يوم زفافي قريبا فهل ستباركون لي !! أم لا

[دلوعه اهلاويه]

يوم زفافي قريبا فهل ستباركون لي !! أم لا




بسم الله الرحمن الرحيـم

السـلام عليكم ورحمة الله وبركاته

فضلاً لا تستعجل أكمل القراءة للنهاية

وأصغي لكلماتي ولا تحكم علي

من البداية أكمل فمن حق الأخوة أن تشاركني فرحتي !!!

**********


لا تستغربوا إخوتي لطرحي هذا الموضوع وسامحوني على العنوان ,,

ولكن وددت لو تشاركوني فرحتي بهذا الزفاف فكل فتاة تنتظر هذا اليوم وكل شاب

يحلم به أما أنا فأحببت أن تشاركوني لحظات زفافي واتمنى أن لا تنزعجوا مني !!!

أني أنتظر هذا اليوم في كل لحظة وكل ثانية لتتغير حياتي كلياً لا عجب أن الانسان لا يعلم ما سوف

يحدث له وبطبع لا أحد يعلم متى يزف ...

لكن أنا متأكدة تماماً أن زفافي قريب جداً فقلبي

لا يكذب ...



لذا إسمحوا لي أن أغمض عيني لبرهه وأحلم به !!

نعم سأكتب حلمي لكم هنا ولن أخجل كوني فتاة ...

بل سأكون شجاعة للغاية وسأسطر لكم لحظات زفافي .....



بدأت أستعد لهذا اليوم بكل قوتي ومجهودي فأنا أريد التميز ولا شك من أراد ذلك عليه بالاستعداد

جيداً لهذا اليوم فأنا بلا شك راحله ولا بد من متاع معي

لكي ارتاح واوفر على نفسي بعضاً من العناء !!!



أما الحفله والحضور فبتأكيد سيكون أقرب الناس إلى قلبي


صديقاتي وأهلي جميعاً لا أنسى من خاصمتهم فالكل سيأتي لا محاله فهو يوم زفافي لن يتأخر أحد

عن هذا اليوم الكل سيترك أعماله ويأتي لي

فأنا الغالية بنسبة إليهم ولن يتركوا الإجر المترتب على زفافي !!!!



فستااااان الزفاف بهذا الزمن أختلطت الإلوان والموديلات ولكن لا بد

من اللون المعتاد الأبيض بتأكيد أريد أكون كالحمامة في وسطهم لأحلق

من شدة الفرحة والراحه ولن أتكلف كثيراً يكفيني نوعية بسيطة من القماش الخام

ألفها على جسدي بسهوله لأمضي في الزفاف وأبقى به !!!



آآآآآم لقد نسيت بيتي !!!

وكيف لي ان أنساه ... وأنا سأقضي فيه جل حياتي

بيتي هو حفرة صغيرة بالكااااااااد تكفي جسدي سقفه من التراب

وأرضيته من تراب وجدرانه من تراااب بيت جميل جداً


ولكــــــــن

الإجدر أن أزينه من الآن فهذا البيت يحتاااااج لصبر ومجهود كبير جداً

نعم يحتااااج لأعمال كبيرة لكي يكون روضه من رياض الجنان

لكي أسعد فيه وإرتاح بعد هذا الزفاف وبعد طول المسافة

بعد كل هذا الطريق لابد أن إرتاح به !!!

فهو حصاااااااد سنين حياتي ....



عندما أصل لبيتي سأدير وجهي لأقول وداعاً لدنيا

وداعاً لأحبائي الذين أتوا ليزفوني لهذا البيت

وداعاً وإلى لقاء

فكلكم ستزفون مثلي يوماً


وقد صدق الشاعر حين قال :


هو الموت مامنه ملاذ ولا مهرب...... . متى حط عن نعشه ذاك يركب

فهل فكرتم بهذا الزفاف مثلي ؟؟؟


هل جهزتم أمتعتكم لرحيل ؟؟؟


هل بدأتم في بناء بيوتكم ؟؟؟


عندما يكون فرشنا الترااااااااااب

ماذا سيكون حالنا يا ترى !!!!!




