووووو

السؤال التانى

ايه اكتر حاجه بتحى تعمليها اول متقومى من النوم ؟

هو بما اني بقوم الساعه 2.5 فيدوب اقوم اصلي الظهر

وبعد كده افتح المنتدي علي طوووووووووول


السؤال التالت

انتى بنتحبى الكليه بعتك ولا دخلتيها باء على رغبة الاهل ؟

انا طول عمري اقول لو كليه التجاره دي اخر كليه عمري ما هدخلها ابدأ ودي كليه الفشله وكان نفسي ادخل صيدله جدا جدا بس وقفت معايا علي 4% دخلت الاول تجاره انجلش وقلت دي هتعوضني الصيدله كليه مستواها عالي وكويسه بس محبتهاش خالص لقيت الدراسه فيها صعبه جدا وصحابي كلهم كانوا في تجاره عربي لعبوا في دماغي جامد اني احول معاهم وفعلا حولت
وزهقانه جدا منها خالص بس هي مسأله نصيب مش اكتر
السؤال الرابع

انتى مبسوطه من حياتك ؟


الحمد لله ربنا منعم عليا بنعم كتيره اوى وانا بحمده عليهاواكيد مبسوطه باللي ربنا كاتبهولي




شكرا يا عم ميدو اسئله سهله وجميله بس ابعد عن موضوع شغل البيت ده لاني بكره اوى ههههه

[دلوعه اهلاويه]

ههههههههههههههههههههههههههههههه

لزم تجوبى

مينفعش كده

وعلى فكره لما تجوبى على الحبه دول فى تانى كتير

يالله بسرعه


براحه علينا ياعم ميدووووووو بكره يجيلك يوم متستعجلشي

انا جاوبت علي كل الاسئله بس بجاوب براحتي

ولا هو في زمن محدد للاجابه هههههههههه

[Mido Star]

ماشى ياستى ولا يهمك

وعلى فكره انا كنت العضو the_lover حماده فكراه انا غيرت اسم العضويه الى mido star

نبدء من جديد

1_نويه على ايه بعد متخلاصى الكليه ؟

2_انتى ليكى اخوات وياترى بتعمليهم الزاى ؟

3_انتى فعلا دلوعه ولا بتحبى النكد هههههههههههههه؟

4_اكتر حاجه بتنرفزك ايه هيه ؟

[دلوعه اهلاويه]

ماشى ياستى ولا يهمك

وعلى فكره انا كنت العضو the_lover حماده فكراه انا غيرت اسم العضويه الى mido star


عارفه طبعا يابني من يوم مغيرت الاسم بتاعك

انت غني عن التعريف

نبدء من جديد



اووووووك

1_نويه على ايه بعد متخلاصى الكليه ؟


والله انا بفكر اخد كورسات كمبيوتر وانجليزى

اهو اسلي نفسي يعني

وبفكر اتدرب في اي مكتب محاسبي


2_انتى ليكى اخوات وياترى بتعمليهم الزاى ؟


ايوه عندي احمد في كليه حقوق وهو معاكم هنا في المنتدي

ومصطفي في 2 اعدادي


بحبهم جدا وبعاملهم بمنتهي الحنيه وبخاف عليهم بطريقه فظيعه


3_انتى فعلا دلوعه ولا بتحبى النكد هههههههههههههه؟


هههههههه لا انا مش نكديه خالص

وفعلا انا دلوعه ماما وبابا وبالاكتر بابا

بطريقه تنرفز هههههههه

4_اكتر حاجه بتنرفزك ايه هيه ؟


الا طفال قرايبي لما بيجوا عندنا وهما اشقيه جدا جدا

وبيدوخوني خالص ويفضلوا يلعبوا في الكمبيوتر ويبقي هاين عليهم يكسروه

فبتنرفز عليهم خالص خالص




شكرا ليك ياحماده وياريت متكنش زعلان من اي حد في المنتدي

[نانسي]

سهر انتى فى موقف لاتحسدى عليه ربنا يعينك


انا هسئلك شعورك ايه دلوقتى

[Mido Star]

الف شكر ليكى يادلوعه


وعلى فكره انا مش زعلا انا خيف اكون مزعل حد منى


وكمان انا حاسس ان مفيش حد بيعبرنى ولاحتى بكلمت شكر

[دلوعه اهلاويه]

سهر انتى فى موقف لاتحسدى عليه ربنا يعينك


انا هسئلك شعورك ايه دلوقتى



لحد دلوقتي شعور عادي جدا لان الاسئله سهله وبسيطه



لكن بعد كده بصراحه انا مش عارفه هبقي عامله ازاى هههههههه



وبعدين هو ده السؤال بس اللي ربنا قدرك عليه

الف شكر ليكي يا نونه

[دلوعه اهلاويه]

الف شكر ليكى يادلوعه


وعلى فكره انا مش زعلا انا خيف اكون مزعل حد منى


وكمان انا حاسس ان مفيش حد بيعبرنى ولاحتى بكلمت شكر


ياريت فعلا متكونشي زعلان

وصدقني مفيش حد زعلان منك خالص

بس هو الموضوع فيه سوء تفاهم وبس

حتي ادخل التوبيك بتاعك اللي انت عامله وزعلان فيه ده

هتلاقي اعضاء كتير داخلين وردين انهم مش زعلانين منك

[نانسي]

طب انا هسئلك سؤال تانى

كلتى المحشى الى كنتى مطلعالى منه طب ولا لسه فى شويه

[دلوعه اهلاويه]

طب انا هسئلك سؤال تانى

كلتى المحشى الى كنتى مطلعالى منه طب ولا لسه فى شويه


يااااااااااه لو كل الاسئله تفتح النفس كده


تبقي ميه ميه

ايوه فعلا اكلت المحشي وخلصت عليه كمان هههههههههه

[Mido Star]

ممكن انا كمان نفسى اكل محشى بقالى اكتر من شهرين مكلتوش

ههههههههههههههههههههههههههههههههههههههه

[نانسي]

يا طفسه انا كنت نويه انزل اخد طبق ياله بالهنه والشفه

بس خلى بالك انا حجزه من دلوقت طبق المره الجيه

[Mido Star]

وانا ماشى بقا كده خلاص ماشى

انا بقا هعمل مكرونه ومشهدى لحد ولا حاجه منها

هههههههههههههههههههههههه

ممكن ياسهر تقوليلى انتى عمرك كرهتى حد بجد؟

[دلوعه اهلاويه]

خلاص يا جماعه لما هنزل من علي الكرسي هعملكم حله محشي وهعزم المنتدي كله عليها

اي خدمه ومش عاوزه حد يزعل نفسه

[دلوعه اهلاويه]

ممكن ياسهر تقوليلى انتى عمرك كرهتى حد بجد؟


لا والله العظيم ابدا

مهما ازعل من حد عمري فعلا مكرهت اي بني ادم


غير فعلا اليهود والكفره دول اساسي اكرهم

[MR.FeeeRooo]

بسم الله توكلنا على الله يافتاح ياعليم يارزاق ياكريم اصطبحنا واصطبح الملك لله


بصى انتى زى مانتى عارفه انا مابحبش اسال كتير وخير الكلام ماقل ودل

انا هاسال سؤالين كده على الماشى واسيبك فى حالك

1// قوليلى الاول انتى عامله ايه دلوقتى الاول من جاء القصف الميكروباصى اللى حصلك وانتى رايحه الكليه

2// مين اكتر عضوه هنا فى المنتدى قريبه لقلبك وبلاش بقى الردود الدبلوماسيه وتقولى بحب كله والكلام بقى ده

3// بتشجعى الاهلى من امتى وايه اللى خلى بنت زيك تشجع الكوره وتتابعا من اساسه

4// فريق فى مصر بعد الاهلى بتشجعيه وفريق عالمى بتحبى تتابعى اخباره واخبار نجومه

5// مبسوطه من العيشه فى مصر ولا كنتى تتمنى تعيشى فين ولو مبسوطه فى مصر كنتى تحبى تعيشى فين بدل المحله وخللى بالك المنتدى متراقب وبلدنا بتتقدم بينا

6// ترتيبك الكام فى اخواتك

7// ايه المواقع اللى تحبى انك تزوريها غير اهلى ديفيلز

8// هوايتك المفضله غير اكل المحشى

9// نزلتى القاهره كام مره ولا عمرك ماخرجتى من حوض السمك اللى عابشه فيه ؟؟

10// الممثل المفضل ولممثله المفضله

11// المطرب المفضل والمطربه المفضله

12// مين اقرب لقلبك بابا ولا ماما خللى بالك مفيش دبلوماسيه فى الكلام

13// لو اتعرض عليكى هديه احدث عربيه فى السوق تفضليها نوعها ايه

14// ايه الحكايه انتى ونانسى جارتك حاطين صورة نانسى عجرم هى تقرب لكم ولا ده تشابه اسماء بس؟؟؟

15// شكلك شقيه وبتحبى المقالب قوللنا على مقلب عملتيه فى حد ومقلب حد عمله فيكى

16// اكتر موقف محرج اتعرضتى له

17/ اكتر حاجه شوفتيها وزعلتك ومش قادره تنسيها

18// مين العضو اللى نفسك تدخلى المنتدى تلاقيه موقوف غيرى طبعا ههههههههه

19// احساسك ايه دلوقتى وانتى بتتسالى الاسئله البسيطه دى

20// بتدخلى موقع الزملكاويه وبيكون شعورك ايه وانتى بتقرى اى شتيمه على الاهلى

21// بتحسى بايه لما بتشوفى ماتش ليهود مصر قصدى يعنى بتوع المانجه البايظه

22// احساسك ايه برضه لما بتشوفى نجوم الاهلى بيتالقوا فى انديه تانيه

23// اكيد متابعه اخبار المنتخب واخبار شحاته ابو كف عاوز رايك فى المنتخب والبطولات اللى داخلها وتصفيات كاس العالم وتحديد رايك فى ابو كف

24// بتقعدى كام ساعه قدام الكمبيوتر يوميا

25// ايه ال home page عندك على الجهاز وهازعل اوى لو حاجه غير اهلى ديفيلز وخللى بالك انا ديمقراطى جداااااااااااااااااااااااااااااااااااااااااااااااا اااا


جاوبى بقى على السؤالين دول ولو اجابتك عجبتنى هاسالك كمان سؤالين

[Mido Star]

لا كده كفايه

حرام جوبى دول الاول

[Rania Ebrahim]

انا رجعتلك اهو يا سهوره .. يارب تكونى ارتحتى نفسيا بعد صدمة انك عرفتى انك عالكرسى ههههههههههه


انا قولت اسيبك تتقبلى الوضع الاول وبعدين ادخل بقى .. وبالنسبه للأسئله متقلقيش خاااااااااااالص


وبعدين دا احنا حتى اصحاب .. المهم >>> نبدأ :



1 - ايه اللى خلاكى تشجعى الاهلى وتحبيه ؟؟؟ ومين اكتر لاعب بتحبيه فى الفريق ؟

2 - بتروحى الاستاد تحضرى ماتشات للأهلى ولا نووو ؟؟؟

3 - قوليلى بقى لو عاوزة تجيبى لبس .. تحبى تنزلى مع مين وبتروحى فين ؟؟

44 - انا لاحظت انك مالكيش اخوات بنات .. فأكيد ليكى صحاب بنات كتيييييييير .. قوليلى عددهم بسرعه ؟؟؟

5 - أكتر واحده من صحباتك قريبه منك ؟ وممكن تحكيلها ايه يعنى ؟؟

6 - بتحبى مين اكتر ومين الاقرب ليكى ( بابا - ماما ) ؟؟؟

7 - موقف عملتيه عن طيب خاطر ورجعتى ندمتى اوى عليه ؟؟؟؟

8 - حد وثقتى فيه اوى ومكانش أد ثقتك فيه وخانك ؟؟

9 - ايه اكتر يوم من ايام الاسبوع بتحبيه ؟؟ وليه ؟؟

10 - ايه اكتر اكله بتحبيها ؟؟ واكتر مشروب مفضل ليكى ؟؟

11 - موبايلك نوعه ايه ؟؟ ولو مش عاجبك تحبى تجيبى ايه بداله ؟؟؟

12 - اناعارفه انك محجبه الحمد لله .. لتحجبتى من امتى بالظبط ؟؟؟

13 - ايه اكتر مكان تحبى تخرجى فيه لما بتخرجى ؟؟؟؟

14 - ايه هو اخر فيلم دخلتيه فى السينما ؟؟؟ وكان مع مين ؟؟

15 - اسم دلع ليكى حبتيه وتحبى تتنادى بيه ؟؟؟

16 - مواظبه عالصلاة ولا بتقطعى ؟ وبتقرى قران كل اد ايه تقريبا ؟؟؟

17 - ختمتى القران كام مره طول حياتك ؟؟؟

18 - بتعملى ايه لما بتكونى زهقانه ؟؟؟

19 - بتحبى تتكلمى مع مين لما بتكونى مخنوقه ؟؟ ولا بتفضلى تبقى لوحدك ؟؟

20 - ايه المكان اللى تحبى تروحيه وانتى متضايقه وتبقى مرتاحه فيه ؟؟؟

21 - لبسك بنطلونات ولا جيبات ؟؟؟ ولو الاتنين اكتر حاجه تحبى تلبسيها ايه فيهم ؟؟

22 - حاجه نفسك تعمليها بس شايفه انه مش وقتها دلوقتى ؟؟؟

23 - أكتر حد حبتيه هنا عالمنتدى ؟؟

24 - ايه رأيك فى منتدى أهلى ديفيلز ؟؟ شايفه انه ناقصه حاجه ؟؟ وايه هى ؟؟؟

25 - مين من الاعضاء نفسك تشوفيه .. ومن العضوات كمان ؟؟

26 - كلمه تقوليها لكل من :

