دوله الاسماعيليه

[samoha]

عارفين مين اللي هيلعب نهائي افريقيا؟

طب عارفين هيلعب فين؟

طيب عارفين لو كسب هيحصل ايه؟

طب لو خسر ايه اللي هيحصل؟

طب عارف انت المفروض تشجع مين؟طب عارف هتشجعه ليه؟

>
>
>
>

مخنوق من الفرقه اللي هتلعب؟مش مشكله

مخنوق من بلدك برده؟مش مشكله برده

مش عايز تشوف اكتر من70مليون شخص فرحان ولو لدقيقه؟؟؟طب ليه


اجاوبك انا
>
>
>
>
اللي هيلعب الماتش الاهلي المصريوالنجم اللي مش مصرى
وهيلعب هنا في مصر مش في حته تانيه غير مصر
ولو كسب ياسيدي هيروح اليابان للمره ال3 علي التوالي
يعني هيبقي حديث العالم ان في فريق من مصربيلعب في بطوله عالم للمره ال3متواصل وده اللي مقدرش عليه كل فرق العالم

ولو خسر مش رايح اليابان يعني مش هيتقال اسم مصر السنه دي في بطوله عالم

طيب هتشجع الاهلي ولا النجم

اللي شفته في الدوله المجاوره الاسماعيليه انهم هيشجعوا النجم التونسي
يمكن والله اعلم ان العلاقات اليومين دول بينهم كويسه وهناك مصالح متبادله بين الدولتين تونس والاسماعيليه

طيب ليه كده؟

مخنوق من الاهلي وبتحب الزمالك يا اسمعيلاوي
مش مشكله الاهلي خالص يارب ياعم يخسر في اي حته
لا الحته الجايه دي بالذات لازم يكسب عارف ليه لانه بيلعب باسم مصر

مخنوق من مصر ياعم مش مشكله توز في مصر

اهم حاجه انهم بره هينكلموا علي مصر كويس واهو يبقي في حاجه عدله للبلد دي

حاجه تانيه لو الاهلي اللي انت مش بتحبه كسب
عارف ايه
هتلاقي حوالي 50 مليوووووووون انسان مبسوط وفرحان ولو لمده دقيقه
وممكن يكون ال70كلهم فرحانين
لان الكل دلوقتي بيشاور علينا وبيقول مصر فيها حاجه اسمها اهلي

اتمني ان العلاقات تتعدل بين مصر ودوله الاسماعيليه وينضموا تاني للدوله بعد ما استقلوا مؤخرا
وتحياتي

[هدى الاهلاوية]

موضوع رائع يا سامح ويستحق دخول مسابقة القسم بحييك عليه ...

[سندباد]

شكرا علىالموضوع الجميل ده لكن بلومك على كلمه........... فى مصر :mad::mad::mad::mad: دى حتى ولو على سبيل التمثل ممكن تقولها على شئ الا على مصر مينفعش ومتحولش تقنعنى ممكن اسمحك يا سامح فقط لو كان خانك التعبير لكن علشان توصل لعقولهم مش ممكن اسمحك (يا سامح) انت تعرف مصر دى ايه يا سامح تعرف؟؟؟؟؟؟؟؟؟؟

[سندباد]

متزعلش من كلامى لكن راجع موضوعى وانت تعرف انك غلط فى اسم بلدك

[دلوعه اهلاويه]

شكرا ليك يا سامح للموضوع

موضوع جامد بجد بس مين اللي يسمع الكلام ده

[kotkot22]

للاسف لتاني سنة علي التوالي يحصل كده مع الاهلي في الاسماعيلية

لحد امتي الحقد ده حيفضل موجود

شكرا يا سامح

موضوع جااامد

[samoha]

موضوع رائع يا سامح ويستحق دخول مسابقة القسم بحييك عليه ...

شكرا ياهدي علي مرورك الرائع

وشرفتي الموضوه باعتبارك يعني مشرفه القسم مش اكتر

[samoha]

شكرا علىالموضوع الجميل ده لكن بلومك على كلمه........... فى مصر :mad::mad::mad::mad: دى حتى ولو على سبيل التمثل ممكن تقولها على شئ الا على مصر مينفعش ومتحولش تقنعنى ممكن اسمحك يا سامح فقط لو كان خانك التعبير لكن علشان توصل لعقولهم مش ممكن اسمحك (يا سامح) انت تعرف مصر دى ايه يا سامح تعرف؟؟؟؟؟؟؟؟؟؟

