ضيفتنا الان على الكرسى هدى الاهلوية [الأرشيف]

مشاهدة النسخة كاملة : ضيفتنا الان على الكرسى هدى الاهلوية

walix ! l.e.d.a

16-10-2007, 01:33 AM

http://upload.seheb.net/uploads/0c83457133.gif

عـُـدنا

لنـبُـثَ في الأرواحِ.. المحبـة والتـأخـي ..
لـ نصنع من اللقاءِ.. أخـوة صـادقـة ..
ونعانقكم من جديد بالخير والإخلاص والوفاء ..

وهـُنا هذه المرة على كرسي الاعتراف
تتنفس المشاعر شِعْـرًا .. كيف لا .. !
ونحن نستضيف ملكة المشاعر ..

تطل طَلة تثير الِإنتباه تشد حواسك الخمس
تنم عَن إحْساس مرهف ومشاعر راقية ..

تتسلل إلى القَلب في سَكينتها
تلْتحمُ فيها الطيبة والنقاء
جوهَرة ثمينةٌ رائعةٌ

http://upload.seheb.net/uploads/684b2ff900.gif

المشرفة
:: هدى الاهلوية ::

http://upload.seheb.net/uploads/684b2ff900.gif

ما أسعدنا بك
وأهلا بكِ معنا

والآن .. أترككم مع ضـيـفـتـنـــا .. عبـر " حوار رائع " ..
آمل لها إقامة سعيدة .. ولكم حوار أرقى معها...

http://upload.seheb.net/uploads/c977dbef96.jpg

تـفضلـي بالجـلــوس علـى الكـرسـي
وعـرفينـا ببـطـاقـتـك الشـخصيــة

http://upload.seheb.net/uploads/e5feb4d43d.bmp

walix ! l.e.d.a

16-10-2007, 01:36 AM

يا ريت يا جماعة نسئل اسئلة مش نقلب الموضوع دردشة زى ما كان فى موضوع سامح

يا يا ريت يا جماعة او كلنا نقرى الشروط بتاعت كرسى الاعتراف لانى الظاهر محدش قراها خالص

samoha

16-10-2007, 03:13 AM

يا ريت يا جماعة نسئل اسئلة مش نقلب الموضوع دردشة زى ما كان فى موضوع سامح

يا يا ريت يا جماعة او كلنا نقرى الشروط بتاعت كرسى الاعتراف لانى الظاهر محدش قراها خالص

معلش ياباشا الكرسي باظ معايا انا عارف
بس اعمل ايه بقي انت عارف مينفعش اقول لحد لا
بس ان شاء الله مش هيتكرر
وطبعا لازم ارحب من كل قلبي بالعضوه المشرفه المتالقه >>>>>>>>هدي
اللي منوره الكرسي وياريت تستعد للاسئله

هدى الاهلاوية

16-10-2007, 03:32 AM

طبعا انت فرحان فيا فرحة ماتتوصفش ..... منتا اللى دبستنى .....
مسموحلك بسؤالين بس على فكرة هه ......؟؟ ههههههههههههههههههههه

samoha

16-10-2007, 03:33 AM

--------------------------------------------------------------------------------

هاى كابتن هدي........هاو ار يوو ؟؟؟؟

بصراحه بقي ملقستش انتقام غير المعامله بالمثل وماقتش اسئله اكتر من اسئلتك فعملت لهم كوبي وجيبتهملك ويبقي حفرتي حفرتك بايدك ياجميل
قوليلي بقي....

ايه رأيك فى فى كلية الهندسة وهل هى كانت حلم حياتك ؟؟

ايه رأيك فى سياسة الحكومة المصرية ؟؟

ما احلى يوم فى حياتك
ما رايك فى الحب من اول نظره
ما احدث نكته
ما هى الحياه بالنسبه لك
من اقرب صديق لك
احلى مكان تحبه
ما اسم حبك الاول والحالى
ماذا تفعل فى هذين الموقفين؟
اذا احببت ووجدت انه لم يحبك
اذا احبك شخص وانت لم تحبه
لمــــــــــــــــن تقول ؟
ما بلاش نتكلم فى الماضى:
نسيانك صعب اكيد:
كن صديقى:
بحبك:
كذاب:
مع السلامه:
افتكرنى:
كرهتك:
سامحتك:
زعلان منك:
نور عينى:
دول اللى انت كنت عايز تتسالهم لحد هنا كدة
لو حبيت وعرفت ان صاحبك بيحب حبيبتك فى نفس الوقت تصرفك ايه؟
ايه رائيك فى البنت اللى بتعترف للولد بحبها الاول ؟ رائيك بصراحه؟
ايه اكتر المواقف اللى بتفتكرها وتضحك؟
احلى هديه جاتلك لحد الان ايه هى؟
لو بقيت وزير هتختار وزاره ايه و هتعمل ايه
مين الى احسن صداقه ثانوى ولا صداقه الجامعه؟؟ومين الى بيدوم اكتر؟
احسن ايام حياتك وانت فى الثانوى ولا وانت فى الجامعه؟
مين الى اقربلك صحابك ولا حبيبتك؟

دووووووووووول بتوعك بس لازم بقي اضيف حبه من عندي

1-امتي بتحسي ان ربنا راضي عنك وابه مدب قربك من ربنا
2-انتي شايفه ان حياتك مظبوطه وانك عملتي كل اللي بتتمنيه وحاجه لسه نفسك تحققيها
3-حاجه بتفكري فيها باستمرار وشاغله وقتك علي طول
4-ياتري لما بتدخلي علي المنتدي بتحسي انه تضييع وقت وانك ممكن تعملي حاجه احسن في الوقت ده ولا بتحسي الوقت ده ازاي
[كفايه كده عليكي عشان العيد وكل سنه وانتي طيبه

kotkot22

16-10-2007, 03:34 AM

انا اولا مش حاكون غلس و اسال اسئلة كتيره

هو سؤال واحد بس .....

السؤال هو .......