- هدى الاهلاويه

- فارس

- أميرة أهلى ديفيلز >> رانيا يعنى

- MIDO STAR

- crazygirl about ahly

- ‏AhlyDevils

- نانسى

- samoha

- kotkot22


27 - أخيرا كلمه هاتقوليها ل سهر ؟؟؟


هاخد لفه وارجعلك تانى .. متقلقيش خاااااااااااااااااالص .. وربنا معاكى

[دلوعه اهلاويه]

بسم الله توكلنا على الله يافتاح ياعليم يارزاق ياكريم اصطبحنا واصطبح الملك لله


ايه ده انت هنا برده ورايا ورايا في كل حته كده يلا زى بعضوا امرنا لله


بصى انتى زى مانتى عارفه انا مابحبش اسال كتير وخير الكلام ماقل ودل

ايوه مانا واخده بالي:rolleyes:

انا هاسال سؤالين كده على الماشى واسيبك فى حالك

كل دول سؤالين :eek: :eek: يا مفتري

1// قوليلى الاول انتى عامله ايه دلوقتى الاول من جاء القصف الميكروباصى اللى حصلك وانتى رايحه الكليه

يا بني قلتلك الميني باص مش الميكروباص

وبعدين انا الحمد لله دلوقتي احسن من امبارح بشويه صغنطتين


2// مين اكتر عضوه هنا فى المنتدى قريبه لقلبك وبلاش بقى الردود الدبلوماسيه وتقولى بحب كله والكلام بقى ده

بص هو فعلا في كتير لان كذا بنت من هنا اتصاحبنا علي بعض وبجد هما كلهم معزه واحده

بس ممكن لو هقول اقرب واحده ليا ممكن اقول نانسي لانها قريبتي وبرتاح معاها في الكلام

لكن لو غير نانسي عشان اكمنها قريبتي تبقي رانيا لان حصلي قبل كده مشكله فحسيت ان هي الوحيده اللي هتقدر تساعدني

وبجد حسيت من يوميها ان هي قريبه مني اوى وزي اختي خالص


3// بتشجعى الاهلى من امتى وايه اللى خلى بنت زيك تشجع الكوره وتتابعا من اساسه

بشجعه من اولي ابتدائي

طبعا مكنشي ليا في الكوره خالص بس لما لقيت صحابي في المدرسه الولاد مهتمين بالكوره

وبالاهلي وانه علي طول بيفوز وكان اياميها شبير وحسام وابراهيم هما التوب بتوع الاهلي

فبدأت احب الاهلي من اياميها

بس حكايه المتابعه دي تابعتها عن طريق احمد اخويا وحبه الشديد للاهلي

وبسمع منه اخر الاخبار

دا طبعا قبل ما ادخل اهلي ديفلز ههههههه


4// فريق فى مصر بعد الاهلى بتشجعيه وفريق عالمى بتحبى تتابعى اخباره واخبار نجومه

بعد الاهلي مفيش فريق تاني اقدر اشجعه بالذات هنا في مصر

اما فريق عالمي فبحب البارسا وبحب اتابع رونالدينهو لان بموت فيه جدا جدا



5// مبسوطه من العيشه فى مصر ولا كنتى تتمنى تعيشى فين ولو مبسوطه فى مصر كنتى تحبى تعيشى فين بدل المحله وخللى بالك المنتدى متراقب وبلدنا بتتقدم بينا

مش عارفه ايه سبب حبي لمصر بالرغم انها موفرالنا كل وسائل الراحه والترفيه بس سبحان الله متوقعتش في يوم من الايام ان اكون غير مصريه ولا اتمني ان اكون غير مصريه

6// ترتيبك الكام فى اخواتك

انا الكبيره بتاعت اخواتي وبفرض عليهم نفوذي طبعا :rolleyes::rolleyes:


7// ايه المواقع اللى تحبى انك تزوريها غير اهلى ديفيلز


طبعا اهلي ديفلز ده اكتر موقع بدخله ومش بدخل غيره غير عشان انقل حاجات عجبتني للمنتدي هنا



8// هوايتك المفضله غير اكل المحشى


وانت ايه اللي عرفك حكايه المحشي دي كمان هههههههه

اااااه قولتلي بقي انت بتتجسس علينا هنا ولا ايه

اااه اكمنك رئيس مجلس الاداره بقي واحنا هنا يعني مجرد مشرفين لقسم واحد ماشي يا عم رودى

انا بقي يا سيدي هوايتي ان اعد في البيت ومخرجشي

وطبعا هعد اعمل ايه غير ان ابقي اعده علي المنتدي ؟؟

يعني من الاخر هوايتي المفضله اهلي ديفلز



9// نزلتى القاهره كام مره ولا عمرك ماخرجتى من حوض السمك اللى عابشه فيه ؟؟

نزلتها كتير بس مش كتير اوى يعني

يعني تقدر تقول كده 10 ولا حاجه وممكن اكتر بس بشويه صغنتتين

لكن حكايه حوض السمك دي انا سافرت بلاد كتير غير المحله


10// الممثل المفضل ولممثله المفضله

هاني سلامه & احمد عز

مي عز الدين



11// المطرب المفضل والمطربه المفضله

تامر حسني

نانسي عجرم 12


// مين اقرب لقلبك بابا ولا ماما خللى بالك مفيش دبلوماسيه فى الكلام

طبعا مفيش كلام ان هما الاتنين بحبهم

بس ماما اقرب من قلبي وهي مخزن اسراري

يعني بعتبرها اختي لان انا معنديش اخوات بنات


13// لو اتعرض عليكى هديه احدث عربيه فى السوق تفضليها نوعها ايه

bmw طبعا بموت فيها


14// ايه الحكايه انتى ونانسى جارتك حاطين صورة نانسى عجرم هى تقرب لكم ولا ده تشابه اسماء بس؟؟؟


هههههههه هي جت صدفه كده والله

بس ده ميمنعشي اننا بنموت في نانسي عجرم



15// شكلك شقيه وبتحبى المقالب قوللنا على مقلب عملتيه فى حد ومقلب حد عمله فيكى

مقاااااالب ههههههه

يعني اكتر واحده خدت مني مقالب واحده صاحبتي اسمها جهاد دي تبقي انتيمتي

عملت فيها حوالي 10000000 مقلب وكل مره متحرمشي وتصدقني

يعني مره قلتلها ان انا اتعلمت السواقه واول مره سوقت فيها العربيه رحت بيها الكليه وانا في طنطا وسايقه العربيه كان في حمار بيعدي الطريق امت انا خبطته بغصب عني هههههههه وصدقت ياعيني

امت نازله من العربيه وركبت الحمار العربيه هههههههه وكان صاحبه قاعد جمبه ورحت بيه علي المستشفي

وياعيني برده مصدقه هههههه اصلها علي نيتها اوى اوى

المهم قالتلي طيب وايه اللي حصل قلتلها الحمار مات وصاحب الحمار اشتكاني في القسم واتسحبت مني الرخص هههههههههه

واتعملي محضر وقومت محامي هههههه

قالتلي اخص عليكي كل ده يحصلك ومتعرفينيشي انا بجد زعلانه منك خالص مكنتشي عشره ههههه
والمصيبه كنت في اليوم ده كنا قاعدين انا وكم واحده من صحابي وهما كانوا هيموتوا من الضحك وهي ولا هي هنا خالصهههههههه بس كان موقف يموت من الضحك

وفضلت مخصماني نص ساعه عشان احرجتها ادام صحابنا كلهم ههههههه

16// اكتر موقف محرج اتعرضتى له

انا مره كنا في اسكندريه وقاعدين علي البلاج فكان في موجه عاليه جايه فانا مش بطيع اخلي الميه تيجي نحيتي فبرجع لورا عشان متعكش

قمت واقعه علي الارض وبرده الميه جات عليه ببص حوليا لقيت الناس بتتفرج عليا وفي شباب بيضحكوا قمت فاضله قاعده علي الارض ومقمتش وفضلت اضحك وخلاص من كسوفي ههههه


17/ اكتر حاجه شوفتيها وزعلتك ومش قادره تنسيها

ممكن يكون محمد الدره الموقف ده عمري مهنساه ابدا لان اتاثرت بيه جدا جدا


18// مين العضو اللى نفسك تدخلى المنتدى تلاقيه موقوف غيرى طبعا ههههههههه

هههههههه مين قالك

لا والله مفيش حد بس لو مصمم يبقي اي واحد مش محترم اواي واحد مش بيفيد المنتدي

19// احساسك ايه دلوقتى وانتى بتتسالى الاسئله البسيطه دى

مخنوقه منك اوى اوى هههههههه

20// بتدخلى موقع الزملكاويه وبيكون شعورك ايه وانتى بتقرى اى شتيمه على الاهلى

انا مش بحاول ادخل اي موقع زملكاوى عشان متعصبشي عليهم واشتمهم

21// بتحسى بايه لما بتشوفى ماتش ليهود مصر قصدى يعنى بتوع المانجه البايظه

مش بحب اتفرج علي فريق تاني غير الاهلي

22// احساسك ايه برضه لما بتشوفى نجوم الاهلى بيتالقوا فى انديه تانيه

ببقي حزينه وبقول ان الاهلي اولي بيهم لانه هو اللي خلاهم نجوم

23// اكيد متابعه اخبار المنتخب واخبار شحاته ابو كف عاوز رايك فى المنتخب والبطولات اللى داخلها وتصفيات كاس العالم وتحديد رايك فى ابو كف

24// بتقعدى كام ساعه قدام الكمبيوتر يوميا

طول اليوم ههههههههه من ساعه ما بقوم من النوم لحد لما باجي انام

هو انا ورايا غيره هههههه25// ايه ال home page عندك على الجهاز وهازعل اوى لو حاجه غير اهلى ديفيلز وخللى بالك انا ديمقراطى جداااااااااااااااااااااااااااااااااااااااااااااااا اااا


والله العظيم اهلي ديفلز

عشان مش بدخل علي حاجه غيره اصلا غير بسيط


جاوبى بقى على السؤالين دول ولو اجابتك عجبتنى هاسالك كمان سؤالين

اييييييييييه بتقول ايه سمعني تاني كده اصلي مسمعتش

سؤالين ؟؟ وبعدين انت ناوى تيجي هنا تاني ولا ايه ؟؟



ياااااااااااااااااااه اخيرا خلصت السؤالين :eek::eek:

انت حسستني اني في اختبار الكليه الحربيه ههههههههههه

[دلوعه اهلاويه]

لا كده كفايه

حرام جوبى دول الاول


حاسس بيا يا حماده

قولهم والنبي يرحموني شويه هههههههه

[Mido Star]

ربنا معاكى ياستى

خفو شويه بس الاول جوبى على الاسئله دى

1_انت بقيتى بتشجعى النادى الاهلى وراسه ولا انت حبتيه لوحدك ؟

2_ايه هيه اكتر حاجه بتحبى تعمليها فى البيت ؟

3_انتى ليكى فى الكمبيوتر كتير ولا بس بتقعدى على المنتدى ؟

4_بتكلى كام مره فى اليوم العادى بتاعك ؟

كفايه كده ههههههههههههههههههه

[samoha]

السلام عليكم ورحمه الله وبركااااااته

الكرسي مظقطط ومنور ومنور ومظقطط

واضح انك هتتعبي اوي اليومين دول

اتسلي في الاسئله اللي عندك لحد ماااااااااااجي

ويييييييييييييييت مي سهر>>>>ده انت هتشوووووووي ايااااااااام قصدي اسئله

[walix ! l.e.d.a]

انا طبعا ضيف مش هسئلك انا كنت جاى بس اجبلك كباية ليمون يا ست الكل


حد يشرب حاجة يا حضرات اجيبها ليه وانا وجاى

يارب الليمون يكون عجبك يا برنسيسة

[دلوعه اهلاويه]

السلام عليكم ورحمه الله وبركااااااته

الكرسي مظقطط ومنور ومنور ومظقطط

واضح انك هتتعبي اوي اليومين دول

اتسلي في الاسئله اللي عندك لحد ماااااااااااجي

ويييييييييييييييت مي سهر>>>>ده انت هتشوووووووي ايااااااااام قصدي اسئله



ليك يوم يا ظالم يا مفتري

اشوف فيك يوم لونه كحلي مزرق

انت عارف لو جبت اسئله رخمه زيك هعمل فيك ايه ؟؟؟

هرميك من الشباك هههههههههه

[دلوعه اهلاويه]

انا طبعا ضيف مش هسئلك انا كنت جاى بس اجبلك كباية ليمون يا ست الكل


حد يشرب حاجة يا حضرات اجيبها ليه وانا وجاى

يارب الليمون يكون عجبك يا برنسيسة



يااااااه يا وليد يازوق

والله انت ميه ميه انا فعلا كنت عطشانه جدا جدا

ايدك بقي علي كبايه الليمون دي وبعدين هاتلي فنجان قهوه اصلي شكلي هطول هنا هههههههههه

[دلوعه اهلاويه]

انا رجعتلك اهو يا سهوره .. يارب تكونى ارتحتى نفسيا بعد صدمة انك عرفتى انك عالكرسى ههههههههههه


هههههههه

انتي ناويالي علي نيه سوده باين عليكي




انا قولت اسيبك تتقبلى الوضع الاول وبعدين ادخل بقى .. وبالنسبه للأسئله متقلقيش خاااااااااااالص



لأ مهو واضح


وبعدين دا احنا حتى اصحاب .. المهم >>> نبدأ :


مش باين هههههههه

كل دي اسئله يا مفتريه



1 - ايه اللى خلاكى تشجعى الاهلى وتحبيه ؟؟؟ ومين اكتر لاعب بتحبيه فى الفريق ؟


وانا في اولي ابتدائي كانوا صحابي كلهم اللي في المدرسه (( الولاد طبعا)) بيشجعوا الاهلي