فرشي التراب يضمني وهو غطائي

حولي الرمال تلفني بل من ورائي

واللحد يحكي ظلمة فيها ابتلائي

والنور خط كتابه أنسي لقائي



والأهل أين حنانهم باعوا وفائي

والصحب أين جموعهم تركوا إخائي

والمال أين هنائه صار ورائي

والاسم أين بريقه بين الثنائي

هذه نهاية حالي فرشي التراب يضمني وهو غطائي



والحب ودع شوقه وبكى رثائي

والدمع جف مسيله بعد البكائي

والكون ضاق بوسعه ضاقت فضائي

فاللحد صار بجثتي أرضي سمائي



هذه نهاية حالي فرشي التراب

فالخوف يملأ غربتي والحزن دائي

أرجو الثبات فإنه قسماً دوائي

والرب أدعوا مخلصا ً أنت رجائي

أبغي إلهي جنة فيها هنائي




أسأل الله لنا ولكم الجنان والثبات عند السؤال وان يثبت قلوبنا على طاعته بدنيا والآخره

اللهم أجعلنا ممن يعطون كتابهم بيمينهم .. اللهم أرحم موتانا وموتى المسلمين

اللهم ارحمنا إذا صرنا لما صاروا إليه

اللهم إرحمنا إذا غسلونا وعلى الأكتاف حملونا ..

اللهم إرحمنا يوم لا ينفع مالاً ولا بنون

أللهم أني أسألك ان تجعل قبورنا روضه من رياض الجنة ولا تجعلها حفرة من حفر النيران

اللهم أسالك بعزتك وجلالك أن تغفر لوالدى وترحمه وتجعل في قبره نورا وتسكنه الفردوس

الأعلى بكرمك ومنك يا أرحم الراحمين

--

[سندباد]

موضوع رائع رائع رائع رائع ويستحق ان يدخل المسابقه
وعاما بارك الله لكى فى مستقبلك وفى حياتك القادمه ووالف الف مبروك مقدما

[kotkot22]

موضوع جميل و انا من نصه فهمت المعني اللي ورا العنوان

ان شاء الله مستقبلك يكون جميل

[دلوعه اهلاويه]

موضوع رائع رائع رائع رائع ويستحق ان يدخل المسابقه
وعاما بارك الله لكى فى مستقبلك وفى حياتك القادمه ووالف الف مبروك مقدما


ميرسي

اوى اوى ليك يا سندباد


نورت التوبيك

[دلوعه اهلاويه]

موضوع جميل و انا من نصه فهمت المعني اللي ورا العنوان

ان شاء الله مستقبلك يكون جميل


ميرسي ليك يا كوت كوت لمشاركتك

[samoha]

جميل اوي ياسهر الموضوع وفيه موعظه جميله اوي

القبر يايدينا ان نجعله روضه من رياض الجنه وممكن ان نجعلخ حفره من حفر النار

وكلمه واحده لازم نعمل من اجلها

جئت باكيا والناس حولك ضاحكون
فاعمل ليوم ان تذهب ان تكون ضاحكا وهم باكون

المعني >>>>>عندما ولدت ولدت تبكي مثل اي طفل وحولك الناس فرحين مهلللين بقدومك

وعندما تموت الكل يبكي علي فراقك ولكن اعمل ان تموت ضاحكا لانك ذاهب للقاء الرحمن الرحيم العظيم وذاهب لجنانه

اللهم اجعل قبورنا روضه من رياض الجنه ولاتجعلها حفره من حفر النار

[دلوعه اهلاويه]

جميل اوي ياسهر الموضوع وفيه موعظه جميله اوي

القبر يايدينا ان نجعله روضه من رياض الجنه وممكن ان نجعلخ حفره من حفر النار

وكلمه واحده لازم نعمل من اجلها

جئت باكيا والناس حولك ضاحكون
فاعمل ليوم ان تذهب ان تكون ضاحكا وهم باكون

المعني >>>>>عندما ولدت ولدت تبكي مثل اي طفل وحولك الناس فرحين مهلللين بقدومك

وعندما تموت الكل يبكي علي فراقك ولكن اعمل ان تموت ضاحكا لانك ذاهب للقاء الرحمن الرحيم العظيم وذاهب لجنانه

اللهم اجعل قبورنا روضه من رياض الجنه ولاتجعلها حفره من حفر النار


اميييييين يارب العالمين

شكرا يا سامح لمشاركتك

[KEMOOO]

لكن أنا متأكدة تماماً أن زفافي قريب جداً فقلبي

لا يكذب ...