ايه اللي بيفرحك , و ايه اللي بيحزنك؟

شكرا يا هدي

هدى الاهلاوية

16-10-2007, 03:46 AM

اوكى يا سامح ..... انا لها ان شاء الله وانت طلعت ذكى ذكاء ..... بس يلا ......
ايه يا احمد يا كتكت الزوق دة كله ...... بجد مش عارفة اقولك ايه ......
سؤال واحد .....
شايفين يا جماعة اتعلموا منه ..... ههههههههههههه

samoha

16-10-2007, 03:50 AM

هدى الاهلاوية

16-10-2007, 04:40 AM

--------------------------------------------------------------------------------
يابنى احنا قدها وقدود ...... ههههههههههههه

هاى كابتن هدي........هاو ار يوو ؟؟؟؟

ايام فاين فودز .... ههههههه

بصراحه بقي ملقستش انتقام غير المعامله بالمثل وماقتش اسئله اكتر من اسئلتك فعملت لهم كوبي وجيبتهملك ويبقي حفرتي حفرتك بايدك ياجميل

عادى ... سامح ... خلقة ربنا ... هههههههههه

قوليلي بقي....

ايه رأيك فى فى كلية الهندسة وهل هى كانت حلم حياتك ؟؟

بالفعل كانت حلم بس بداية من تانية ثانوى انما ميولى الاساسية طول عمرى والى الان اتجاهات ادبية ودراسة لغات خصوصا انجليزى لانها لغة بحبها جدا ومتفوقة فيها طول عمرى بس لما لقيتنى فى تانية ثانوى لازم ادخل علمى وانا ماينفعش ادخل علمى علوم عشان مش اهتماماتى خالص ولا غاوية مجال العلوم رحت داخلة علمى رياضة ..... شوية وجبت مجموع وشوية ودخلت هندسة ......

ايه رأيك فى سياسة الحكومة المصرية ؟؟

زى الفل ....... بيييس ....... هههههههه

ما احلى يوم فى حياتك

لم ياتى بعد .......

ما رايك فى الحب من اول نظره

لا اؤمن به على الاطلاق .......

ما احدث نكته

غير ان انت نكتة يا سامح (( فاكر انت قولت النكتة ايه هه ... ؟؟ )) يلا المسامح كريم
بس انا مش كريم ........ ههههههههه انت يا سامح احدث نكتة .........

ما هى الحياه بالنسبه لك

رضا الله فى جميع الافعال ورضا عن النفس بذلك .... هو دة السبيل لتحقيق اكتمال السعادة فى الحياة
وطبعا مستحيل حد يحقق المعادلة دى بنسبة 100% والا تبقى ايه الحكمة من الحياة لان مفيش سعادة كاملة فى الدنيا السعادة الكاملة فى الجنة وبس .... ربنا يجعلنا من اهلها يارب ....

من اقرب صديق لك

امى ...

احلى مكان تحبه

البيت ...

ما اسم حبك الاول والحالى

دى خصوصيات مالكش دعوة بيها .... فااااااااهم .... هههههههههه

ماذا تفعل فى هذين الموقفين؟
اذا احببت ووجدت انه لم يحبك

صعب جدا بالنسبة لطبيعة شخصيتى انى اميل اساسا لحد مفيش جواه حاجة ناحيتى ....

اذا احبك شخص وانت لم تحبه

بحاول احسسه من غير ما اجرحه ان المشاعر مش متبادلة ....

لمــــــــــــــــن تقول ؟
ما بلاش نتكلم فى الماضى:

سامح بمناسبة انه شايل كل حاجة ومابينساش ... ههههههههههه

نسيانك صعب اكيد:

ايام قسم عمارة فى الكلية .... لايمكن تتنسى بحلوها ومرها ....

كن صديقى:

الهدوء وامتلاك الاعصاب عند الغضب ......

بحبك:

بابا ...

كذاب:

اى حد بيكدب عليا ........

مع السلامه:

العصبية والنرفزة .... نفسى اخلص منهم بقة ....

افتكرنى:

اى حد بحبه وناسينى .....

كرهتك:

دكتور كان عندنا فى الكلية ..... حطنى فى موقف ظالم جدا عمرى ما هنساهوله ......

سامحتك:

اى حد زعلت منه ماعدا الدكتور اللى فوق دة ..... هههههههههههه

زعلان منك:

اى حد مش بيرد عالمواضيع اللى بكتبها فى المنتدى ..... ههههههههههههه
بجد حاليا مش زعلانة من حد .........

نور عينى:

اخواتى .....

دول اللى انت كنت عايز تتسالهم لحد هنا كدة

مااااااشى ........

لو حبيت وعرفت ان صاحبك بيحب حبيبتك فى نفس الوقت تصرفك ايه؟
يا حول الله يارب ..... يابنى مش تقرا الاسئلة قبل ما تكتبها ..... ههههههههههه
ايه رائيك فى البنت اللى بتعترف للولد بحبها الاول ؟ رائيك بصراحه؟
هجاوبك على دة بقة ....... هى اللى بتجنى على روحها .......
ايه اكتر المواقف اللى بتفتكرها وتضحك؟
مش عارفة اقولكوا ايه بس من كام يوم المدير بتاعى فى الشغل قالى قدام زمايلى انه بيخاف من رد فعلى لانه بيحس انى متنشنة شوية هو كان بيتكلم بضحك وكلنا قعدنا نضحك ضحك هيستيرى عشان كلهم عارفينى وقعدوا يقولولوا هى طبيعتها كدة عشان مايفتكرش انى واخدة منه موقف ولا حاجة
بس تخيلوا لما مديرك يكون خايف منك ....... ههههههههههههههههه

احلى هديه جاتلك لحد الان ايه هى؟

مصحف وسبحة من مكة ....

لو بقيت وزير هتختار وزاره ايه و هتعمل ايه

التعليم .... عشان اقلب نظام التعليم الفاشل جدا فى مصر ......

مين الى احسن صداقه ثانوى ولا صداقه الجامعه؟؟ومين الى بيدوم اكتر؟

حسب الانسان نفسه سواء من ثانوى او الجامعة وحسب طبيعة الصداقة دى ......

احسن ايام حياتك وانت فى الثانوى ولا وانت فى الجامعه؟

الجامعة ....