وبيحبوه مهتمين بالكوره

وبالاهلي وانه علي طول بيفوز وكان اياميها شبير وحسام وابراهيم هما التوب بتوع الاهلي

فبدأت احب الاهلي من اياميها



اكتر لاعب بحبه هو طبعا ابو تريكه



2 - بتروحى الاستاد تحضرى ماتشات للأهلى ولا نووو ؟؟؟


اكيد نووووووووووووو يعني عاوزاهم يشنقوني في البيت

3 - قوليلى بقى لو عاوزة تجيبى لبس .. تحبى تنزلى مع مين وبتروحى فين ؟؟


بروح المنصوره في مول هناك في ملابس حلوه اوى اتعودت اشتري من هناك

ولما بروح باخد ماما معايا عشان بقتنع بزوقها اوى



44 - انا لاحظت انك مالكيش اخوات بنات .. فأكيد ليكى صحاب بنات كتيييييييير .. قوليلى عددهم بسرعه ؟؟؟


يااااااااااه دول كتير اوى اوى يا بنتي

يعني تقدري تقولي 50 وحده كده هههههههه

بس اللي قريبين مني اوى وعلي اتصال ببعضنا حوالي8

5 - أكتر واحده من صحباتك قريبه منك ؟ وممكن تحكيلها ايه يعنى ؟؟


واحده صاحبتي اسمها جهاد ممكن احكيلها كل حاجه


6 - بتحبى مين اكتر ومين الاقرب ليكى ( بابا - ماما ) ؟؟؟


اكيد بحب الاتنين اد بعض بس ماما اقرب لي

عشان معنديش اخوات بنات فبعتبرها اختي



7 - موقف عملتيه عن طيب خاطر ورجعتى ندمتى اوى عليه ؟؟؟؟

هو بصراحه انا مش فاكره دلوقتي

بس هو غالبا هيبقي جرحت حد من غير ما اقصد

دي ممكن تبقي امتر حاجه ازعل من نفسي فيها اوى


8 - حد وثقتى فيه اوى ومكانش أد ثقتك فيه وخانك ؟؟


واحده صا حبتي كنت مفكراها بتحبني حقيقي وطلعت في الاخر انها بتغير مني ومتحبنيش احسن منها


9 - ايه اكتر يوم من ايام الاسبوع بتحبيه ؟؟ وليه ؟؟


يعني بحب الجمعه مش عارفه ليه بصراحه

بس بحس انه ويك اند يعني

10 - ايه اكتر اكله بتحبيها ؟؟ واكتر مشروب مفضل ليكى ؟؟


انا بحب التيك اواى اوى وفي اكل البيت فحاجات كتيره بصراحه ههههههه

واكتر مشروب هو الكاكاو


11 - موبايلك نوعه ايه ؟؟ ولو مش عاجبك تحبى تجيبى ايه بداله ؟؟؟


6630 (( الشيطان )) هو بصراحه عاجبني وفيه كل الامكانيات الجديده

بس انا لو غيرته هجيب n73 ميوزيك يعني ده يعتبر احسن حاجه في الايام دي

12 - اناعارفه انك محجبه الحمد لله .. لتحجبتى من امتى بالظبط ؟؟؟

وانا عندي 16 سنه

13 - ايه اكتر مكان تحبى تخرجى فيه لما بتخرجى ؟؟؟؟

انا مش بحب الخروج اصلا هههههههه

بس لو نزلت احب اروح اعمل شوبينج


14 - ايه هو اخر فيلم دخلتيه فى السينما ؟؟؟ وكان مع مين ؟؟


ياااااه دي اخر حاجه بفكر ادخلها

بس اخر فيلم دخلته كان جائنا البيان التالي بتاع هنيدي وحنان ترك


كنا في اسكندريه انا و قرايبي


15 - اسم دلع ليكى حبتيه وتحبى تتنادى بيه ؟؟؟


سهروره هههههههههه صاحب بابا هو اللي مطلعه عليا وبيناديني بيه علي طول

فبحس انه ظريف الاسم ده اوى هههههههه


16 - مواظبه عالصلاة ولا بتقطعى ؟ وبتقرى قران كل اد ايه تقريبا ؟؟؟


الحمد لله مواظبه عليها ومش بقدر اسيب فرض

بس بقراه القران علي فترات بصراحه



17 - ختمتى القران كام مره طول حياتك ؟؟؟

انا كنت بقراه اجزاء كتير بس مش للاخر وكنت ابدأ تاني من الاول من غير ما انهي القرأه الاولي


بس المرات اللي ختمتها فيه للاخر حوالي 3 مرات


18 - بتعملى ايه لما بتكونى زهقانه ؟؟؟

بدخل المنتدي


19 - بتحبى تتكلمى مع مين لما بتكونى مخنوقه ؟؟ ولا بتفضلى تبقى لوحدك ؟؟

لو حبيت اتكلم مع حد هتبقي ماما

لكن بفضل ان ابقي لوحدي


20 - ايه المكان اللى تحبى تروحيه وانتى متضايقه وتبقى مرتاحه فيه ؟؟؟

الاوضه بتاعتي

21 - لبسك بنطلونات ولا جيبات ؟؟؟ ولو الاتنين اكتر حاجه تحبى تلبسيها ايه فيهم ؟؟

الاتنين

بحب البنطلون عشان بحس انه بيخليني بحريتي اكتر من الجيبه بحس اني متقيده فيها اوى



22 - حاجه نفسك تعمليها بس شايفه انه مش وقتها دلوقتى ؟؟؟


نفسي ألبس زى اسلامي زى الاسدال مثلا

بس برجع اقول مش دلوقتي لما اكبر شويه عشان مرجعشي ازهق وابقي شيلت ذمب اكبر


23 - أكتر حد حبتيه هنا عالمنتدى ؟؟


كلكم والله حبتكم اوى اوى


24 - ايه رأيك فى منتدى أهلى ديفيلز ؟؟ شايفه انه ناقصه حاجه ؟؟ وايه هى ؟؟؟

اهلي ديفلز ده بقي بيتي التاني ومقدرشي استغني عنه خالص

هو نقصه شويه شهره وناس كتير يعرفوه واعضاء اكتر يشتركوا فيه



25 - مين من الاعضاء نفسك تشوفيه .. ومن العضوات كمان ؟؟


نفسي نتقابل كلنا ونشوف بعض ونتعرف علي بعض اكتر

بس شايفه انه صعب شويه


26 - كلمه تقوليها لكل من :


- هدى الاهلاويه انتي زى العسل وحبيتك جدا جدا


- فارس انت انسان محترم اوى اوى وبحترم رأيك في اي موضوع


- أميرة أهلى ديفيلز >> رانيا يعنى حبيبه قلبي وبحس فيكي اني اعرفك من زمااااااااان

وبرتاح معاكي في الكلام اوى

- MIDO STAR اوعي تزعل من حد وتخفشي مفيش حد زعلان منك عشان انت انسان محترم والكل هنا بيحبك

- crazygirl about ahly انتي شقيه جدا ونفسي اتعرف عليكي لان تقريبا انتي البنت الوحيده اللي لسه متعرفتش عليها


- ‏AhlyDevils رودي يعني هههههههه بالرغم من انك مستقصدني بس دمك خفيف جدا وبحب ردودك علي مواضيعي ههههههههه


- نانسى متزعليش لما نعمل محشي تاني هبقي اطلعلك طبق ههههههه



- samoha ربنا يوفقك وخد بالك من مذاكرتك شويه وانسي المنتدي اليومين دول عشان مصلحتك اهم


- kotkot22 انسان محترم فنان في تصميماته



27 - أخيرا كلمه هاتقوليها ل سهر ؟؟؟


خليكي اقوي من كده يا سهر وبطلي طيبه شويه وجمدي قلبك


هاخد لفه وارجعلك تانى .. متقلقيش خاااااااااااااااااالص .. وربنا معاكى



ايه ده احنا فينا من كده يا شيخه حرام عليكي هههههههههههه


عاوزاكي المره الجايه تجيبي اسئله سهله شويه

يلا مستنياكي

[دلوعه اهلاويه]

انا رجعتلك اهو يا سهوره .. يارب تكونى ارتحتى نفسيا بعد صدمة انك عرفتى انك عالكرسى ههههههههههه


هههههههه

انتي ناويالي علي نيه سوده باين عليكي




انا قولت اسيبك تتقبلى الوضع الاول وبعدين ادخل بقى .. وبالنسبه للأسئله متقلقيش خاااااااااااالص



لأ مهو واضح


وبعدين دا احنا حتى اصحاب .. المهم >>> نبدأ :


مش باين هههههههه

كل دي اسئله يا مفتريه



1 - ايه اللى خلاكى تشجعى الاهلى وتحبيه ؟؟؟ ومين اكتر لاعب بتحبيه فى الفريق ؟


وانا في اولي ابتدائي كانوا صحابي كلهم اللي في المدرسه (( الولاد طبعا)) بيشجعوا الاهلي

وبيحبوه مهتمين بالكوره

وبالاهلي وانه علي طول بيفوز وكان اياميها شبير وحسام وابراهيم هما التوب بتوع الاهلي

فبدأت احب الاهلي من اياميها



اكتر لاعب بحبه هو طبعا ابو تريكه



2 - بتروحى الاستاد تحضرى ماتشات للأهلى ولا نووو ؟؟؟


اكيد نووووووووووووو يعني عاوزاهم يشنقوني في البيت

3 - قوليلى بقى لو عاوزة تجيبى لبس .. تحبى تنزلى مع مين وبتروحى فين ؟؟


بروح المنصوره في مول هناك في ملابس حلوه اوى اتعودت اشتري من هناك

ولما بروح باخد ماما معايا عشان بقتنع بزوقها اوى



44 - انا لاحظت انك مالكيش اخوات بنات .. فأكيد ليكى صحاب بنات كتيييييييير .. قوليلى عددهم بسرعه ؟؟؟


يااااااااااه دول كتير اوى اوى يا بنتي

يعني تقدري تقولي 50 وحده كده هههههههه

بس اللي قريبين مني اوى وعلي اتصال ببعضنا حوالي8

5 - أكتر واحده من صحباتك قريبه منك ؟ وممكن تحكيلها ايه يعنى ؟؟


واحده صاحبتي اسمها جهاد ممكن احكيلها كل حاجه


6 - بتحبى مين اكتر ومين الاقرب ليكى ( بابا - ماما ) ؟؟؟


اكيد بحب الاتنين اد بعض بس ماما اقرب لي

عشان معنديش اخوات بنات فبعتبرها اختي



7 - موقف عملتيه عن طيب خاطر ورجعتى ندمتى اوى عليه ؟؟؟؟

هو بصراحه انا مش فاكره دلوقتي

بس هو غالبا هيبقي جرحت حد من غير ما اقصد

دي ممكن تبقي امتر حاجه ازعل من نفسي فيها اوى


8 - حد وثقتى فيه اوى ومكانش أد ثقتك فيه وخانك ؟؟


واحده صا حبتي كنت مفكراها بتحبني حقيقي وطلعت في الاخر انها بتغير مني ومتحبنيش احسن منها


9 - ايه اكتر يوم من ايام الاسبوع بتحبيه ؟؟ وليه ؟؟


يعني بحب الجمعه مش عارفه ليه بصراحه

بس بحس انه ويك اند يعني

10 - ايه اكتر اكله بتحبيها ؟؟ واكتر مشروب مفضل ليكى ؟؟


انا بحب التيك اواى اوى وفي اكل البيت فحاجات كتيره بصراحه ههههههه

واكتر مشروب هو الكاكاو


11 - موبايلك نوعه ايه ؟؟ ولو مش عاجبك تحبى تجيبى ايه بداله ؟؟؟


6630 (( الشيطان )) هو بصراحه عاجبني وفيه كل الامكانيات الجديده

بس انا لو غيرته هجيب n73 ميوزيك يعني ده يعتبر احسن حاجه في الايام دي

12 - اناعارفه انك محجبه الحمد لله .. لتحجبتى من امتى بالظبط ؟؟؟

وانا عندي 16 سنه

13 - ايه اكتر مكان تحبى تخرجى فيه لما بتخرجى ؟؟؟؟

انا مش بحب الخروج اصلا هههههههه

بس لو نزلت احب اروح اعمل شوبينج


14 - ايه هو اخر فيلم دخلتيه فى السينما ؟؟؟ وكان مع مين ؟؟


ياااااه دي اخر حاجه بفكر ادخلها

بس اخر فيلم دخلته كان جائنا البيان التالي بتاع هنيدي وحنان ترك


كنا في اسكندريه انا و قرايبي


15 - اسم دلع ليكى حبتيه وتحبى تتنادى بيه ؟؟؟


سهروره هههههههههه صاحب بابا هو اللي مطلعه عليا وبيناديني بيه علي طول

فبحس انه ظريف الاسم ده اوى هههههههه


16 - مواظبه عالصلاة ولا بتقطعى ؟ وبتقرى قران كل اد ايه تقريبا ؟؟؟


الحمد لله مواظبه عليها ومش بقدر اسيب فرض

بس بقراه القران علي فترات بصراحه



17 - ختمتى القران كام مره طول حياتك ؟؟؟

انا كنت بقراه اجزاء كتير بس مش للاخر وكنت ابدأ تاني من الاول من غير ما انهي القرأه الاولي