بجد موضوع أكتر من رائع و يارب يكون منزلتنا في أعلي درجات الجنه
بس بجد ضايقتني الكلمه دي ياريت انك كنتي حزفتيها أحسن لانه بجد خنقتني جدا ليه تفولي علي نفسك يا سهر أطال الله في أعمارنا حتي نبدل ذنوبنا حسنات و جزاكي الله خيرا علي الموضوع

[دلوعه اهلاويه]

بجد موضوع أكتر من رائع و يارب يكون منزلتنا في أعلي درجات الجنه
بس بجد ضايقتني الكلمه دي ياريت انك كنتي حزفتيها أحسن لانه بجد خنقتني جدا ليه تفولي علي نفسك يا سهر أطال الله في أعمارنا حتي نبدل ذنوبنا حسنات و جزاكي الله خيرا علي الموضوع


انت عارف يا كريم والله دا اللي انا حساه ان انا هموت قريب جدااا

وفعلا قلبي حاسس بكده

وبحلم كتير بالموت وببقي خايفه جدا منه بس بيبقي كل همي ان انطق الشهاده واستغفر ربنا

واخر حلم حلمته ان انا هموت كان انهارده

[samoha]

انت عارف يا كريم والله دا اللي انا حساه ان انا هموت قريب جدااا

وفعلا قلبي حاسس بكده

وبحلم كتير بالموت وببقي خايفه جدا منه بس بيبقي كل همي ان انطق الشهاده واستغفر ربنا

واخر حلم حلمته ان انا هموت كان انهارده



بصي ياسهر الموت هو الحقيقه الوحيده في هذه الحياه

وكلنا لازم نؤمن بيه ونعمل من اجله

بس مش كده خالص

الحلم بالموت ممكن توكن رساله من ربنا ليكي عشان ممكن تكوني عصيتي ربنا كررتي الخطا وماتوبتيش او ماستغفرتيش ربنا عن هذا الخطا

فممكن يكون بمثابه تحذير ياسهر

وطبعا الاعمار بيد الله والموت لم يعد يفرق بين صغير ولا كبير

بس بقولك راجعي نفسك وحاسبيها ياسهر وانتي ان شاء الله هتبقي احسن

[دلوعه اهلاويه]

بصي ياسهر الموت هو الحقيقه الوحيده في هذه الحياه

وكلنا لازم نؤمن بيه ونعمل من اجله

بس مش كده خالص

الحلم بالموت ممكن توكن رساله من ربنا ليكي عشان ممكن تكوني عصيتي ربنا كررتي الخطا وماتوبتيش او ماستغفرتيش ربنا عن هذا الخطا

فممكن يكون بمثابه تحذير ياسهر

وطبعا الاعمار بيد الله والموت لم يعد يفرق بين صغير ولا كبير

بس بقولك راجعي نفسك وحاسبيها ياسهر وانتي ان شاء الله هتبقي احسن


اكيد كل واحد بيغلط ومفيش انسان معصوم من الخطأ

بس انا والله علي اد ما بقدر بحاول معصيش ربنا ولو عملت حاجه غلط بفضل ائنب في نفسي

واستغفر ربنا

بس انا دايما ببقي اخاف لكون في منزله قليله عند ربنا ونفسي اموت علي حسن خاتمه

عشان كده كل لما بحلم بالموت لازم احلم ان انا قلت الشهاده وقريت قران وبستغفر ربنا

[هند الاهلاويه]

مبارك زاوجك اختى الغاليه دلوعة وان شالله بالتوفيق

[samoha]

اكيد كل واحد بيغلط ومفيش انسان معصوم من الخطأ

بس انا والله علي اد ما بقدر بحاول معصيش ربنا ولو عملت حاجه غلط بفضل ائنب في نفسي

واستغفر ربنا

بس انا دايما ببقي اخاف لكون في منزله قليله عند ربنا ونفسي اموت علي حسن خاتمه

عشان كده كل لما بحلم بالموت لازم احلم ان انا قلت الشهاده وقريت قران وبستغفر ربنا

الخوف من ان منزلتك قليله ده عند الناس كلها وانا كمان نفس الحكايه

حتي الملائكه الذي ليس لهم شغله غير التسبيح لله ليل نهار عند قيام الساعه يرون ان الوقت الذي زكروا الله فيه قليل