مين الى اقربلك صحابك ولا حبيبتك؟
يارب صبرنى .......
دووووووووووول بتوعك بس لازم بقي اضيف حبه من عندي

1-امتي بتحسي ان ربنا راضي عنك وابه مدب قربك من ربنا
وانا ساجدة ...... والله كلنا بنجتهد فى التقرب لله ويارب يقبلنا دايما فى عباده المقربين ....
2-انتي شايفه ان حياتك مظبوطه وانك عملتي كل اللي بتتمنيه وحاجه لسه نفسك تحققيها
انا شايفة ان ربنا انعم عليا الحمد لله بنعم لا تعد ولا تحصى وادانى اكتر من اللى كنت بتمناه فى حاجات كتير الحمد لله ....
3-حاجه بتفكري فيها باستمرار وشاغله وقتك علي طول
شغلى ......
4-ياتري لما بتدخلي علي المنتدي بتحسي انه تضييع وقت وانك ممكن تعملي حاجه احسن في الوقت ده ولا بتحسي الوقت ده ازاي

لا مش بحس انه تضييع وقت لانه فى جميع الاحوال انا مش بحب الخروج بفضل اقعد فى البيت فالنت والمنتديات اكيد افيد من التليفزيون .......
[كفايه كده عليكي عشان العيد وكل سنه وانتي طيبه

وانت طيب ياخويا ..... دنتا قطعت نفسى اسئلة ........

هدى الاهلاوية

16-10-2007, 04:51 AM

انا اولا مش حاكون غلس و اسال اسئلة كتيره

هو سؤال واحد بس .....

ميرسى يا احمد .......

السؤال هو .......

ايه اللي بيفرحك , و ايه اللي بيحزنك؟

بيفرحنى اوى بجد ..... اى علامة احس بيها ان ربنا راضى عنى فى موقف ما زى مثلا انى مارحش مشوار او معملش حاجة ويتضحلى ان دة كان افضل شىء بالنسبة ليا وربنا سترها معايا جدا ان الحاجة دى متمتش ......
ثم ....... انى اشوف امى سعيدة ومفيش حاجة مضايقاها ......
ثم ....... اى فوز للاهلى ......

بيحزننى ....... لو حصل عكس كل اللى فات .........
شكرا يا هدي

شكرا يا احمد على اسئلتك الجميلة ............

samoha

16-10-2007, 04:53 AM

وانت طيب ياخويا ..... دنتا قطعت نفسى اسئلة ........

شكرا ياهدي علي اجابتك السريعه للموضوع
واجاباتك جميله جدا وواضح انك شخصيه محترمه جدا بس لسانك طويل شويتين عليا بالذات وعلي مديرك في الشغل>>>>>هع هع

وياريت يبقي في كتير زيك كده مكنش ده بقي حال الولاد والبنات >>>>>كانت خربت اكتر ههههه

وبعدين انا مش قلت كما تدين تدان اديني خلصت تاري ياهدي يانكته

هاسميكي بعد كده هدي نيس >>>>>>>>>يلا بقي بيس واسيب الباقي يقطعك اسئله
وياريت واحد ابن حلال زيي كده يتوصه في الاسئله

باي باي فاين فودز>>>>>>هدي مرقه دجاج>>>>>>هههههههههههههه>>نكته

هدى الاهلاوية

16-10-2007, 05:00 AM

شكرا ياهدي علي اجابتك السريعه للموضوع
واجاباتك جميله جدا وواضح انك شخصيه محترمه جدا بس لسانك طويل شويتين عليا بالذات وعلي مديرك في الشغل>>>>>هع هع

وياريت يبقي في كتير زيك كده مكنش ده بقي حال الولاد والبنات >>>>>كانت خربت اكتر ههههه

وبعدين انا مش قلت كما تدين تدان اديني خلصت تاري ياهدي يانكته

هاسميكي بعد كده هدي نيس >>>>>>>>>يلا بقي بيس واسيب الباقي يقطعك اسئله
وياريت واحد ابن حلال زيي كده يتوصه في الاسئله

باي باي فاين فودز>>>>>>هدي مرقه دجاج>>>>>>هههههههههههههه>>نكته

يا سامح باشا وانا لو مش هطول لسانى على اخويا الصغير امال هطوله على مين .... ؟؟؟؟؟
هههههههههههههههههههههه

ربنا يخليك على رايك الجميل فيا ...... المهم انت خدت بتارك وارتاحت دنا كنت قربت اشيل كفنى على ايديا واجيلك يا شيخ ...... ههههههههههههههههههه

samoha

16-10-2007, 05:03 AM

يا سامح باشا وانا لو مش هطول لسانى على اخويا الصغير امال هطوله على مين .... ؟؟؟؟؟
هههههههههههههههههههههه

ربنا يخليك على رايك الجميل فيا ...... المهم انت خدت بتارك وارتاحت دنا كنت قربت اشيل كفنى على ايديا واجيلك يا شيخ ...... ههههههههههههههههههه

ماشي ياستي ما انا اصلا موعود في 3هنا غيرك بنات برده بيطولوا لسانهم عليا عشان انا برده الصغير >>>مش عارف ابويا مجابنيش انا الكبير ليه بدل مانا ملطشه كده للي بره واللي جوه

المهم رايي ده نفاق مش حقيقه >>هههههههههه
وانا كده ارتحت نفسيا شويه بسيطه
وكفايه كده عشان صاحب االكرسي احتمال يضربنا بعد كده عشان قلبناه مقهي