بس المرات اللي ختمتها فيه للاخر حوالي 3 مرات


18 - بتعملى ايه لما بتكونى زهقانه ؟؟؟

بدخل المنتدي


19 - بتحبى تتكلمى مع مين لما بتكونى مخنوقه ؟؟ ولا بتفضلى تبقى لوحدك ؟؟

لو حبيت اتكلم مع حد هتبقي ماما

لكن بفضل ان ابقي لوحدي


20 - ايه المكان اللى تحبى تروحيه وانتى متضايقه وتبقى مرتاحه فيه ؟؟؟

الاوضه بتاعتي

21 - لبسك بنطلونات ولا جيبات ؟؟؟ ولو الاتنين اكتر حاجه تحبى تلبسيها ايه فيهم ؟؟

الاتنين

بحب البنطلون عشان بحس انه بيخليني بحريتي اكتر من الجيبه بحس اني متقيده فيها اوى



22 - حاجه نفسك تعمليها بس شايفه انه مش وقتها دلوقتى ؟؟؟


نفسي ألبس زى اسلامي زى الاسدال مثلا

بس برجع اقول مش دلوقتي لما اكبر شويه عشان مرجعشي ازهق وابقي شيلت ذمب اكبر


23 - أكتر حد حبتيه هنا عالمنتدى ؟؟


كلكم والله حبتكم اوى اوى


24 - ايه رأيك فى منتدى أهلى ديفيلز ؟؟ شايفه انه ناقصه حاجه ؟؟ وايه هى ؟؟؟

اهلي ديفلز ده بقي بيتي التاني ومقدرشي استغني عنه خالص

هو نقصه شويه شهره وناس كتير يعرفوه واعضاء اكتر يشتركوا فيه



25 - مين من الاعضاء نفسك تشوفيه .. ومن العضوات كمان ؟؟


نفسي نتقابل كلنا ونشوف بعض ونتعرف علي بعض اكتر

بس شايفه انه صعب شويه


26 - كلمه تقوليها لكل من :


- هدى الاهلاويه انتي زى العسل وحبيتك جدا جدا


- فارس انت انسان محترم اوى اوى وبحترم رأيك في اي موضوع


- أميرة أهلى ديفيلز >> رانيا يعنى حبيبه قلبي وبحس فيكي اني اعرفك من زمااااااااان

وبرتاح معاكي في الكلام اوى

- MIDO STAR اوعي تزعل من حد وتخفشي مفيش حد زعلان منك عشان انت انسان محترم والكل هنا بيحبك

- crazygirl about ahly انتي شقيه جدا ونفسي اتعرف عليكي لان تقريبا انتي البنت الوحيده اللي لسه متعرفتش عليها


- ‏AhlyDevils رودي يعني هههههههه بالرغم من انك مستقصدني بس دمك خفيف جدا وبحب ردودك علي مواضيعي ههههههههه


- نانسى متزعليش لما نعمل محشي تاني هبقي اطلعلك طبق ههههههه



- samoha ربنا يوفقك وخد بالك من مذاكرتك شويه وانسي المنتدي اليومين دول عشان مصلحتك اهم


- kotkot22 انسان محترم فنان في تصميماته



27 - أخيرا كلمه هاتقوليها ل سهر ؟؟؟


خليكي اقوي من كده يا سهر وبطلي طيبه شويه وجمدي قلبك


هاخد لفه وارجعلك تانى .. متقلقيش خاااااااااااااااااالص .. وربنا معاكى



ايه ده احنا فينا من كده يا شيخه حرام عليكي هههههههههههه


عاوزاكي المره الجايه تجيبي اسئله سهله شويه

يلا مستنياكي

[هدى الاهلاوية]

سهور حبيبة قلبى انا لسة شايفة انهاردة الموضوع وانك قعدتى على كرسى الاعتراف .... معليش اتاخرت عليكى فى الاسئلة ..... بس طبعا انتى اختى ومش هتزعلى منى ... انا جايبالك شوية اسئلة صغيرين خالص ... عشان انتى عارفة طبعا انى طيبة اوى اوى الحمد لله واميرة ومفيش منى تسعة فى مصر ....

يلا نبدأ ... على بركة الله ...


1 - احلى موضوع كتبتيه من وجهة نظرك ؟


2 - بتحب تقرى لمين من اللى بيكتبوا للأهلى ؟


3 - هل حدث انت قرأت مقاله لكاتب اهلاوى وصدمت فيها ؟ من هو ؟ولماذا ؟


4 - امتى بتزعلى ؟ وامتى بتفرحى ؟


5 - بتحبى تكتبى اكتر عن الاهلى ولا مواضيع عامة ؟


6 - ماذا يعنى لك كلا من :

الأهلى


منتخب مصر


كابتن شحاته ابو كف


شوبير


يا فاشل يا فاشل


اسكندريه


7 - قرار أخدتيه فى حياتك وندمتى عليه ؟؟؟؟


8 - العيب اللى فى سهر ونفسها تغيره ؟؟؟


9 - مين هو الشخص اللى اتمنيتى انك تضربيه علقه ؟ وليه ؟ (سؤال اجبارى )


10 - ايه اليوم اللى انت مستنياه بفارغ الصبر ؟


11 - اليوم اللى انتى خايفة منه ؟


12 - ايه هى اللحظه اللى حسيتى فيها انك ملكتى الدنيا ؟


13 - مين احسن لاعب في العالم من وجهة نظرك ؟؟


14 - مين احسن مغني ومين احسن مغنية؟؟؟


15 - مين احسن ممثل وممثلة؟؟؟


16 - حد غايب وماثر عليكى اوي ؟


17 - عديتى بتجربة قبل كدة وفشلت ؟


18 - ايه رايك في الحب ؟


19 - ايه اكتر المواقف اللى بتفتكريها وتضحكى؟


20 - احلى هديه جاتلك لحد الان ايه هى؟


21 - نفسك تعملى ايه في حياتك المستقبلية - تفتحى مكتب - تشتغلى برة - حاجة تاني مع الشرح ؟


22 - أكتر إسم لما بتشوفى مواضيعه هنا في المنتدى بتدخلى الموضوع علطول ؟


23 - أكتر عضو وعضوة حاسة إنهم قريبين من شخصيتك ؟


24 - اكتر صفه بتكرهيها في الناس واكتر صفه بتحبيها ؟


25 - اكتر لاعب تتمني انه ييجي الاهلي ولاعب دايما مش مقتنعة بيه ؟


26 - طموحاتك ايه هي ؟


27 - لو جرحتى انسان وظلمتيه هل تعتذر يله ولا تطنشى ؟


28 - ماذا تعني لك تلك الكلمات :

الحب *
الأمل *
التفاؤل *
الخيانة *
اليأس *
حب المصلحة *
حب التملك والسيطرة *

29 - تعملى ايه :

لو حد كذب عليكى
لو حد عمل فيكى خير و اذيتيه من غير قصد
لو حد اتسبب ليكى في مشكلة
لو حد استغلك عشان يوصل لحاجة عايزها


30 - السؤال الاخير : ايه رأيك فيا ... بكل صراحة ... ؟؟ طبعا انتى عارفة ان عندى خال فى امن الدولة وعم فى السلك الدبلوماسى ... وجارنا امين شرطة ... فاوعى تقلقى خاااالص وجاوبى بكل صراحة .... ههههههههههههههههه


واخيرا

"من انت "

ياواد يا تقيل ........ :cool:


ياللا كفايه عليك كده يا سهوراااااااااااااااااااااا ربنا يوفقك ويحققلك كل أحلامك وأمنياتك

شفتى بقة انا طيبة خااااالص ازاى .... ؟؟؟؟

[samoha]

السلاموا عليكم ورحمه الله وبركاته

ولنا عوده ياسهررور علي راي عمو صاحب بابا

اولا متكشر علي النصيحه والحمدلله واخد بالي من كليتي بس مش اوي يعني هههه

نبدا بقي ولا نستني لما تخلصي الليمووووووووووون

انا بقول يلا بقي


الاول كده حب جد شويه انا عارف انك مش متعوده من علي الجد بس يلا بقي الظروف بتحكم

1-راضيه عن سهر ولا لا؟؟؟؟؟؟؟؟

2-حاسه ان ربنا راضي عنك؟؟؟؟؟؟؟

3-طيب حاسه انك بتؤدي المفروض منك تجاه ربنا؟؟؟

4-لو غلطتي في حق ربنا معصيه يعني بتعملي ايه؟؟؟

5-لو غلطتي في حق انسان او انسانه بتعملي ايه؟؟؟

6-ايه الحاجه المفيده اللي عملتيها طول فتره الدراسه؟؟

7-ناويه علي ايه بعد التخرج؟؟انا سمعت ان انتي هتاخديكورسات كمبيوتر وانجليزي طي ليه ماتخدهمش من دلوقتي؟؟

8-لما انتي مش مقتنعه بالكليه بتاعتك طيب عايزه تنجحي في شغلك ازاي بعد كده لو ربا سهل يعني ؟

كفايه جد بقي ولا عايزه تاني

نخش بقي علي اسئله تانيه من بتوع سامح المشاغب

9-ليه بتصحي الظهر يامفتريه؟؟؟؟؟؟؟؟

10-احمد اخوكي علي طول بيشتكي منك وواضح جدا انه مخنوق اوي منك ليه كده ؟؟؟

11-بما انك اكبر اخواتك يعني هل ياتري ياهل تري بتحاولي تتفردي علي اخواتك يعني تتنططي عليهم؟؟

12-ليه مش تساعدي ماما في البيت المفروض انك الوحيد يعني تخلي عندك حخبه من الاحمر وتساعديها يامفتريه؟؟

انا عارف زماني بتهزأ منك دلوقتي>>مش مشكله بقي انا خلاص اتعودت علي كده منك
عشان كده هكمل بره

13-لما بتروحي الكليه اللي انتي اصلا مش بتروحيها بتعملي ايه في الاوقات الفاضيه مع اني عارفك بتزوغي اصلا من المحاضرات يعني اوقاتك كلها فاضيه؟؟؟

14-فكره انتي سالتيني قبل كده سؤال تقديراتك ايه وجبت كام في الثانويه العامه ياريت بقي تجاوبيلي علي نفس السؤال ههههههههههه انتي الي بداتي؟؟؟؟يلا بسره مش عايز تاخير

15-بتقفي ادام المرايا كان دقيقه ولا اقول كام ساعه لما بتبقي خارجه؟؟؟

16-ياتنري بتحطي ميك اب ولا لا مكياج يعني؟؟

16-اتدهولتي كام مره وحبيتي او اعجبتي باي واحد؟؟؟؟

نخش بقي علي الاسئله المنتداويه

17-موضوع من بتوعي عجبك اوي هو ايه مع اني عارف انك بتبقي داخله تبوظي الموضوع مش داخله تقريه؟؟

18-عضو بتبقي فرحانه لما تخش المنتدي وتلااقيه مش موجود ؟؟؟عارفه لو قلتي انا هتلاقي حبه اسئله كمان شويه اكتر من دول

19-ياتري ياهل تري لسانك ليه طويل معايا ياسهر؟؟

20-ايه رايك في جمهر الكره عامه وباخص الاهلاوي

21-ياتري عدد المواضيع اللي كاتبها اكتر ولا اللي نقلاها اكتر؟؟؟؟عادي عادي قولي متتكسفيش ياسهر احنا ستر وغطا عليكي

22-اختاري 3 اعضاء واتكلمي عنهم وقولي رايك فيهم بجد يعني فيما لايقل عن صفحتين قصدي سطرين طبعا انا واحد منهم اجبااري يعني مش اختياري

وبعد كده 3عضوات ونفس الحكايه هتتكلمي عنهم


هاااااااااااااااااه كفايه كده ولا ايه
انا بقول مش كفايه
نبدا بقي الجزء الرابع

















































































ولا اقولك صعبتي عليا كفايه كده المره دي بس انتظريني في اي وقت
هوريكي بقي انا ظالم ازاي
علي فكره انا يومي عده خلاص يعني مش هاضوف الكرسي ده تاني
ههههههههههههههههههههههههههه
باي بباااااااااااااااااااااااااااااااي

[CrazY GirL AbouT AhlY]

ازيك يا قمر انا مش هطول عليكى ذى الغلسين الشباب
ذ- مين الانسان اللى لما بتكلمى معاه كانك بتكلمى مع نفسك؟
2- انت حبيتى قبل كده حب صادق؟
3- مين اعز اصدقائك؟
4- ايه معنى الحب من النسبة ليكى؟؟؟؟؟؟؟؟؟

[دلوعه اهلاويه]

سهور حبيبة قلبى انا لسة شايفة انهاردة الموضوع وانك قعدتى على كرسى الاعتراف .... معليش اتاخرت عليكى فى الاسئلة ..... بس طبعا انتى اختى ومش هتزعلى منى ...

ولا يهمك يا باشا


انا جايبالك شوية اسئلة صغيرين خالص ... عشان انتى عارفة طبعا انى طيبة اوى اوى الحمد لله واميرة ومفيش منى تسعة فى مصر ....


ايوه مانا واخده بالي

يلا نبدأ ... على بركة الله ...