وطبعا عارفه القصص عن كثير من الصحابه اللي هم اشد الانقياء وبالرغم من ذلك يخشون الله ويخشون ناره

بس ده كله برده ميخلكيش تقولي انا حاسه اني هموت قريب
انا نفسي اوصل لمرحله وهي >>>>ان انا اقول انا جاهز للموت دلوقتي انا عارف انها صعبه بس مش مستحيله
يبقي انتي بقي حاولي تكوني جاهزه >>>>>ولكن مش بالمنظر ده



والخطا ه لازم لاننا مش معصومين زي ماقولتي ولكن خير الخطائين التوابيين
والشهاده دي فعلا حلم ان الواحد يقولها عند الموت لان من كان اخر كلامه لا اله الا الله دخل الجنه

[دلوعه اهلاويه]

مبارك زاوجك اختى الغاليه دلوعة وان شالله بالتوفيق


انتي اكيد مقرتيش الموضوع للاخر

ولو كنتي قريتيه وقصدك الدعاء ليه يبقي ميرسي اوى


وشكرا لمشاركتك يا قمر

[KEMOOO]

ردا علي كلام سامح انا علي طول بكتب في الماسنجر بتاعي انا نفسي أموت بس بجد حرام الموت بإيد الله انما متتمنيش الموت عيشي دنيتك لكل واحد رساله بيأديها ليها بدايه و ليها نهايه فياريت متقوليش كده تاني لانك بتضايقي نفسك و بتزعلينا منك انت يا سهر و كل واحد هنا أصبح أخ و اخت لينا بجد مش حقولك انا زعلت منك من الكلام ده قد ايه

أما حقولكم معلومه تانيه مكنتش أحب إني حقولها حتي والدتي متعرفهاش أنا من 4 سنين والدي حلملي حلم ووالدي مش عارف إحساسي ان لو ولدي توفي حيتوفي و هوه بيصلي الفجر في المسجد لأنه عمره مضيع فرد و بجد من غير مجامله عشان والدي نفسي يموت كده حيرتاح قلبي طبعا بعد عمر طويل بإذن الله لأني من غيره حضيع من غير أدني شك و ياريت اكون صباع في رجله الصغير المهم حلملي حلم و انا و العياذ بالله بتعذب في القبر و مش حقولكم انا كنت مضيع بالعكس بس كنت متمرد شويه أو كتير مع اهلي وبتخانق كتير دلوقتي بتحصل أكيد مشاكل معاهم بس اتعلمت من الرساله دي ان ربنا بيوجهلي رساله و الحمد لله ربنا هداني يعني أحسن من الأول بكتير كنت عنيد و دلوقتي مبفكرش في الدنيا خالص

و انا اعتقد من غير زعل نقص في الايمان بالله حاولي ترجعي لربنا أكتر و تعيشي حياتك و اكيد في شئ تعبك حاولي متركزيش فيه أوي و ربنا عليم بالأمور أنت عارفه لو كان الانتحار مش حرام كنت أول واحد انتخرت بس لو الموت هوه الحل يبقي علي الدنيا السلام إحنا ورانا مستقبل كبير قولي انا نفسي أقابل ربنا بعد مليون سنه عشان ألحق ألم حسنات و أحول ذنوبي لحسنات عشان ربنا يرضي عني

و أستحلفك بالله متقوليش كده تاني انت غاليه علينا أوي و يارب يومي يكون قبل يومك ياستي

[دلوعه اهلاويه]

الخوف من ان منزلتك قليله ده عند الناس كلها وانا كمان نفس الحكايه

حتي الملائكه الذي ليس لهم شغله غير التسبيح لله ليل نهار عند قيام الساعه يرون ان الوقت الذي زكروا الله فيه قليل

وطبعا عارفه القصص عن كثير من الصحابه اللي هم اشد الانقياء وبالرغم من ذلك يخشون الله ويخشون ناره

بس ده كله برده ميخلكيش تقولي انا حاسه اني هموت قريب
انا نفسي اوصل لمرحله وهي >>>>ان انا اقول انا جاهز للموت دلوقتي انا عارف انها صعبه بس مش مستحيله
يبقي انتي بقي حاولي تكوني جاهزه >>>>>ولكن مش بالمنظر ده