هدى الاهلاوية

16-10-2007, 05:07 AM

خلاص ماشى يا سامح طيب سك عالسحلب والطاولة بقة ........
هههههههههههههههههههههههه

kotkot22

16-10-2007, 05:28 AM

العفو يا هدي انت اختي بس انا قولت انا النهارده بسال بكرة حتسال

عشان كده مرضتش اسال غير السؤال ده

و اجابة السؤال بتبين شخصيتك الجميلة

وكمان السؤال فيه كل حاجة

samoha

16-10-2007, 05:30 AM

هههههههههههههههههه
شوفتي الناس كلها خايفه من الافترا بتاعك ياهدي
براحه عليهم بقي

kotkot22

16-10-2007, 05:47 AM

انا مش خايف يا سامح بس كما تدين تدان

انا مش بخاف

CrazY GirL AbouT AhlY

16-10-2007, 03:07 PM

بصى يا قمر
1- ايه اسعد يوم فى حياتك؟؟؟؟
2- وايه احزن يوم؟
3- مين الشخص اللى بتحبى تكلميه وكأنك يتكلمى نفسك بالظبط؟
4- ومين اول واحد مامته داعية عليه أعجبتى بيه؟ ههههههههههههههه
5- ومين اللى خلاكى تحبى نادى الاهلى؟
كفااااااااااااااية عليكى كده انهاردة يا جميل

walix ! l.e.d.a

16-10-2007, 03:26 PM

thefalcon_5000

16-10-2007, 04:05 PM

انا مش هسالك خالص لان طريقتك فى الاجابة عاجبانى واكيد هتجاوبى على اى اسالة بسهولة وانت دبلوماسية ناجحة جدا بس انا عاوز اعرف انت عندك كام سنة؟

فارس

16-10-2007, 04:29 PM

انا لا اعرف الاعضاء بصوره كبيره نظرا للابتعاد لفترات عن المنتدى .... ولهذا ان شاء الله ساحاول التعرف على الاعضاء بصوره جيده الفتره القادمه .................

اسئله بسيطه

1- بصفه عامه هل تجدين البنات سطحين فى التفكير ام لا .....

2- لماذا الصقتى اسم الاهلاويه باسم هدى ولم تكتفين بهدى

3- متى نجد العرب يستطيعون ان يتناقشوا بعيدا عن الشجار .... وهل هم يتناقشون اصلا ..... وهل المنتدى ينفع فيه نفاش

4- اذا نظرت الى المراه ستنظرين الى شعرك .... جسمك ..... ام من انت

5- المنتدى جزء من الواقع والعالم الكبير ........ هل العباره صحيحه ........... التوضيح بشكل مبسط

6- كيف نعرف ان بنت ما مثقفه ..... وكبف نعرف ان شاب مثقف

7- هل تحبين الموضه ومساحيق التجميل ..... ام ان هذا هراء وعبث

8- ما شعورك على هذا الكرسى

9- من السبب فى وضعك هنا

10- كبف تحملتى كل هذا القدر من اسئلتى بدون ان يغشى عليك

فارس فى زمان لم يعد فيه جواد .................................. متابع للكرسى بالقراءه بعد ذلك

هدى الاهلاوية

16-10-2007, 07:25 PM

العفو يا هدي انت اختي بس انا قولت انا النهارده بسال بكرة حتسال

عشان كده مرضتش اسال غير السؤال ده

و اجابة السؤال بتبين شخصيتك الجميلة

وكمان السؤال فيه كل حاجة

شكرا يا احمد ....... وميرسى على سؤالك الشامل والجميل ......

هدى الاهلاوية

16-10-2007, 07:27 PM

هههههههههههههههههه
شوفتي الناس كلها خايفه من الافترا بتاعك ياهدي
براحه عليهم بقي

انا مش خايف يا سامح بس كما تدين تدان

انا مش بخاف

ههههههههههههههه ......... كبسة يا سامح ........ هههههههههههههههههه

samoha

16-10-2007, 07:33 PM

ههههههههههههههه ......... كبسة يا سامح ........ هههههههههههههههههه

ياستي خليكي في اللي انتي فيه الاول وبعدين تعالي اكبسيني
وبعدين ده انتي بتهربي كويس اوي من بعض الاسئله >طبعا شغل مهندسين بقي
هههههههههههههه يارب الاسئله تكتر

هدى الاهلاوية

16-10-2007, 07:34 PM

بصى يا قمر
1- ايه اسعد يوم فى حياتك؟؟؟؟

لم يأتى بعد ....

2- وايه احزن يوم؟

الحمد لله لم يأتى بعد .......

3- مين الشخص اللى بتحبى تكلميه وكأنك يتكلمى نفسك بالظبط؟

ماما .......

4- ومين اول واحد مامته داعية عليه أعجبتى بيه؟ ههههههههههههههه

كان لاعب كورة .... هههههههههههههههه

5- ومين اللى خلاكى تحبى نادى الاهلى؟

وانا صغيرة لحد 3 اعدادى كدة ماكنتش بهتم بالكورة خالص بس من اهتمام بابا واخواتى الولاد وكنت بشوفهم يقعدوا يشجعوا ومتحمسين اوى بدات ارتبط بالكرة من ساعتها ومع الوقت بقيت اكتر منهم فى الحماس والتشجيع لدرجة ان دلوقتى اى حاجة بيحبوا يعرفوها بيسالونى ...... هههههههههه
زمايلى الولاد فى الشغل بيعرفوا مواعيد الماتشات منى ........ وكان فى الكلية نفس الشىء لدرجة انهم كانوا بيقرنوا اسمى بكلمة الاهلى ........ ههههههههههههههههه

كفااااااااااااااية عليكى كده انهاردة يا جميل

انت تأمر يا جميل ....... بكرة تندم يا جمييييييييييل ...... هههههههههههههه

هدى الاهلاوية

16-10-2007, 07:37 PM

ايه سا جماعة الموضوع انا حاسه بيتقلب دردشة ليه ولا ايه ايه يا جماعة يا ريت الواحد يسئل اسئلته وبس ولو دخل يعلق على اسئلته بس مش تقلب الموضوع دردشة وشكرا هدى لقبولك للجلوس على الكرسى تقبلى خالص تقديرى بك وبشصيتك الجذابة

شكرا جدا يا عاشق الحرية وبما ان انت عاشق للحرية فسيبنا على حريتنا شوية ........ هههههههههههه
دى مجرد مداعبات ما بين الاسئلة والردود ..........