ربنا يستر هههههههه


1 - احلى موضوع كتبتيه من وجهة نظرك ؟


موضوع يوم زفافي هل ستباركون لي ولا لا وهو في القسم الاسلامي

حسيت ان كان فيه حوار بيني وبين الاعضاء جميل اوى

2 - بتحب تقرى لمين من اللى بيكتبوا للأهلى ؟

عاوزه الصراحه ههههههه

مش باخد بالي من الاسامي ههههههههه


3 - هل حدث انت قرأت مقاله لكاتب اهلاوى وصدمت فيها ؟ من هو ؟ولماذا ؟


بصراحه محصليش الموقف ده قبل كده


4 - امتى بتزعلى ؟ وامتى بتفرحى ؟


بزعل لما بحس ان انا مظلومه ومش عارفه اخد حقي


بفرح لما بلاقي الناس اللي حوليا كلهم مبسوطين لان ده اكيد هيعود عليا وهبقي مبسوطه معاهم

5 - بتحبى تكتبى اكتر عن الاهلى ولا مواضيع عامة ؟


انا اساسا بكتب مواضيع عامه اكتر من مواضيع عن الاهلي لان ده المتداول هنا في المنتدي اكتر

بس انا نفسي اكتب اكتر عن الاهلي والاعضاء يتفاعلوا اكتر مع المواضيع دي


6 - ماذا يعنى لك كلا من :

الأهلى


بحبه جدا وبحس فيه انه حته مني بمعني ان لما بيكون حال الفريق كويس ببقي مبسوطه اوى ولما بيكون مش كويس ببقي زعلانه


منتخب مصر

منتخب وطني اللي انا عايشه فيه واكيد هو بيعبر عني وعن كل مصري فبتمني انه يصبح احسن فريق في العالم ولونها صعبه اوى اوى اوى اوى هههههههه


كابتن شحاته ابو كف


انا بصراحه مش بتابع اخباره بس حبيته من ايام مكسبنا في كاس افريقيا

حسيت ان عمل شئ جميل لمصر


شوبير


وهو قبل ميعتزل كنت بحبه زى مبحب الحضري دلوقتي لكن دلوقتي مش عارفه حسه انه بقي عادي بالنسبه لي مش عارفه ليه


يا فاشل يا فاشل


مش فاهمه !! مين الاخ ده ؟؟

اسكندريه


بموت فيها واكتر بلد بحب اصيف فيها


7 - قرار أخدتيه فى حياتك وندمتى عليه ؟؟؟؟

ان انا كملت علمي علوم

كان الافضل ليا ان كنت اكمل علمي رياضه لان انا بموت في الرياضه وكنت جيبه فيها الدرجه النهائيه في الثانويه العامه بس هي مسأله نصيب


8 - العيب اللى فى سهر ونفسها تغيره ؟؟؟


ان انا طيبه وقلبي طيب زياده عن اللزوم

بجد بجد نفسي مبقاش كده



9 - مين هو الشخص اللى اتمنيتى انك تضربيه علقه ؟ وليه ؟ (سؤال اجبارى )


مفيش غيره طبعا الزفت اللي اسمه العرجون عشان اللي عمله في فينا


10 - ايه اليوم اللى انت مستنياه بفارغ الصبر ؟


اليوم هو ان اشوف بنت خالتي التعبانه ان ربنا يكون شفاها من المرض اللي عندها عشان تعيش حياتها طبيعيه زى اي بنت ده بجد اليوم اللي نفسي فيه


11 - اليوم اللى انتى خايفة منه ؟


اكيد يوم القيامه ربنا يرحمنا من العذاب يارب


12 - ايه هى اللحظه اللى حسيتى فيها انك ملكتى الدنيا ؟


محستشي بالاحساس ده قبل كده


13 - مين احسن لاعب في العالم من وجهة نظرك ؟؟

بصي هو ابو تريكه عارفه ليه

مش عشان هو لعيب كويس بس عشان هو متدين وعارف ربنا وشخصيته حلوه وانسان كل اللي يعرفه بيحبه

فده بالنسبه لي احسن من اي لاعب يهودي اكفء منه واشهر منه

14 - مين احسن مغني ومين احسن مغنية؟؟؟


احسن مغني هو طبعا عبد الحليم واحسن مغنيه هي ام كلثوم


15 - مين احسن ممثل وممثلة؟؟؟

في كتير كويسين بس ممكن اقول احسن ممثل عادل امام لان كل حاجه في وشه بتعبر عن الموقف اللي بيأديه

16 - حد غايب وماثر عليكى اوي ؟


عامر طبعا نفسي يرجع لنا بالسلانه


17 - عديتى بتجربة قبل كدة وفشلت ؟


اه كنت مخطوبه لكم شهر كده وبعدين محصلشي نصيب بس هو كان اول واحد في حياتي

بس الموضوع ده سيكرت خالص ومش بحب اتكلم فيه كتير

18 - ايه رايك في الحب ؟

الحب احلي حاجه في الدنيا طبعا بس له مأسي كتير وبيدمر ناس كتير اوى اوى


19 - ايه اكتر المواقف اللى بتفتكريها وتضحكى؟

موقف انا حكيته قبل كده وهو مره كنت في اسكندره وقاعدين علي البحر وانا كنت واقفه وكان في موجه جيه وكانت هتعكني فبرجع لوراء قمت وقعه وطبعا الميه غرقت هدومي اكتر

والمصيبه بقي ان البلاج كان كله شباب وقعدوا يضحكوا عليه فمردتشي اقوم وخلتني قاعده زى مانا علي الارض بجد كان منظري تحفه ههههههههه


20 - احلى هديه جاتلك لحد الان ايه هى؟


دبدوووب كبير اوى وكان جوه بوكس شكله لطيف جدا


21 - نفسك تعملى ايه في حياتك المستقبلية - تفتحى مكتب - تشتغلى برة - حاجة تاني مع الشرح ؟


الاول هتدرب في مكتب محاسبه وبعدين ان شاء الله هفتح مكتب ليا



22 - أكتر إسم لما بتشوفى مواضيعه هنا في المنتدى بتدخلى الموضوع علطول ؟

كتير والله يا هدي وبعدين زى مانتي عارفه انا مش سايبه ولا موضوع غير وانا حفره بصمه ليه فيه ههههههه23 -



أكتر عضو وعضوة حاسة إنهم قريبين من شخصيتك ؟

ممكن انا وانتي وسامح تحسي ان احنا علي طول بنولع اي موضوع بنشترك وبنبوظه وتحسي ان احنا دايما بنناقر في بعض علي طول


24 - اكتر صفه بتكرهيها في الناس واكتر صفه بتحبيها ؟

بكره الكدب والبخل والخيانه

بحب الطيبه والمرح

25 - اكتر لاعب تتمني انه ييجي الاهلي ولاعب دايما مش مقتنعة بيه ؟

من فريق من هنا في مصر ولا من بره

لو من بره طبعا اتمني رونالدينهو لان انا اساسا بموت فيه وفي لعبه بس ده طبعا مستحيل يعني هههههههه

26 - طموحاتك ايه هي ؟

ان انا ارضي ربنا واكون كل يوم افضل من اليوم اللي قبله وابقي ام مثاليه لبيتي ولجوزى



27 - لو جرحتى انسان وظلمتيه هل تعتذر يله ولا تطنشى ؟


اكيد طبعا هعتذرله


28 - ماذا تعني لك تلك الكلمات :

الحب * الحب احساس حلو اوى بس بيتعب صاحبه اوى


الأمل *لابد من وجود الامل في الحياه والا مكنتشي استمرت


التفاؤل * زى الامل بالظبط


الخيانة *بكرهه جدااااااا وبكره الخاين اوى وبحس انه ميستحقش انه يعيش



اليأس * مش كويس للانسان


حب المصلحة * طبع وحش جدا بس للاسف كل الناس دلوقتي مبتحبش الا مصلحتها وبس


حب التملك والسيطرة * برده طبع وحش جدا ومش بحبه
29 - تعملى ايه :

لو حد كذب عليكى لو كذب عليا في مصلحتي هسامحه لكن لو كذب عليا في حاجه ممكن تزعلني طبعا عمري مهقدر اسمحه




لو حد عمل فيكى خير و اذيتيه من غير قصد طبعا هعتذرله وده اقل واجب يعني



لو حد اتسبب ليكى في مشكلة هقوله حسبي الله ونعم الوكيل


لو حد استغلك عشان يوصل لحاجة عايزها برده هقوله حسبي الله ونعم الوكيل الله يمهل ولا يهمل



30 - السؤال الاخير : ايه رأيك فيا ... بكل صراحة ... ؟؟ طبعا انتى عارفة ان عندى خال فى امن الدولة وعم فى السلك الدبلوماسى ... وجارنا امين شرطة ... فاوعى تقلقى خاااالص وجاوبى بكل صراحة .... ههههههههههههههههه


لاااااا وعلي ايه هقول الحقيقه والله متخفيش

دا انتي انسانه رقيقه خالص خالص وطيبه جدا وعسوله وشخصيتك بحبها اوى اوى وزى القمر كمان

واخيرا

"من انت "

انا سهر هههههههههه

ياواد يا تقيل ........ :cool:


ياللا كفايه عليك كده يا سهوراااااااااااااااااااااا ربنا يوفقك ويحققلك كل أحلامك وأمنياتك

شفتى بقة انا طيبة خااااالص ازاى .... ؟؟؟؟



يالهوي يا هدي ساعه بكتب رد علي اسئلتك ياشيخه حرام عليكي انا ايدي وجعتني

انا عملت فيكي ايه لده كله

دا ايام مكنتي علي الكرسي يدوب سألت 5 اسئله بس

يلا كله عند ربنا ههههههههه

[هدى الاهلاوية]

اجاباتك عسل زيك يا سهور ... ها تحبى اسالك تانى ولا دول كانوا كفاية ... ؟؟؟؟ ههههههههههههههههههههه

[دلوعه اهلاويه]

اجاباتك عسل زيك يا سهور ... ها تحبى اسالك تانى ولا دول كانوا كفاية ... ؟؟؟؟ ههههههههههههههههههههه



براحتك يا باشا اسأل براحتك بس بشويش يعني متجمعيهومشي في مره واحد يعني علي فترات

اصل انا عامله ريست بعد الرد بتاعك ومش هرد علي اسئله دلوقتي عشان اديه وجعاني دلوقتي ههههههههههههههه

[دلوعه اهلاويه]

ربنا معاكى ياستى

خفو شويه بس الاول جوبى على الاسئله دى



ماشي ياعم حماده منشوف اخرتها ايه معاك



1_انت بقيتى بتشجعى النادى الاهلى وراسه ولا انت حبتيه لوحدك ؟



لا مش وراثه بابا مالوش في الكوره انا حبيته من صحابي اللي في المدرسه



2_ايه هيه اكتر حاجه بتحبى تعمليها فى البيت ؟


مبحبش اعمل حاجه في البيت خالص هههههههههه

بحب اعد علي النت بس هههههههه


3_انتى ليكى فى الكمبيوتر كتير ولا بس بتقعدى على المنتدى ؟


يعني الي حد ما كويسه فيه

4_بتكلى كام مره فى اليوم العادى بتاعك ؟

بالكتير 3 مرات

كفايه كده ههههههههههههههههههه


ماشي بس ياريت بلاش تيجي هنا تاني ههههههههههه

انا بهزر طبعا

[دلوعه اهلاويه]

السلاموا عليكم ورحمه الله وبركاته

وعليكم السلااااام ورحمه الله وبركاته

انت جيت ؟؟


ولنا عوده ياسهررور علي راي عمو صاحب بابا

ايه ده انت بتتجسس عليا ولا اييييييييه ههههههه



اولا متكشر علي النصيحه والحمدلله واخد بالي من كليتي بس مش اوي يعني هههه


يلا اهو ناخد فيك ثواب



نبدا بقي ولا نستني لما تخلصي الليمووووووووووون


خلاص خلصت 10 ليمون و 7 قهوه ولسه فاضل كمان ههههههههه



انا بقول يلا بقي

اوك يلا بينا


الاول كده حب جد شويه انا عارف انك مش متعوده من علي الجد بس يلا بقي الظروف بتحكم

1-راضيه عن سهر ولا لا؟؟؟؟؟؟؟؟

نفسي ابقي افضل من كده بكتييييييييييير


بجد نفسي اكون افضل من حيث الدين والتقرب من ربنا

انا الحمد لله بقوم بكل الفروض اللي ربنا فرضها عليه ومش بحاول اعمل اي حاجه تغضب ربنا بس بجد نفسي ابقي داعيه اسلاميه

انت ممكن تضحك بس والله دي الحقيقه وبفكر ادرس بعد الكليه في ديني

2-حاسه ان ربنا راضي عنك؟؟؟؟؟؟؟


والله يا سامح بحسها في حاجات كتيره بتحصلي بحس ان ربنا راضي عني

3-طيب حاسه انك بتؤدي المفروض منك تجاه ربنا؟؟؟


الحمد لله بس الفرض اللي ناقصني اللبس الشرعي وان شاء الله عن قريب


4-لو غلطتي في حق ربنا معصيه يعني بتعملي ايه؟؟؟



بستغفر ربنا وبصلي ركعتين توبه لله



5-لو غلطتي في حق انسان او انسانه بتعملي ايه؟؟؟


اكيد هعتزرله ومش عيب طالما ان انا غلطانه



6-ايه الحاجه المفيده اللي عملتيها طول فتره الدراسه؟؟


لحد 3 ثانوي كنت بموت نفسي من المذاكره لحد لما ماما وبابا يقولولي اومي نامي بقي كفايه كده حرام عليكي

لكن من اول اولي كليه بيقولولي زاكري ابوس رجليكي عشان تعدي السنه دي هههههههههههه



7-ناويه علي ايه بعد التخرج؟؟انا سمعت ان انتي هتاخديكورسات كمبيوتر وانجليزي طي ليه ماتخدهمش من دلوقتي؟؟


ان شاء الله هاخد كورسات واتدرب في مكتب محاسبه

ومش هاخدهم دلوقتي !! يعني مش فاضيه ههههههههه

8-لما انتي مش مقتنعه بالكليه بتاعتك طيب عايزه تنجحي في شغلك ازاي بعد كده لو ربا سهل يعني ؟

انا اي نعم مش مقتنعه بيها عشان مش حسه ان دي علي اد مذاكرتي اللي ذاكرتها

بس في الاول وفي الاخر كليتي وماشيه فيها وبنجح كل سنه الحمد لله وبحب المواد بتاعها وبالذات المحاسبه لان اصلا ان بحب الرياضه وذكيه فيها جدا