والخطا ه لازم لاننا مش معصومين زي ماقولتي ولكن خير الخطائين التوابيين
والشهاده دي فعلا حلم ان الواحد يقولها عند الموت لان من كان اخر كلامه لا اله الا الله دخل الجنه


انا والله مش خايفه من الموتلان زى مابتقول الموت علينا حق

بس انا نفسي ارضي ربنا اكتر واكتر واحاول معملشي اي حاجه تغضبه

ويارب يستقبل منا اعمالنا

[نادر جلال السعودى]

انا مش فاهم ايه اللى قلبك كده يادلوعة وست البنات
بس كويس ان الواحد يفتكره وبالذات السن ده لان من الحديث (ثلالثه يظلهم الرحمن يوم لاظل الا ظله منهم شاب نشأ فى رعاية الله عزوجل) ................اكتبها لنا يارب ولا تحرمنا من الثواب والاجابه .............امين
وين ماروحنا هنقابل وجه كريم
بس انا راى اكمل نص دينى وقابل وجه كريم بزوجه صالحه واولاد صالحين ارسل نهج ربى ورسالة نبيه وحبيبه(صلى الله عليه وسلم)
ولا ايه رايك..................يا
عيشى دنيتك بس ماتنسيش اننا متراقبين
والتفائل من الاسلام

[دلوعه اهلاويه]

ردا علي كلام سامح انا علي طول بكتب في الماسنجر بتاعي انا نفسي أموت بس بجد حرام الموت بإيد الله انما متتمنيش الموت عيشي دنيتك لكل واحد رساله بيأديها ليها بدايه و ليها نهايه فياريت متقوليش كده تاني لانك بتضايقي نفسك و بتزعلينا منك انت يا سهر و كل واحد هنا أصبح أخ و اخت لينا بجد مش حقولك انا زعلت منك من الكلام ده قد ايه

أما حقولكم معلومه تانيه مكنتش أحب إني حقولها حتي والدتي متعرفهاش أنا من 4 سنين والدي حلملي حلم ووالدي مش عارف إحساسي ان لو ولدي توفي حيتوفي و هوه بيصلي الفجر في المسجد لأنه عمره مضيع فرد و بجد من غير مجامله عشان والدي نفسي يموت كده حيرتاح قلبي طبعا بعد عمر طويل بإذن الله لأني من غيره حضيع من غير أدني شك و ياريت اكون صباع في رجله الصغير المهم حلملي حلم و انا و العياذ بالله بتعذب في القبر و مش حقولكم انا كنت مضيع بالعكس بس كنت متمرد شويه أو كتير مع اهلي وبتخانق كتير دلوقتي بتحصل أكيد مشاكل معاهم بس اتعلمت من الرساله دي ان ربنا بيوجهلي رساله و الحمد لله ربنا هداني يعني أحسن من الأول بكتير كنت عنيد و دلوقتي مبفكرش في الدنيا خالص

و انا اعتقد من غير زعل نقص في الايمان بالله حاولي ترجعي لربنا أكتر و تعيشي حياتك و اكيد في شئ تعبك حاولي متركزيش فيه أوي و ربنا عليم بالأمور أنت عارفه لو كان الانتحار مش حرام كنت أول واحد انتخرت بس لو الموت هوه الحل يبقي علي الدنيا السلام إحنا ورانا مستقبل كبير قولي انا نفسي أقابل ربنا بعد مليون سنه عشان ألحق ألم حسنات و أحول ذنوبي لحسنات عشان ربنا يرضي عني

و أستحلفك بالله متقوليش كده تاني انت غاليه علينا أوي و يارب يومي يكون قبل يومك ياستي


ربنا يهدينا كلنا للطريق المستقيم بس انا عامله التوبيك ده عظه لنا اكتر من ان انا بتمني الموت او خايفه منه

عاملاه عشان نتعلم ان دي نهايتنا ونصحي من الغفله اللي احنا عايشين فيها

وشكرا ليك ياكريم لمشاركتك

[سندباد]

أيه يا شباب الموضوع قلب دراما ليه ان شاء الله منفقدش حد مننا
والاعمار طبعا بيد الله
وان شاء الله يكون المستقبل ليكم انتوا شباب متعلم ومتحضر ومثقف ومؤدب ان شاء الله يكون القادم افضل لينا كلنا

[samoha]