انا معاك ياكوت بس انا اقصد بالكلمه دي مش مصر البلد ولكن مصر الحكومه

هاقولك علي حاجه بالرغم ان الشعب والشباب علي الاخص مخنوقين من البلد دي والدليل الكل امنيه حياته يسافر بره
بس لوقالوا في حرب علي مصر هتلاقيهم بيتخانفوا علي اللي يدافع عنها
عشان هو ده شعب مصر خير شعوب الارض

والحال اللي وصلنا ليه واللي وصلتله دوله بلد ورد ذكرها ي القران مش قليل

بدليل معاناه الشعب يوميا >وعشان كده انا قلت الكلمه دي والقصد بيها اللي ماسكين البلد دي

اما مصر ككيان لو حد قال عليها بم واحده استشهد في سبيلها يا ابني

اتمني انك تكون فهمت وجهه نظري ياكوت وتشيل الزعل بقي

[samoha]

شكرا ليك يا سامح للموضوع

موضوع جامد بجد بس مين اللي يسمع الكلام ده

شكرا ياسهر
اللي المفروض يسمع الكلام ده اللي بيحب مصر

[samoha]

للاسف لتاني سنة علي التوالي يحصل كده مع الاهلي في الاسماعيلية

لحد امتي الحقد ده حيفضل موجود

شكرا يا سامح

موضوع جااامد

شكرا ياكوت

ولو تلاحظ عشان ماتزعلش ان بالرغم ان الموضوع كله للاهلي
بالرغم من كده انا مقلتش اسم الاهلي الا مرتين بس

والباقي كله مصر>>>>عشان تعرف البلد دي بنحبها اواي بس مش كحكومه

[سندباد]

انا مش زعلان انا كان قصدى توضح وجه نظرك بس وان كان برضه خانك التعبير فى كلمه......... فى مصر دى وكنت تخليها اى حاجه تانيه زى توز فى الحكومه مثلا كانت بقت اوضح
واخيرا انا مبزعلش من حد بس اللى يجيب سيرة بلدى يبقى الله يرحمه

[هدى الاهلاوية]

هو سامح وضح وجهة نظره يا عمرو والتعبير مجازا بقصد معنى اخر مضاد ....
وشكرا ليك لغيرتك على بلدك ... لكن هو تعبير مجازى فقط ...

[samoha]

بالظبط كده ياهدي قوليله ياما شلي هنضرب النهارده

يا بيني والله بقولك اللي يقول علي البلد دي بم واحده

والله نستشهد في سبيلها ونخش الحنه بسببها

وطبعا مفيش زعل خااالص

[سندباد]

والله مفيش زعل خالص انت اخويا بس انا كان نفسى تسخدم تعبير اخر لان التعبير ده وان كان مجازى الا انى مش عارف ليه اضايقت ان مصر تتشتم ولو على سبيل المجاز
وعاما مفيش ضرب ولا حاجه بس متعملهاش تان احسن اجبلك العصايه :D :D :D ههههههههه

[samoha]

خلاااااااااااااااااااااااااص حرمت ياباشا

توووووووووووووووز في اللي ماسكين مصر

والله شكلك كده هتويني في داهيه بالكلام اللي انا كاتبه ده

[سندباد]

هههههههههههههههههه متخفش انا محامى لو احتجتنى فى حاجه انا موجود

[samoha]

قشطه ياريس

بقالي ضهر في الحكومه اهه
يعني اغلط براحتي

انت تومااااااااااااااااام اوي ياعمرو باشا

[ܔْށHaMaDaܔْށ]

أنت بتتكلم في السياسه ياسامح
انا هروح ابلغ عنك

[CrazY GirL AbouT AhlY]

فعلا مفال اكثر من رائع تسلم ايدك
وربنا يهدى الاسماعيلى وجماهيره

[samoha]

أنت بتتكلم في السياسه ياسامح
انا هروح ابلغ عنك

هههههههههههههه
ده انت عيل وتخاف تعملها ياحبيبي

[samoha]

فعلا مفال اكثر من رائع تسلم ايدك
وربنا يهدى الاسماعيلى وجماهيره

شكرا ليكي ياكريزي علي رايك الجميل

وربنا يهدي الجميع

[نانسي]

الموضوع جامد جدا ومهم اوى على فكره مش

طلبا خالص نكره بعض عشان الكوره دى فى الاول والاخر رياضه لتسليه

مهياش اكل ولاشرب ولا حيات انسان ولا اى حاجه تستاهل اننا نعادى بعض عليها

انا بسمى ده قلت عقل

[samoha]

بالظبط كده يانانسي

طز في اي حاجه تخلي الواحد يعادي اخوه او يكرهه حتي لو الاهلي نفسه

ما حتجتين بس يخلوا الواحد يعادي اخوه الغلط في الدين او العرض

شكلاا يانانسي واتمنا الهدايه للجميع