فيمكن احب الشغل اكتر من الكليه


كفايه جد بقي ولا عايزه تاني


ايوه كده ده سامح اللي انا اعرفه هههههههههههه


نخش بقي علي اسئله تانيه من بتوع سامح المشاغب

9-ليه بتصحي الظهر يامفتريه؟؟؟؟؟؟؟؟


الظهر دا انت طيب اوى

انا يا بابا بصحي 2.5 بس بقالي يومين بصحي الظهر(( بدري يعني))

وبعدين انا هصحي بدري اعمل ايييييييييييييييييه ؟؟؟

فبخليني نايمه احسن


10-احمد اخوكي علي طول بيشتكي منك وواضح جدا انه مخنوق اوي منك ليه كده ؟؟؟

انا ؟؟ دا انا بلسم ههههههههههه


11-بما انك اكبر اخواتك يعني هل ياتري ياهل تري بتحاولي تتفردي علي اخواتك يعني تتنططي عليهم؟؟


اه طبعا يا بني اومال ايه احنا بنلعب ولا اييييييييييه هههههههه



بس وقت الهزار لكن وقت الجد ببقي عامله زى القطه بالظبط ادامهم هههههههه



12-ليه مش تساعدي ماما في البيت المفروض انك الوحيد يعني تخلي عندك حخبه من الاحمر وتساعديها يامفتريه؟؟


والله كله بيقولي كده بس هتقول ايه البتن بتن طول عمره ههههههه

انت عارف ماما بتقول ايه

بتقول في مثل بيقول سعدها زمانها اللي جابت بناتها قبل صبيانها

ماما بقي عدلت المثل ده وقالت تعسها زمانها اللي جابت بناتها قبل صبيانها ههههههههههه



انا عارف زماني بتهزأ منك دلوقتي>>مش مشكله بقي انا خلاص اتعودت علي كده منك
عشان كده هكمل بره


كويس انك اتعودت ههههههههههه



13-لما بتروحي الكليه اللي انتي اصلا مش بتروحيها بتعملي ايه في الاوقات الفاضيه مع اني عارفك بتزوغي اصلا من المحاضرات يعني اوقاتك كلها فاضيه؟؟؟

بص انا مش بروح الا وقت اللزوم

يعني عندك اول يوم رحته هشانكنت اجيب الكتب
طبعا اشتريتهم وامت رايحه فطرت مع صحبتي

اما تاني يوم كنت رايحه عشان اكتب الاستمارات اللي المفروض كنت كتبتها من اول اسبوع في الكليه


14-فكره انتي سالتيني قبل كده سؤال تقديراتك ايه وجبت كام في الثانويه العامه ياريت بقي تجاوبيلي علي نفس السؤال ههههههههههه انتي الي بداتي؟؟؟؟يلا بسره مش عايز تاخير


في سنه تانيه جبت 94.6 %

في تالته اتوكست وجبت 90 وكسر بس مش فاكره بس بالتقريب 91 بالمستوي

اجمع انت الاتنين بقي وابقي قولي


اما التقديرات يوم ما قلت انا بظت وجبت تقدير يبقي مقبول جدا ههههههههه



15-بتقفي ادام المرايا كان دقيقه ولا اقول كام ساعه لما بتبقي خارجه؟؟؟

لا مش كتير والله يعني بغيب عشان بربط الطرحه بس حوالي تلت ساعه


16-ياتنري بتحطي ميك اب ولا لا مكياج يعني؟؟

بسيط حاجه بناتي كده يعني


16-اتدهولتي كام مره وحبيتي او اعجبتي باي واحد؟؟؟؟

عيييييييييييب يا ولد الكلام ده



نخش بقي علي الاسئله المنتداويه

17-موضوع من بتوعي عجبك اوي هو ايه مع اني عارف انك بتبقي داخله تبوظي الموضوع مش داخله تقريه؟؟

كتير والله يا سامح لان اكتر مواضيعك بتبقي مضاربه بيني وبينك ههههههههه


18-عضو بتبقي فرحانه لما تخش المنتدي وتلااقيه مش موجود ؟؟؟عارفه لو قلتي انا هتلاقي حبه اسئله كمان شويه اكتر من دول

خلاص يبقي مش انت ههههههههه


19-ياتري ياهل تري لسانك ليه طويل معايا ياسهر؟؟


مش عارفه والله يا سامح بس انت اللي بتعصبني عليك وبتنرفزني منك



20-ايه رايك في جمهر الكره عامه وباخص الاهلاوي


الجمهور هو الاعب رقم 12 للفريق

اما جمهور النادي الاهلي مش كله زى بعضه

يعني فيه الناس الهاي والمتوسطه والبسيطه والشمحطيه برده هههههههههه



21-ياتري عدد المواضيع اللي كاتبها اكتر ولا اللي نقلاها اكتر؟؟؟؟عادي عادي قولي متتكسفيش ياسهر احنا ستر وغطا عليكي

استر عليا يسترك ربنا هههههههههههه


22-اختاري 3 اعضاء واتكلمي عنهم وقولي رايك فيهم بجد يعني فيما لايقل عن صفحتين قصدي سطرين طبعا انا واحد منهم اجبااري يعني مش اختياري

بص انا هقول لكل الشباب لانهم كلهم عندي نفس المعزه

خدوا بالكم من نفسكم ومن مستقبلكم وحطوا هدف دايما ادام عنيكم وامشوا عليه

لان فعلا الحياه صعبه اوى اوى وربنا يوفقكم ويعنكم علي الصعاب يارب



وبعد كده 3عضوات ونفس الحكايه هتتكلمي عنهم


برده للبنات كلهم ربنا يرزقكم بابن الحلال اللي يسعدكم ويخاف عليكم


هاااااااااااااااااه كفايه كده ولا ايه
انا بقول مش كفايه
نبدا بقي الجزء الرابع



يا عم روووووووووووووووووووووح ارحمني بقي

اشوف فيك يوم يارب
















































































ولا اقولك صعبتي عليا كفايه كده المره دي بس انتظريني في اي وقت
هوريكي بقي انا ظالم ازاي
علي فكره انا يومي عده خلاص يعني مش هاضوف الكرسي ده تاني
ههههههههههههههههههههههههههه
باي بباااااااااااااااااااااااااااااااي



اوعي اشوف خلقتك هنا تاني انت فاهم ولا لأ ؟؟

[دلوعه اهلاويه]

ازيك يا قمر انا مش هطول عليكى ذى الغلسين الشباب


طول عمري وانا بقول عليكي انتي اللي فيهم والباقي بصله ههههههههه



ذ- مين الانسان اللى لما بتكلمى معاه كانك بتكلمى مع نفسك؟


ممكن اقول ماما


2- انت حبيتى قبل كده حب صادق؟


ليه الاحراج ده بقي ههههههههه

متكسفينيشي

3- مين اعز اصدقائك؟

واحده صاحبتي اسمها جهاد


4- ايه معنى الحب من النسبة ليكى؟؟؟؟؟؟؟؟؟


شعور حلو واحساس جميل بس بيتعب صاحبه وممكن يضيعه



يا روشا يا عسل ياريت تبقي الاسئله كلها بسيطه كده

[samoha]

اوعي اشوف خلقتك هنا تاني انت فاهم ولا لأ ؟؟

نوووووووووووووووووو
ياماما
نوووووووووووووووووو

هو انتي هتقعي تحت ايدي كام مره لازم اخلص تاري منك ياطنط

علي العموم متشكر علي اجابتك وعجبني فيها حاجات كتير وبلاش بعد كده دوبلماسيه في الردود
اووووووووووووووووووووووك
ولا مش
اووووووووووووووووووووووووووك
علي االعموم انا جي تاني بس مش النهارده
نصيحه من اخ يعني
بخصوص الزي الاسلامي اللي انتي عايزه تلبسيه لو مش عايزه تلبسيه يكون كل لبسك محترم علي اكمل وجه
ولوعايزه تلبسيه يبقي زي مابيقولوا خير البر عاجله يعني عجلي بلبسه

اما بقي حكايه قدام دي ياسهر مش مظبوطه خالص
لانك لو مقتنعه ان ده الاحسن والخير ليكي واللي في رضا ربنا عنك اكتر
يبقي كانك بتقولي انا قدام شويه هارضي ربنا
طب وليه ماترضيهوش دلوقتي
وبعدين والف بعد الشر عليكي يارب مفيش حد فينا ضامن يعيش ساعه كمان قدام ولا ايه ياسهر

وربنا يوفقك يابتاعه الرياضه انتي >انا كنت بموت في حاجه اسمها رياضه لحد ثانوي واول ماشوفتها في الكيله خلاص الحب بيني وبين الرياضه مات انفصلنا يعني اهئ اهئ اهئ

انتظرييييييييييييييييييييني توموروووووووووووووووووووووو ياسهر
جووووووووووووووود بااااااااااااااااااااااااااااااااااااااااااااااااا اي

[دلوعه اهلاويه]

نوووووووووووووووووو
ياماما
نوووووووووووووووووو

هو انتي هتقعي تحت ايدي كام مره لازم اخلص تاري منك ياطنط


ليه كده يا سامح دا انا كنت ناويه مطولشي لساني عليك تاني

بس شكل مفيش نصيب للسلام مابينا ههههههههههه


علي العموم متشكر علي اجابتك وعجبني فيها حاجات كتير وبلاش بعد كده دوبلماسيه في الردود
اووووووووووووووووووووووك
ولا مش
اووووووووووووووووووووووووووك


ايه الدبلوماسيه في الردود انا مكنتش اقصد حاجه؟؟



علي االعموم انا جي تاني بس مش النهارده
نصيحه من اخ يعني
بخصوص الزي الاسلامي اللي انتي عايزه تلبسيه لو مش عايزه تلبسيه يكون كل لبسك محترم علي اكمل وجه
ولوعايزه تلبسيه يبقي زي مابيقولوا خير البر عاجله يعني عجلي بلبسه

ان شاء الله والله بس انا مش عاوزه اقوم بخطوه وارجع ازهق او اشعر بضيق

بس ان شاء الله في اسرع وقت هاخد القرار ده

اما بقي حكايه قدام دي ياسهر مش مظبوطه خالص
لانك لو مقتنعه ان ده الاحسن والخير ليكي واللي في رضا ربنا عنك اكتر
يبقي كانك بتقولي انا قدام شويه هارضي ربنا
طب وليه ماترضيهوش دلوقتي
وبعدين والف بعد الشر عليكي يارب مفيش حد فينا ضامن يعيش ساعه كمان قدام ولا ايه ياسهر


ان شاء الله في اقرب وقت

وربنا يوفقك يابتاعه الرياضه انتي >انا كنت بموت في حاجه اسمها رياضه لحد ثانوي واول ماشوفتها في الكيله خلاص الحب بيني وبين الرياضه مات انفصلنا يعني اهئ اهئ اهئ


كله بيقولي كده بس مش مصدقه

انتظرييييييييييييييييييييني توموروووووووووووووووووووووو ياسهر


جووووووووووووووود بااااااااااااااااااااااااااااااااااااااااااااااااا اي



جوووووووووووود بااااااااااااااااااااااااااااي

[فارس]

التوبيك ده عايز كوبايه شاى ونمخمخ فى اجاباتك .... معلش يا سهر اوعى تدعى على انى عملت التوبيك ... دانتى مطحونه جدااااااا

انا بنهج من كتر القراءه وعينى زغللت !!!!!

هقولك سؤال بسيط ( لانى شابف الناس سالت بما يكفى ) ..... ماهى مواصفات فتى احلامك


يارب ما يكونش السؤال مكرر

[CrazY GirL AbouT AhlY]

يا روشا يا عسل ياريت تبقي الاسئله كلها بسيطه كده

يا قمر انا ماشية بمتدأ فى حياتى وهو (داين تدان)
هههههههههههه
بس على فكرة انت هربتى من سؤال مهم وهو انك قابلتى الحب قبل كده ولا

[elnaggar]

سهــــــــــــــــــــــــــــر
ايه اللى وقعك الوقعد دى يابنتى
لاحول ولا قوه الا بالله معلش انتم السابقون ونحن بكمـ ان شاء الله لاحقــون


1-بتصـــلى بانتظــــامـ ؟

2-اكتر مشرووووووب بتحبيـه واكتر اكله طبعا؟

3-اكتر عضوه قريبه لقلبك واقرب عضو بترتحيله؟

بيمثلك ايه منتدى اهلى ديفيلز
والناس اللى فيه

4-لو المنتدى بعد الشر حلصه حاجه هايبقى ايه شعورك؟

5- بتعملى ايه لما حد يتهمك بحاجـه زووووووووووووووور ويبقى ايه شعورك سعتها؟

6- مافيش حد بيحب الظلم عمرك ظلمتى حد قبل كده؟

7 لو فى ايدكـ ورده وقله تدى الورده لمين والقله فى راس مين ؟

قوليلى كلمتين فى الاعضـاء دول

النجــار


كــابو


ساهر


فارس

نانسى

هدى

رشا كريزى


الاعضاء الجدد نصيحـه لهمـ

[دلوعه اهلاويه]

فارس ورشا والنجار


هجيلكوا ارد علي اجابتكم بس بعد شويه كده


هروح اعملي 10 فناجين قهوه وهجيلكم تاني


انتظروووووووووووني قريبا ههههههههههه

[دلوعه اهلاويه]

التوبيك ده عايز كوبايه شاى ونمخمخ فى اجاباتك ....

ادخل اعملك كوبايه

انا بعمل شاي انما ايه فااااااااااشل ههههههههههه



معلش يا سهر اوعى تدعى على انى عملت التوبيك ... دانتى مطحونه جدااااااا


اهئ اهئ اهئ


انا بنهج من كتر القراءه وعينى زغللت !!!!!