ياجماعه استهدوا بالله وصلوا علي نبيه الكريم

هاقولك انا كمان ياسهر علي حاجه

اللي ربنا بيحبهم ياسهر بيبعتلهم دائما رسائل تذكير عندما يخطئوا

وه عشان بيحبهم ومش عايز يعذبهم

اتمني ان يكون ربنا بيحبني

انا مره حلمت ان انا باطلع لفوق في السماء>>>>تقدري تقولي طالع لربنا بس غصب

وبحاول انطق الشهاده ومش قادر اطلع نفس خالص

اعتبرتها رساله من ربنا وتحذير ليا

وعشان كده دلوقتي لما باغلط باستغفر ربنا علي طول
وممكن اقوم اصلي ركعتين استغفار عن هذا الذنب

وانت ياكيمو بلاش حكايه ان لو الانتحار حلال كنت انتحر جه ياكريم حرام وانا باعتبره ضعف ياكريم

ياجماعه والله كلنا علي عاتقنا ذنوب تبلغ عنان السماء

بس تعرف باستغفار او ذكر اوي صدقه

ممكن يروح ده كله في ثانيه

قال تعالي للذين يصرفون في الذنب(قل ياعبادي الذين اسرفوا علي انفسهم لاتقنطوا من رحمه الله فان الله غفور رحيم)

[دلوعه اهلاويه]

انا مش فاهم ايه اللى قلبك كده يادلوعة وست البنات
بس كويس ان الواحد يفتكره وبالذات السن ده لان من الحديث (ثلالثه يظلهم الرحمن يوم لاظل الا ظله منهم شاب نشأ فى رعاية الله عزوجل) ................اكتبها لنا يارب ولا تحرمنا من الثواب والاجابه .............امين
وين ماروحنا هنقابل وجه كريم
بس انا راى اكمل نص دينى وقابل وجه كريم بزوجه صالحه واولاد صالحين ارسل نهج ربى ورسالة نبيه وحبيبه(صلى الله عليه وسلم)
ولا ايه رايك..................يا
عيشى دنيتك بس ماتنسيش اننا متراقبين
والتفائل من الاسلام


ربنا يرزقك ببنت الحلا يا نادر يارب

بس انا مش حكايه ان انا اتقلبت ولا حاجه

حكايه انننا لازم نتذكر الموت ونخاف من ربنا دايما

شكرا يا نادر لمرورك

[دلوعه اهلاويه]

أيه يا شباب الموضوع قلب دراما ليه ان شاء الله منفقدش حد مننا
والاعمار طبعا بيد الله
وان شاء الله يكون المستقبل ليكم انتوا شباب متعلم ومتحضر ومثقف ومؤدب ان شاء الله يكون القادم افضل لينا كلنا

يارب يا عمرو منفقدشي حد مننا ويدينا كلنا طوله العمر

ويارب اجمعنا كلنا في جناتك

[دلوعه اهلاويه]

ياجماعه استهدوا بالله وصلوا علي نبيه الكريم

هاقولك انا كمان ياسهر علي حاجه

اللي ربنا بيحبهم ياسهر بيبعتلهم دائما رسائل تذكير عندما يخطئوا

وه عشان بيحبهم ومش عايز يعذبهم

اتمني ان يكون ربنا بيحبني

انا مره حلمت ان انا باطلع لفوق في السماء>>>>تقدري تقولي طالع لربنا بس غصب

وبحاول انطق الشهاده ومش قادر اطلع نفس خالص

اعتبرتها رساله من ربنا وتحذير ليا

وعشان كده دلوقتي لما باغلط باستغفر ربنا علي طول
وممكن اقوم اصلي ركعتين استغفار عن هذا الذنب

وانت ياكيمو بلاش حكايه ان لو الانتحار حلال كنت انتحر جه ياكريم حرام وانا باعتبره ضعف ياكريم

ياجماعه والله كلنا علي عاتقنا ذنوب تبلغ عنان السماء

بس تعرف باستغفار او ذكر اوي صدقه

ممكن يروح ده كله في ثانيه

قال تعالي للذين يصرفون في الذنب(قل ياعبادي الذين اسرفوا علي انفسهم لاتقنطوا من رحمه الله فان الله غفور رحيم)