دلوعه اهلاويه

16-10-2007, 07:42 PM

اولا يا هدي ياختي قلبي معاكي اهئ اهئ اهئ

انشاء الله هتكون اخر الاحزان قصدي اخر الاسئله

انا جيبالك شويه اسئله صغنطتين0000

1 - ايه النادى اللى كنتي هتشجعيه لو مكنتش اهلاويه ؟؟؟

2 - لاعب بتشوفيه فى قريق تانى غير الاهلى ونفسك يكون موجود فى الاهلى ؟؟

3 - حاجه اتمنيتيها اوى ... ومتحققتش ؟؟؟

4 - اقرب صديقه لقلبك مين ؟؟؟

5 - مين اكتر الناس القريبه ليكي عالمنتدى ؟؟؟

6 - موقف حصل فى حياتك .. وندمتي عليه اوىىىىىى ؟

مين اكتر عضو شايفه انه كسلان ؟

ما هو الشئ الذى تتمنى ان يختفى من حياتك؟؟

صفات فتي احلامك ؟؟

امتي حسيتي بالنجاح؟

امتي حسيتي بالفشل؟

كفايه عليكي كده ياباشا هههههههه

هدى الاهلاوية

16-10-2007, 07:45 PM

انا مش هسالك خالص لان طريقتك فى الاجابة عاجبانى واكيد هتجاوبى على اى اسالة بسهولة وانت دبلوماسية ناجحة جدا بس انا عاوز اعرف انت عندك كام سنة؟

ميرسى جدا على اشادتك باجاباتى بس على فكرة بقة انا دبلوماسية فاشلة جداااااااا انى معرفش ابين على وشى غير اللى جوايا بجد واخر صفة ممكن تكون فيا هى النفاق او مسك العصايا من النص او ارضاء جميع الاطراف بمعنى انى لو زعلانة منك فى شىء معرفش اتكلم معاك بطبيعتى الا لما نصفى اللى بيننا والحكاية دى بتسببلى مشاكل كتير لانها للاسف مدعمة بالعصبية اللى هى اهم عيوبى فالدنيا بتبوظ خالص ....... ههههههههههههههه
يعنى باختصار باخد كل حاجة على اعصابى ....... عندى 27 سنة

هدى الاهلاوية

16-10-2007, 08:01 PM

انا لا اعرف الاعضاء بصوره كبيره نظرا للابتعاد لفترات عن المنتدى .... ولهذا ان شاء الله ساحاول التعرف على الاعضاء بصوره جيده الفتره القادمه .................

اسئله بسيطه

1- بصفه عامه هل تجدين البنات سطحين فى التفكير ام لا .....

بالفعل لو قيسناها بالنسب هنلاقى ان الاولاد بشكل اكبر وبنسبة عالية طريقة تفكيرهم اعمق ولكن دة بالنسب العامة مقارنة بالبنات لكن دة مامنعش ان ممكن تكون فى بنت عقلها رزين وعميقة فى تفكيرها وتوجهاتها اكتر من ولاد كتير ....

2- لماذا الصقتى اسم الاهلاويه باسم هدى ولم تكتفين بهدى

لانى بحب الاهلى بدرجة غير عادية ....... وسبب اشتراكى فى المنتدى فعلا حبى للاهلى جدا مش مجرد اشتراك فى منتدى وكتابة مواضيع ......

3- متى نجد العرب يستطيعون ان يتناقشوا بعيدا عن الشجار .... وهل هم يتناقشون اصلا ..... وهل المنتدى ينفع فيه نفاش

المنتدى ينفع فيه نقاش ..... انما العرب عمر ماهيكون بينهم نقاش يصل الى نتيجة فعالة فى النهاية
لسبب بسيط وسهل ومعروف ان القوى العظمة فى العالم ليس من مصلحتها اتحاد العرب او اتفاقهم على شىء والقيادات العربية للاسف ماهى الا ادوات لتنفيذ هذا المخطط .... وكفاية بقة ماتوديناش فى داهية ...... هههههههههههههه

4- اذا نظرت الى المراه ستنظرين الى شعرك .... جسمك ..... ام من انت

اكيد انا ...... 5-

المنتدى جزء من الواقع والعالم الكبير ........ هل العباره صحيحه ........... التوضيح بشكل مبسط

اكيد ... بس اجمل ما فيه اجتماع الشباب للمناقشة والحوار لانهم لو هزروا مع بعض فى المناقشات ساعة الساعة اللى بعدها هيتناقشوا بشكل جاد ويفيدوا بعض ودة شىء بناء لاستثمار وقت الشباب افضل من الفراغ اللى بيولد تصرفات غير مقبولة ... 6-

كيف نعرف ان بنت ما مثقفه ..... وكبف نعرف ان شاب مثقف

الاسلوب فى الحوار وكمية المعلومات عن مواضيع مختلفة ومتعددة فى جميع المجالات لان المثقف بيكون على دراية بكل ما حوله بمعنى انه مايكونش متواجد فى مكان مثلا ويدور حوار حول قضية ما فى اى مجال ومكان وهو مايكونش عنده اى فكرة عنها ..... انا شخصيا اتضايق جدا لو دة حصل معايا

7- هل تحبين الموضه ومساحيق التجميل ..... ام ان هذا هراء وعبث

بشكل بسيط مش الاهتمام المطلق يعنى ......

8- ما شعورك على هذا الكرسى

مرتاحة انى بتكلم عن نفسى وناس اصدقاء عزاز عليا زى اعضاء المنتدى بيتعرفوا على شخصيتى اكتر

9- من السبب فى وضعك هنا

هههههههههه ..... بلاش بقة ..... بس اكيد هتعرفه لانه اول واحد سألنى .........

10- كبف تحملتى كل هذا القدر من اسئلتى بدون ان يغشى عليك

ههههههههههههه ..... منا بشرب ليمون اهو .......... فارس فى زمان لم يعد فيه جواد .................................. متابع للكرسى بالقراءه بعد ذلك

ميرسى على اسالتك اللى بتدل انك انسان مثقف ......

هدى الاهلاوية

16-10-2007, 08:21 PM

اولا يا هدي ياختي قلبي معاكي اهئ اهئ اهئ

انشاء الله هتكون اخر الاحزان قصدي اخر الاسئله

ايه يابنتى الاسئلة دى كلها ... نفسى اتقطع من كتر الاجابات ....