يلا تستاهل ياظالم ههههههه



هقولك سؤال بسيط ( لانى شابف الناس سالت بما يكفى ) ..... ماهى مواصفات فتى احلامك


يارب ما يكونش السؤال مكرر


لا مش مكرر يا فارس

موصفات فتي احلامي اول حاجه انه يكون متدين جدا ويخاف ربنا ويتقي ربنا في معاملته معايا

تاني حاجه انه ميعيشنيش في مستوى اقل من اللي انا عيشاه وياريت يكون في نفس المستوي

تالت حاجه الطبع يكون طيب ويحبني وراجل في كل مواقفه وميكونشي بخيل ولا كداب ولا عينه زايغه هههههه ودي اهم حاجه ويعاملني معامله كويسه



بس في مشكله؟؟

ان مفيش حد اليومين دول بالمواصفات دي هههههههههه

[دلوعه اهلاويه]

يا قمر انا ماشية بمتدأ فى حياتى وهو (داين تدان)
هههههههههههه
بس على فكرة انت هربتى من سؤال مهم وهو انك قابلتى الحب قبل كده ولا


هههههههههه

هو الواحد ميعلرفشي يخلع منك ابدا هههههههه


مره واحده بس كانت رسمي يعني خطوبه لمده كم شهر كده وبعدين محصلشي نصيب


فهو كان اول واحد في حياتي


بس انا مش بحب اتكلم في الموضوع ده لان اتظلمت فيه كتير وتعبت اكتر من كتر الظلم اللي اتظلمته


عشان كده انا بتهرب من السؤال ده دايما لان مش بحب افتكر الموضوع ده خاااالص

[دلوعه اهلاويه]

سهــــــــــــــــــــــــــــر

نعم


ايه اللى وقعك الوقعد دى يابنتى


شفت يا محمد اللي اختك فيه
لاحول ولا قوه الا بالله معلش انتم السابقون ونحن بكمـ ان شاء الله لاحقــون


ان شاء الله ليكم يوم يا ظلمه ههههههه



1-بتصـــلى بانتظــــامـ ؟


الحمد لله دي الحاجه الوحيده اللي مواظبه عليها



2-اكتر مشرووووووب بتحبيـه واكتر اكله طبعا؟


مشروب هو كاكاو بس بالنسبه للاكل فهو كتييييييييييير بس ممكن ارشح الكباب مثلا



3-اكتر عضوه قريبه لقلبك واقرب عضو بترتحيله؟


بص كلكم عندي نفس المعزه وحبي لكم كلكم في مستوى واحد والله سواء بنات او شباب


بيمثلك ايه منتدى اهلى ديفيلز

بيتي التاني


والناس اللى فيه


اكتر من اخواتي


4-لو المنتدى بعد الشر حلصه حاجه هايبقى ايه شعورك؟


هفضل كئيبه علي طول لحد لما نتجمع في منتدي تاني كلنا



5- بتعملى ايه لما حد يتهمك بحاجـه زووووووووووووووور ويبقى ايه شعورك سعتها؟


لو اقولك ان انا بتعب جدا لو حصلي موقف زى ده وبحس ان انا كرهه الدنيا كلها


6- مافيش حد بيحب الظلم عمرك ظلمتى حد قبل كده؟


انا اتظلمت كتييييييييييير لكن ظلمت مظنش

7 لو فى ايدكـ ورده وقله تدى الورده لمين والقله فى راس مين ؟


الورده هديهالك والقله هكسرها علي دماغ سامح ههههههههههههههه



قوليلى كلمتين فى الاعضـاء دول

النجــار انت انسان محترم وزوق وبحس فيك انك وقور كده مش عارفه ليه

كــابو كابو ده زى العسل مواضيعه كلها جميله وصديق تحس ان انت ترتاحله علي طول من اول تعامل معاه

ساهر الكبيييييييير بتاعنا وبقوله فينك المنتدي محتاجك اوووووووووووووى


فارس انسان محترم وبحب اعرف رأيه في اي موضوع وبقتنع برأيه اوى

وبحب اقرأ كتاباته

نانسى اختي وجارتي وقريبتي وبحبها اوى


هدى حبيبه قلبي وزى العسل ودمها خفيف اوى


رشا كريزى عسوله وى وشقيعه جدا ونفسي اتعرف عليها اكتر


الاعضاء الجدد نصيحـه لهمـ



ياريت تحافظوا علي المنتدي ده وتاخدو بالكم منه وتملونا بحب واخوه





مردودالك يا نجاااااااااااااار ههههههههههه

[samoha]

7 لو فى ايدكـ ورده وقله تدى الورده لمين والقله فى راس مين ؟


الورده هديهالك والقله هكسرها علي دماغ سامح ههههههههههههههه


واضح كده مفيش سلام هيعمر بيننا ياسهرور



انتي اللي بداتي تاني اهه

انتظيني بقي وكام سؤال كده حلوين مقططقطين زيك كده

جوووووووووووووووووود لك

وييييييييييييييت مييي

[دلوعه اهلاويه]

7 لو فى ايدكـ ورده وقله تدى الورده لمين والقله فى راس مين ؟


الورده هديهالك والقله هكسرها علي دماغ سامح ههههههههههههههه


واضح كده مفيش سلام هيعمر بيننا ياسهرور


هههههههههههه حسه بكده برده



انتي اللي بداتي تاني اهه


ههههههههههه معلشي مش بعرف امسك نفسي اعمل ايه بس



انتظيني بقي وكام سؤال كده حلوين مقططقطين زيك كده

جوووووووووووووووووود لك

وييييييييييييييت مييي



يووووووووووووه تاني

[برنس الاهلي]

سؤالي بقه يااااااااااااااااااه
بصي يا ستي
1/ ايه اكتر موقف اتحرجتي فيه قوي؟
2/ اكتر موقف كان دمك تقيل فيه ؟
اكتر موقف مكنتيش مقبوله فيه واتمنيتي انه ميحصلكيش ؟
يالا جاوبي وضحكيني يالا بسرعه

[samoha]

يووووووووووووه تاني
وييييييييييييييي تاااااااااااني
عندك مانعي ولا..............



المههم تاعلي بقي نتسلي شويتين كده

1-ايه احسن يوم في حياتك

2-ايه اوحش يوم في حيااتك

3-عملتي ايه لما جيبتي نتيجه الثانويه العامه >>>>يافاشله هع هع هع هااااااااااي

4-بتاخدي ياسهر كام كورس في مواد الكليه الترم ده>>مش بقولك فاشله

5-ياتري فلوس الكورس بتاخديها زي ماهي ولا بتضربي في اتنين>>>>>>>شكلك بتضربي في3

6-تعرفي اسم كام شاب في الدفعه عندك>>>>>>>اسم بس انا عارف انك مؤدبه يعني
>>>>>>قال مؤدبه قال ياعم العب بعيد>دهع هع هع هع هع هييييييييييي

7-ياتري ياهل تري اسمك سهر ليه؟؟؟؟؟؟؟؟؟؟سؤال حلو صح

8-ايه الاسم اللي بتحببيه في الولاد والبنات

9-حكمه مؤمنه بيها وبتعملي بيها كتير

10-بامانه كده ايه رايك في شباب اليومين دول وارايك في البات برده

11-ايه رايك في الظروف اللي بيمر بيها البنات والاولاد بتوع الجيل ده يعني الدنيا عامله ايه معاهم حلو ولا وحشه ولا ايه بالظبط

12-ياتري مصر بتمثل ليكي ايه ؟؟؟وياه رايك في الريس والحكومه>>>>يارب تتراقبي وتتمسكي


13-بتحبي تشربي اللبن ولا بتغلبي مامتك زيي كده

انا بقول كفايه عليكي كده
ولو طولتي لسانك تاني هاجيلك
يلا جووووووووووووود باي

[فارس]

رجعت تانى ..... اسئله خفيفه

عمرك حسيتى انك نفسك تعيطى وحد يمسح دمعتك ؟؟؟

ايه اكتر سؤال فى اللى فات فكرتى فيه ؟؟

لو اتجوزتى فتى الاحلام اللى وصفتيه ( انا حاسس انك بتعجزى الناس دى مواصفات صعبه ) .... وحدث واصبحتى ام


كبف تربين ابنك او ابنتك ؟؟؟ فكرى واكتبى كل اللى انتى شايفاه


اخيرا همسه فى ودنك ( من اول يوم وانا شابف الناس بتحبك كلها يا بختك ) .... هس سر

[دلوعه اهلاويه]

سؤالي بقه يااااااااااااااااااه
بصي يا ستي

بصييييييييييييت


1/ ايه اكتر موقف اتحرجتي فيه قوي؟


انا مره كنا في اسكندريه وقاعدين علي البلاج فكان في موجه عاليه جايه فانا مش بطيع اخلي الميه تيجي نحيتي فبرجع لورا عشان متعكش

قمت واقعه علي الارض وبرده الميه جات عليه ببص حوليا لقيت الناس بتتفرج عليا وفي شباب بيضحكوا قمت فاضله قاعده علي الارض ومقمتش وفضلت اضحك وخلاص من كسوفي ههههه







2/ اكتر موقف كان دمك تقيل فيه ؟


ايه السؤال الرخم ده

انا يابابا طول عمري دمي خفيف

دا الا لو انت شايفه حاجه تانيه هههههههههه


بصراحه مش عارفه والله يا عماد دي حاجه الي ادامي هو اللي يحكم عليا فيها


اكتر موقف مكنتيش مقبوله فيه واتمنيتي انه ميحصلكيش ؟


ايه ياعم الاسئله الرخمه دي انا عماله اعصر في دماغي مش لاقيه مواقف من دي خالص


بس اوعدك هفضل افتكر ولو لقيت والله هقولك

يالا جاوبي وضحكيني يالا بسرعه


اجري يالا من هنا يااااااااااااااااا رخم

[هدى الاهلاوية]

ههههههههههههههههههه .... الموقف بتاع البلاج دة انا حفظته صم يا سهر وممكن اسمعهولك ..... هو كان محرج ليكى قدام شوية ناس قليلين بس انتى دلوقتى الحمد لله عرفتيه لمصر كلها .... هههههههههههههههههه
عسل والله يا سهر ....

[سندباد]

يصراحه انا كنت داخل اسألك سؤال بس بعد ما قريت نص الاسئله نسيت انا كنت هسألك فى ايه
هعمل غسيل مخ وارجعلك ربنا يكون فى عونك ويوسع الكرسى عليكى

[دلوعه اهلاويه]

ههههههههههههههههههه .... الموقف بتاع البلاج دة انا حفظته صم يا سهر وممكن اسمعهولك ..... هو كان محرج ليكى قدام شوية ناس قليلين بس انتى دلوقتى الحمد لله عرفتيه لمصر كلها .... هههههههههههههههههه
عسل والله يا سهر ....


هههههههههه

اعمل ايه ياهدي مهو اتسألي عشروميت مره

فمش معقوله كل مره هغير الموقف

فبعمل كوبي وبيست وخلاص هههههههههه

[دلوعه اهلاويه]

يصراحه انا كنت داخل اسألك سؤال بس بعد ما قريت نص الاسئله نسيت انا كنت هسألك فى ايه
هعمل غسيل مخ وارجعلك ربنا يكون فى عونك ويوسع الكرسى عليكى


هههههههههههههه

ماشي مستنياك بس خليك طيب كده وياريت الاسئله تكون سهله وبسيطه

[دلوعه اهلاويه]

المههم تاعلي بقي نتسلي شويتين كده


نتسلي ازاى يعني

لو هتجيبلي فصدق ولوز انا موافقه غير كده يبقي تؤتؤتؤ



1-ايه احسن يوم في حياتك

لسه مجاش


2-ايه اوحش يوم في حيااتك


يوم نتيجه الثانويه العامه في تانيه ثانوي



3-عملتي ايه لما جيبتي نتيجه الثانويه العامه >>>>يافاشله هع هع هع هااااااااااي


انا فاشله يا فاشل

ماشي مقبوله منك المره دي بس عشان انا علي الكرسي مش هعرف انزل من عليه اضربك


انا ياسيدي كنت يوميها في فرح وابن خالي جه وجابهالي

بس الحمد لله قلبت الفرح ميت وفضلت اعيط والناس كانت مفروسه مني لان في ناس كانوا في الفرح جايبين 60 و 75 في الميه وفرحانين وانا اللي عماله اعيط


4-بتاخدي ياسهر كام كورس في مواد الكليه الترم ده>>مش بقولك فاشله


كورس واحد في محاسبه التكاليف



5-ياتري فلوس الكورس بتاخديها زي ماهي ولا بتضربي في اتنين>>>>>>>شكلك بتضربي في3


لا يا معلم انا مش حرميه زيك كده ههههههه



6-تعرفي اسم كام شاب في الدفعه عندك>>>>>>>اسم بس انا عارف انك مؤدبه يعني

مش لما اروح الكليه اصلا ابقي اعرف اسامي شباب

بس علي العموم اعرف اسامي ناس عشان كانوا معايا في الدروس في ثانوي وبسمع اساميهم من الاساتذه

لكن غير كده انا متعرفتش علي شباب في الكليه يا سامح

يبقي مؤدبه بقي ولا مش ....؟؟؟>>>>>>قال مؤدبه قال ياعم العب بعيد>دهع هع هع هع هع هييييييييييي