اكيد طبعا لو ربنا يبحب الانسان ده اكيد هيديله تحذير

لكن لو مش بيحبه هيسيبه يمتدد في الخطأ وهيحليه الغلط ده كمان وهيسيبه يتمادى فيه

انا كمان بقول لنفسي علي حكايه الاحلام دي ان ربنا بيذكرني دايما بالموت عشان ابقي فاكراه علي طول

ويارب ارزقنا جميعا حسن الخاتمه

[samoha]

بالظبط كده

ولا كلمه بقي عشان انتي كده ضيعتي اليوم كله

لا انا زاكرت ولا انا انبطست معاكم شويه

يعني اعمل فيكي ايه انتي عارفه لو سقطت هاعلقك ياسهر>>>>تخافيش مش هسقط ان شاء الله


يلا بقي اطلعي من هنا وروحي حته تانيه وانتي عملتيلنا صداع كده

[دلوعه اهلاويه]

انا عملتلكم صداع

طيب بالزمه لو انا كنت قافله دلوقتي كنتم هتكونوا فاتحين لحد دلوقتي

ماظنش كان زمان المنتدي ممل ورخم وملوش طعم

سيبك انت انتوا مش تقدروا تعدوا من غيري

وبعدين حكايه النجاح دي عاوز تخليني انا السبب ازاى وانت طول النهار والليل قاعد علي المنتدي ومش بتذاكر

وال ايه في كليه هندسه

ياعم روووووووووووووح

[samoha]

ههههههههههههههههههههههه

انتي رجعتي تاني تطولي لسان ولا ايه

نقفل ازاي وانتي نازله ب700 موضوع النهارده

[دلوعه اهلاويه]

خمسه وخميسه في وشك يا سامح

احنا مفيناش من القر ده

انا يدوب حوالي 7 مواضيع بس في الحدود دي كده يعني

[samoha]

ههههههههههههههههه

7*100=700

شوفتي بقي انا عندي حق ازاي

مش هقر ممكن احسد

يا اما تبطلي طوله لسااااااااان

[دلوعه اهلاويه]

انا لساني مش طويل يا سي سامح

وبعدين بقولك بلاش قر احسنلك انت فاهم ولا لأ؟؟

[samoha]

حلوه سي سامح دي

وبعدين انا مش فاهم حاجه اللي تعرفي تعمليه اعمليه

[samoha]

بقولك ايه كفايه هذار في الموضوع ده

عشان ده موضوع في قسم اسلامي

[دلوعه اهلاويه]

اوك يا سامح احنا فعلا جينا في الاخر وقلبناها لماضه خالص

[نانسي]

ربنا يا رب يهدينا جميعا الى الصراط المستقيم

ويعصينا من الاخطاء

ميرسى يا سهر

[CrazY GirL AbouT AhlY]

تحفة تحفة تحفة
المفروض الموضوع ده يتثبت

[دلوعه اهلاويه]

ربنا يا رب يهدينا جميعا الى الصراط المستقيم

ويعصينا من الاخطاء

ميرسى يا سهر



ميرسي يا نونه


ويارب يتقبل منكي الدعاء

[دلوعه اهلاويه]

تحفة تحفة تحفة
المفروض الموضوع ده يتثبت


ميرسي يا روشا يا حبيبه قلبي


منوره يا قمورتي

[CrazY GirL AbouT AhlY]

بنورك يا قمر

[elnaggar]

توبيك جميـل ورعه ياسهر
انا عرفت التوبيك بيتكلم عن ايه من اول مادخلت



أسأل الله لنا ولكم الجنان والثبات عند السؤال وان يثبت قلوبنا على طاعته بدنيا والآخره

اللهم أجعلنا ممن يعطون كتابهم بيمينهم .. اللهم أرحم موتانا وموتى المسلمين

اللهم ارحمنا إذا صرنا لما صاروا إليه

اللهم إرحمنا إذا غسلونا وعلى الأكتاف حملونا ..

اللهم إرحمنا يوم لا ينفع مالاً ولا بنون

أللهم أني أسألك ان تجعل قبورنا روضه من رياض الجنة ولا تجعلها حفرة من حفر النيران

اللهم أسالك بعزتك وجلالك أن تغفر لوالدى وترحمه وتجعل في قبره نورا وتسكنه الفردوس

الأعلى بكرمك ومنك يا أرحم الراحمين

--

[دلوعه اهلاويه]

يارب يستقبل منك الدعاء يا محمد

ميرسي لمشاركتك يا محمد