انا جيبالك شويه اسئله صغنطتين0000

صغنطتين خالص 1

- ايه النادى اللى كنتي هتشجعيه لو مكنتش اهلاويه ؟؟؟

لا عمرى ماتخيلت نفسى بشجع نادى غير الاهلى ..... لانى عمرى ماهحب نادى زى ما بحب الاهلى
خصوصا الجيل الموجود من سنتين تلاتة لحد دلوقتى بكل الانجازات دى وحتى لو حصل ايه الاهلى فى دمى ....

2 - لاعب بتشوفيه فى قريق تانى غير الاهلى ونفسك يكون موجود فى الاهلى ؟؟

بصراحة حسنى عبد ربه لامكاناته العالية واهو ربنا يسهل الموضوع على وشك الحسم .....3

- حاجه اتمنيتيها اوى ... ومتحققتش ؟؟؟

والله يابنتى دراستى فى قسم عمارة علمتنى حاجات كتيرة اوى لانها تهذيب واصلاح بمعنى انك بتاخدى صدمات وخبطات تقويكى جدا .... يعنى زى انك تسهرى على مشروع 3 ايام مثلا وتبذلى فيه مجهود خرافى وتطبقى باليومين والتلاتة وفى الاخر تجيبى مقبول فى المشروع دة وتلاقى ناس تانية مابذلتش ربع مجهودك وجايبة درجات اعلى كتير ...... فالموضوع دة قوانى جدا وخلانى متوقفش كتير عند الصدمات والامنيات لو ماتحققتش ........

4 - اقرب صديقه لقلبك مين ؟؟؟

ماما ....

5 - مين اكتر الناس القريبه ليكي عالمنتدى ؟؟؟

كل الاعضاء بحبهم جدا لانى فعلا بحب المنتدى دة فطبيعى هحب كل اعضاءه
6 - موقف حصل فى حياتك .. وندمتي عليه اوىىىىىى ؟

لما اثق فى انسان او انسانة ومايكونوش قد الثقة دى او مش اهل لها اساسا .... بزعل جدا

مين اكتر عضو شايفه انه كسلان ؟

كل عضو مش بيدخل المنتدى كتير ويشارك ويتفاعل معاه .....

ما هو الشئ الذى تتمنى ان يختفى من حياتك؟؟

العصبية ....... هههههههههههههههه

صفات فتي احلامك ؟؟

التدين ثم الاخلاق ثم الطيبة ويكون مختلف عنى بمعنى انه مايكونش شخصية عصبية عشان يقدر يحتوى ويمتص اى عصبية منى .... عشان منتطلقش بعد اسبوع ..... هههههههههههههههه

امتي حسيتي بالنجاح؟

لما اتخرجت .....

امتي حسيتي بالفشل؟

لما فضلت 5 شهور فى البيت بعد مااتخرجت وقبل ما اشتغل ......

كفايه عليكي كده ياباشا هههههههه

ليه ياشيخة كدة .... ماتكملى ........ ميرسى يا سهور

sahiro

16-10-2007, 11:09 PM

ميس هدى

اذيك وكل سنه وانتى طيبه سورى جيت متأخر كالعاده

اولا ياريت لو تتكلمى عن نفسك فى كام كلمه موجزة

ثانيا ايه رأيك فى التعصب وومكن تشجعى فريق زى الزمالك فى اى مناسبه خارجيه

كملى بقا باسم عضو .... ( يعنى ولد او بنت)

ذكى ..,.........

دبلوماسى ..........

دمه خفيف...........

مبدع ..............

عضو غيرتى فكرتك عنه ..................

وشكراا يا هدى اتمنى مكنش طولت

walix ! l.e.d.a

17-10-2007, 01:32 AM

انا بصراحة هسئلك اخر واحد قبل ما الموضوع يتقفل علشسان تكونى استريحتى من كيمة الاسئلة اللى بصراحة الاعضاء قاموا بالواجب معاكى وزيادة وده طبعا طبع المصرواية الكرم والجود

انتظرينى قريبا هدى

kapo4e

17-10-2007, 01:41 AM

منوره الكرسي يا هدي ....

هوه سؤال واحد مش عارف اذا كان حد سئله قبل كدا ولا لاء ....

موصفات فارس احلامك ايه ؟ كفايا كدا

thefalcon_5000

17-10-2007, 01:53 AM

شكرا لانك جاوبتى على سؤالى ومعملتيش زى النجوم وهربتى منه وانا مستغرب ان اجاباتك الدبلوماسية دى مختلفة عن شخصيتك زى ما بتقولى بس انتى كدة مية مية
على فكرة احنا اد بعض فى السن وياريت تعتبرينى صديق

هدى الاهلاوية

17-10-2007, 01:01 PM

ميس هدى

اذيك وكل سنه وانتى طيبه سورى جيت متأخر كالعاده

وانت طيب انت تيجى وقت منتا عايز يا كبير ..... " نفاق نفاق " هههههههههه

اولا ياريت لو تتكلمى عن نفسك فى كام كلمه موجزة

انسانة الانطباع الاول عنها دايما الهدوء الشديد والرزانة دموعى عزيزة جدا لكن بمنتى السهولة ممكن تنزل لو شفت دموع ام حزينة او طفل صغير ... بس مع كل دة ظالمة نفسى بانى سريعة الغضب وعصبيتى ونرفزتى بتعملى مشاكل على قد ما هى احيانا بتجيبلى حقى ....

ثانيا ايه رأيك فى التعصب وومكن تشجعى فريق زى الزمالك فى اى مناسبه خارجيه

للاسف انا متعصبة جدا فى تشجيعى للاهلى ولا تتخيلوا انفعالاتى وانا بتفرج على ماتش خصوصا لو اهلى وزمالك او اهلى واسماعيلى او اى ماتش مهم جدا للاهلى ..... لدرجة ان ماما بتقفل الشبابيك عشان الناس ماتسمعش صوتى ..... هههههههههههه
ممكن اشجع الزمالك ... مش عارفة ... بس انا بصراحة اتضايقت جدا لما الزمالك اتغلب من الفيصلى الاردنى وخرج من البطولة العربية اللى فاتت حسيت بجد ان اللاعيبة معندهاش ريحة الدم والموضوع دة استفزنى جدا ......