عندك رأي غير كده ؟؟


7-ياتري ياهل تري اسمك سهر ليه؟؟؟؟؟؟؟؟؟؟سؤال حلو صح

والله اسأل ماما بقي

8-ايه الاسم اللي بتحببيه في الولاد والبنات

في اسامي كتير بحبها


9-حكمه مؤمنه بيها وبتعملي بيها كتير


هي مش حكمه هي ايه قرأنيه وهي

عسي ان تكرهوا شيئا وهو خيرا لكم وعسي ان تحبوا شيئا وهو شرا لكم

وبرده قل لن يصيبنا الا ماكتبه الله لنا


10-بامانه كده ايه رايك في شباب اليومين دول وارايك في البات برده

مش كلهم طبعا في
شباب تافهه موروش حاجه يعملها

بس العيب مش عليهم العيب علي عدم توافر العمل


وفي شباب محترم وكويس بس قليل اليومين دول




برده البنات مش كلهم زى بعض يعني في بنات كويسه وحترمه

وطبعا في بنات ملوش لازمه نتكلم عليهم عشان منخدشي عليهم سيئات



11-ايه رايك في الظروف اللي بيمر بيها البنات والاولاد بتوع الجيل ده يعني الدنيا عامله ايه معاهم حلو ولا وحشه ولا ايه بالظبط


والله انا تعاملي معاهم منعدم لان انا مش بخرج عن نطاق قرايبي في التعامل

وكبيري صحابي البنالت وهما طبعهم زى طبعي وبنات مؤدبه

لكن النوع اللي انت بتقصده ده انا متعملتش معاه قبل كده


12-ياتري مصر بتمثل ليكي ايه ؟؟؟وياه رايك في الريس والحكومه>>>>يارب تتراقبي وتتمسكي


مصر انا بحبها جدا جدا بالرغم من توافر كل وسائل الراحه والترفيه اللي الحكومه والريس موفرهولنا

بس والله بحبها اوى ومعرفشي ايه السبب في كده



13-بتحبي تشربي اللبن ولا بتغلبي مامتك زيي كده


عادي يعني مش بكرهوه


انا بقول كفايه عليكي كده
ولو طولتي لسانك تاني هاجيلك
يلا جووووووووووووود باي



جود باااااااااااااي

[دلوعه اهلاويه]

رجعت تانى ..... اسئله خفيفه

منور والله يا فارس

عمرك حسيتى انك نفسك تعيطى وحد يمسح دمعتك ؟؟؟


كتيييييييييير



ايه اكتر سؤال فى اللى فات فكرتى فيه ؟؟


الاسئله اللي بتتعلق بالمواقف

بفضل افتكر اي موقف بيبقي صعب وافضل اعصر مخي لما بتخنق علي الكيبورد



لو اتجوزتى فتى الاحلام اللى وصفتيه ( انا حاسس انك بتعجزى الناس دى مواصفات صعبه ) .... وحدث واصبحتى ام


كبف تربين ابنك او ابنتك ؟؟؟ فكرى واكتبى كل اللى انتى شايفاه


انا بجد نفسي لما ابقي ام اربي ولادي علي حفظ القرأن وتعليم دينهم كويس اوى

تاني حاجه اعلمهم في مدارس لغات عشان يبقوا في مستوى ثقافي كويس ويعرفوا يتعاملوا مع مستقبلهم لان مستقبلهم هيبقي صعب اوى اوى مع الزمن اللي جاي


تالت حاجه هخليهم يسمعوا كلامي ولو مسمعهوش هضربهم هههههههههههه



اخيرا همسه فى ودنك ( من اول يوم وانا شابف الناس بتحبك كلها يا بختك ) .... هس سر

ميرسي جدا جدا جدا

وبعدين يا بختي انا لوحدي ليه

مهو انت كمان يابختك كل الاعضاء بردوا بيحترموك وبيحبوك جدا حتي اسألهم كده

[Mido Star]

هههههههههههههههههههه

بجد بجد انتى اتعزبتى جامد

هما شكلهم كلهم مستحلفنلك

والله انتى صعبتى عليه جدا

وكفايه كده انا مش هسئل تانى

ربنى معاكى

[دلوعه اهلاويه]

هههههههههههههههههههه

بجد بجد انتى اتعزبتى جامد

هما شكلهم كلهم مستحلفنلك

والله انتى صعبتى عليه جدا

وكفايه كده انا مش هسئل تانى

ربنى معاكى


صعبت عليك بجد


اللي يشوفك ميقولشي ان انت دخلت سألتلي عشروميت مره

يلا يوم لك ويوع عليك

[Mido Star]

صعبت عليك بجد


اللي يشوفك ميقولشي ان انت دخلت سألتلي عشروميت مره

يلا يوم لك ويوع عليك



ههههههههههههههه

لا بجد انا عمرى متمنا انى اكون مكانك


ربنا معاكى

[دلوعه اهلاويه]

متقلقشي خالص خالص



هيجيلك يوم وتبقي مكاني وعمري مهرحمك خالص نهائي

[samoha]

يااااااااااااااااااااااااااااه

والله واشحاني المنطقه دي اوي

بجالي كده تجريبا كام يوم مطلتش علي الكرسي

يارب تكوني مستريحه علي الاريكه

المهم بقي انا مش فاشل يافاشله

الاهم بقي طبعا عارف انك مؤدبه جدا بس السؤال ده كان سؤال غلاسه كالعاده مش اكتر

فوق المهم بقي السؤال11 انتي فهمتيه غلط بس يلا مش مكشله كبري الجمجمه واقلبيه خالص

فوق الاهم بقي اني هسالك اخر سؤل بقي ويبقي الختام بقي واشوفك علي كراسي تانيه ان شاء الله

كلمه بتقوليها لسهر في ودنها؟؟؟؟؟؟؟؟؟؟؟؟؟؟؟هي ايه

يلا بقي وبالتوفيق ان شاء الله وسمد اللا علي الحلامه

[دلوعه اهلاويه]

يااااااااااااااااااااااااااااه

والله واشحاني المنطقه دي اوي

بجالي كده تجريبا كام يوم مطلتش علي الكرسي

يارب تكوني مستريحه علي الاريكه




من غيرك مستريحه اوى اوى واخر تمام



المهم بقي انا مش فاشل يافاشله


لأ انت فاشل




الاهم بقي طبعا عارف انك مؤدبه جدا بس السؤال ده كان سؤال غلاسه كالعاده مش اكتر


انا مش مستنيه رأيك هههههههههه



فوق المهم بقي السؤال11 انتي فهمتيه غلط بس يلا مش مكشله كبري الجمجمه واقلبيه خالص


احسن برده


فوق الاهم بقي اني هسالك اخر سؤل بقي ويبقي الختام بقي واشوفك علي كراسي تانيه ان شاء الله

كلمه بتقوليها لسهر في ودنها؟؟؟؟؟؟؟؟؟؟؟؟؟؟؟هي ايه



هقولها جمدي قلبك يا سهر وسيبك من الطيبه اللي في قلبك دي

وعاملي الناس بمعاملتها




يلا بقي وبالتوفيق ان شاء الله وسمد اللا علي الحلامه



الله يحلمك هههههههههههه

[Rania Ebrahim]

انا قولت بقى اسيب باقى الناس تسأل براحتها برضه .. واسيبك تاخدى نفسك انتى كمان ..

مش هطول عليكى ياسهر شوفى ياستى هما سؤالين فى السريع كده .. عارفه السريع ولا لأ ..

وبعدين انتى عارفه ياسهر انتى غاليه عليه ازاى ..


1 - شخصيه قابلتيها او عرفتيها وبقت قدوتك ؟؟؟

2 - كلمة وجعاكى اوى ونفسك تقوليها لشخص معين؟ ومين هو الشخص ده ؟؟

3 - بتعملى ايه لما بتتضايقى ؟؟؟

4 - اغنية بتحبى تسمعيها كل لما تشغلى الاغانى ؟

5 - نفسك بنتك ان شاء الله تطلع شبه مين انتى ولا باباها ؟؟؟

6 - حصلك موقف ما .. وشخص كبير نصحك فيه بنصيحه غاليه اوى >>> ايه هى النصيحه دى .. وياترى سهر بتعمل بيها ؟

7 - موقف عملتيه وكنتى مبسوطه اوى من سهر ؟؟؟؟

8 - هقولك شوية كلمات هاتقوليها لشخص معين ( بس لازم تقولى عالشخص ومن غير دبلوماسيه فى الرد ) ماشى ؟ ولا ارجع تانى ؟؟؟؟؟ هههههههههههههههه

- بحبك ؟

- منك لله ؟

- اصبر ؟

- انا اسفه؟

- وحشتنى جدا ؟

- بكرهك ؟

- يا خساره ؟

- نسيتنى ليه ؟


يلا بقى اسيبك تردى على الاسئله دى دلوقتى .. ولنا لقاء اااااااااااااااااااخر !!!!!!!!!!






































































عالميل ماتقلقيش هههههههههههههههههههه

[دلوعه اهلاويه]

ايه ده يا رانيا انا قلت ان انا كده خلصت


اتاريني لسه علي الكرسي


هلف لفه وهجي اجاوب علي اسألتك علي مشرب كبايه شاي ههههههههه

[Rania Ebrahim]

مش عارفه والله يا سهر بس هو المفروض انه المسئول عن الكرسى هو اللى يقول اذا كنتى خلصتى ولا لسه ؟؟؟

وبما انك لسه معانا فانا قولت تتسلى فى السؤالين دول ههههههههههه

[دلوعه اهلاويه]

انا قعدت يوم الاربع اللي فات

شكلي هقوم كده بكره

فهجاوب علي اسئلتك قبل ميشلوني ههههههه

[kotkot22]

انا مش حطلع رزل و اسأل اكتر من عشر اسئلة انا حسأل سؤال واحد

و رزقي و رزقك علي الله


انتي راضية عن نفسك بنسبة كام في المية؟ وليه النسبة دي؟

مع تحيات كوت كوت 22

أحمد

[دلوعه اهلاويه]

انا قولت بقى اسيب باقى الناس تسأل براحتها برضه .. واسيبك تاخدى نفسك انتى كمان ..

مش هطول عليكى ياسهر شوفى ياستى هما سؤالين فى السريع كده .. عارفه السريع ولا لأ ..


ااااااااه طبعا عارفاه


وبعدين انتى عارفه ياسهر انتى غاليه عليه ازاى ..


مش باين هههههههه


1 - شخصيه قابلتيها او عرفتيها وبقت قدوتك ؟؟؟


بصي هي ماما قدوتي علي طول

لان شايفه كل حاجه بتعملها بتبقي صح

فبحاول اعمل زيها وباخد رأيها في كل حاجه

2 - كلمة وجعاكى اوى ونفسك تقوليها لشخص معين؟ ومين هو الشخص ده ؟؟



هقوله ليه عملت كده ؟؟؟


وحسبي الله ونعم الوكيل


بس مش لازم اسم الشخص0000


3 - بتعملى ايه لما بتتضايقى ؟؟؟

بعيط بحس ان انا برتاح اوى لما بعيط


4 - اغنية بتحبى تسمعيها كل لما تشغلى الاغانى ؟

اغنيه سيبتك بتاعه كاميليا


5 - نفسك بنتك ان شاء الله تطلع شبه مين انتى ولا باباها ؟؟؟

انا لسه معرفشي بباها شكله ايه فعشان كده احبها تبقي شكلي


6 - حصلك موقف ما .. وشخص كبير نصحك فيه بنصيحه غاليه اوى >>> ايه هى النصيحه دى .. وياترى سهر بتعمل بيها ؟


[COLOR="Blue"]يعني جتلي فتره كده كنت متدمره واعصابي بيظه وكئيبه جدا بابا قعد يتكلم معايا ويفهمني ان انا كده غلط واللي بفكر فيه غلط

بس بصراحه مقتنعتش بالكلام وفضلت كئيبه زى مانا ههههههه

بس دلوقتي الحمد لله اقتنعت بكلامه شويه صغنتتين بالرغم من ان كلامه صح بس ده بيبقي غصب عني[/CO


8 - هقولك شوية كلمات هاتقوليها لشخص معين ( بس لازم تقولى عالشخص ومن غير دبلوماسيه فى الرد ) ماشى ؟ ولا ارجع تانى ؟؟؟؟؟ هههههههههههههههه



- بحبك ؟ لماما وبابا وليكم كلكم

- منك لله ؟ لكل اللي ظلمني

- اصبر ؟ لقلبي

- انا اسفه؟ لاي شخص زعلته مني

- وحشتنى جدا ؟ لمرات عمي اصلها ماتت قريب ربنا يرحمهما بقي

- بكرهك ؟ كل اللي اتسبب في جرحي

- يا خساره ؟ علي الايام

- نسيتنى ليه ؟ للفرح


يلا بقى اسيبك تردى على الاسئله دى دلوقتى .. ولنا لقاء اااااااااااااااااااخر !!!!!!!!!!




اه ده عند ام الللي ههههههههههه عارفاها ؟؟

































































عالميل ماتقلقيش هههههههههههههههههههه


ايوه كده ماشي






ميرسي يا روووووووروووووووووووووو

[دلوعه اهلاويه]

انا مش حطلع رزل و اسأل اكتر من عشر اسئلة انا حسأل سؤال واحد


ياااااااااه يا كوت كوت

زوق والله


و رزقي و رزقك علي الله


انتي راضية عن نفسك بنسبة كام في المية؟ وليه النسبة دي؟


سؤال غريب اوى يا احمد

بس حوالي 80%

والباقي نفسي ابقي احسن واحسن ونفسي اتعرف علي ديني اكتر واكتر
مع تحيات كوت كوت 22

أحمد



منور يا احمد

[kotkot22]

ليه السؤال غريب يا سهر

انا عارف ان الاجابة بتاعت السؤال ده اكيد حتبقي صعبة عشان محدش بيقدر يحكم علي نفسه

بسهولة

و مش حسأل اسئلة تانية

عشان انا وعدت اني اسأل سؤال واحد

و انا قد كلمتي