عفوا كابتن مصطفي يونس أنت مش أهلاوي ..

[hassan]

منا منكم شاهد حلقة ملعب دريم قبل مباراة الاهلي والاسماعيلي مع النجم خالد الغندور

كان في ضيافته واحد اسماعيلاوي لاعيب سابق يتكلم عن الاسماعيلي وواحد محايد ( طبعا لأ ) كابتن فاروق جعفر من الزمالك ( اخوات الاسماعيلي ) ومن الاهلي كابتن مصطفي يونس

قال الغندور أي غلطة تحكيمية لصالح الاهلي يقولها كابتن مصطفي يونس وهكذا

في البداية تكلموا عن التشكيل وجاء دور كابتن مصطفي يونس

بداية القصيدة كفر

ليقول الأهلي تشكيله غلط في غلط وأن مانويل جوزية غلطان ونزول متعب غلط وكل حاجة غلط في غلط

طيب يا كابتن لو انت اهلاوي متقولش الكلام ده

رسالة أخيرة للكابتن مصطفي يونس

يا كابتن مصطفي أنت انسان مغرور لا تستحق أن تحمل لقب لاعب سابق بالنادي الأهلي أو حتي تكون أهلاوي يا راجل لو انت شايف نفسك جامد أوي وفاهم الأهلي أكتر من جوزية تعالا مشي جوزية ودرب أنت وقابلني أن عرفت تعمل حاجة

يا راجل جايبينك في البرنامج علشان تتكلم عن النادي الأهلي مش تشتم وتقول أن مانويل جوزية مدرب وحش

اتقي الله في اهلاويتك

[Amrousi]

علي فكره الراجل ده أهلاووووي موووووووت و بصراحه عنده حق التشكيل كان غلط في غلط.... هو لا مؤاخذه الأسماعيلي بهدلنا و لا ايه و كل ده بسبب التشكيل الغلط

[MR.FeeeRooo]

انا معاك ياعمروسى ان الراجل ده اهلاوى جدا ومفيش واحد اهلاوى يتربى فى النادى الاهلى وييجى ينكر جميله دلوقتى وكمان معاك ان التشكيل بصراحه كان زى الزفت >> لكن فعلا مصطفى يونس من زمان وهو بيهاجم جوزيه وتحس كده انه بيشمت فيه لما جوزيه بيقدم مباراه مش كويسه وكمان تحس انه نفسه ياخد مكان جوزيه مع انها عمرها ماهاتحصل >> على العموم ربنا يهديه ويبطل حركاته القرعه دى بقى احسن بقت مكشوفه على الاخر وشكله بقى وحش اوى

[sahiro]

كلامكمـ ... تمام يا عمور ويا رودى
بس أولا وأخيرا الراجل دا أهلاويـ ..

[MOnMOn]

هو اهلاوى اه
بس متحامل حبتين على الأهلى وجوزيه

[hassan]

انا معاك ياعمروسى ان الراجل ده اهلاوى جدا ومفيش واحد اهلاوى يتربى فى النادى الاهلى وييجى ينكر جميله دلوقتى وكمان معاك ان التشكيل بصراحه كان زى الزفت >> لكن فعلا مصطفى يونس من زمان وهو بيهاجم جوزيه وتحس كده انه بيشمت فيه لما جوزيه بيقدم مباراه مش كويسه وكمان تحس انه نفسه ياخد مكان جوزيه مع انها عمرها ماهاتحصل >> على العموم ربنا يهديه ويبطل حركاته القرعه دى بقى احسن بقت مكشوفه على الاخر وشكله بقى وحش اوى
خلصت كل الكلام يا أدمن ..
نورتوا الموضوع ياشباب شكرا على رودودكم الجميلة ..

[CrazY GirL AbouT AhlY]

بصوا يا جماعة لو مصطفى غلط يبقى غلط ان طلع مع خالد الغندور اصلا فى البرنامج

[حاتم]

هو اهلاوى اه
بس متحامل حبتين على الأهلى وجوزيه

[عادل متعب]

الراجل ده عمره ما هيكون اهلاوي ازاي يقول متعب ميلعبش

لما متعب ميلعبش امال مين اللي هيلعب هوه اللي هيلعب مثلا

وكمان مغرور قوي

[hassan]

كلام تمام .. يامعلم ..
شكرا على ردك ..نورت الموضوع ..