كملى بقا باسم عضو .... ( يعنى ولد او بنت)

ذكى ..,......... كابو

دبلوماسى .......... رشا

دمه خفيف........... فريد AHLYDEVILS

مبدع .............. فارس

عضو غيرتى فكرتك عنه .................. برنس الاهلى

وشكراا يا هدى اتمنى مكنش طولت

لا ابدا بالعكس ...... شكرا يا ساهر

هدى الاهلاوية

17-10-2007, 01:02 PM

هدى الاهلاوية

17-10-2007, 01:10 PM

منوره الكرسي يا هدي ....

هوه سؤال واحد مش عارف اذا كان حد سئله قبل كدا ولا لاء ....

موصفات فارس احلامك ايه ؟ كفايا كدا

التدين ثم الاخلاق ثم الطيبة ويكون مختلف عنى بمعنى انه مايكونش شخصية عصبية عشان يقدر يحتوى ويمتص اى عصبية منى .... عشان منتطلقش بعد اسبوع ..... هههههههههههههههه

شكرا انك سالت سؤال واحد ....... اصل انا تعبت ههههههههههه

هدى الاهلاوية

17-10-2007, 01:13 PM

CrazY GirL AbouT AhlY

17-10-2007, 01:31 PM

انت تأمر يا جميل ....... بكرة تندم يا جمييييييييييل ...... هههههههههههههه

ربنا يستر انا زى اختك بردوااا

هدى الاهلاوية

17-10-2007, 09:40 PM

ربنا يستر انا زى اختك بردوااا

طبعا اختى يا حبى ... ماتخافيش ... بييييس

KEMOOO

17-10-2007, 09:45 PM

كنت عايز اسأل سؤال ليه البنات بقت شغوفه بالكوره مع اني افتكر ان فيه بنات كتير و لا تفقه عن الكوره شئ و لا ده ممكن نسميه حب استطلاع

هدى الاهلاوية

17-10-2007, 10:33 PM

كنت عايز اسأل سؤال ليه البنات بقت شغوفه بالكوره مع اني افتكر ان فيه بنات كتير و لا تفقه عن الكوره شئ و لا ده ممكن نسميه حب استطلاع

لا هو مش حب استطلاع خالص ..... هو فعلا غالبية البنات لا تفقه فى الكورة شىء بس من ضمن كل مائة بنت كدة تلاقى بنت تطلع مجنونة زيى كدة وتبقى مشجعة متعصبة ... يلا ادعيلى ربنا يهدينى ... ههههههههههه

شكرا على سؤالك .....

KEMOOO

17-10-2007, 10:39 PM

ربنا علي كده يهدينا جميعا بس أعتقد إن ده بيكون من الفراغ بمعني لو واحد وراه شغل و مطش كوره اكيد مش حيبقي فاضي للمطش و ربنا يكرمنا بملئ أوقات فراغنا بشئ مفيد و شكرا علي إهتمامك و الرد

هدى الاهلاوية

18-10-2007, 02:29 PM

ربنا علي كده يهدينا جميعا بس أعتقد إن ده بيكون من الفراغ بمعني لو واحد وراه شغل و مطش كوره اكيد مش حيبقي فاضي للمطش و ربنا يكرمنا بملئ أوقات فراغنا بشئ مفيد و شكرا علي إهتمامك و الرد

انا مش متفقة مع رأيك ان الاهتمام بالكرة نابع من الفراغ لسبب ان متابعة مباريات كرة القدم ممكن تكون سبب فى خروج الانسان من حالة نفسية معينة بمعنى ان الشعب المصرى احيانا وسط كل المشاكل اللى حوالينا ممكن يبقى السبب الوحيد اللى يسعد شعب كامل هى كرة القدم زى ما حصل فى كاس الامم الافريقية اللى فاتت .... فمسالة الفراغ مش السبب الرئيسى للقاعدة العامة من الشعب خاصة فى دولة كرة القدم فيها هى اللعبة الشعبية الاولى ....

elnaggar

19-10-2007, 09:29 AM

هدى ايــه اللى جابكـ هنأأأ.................

المهمــ شويـه اساله فى السريع لانى مستعجل وانا عارف مشغوليـاتكـ ومشغوليـات الكرسى

1- المنــــتدى بيمثــلكـ ايــه ؟

2- ايه اللى انتى استفــدتيـه من المنتدى ؟

3-امنيـه نفسكـ تحققيها؟

4- لو معاكى ورده مين العضو اللى انتى هاتديها له ؟

بس كده لحد مارجع تاى

هدى الاهلاوية

19-10-2007, 03:14 PM

هدى ايــه اللى جابكـ هنأأأ.................

سامح افندى هو اللى خلا كل الناس تختارنى الله ......... ولا بلاش هههههههههه

المهمــ شويـه اساله فى السريع لانى مستعجل وانا عارف مشغوليـاتكـ ومشغوليـات الكرسى

اكيد طبعا .... ربنا يعييننا .....

1- المنــــتدى بيمثــلكـ ايــه ؟

بحبه جدا وبحب الناس اللى فيه وبقوا اصدقاء فعلا كفاية اننا بنلتقى كل يوم .........

2- ايه اللى انتى استفــدتيـه من المنتدى ؟

اولا التفاعل اول باول مع الماتشات ومشاركة ناس كتيرة فيها لان انا الكرة واكلة عقلى خالص
هههههههه ..... وكمان فى مواضيع كتيرة بتتكتب بستفيد منها وبعرف معلومات واخبار جديدة
وكمان اكتسبت صداقات اتمنى انها تزيد مع الوقت .....

3-امنيـه نفسكـ تحققيها؟

أنجح فى شغلى اكتر واوصل فيه لدرجات اعلى ........

4- لو معاكى ورده مين العضو اللى انتى هاتديها له ؟

رانيا ..... عشان واقفة معايا فى اللى عامله فيا بركات وسامح فى قصة على المشرفين
ههههههههههههههههههه

بس كده لحد مارجع تاى

ايه يا باشا كل واحد من حقه يسأل مرة واحدة بس ما كفاية اوى دول ..... هههههههه

samoha

19-10-2007, 04:35 PM

اللهم صلي علي النبي الكرسي مش لاحق ياخد نفسه
زي الفل والله ربنا يزيد ويبارك
انا فرحااااااااااااان ومبسوووووووووووووووووووط
جوي جوي جوي جوي

MR.FeeeRooo

19-10-2007, 05:21 PM

يافتاح ياعليم استعننا على الشقى بالله

انا ماحضرتش الاسئله من الاول عشان كده لو لاقيتى اسئله مكرره فوتيها ماشى؟؟؟
دول بقى كده شوية اسئله على خفيف

1/// بتشتغلى ايه
2// عندك كام أخ وكام أخت وترتيبك الكام فى اخواتك
3// موبايلك نوعه ايه >> يمكن اشتريه ولا حاجه

4/// اخبار احوالك العاطفيه ايه >> يعنى مرتبطه ولا مخطوبه ولا ايه بالظبط
5// ساكنه فين
6// تفتكرى اول مره بكيتى كان بسبب ايه؟؟
7// كام مره فقعتى بمبه فى صاحباتك
8//كام مره شوفتى حاجه مع واحده صاحبتك وكنتى بتتمنى انها تكون ليكى وايه هى الحاجه دى
9//لو ماشيه فى شارع ضلمه وطلع عليكى اتنين حراميه وعاوزين ياخدو كل الفلوس اللى معاكى تعملى ايه
10//ايه اكتر اسم بتحبيه فى الاولاد وفى البنات
11// لو عندك عربيه وعوازه تغيريها تغيريها بعربيه ماركة ايه
12//لو معديه من تحت بلكونه وكان فى واحده ست حدفت عليكى ميه وسخه تعملى ايه؟؟ تمشى ولا تتخانقى معاها
13// عرفتى اهلى ديفيلز ازاى
14// مين اكتر عضوه بتحبيها فى المنتدى واكتر عضو بيعجبك اسلوبه خللى بالك انا ديمراطى جدا هه فاهمانى طبعا
15// بتشجعى مين فى مصر غير الاهلى طبعا ومين بره مصر
16// مين اكتر لاعب بتحبيه فى الاهلى ومين اكتر لاعب على المستوى العالمى
17// ايه اكلتك المفضله ومشروبك المفضل
18// ايه الاكله اللى لو اتعملت فى البيت ممكن تنطى من البلكونه
19//عملتى ايه يوم زلزال 92 وكنتى موجوده فين وقتها
20// ايه هو الفيلم المفضل ليكى عربى وانجليش
21// ايه هى نوعية الافلام العربى اللى بتحبيها >> رومانسى ولا درامى ولا كوميدى ولا أكشن
22// وايه نوعية الافلام الاجنبى اللى بتحبيها >> رومانسى ولا كوميدى ولا أكشن ولا افلام الاساطير
23//نظرك كام على كام وماتخافيش ماحدش هايحسدك
24//بتحبى مامتك ولا باباكى اكتر
25//بتصومى السته البيض ولا لا؟؟
كفايه كده عشان شكلك تعبتى

samoha

19-10-2007, 05:26 PM

قشطه عليك ياعم فريد انت فين من بدري يا راجل اهي تتلخم شويه في الاسئله ونرتاح منها

يلا ياهدي قلبي معاكي والله

لو عايزه اي خدمه ماتقوليش عشان مش هاعملك حاجه

هدى الاهلاوية

19-10-2007, 06:27 PM

يا خراااابى ...... :eek::eek:
ايه يا عم فريد كل دة ....... !!!!
يلا .... معليش الله يجازى اللى كان السبب .........

يافتاح ياعليم استعننا على الشقى بالله

انا ماحضرتش الاسئله من الاول عشان كده لو لاقيتى اسئله مكرره فوتيها ماشى؟؟؟

ماشى ..... احنا نقدر نتكلم يا كبير ...... ههههههههههههههههه

دول بقى كده شوية اسئله على خفيف

خفيف اوىىىىى ......

1/// بتشتغلى ايه

مهندسة معمارية

2// عندك كام أخ وكام أخت وترتيبك الكام فى اخواتك

اخين واختين ...... وانا اكبر واحدة

3// موبايلك نوعه ايه >> يمكن اشتريه ولا حاجه

N70 ............ بس هو مش للبيع اصلا .......... ههههههههههههه

4/// اخبار احوالك العاطفيه ايه >> يعنى مرتبطه ولا مخطوبه ولا ايه بالظبط

دى خصوصيااااات ... توب سكرت ... ههههههههههه

5// ساكنه فين

القاهرة ... شبرا يعنى دوران شبرا يعنى اجدع ناس وسمعنى سلام كبير اوى .......
هههههههههههههههه

6// تفتكرى اول مره بكيتى كان بسبب ايه؟؟

منا اكيد كنت صغيرة اوى ومش هفتكر ..... بس غالبا كنت جعانة ..... هههههههههههههه
وبعدين اى حد فينا اول مرة بكى اول ما بيتولد ويشوف الدنيا الظاهر بيبقى عارف اللى هيشوفه فيها ..... ههههههههههه

7// كام مره فقعتى بمبه فى صاحباتك

ههههههههه ... انا اساسا بتاعة مقالب بس هقولك اشهر مقلب ..... واحدة صاحبتى كنا زعلانين مع بعض ومبنتكلمش فعشان اصالحها بعتتلها رسالة الصبح وهى لسة كانت راكبة فى طريقها للشغل كتبتلها فيها الحقينى انا عملت حادثة ........ ههههههههههههههههههه
طبعا اتصلت بيا وهى مرعوبة ومخضوضة لقيتنى برد عليها اقولها عليكى واحد ...... ههههههههههه

8//كام مره شوفتى حاجه مع واحده صاحبتك وكنتى بتتمنى انها تكون ليكى وايه هى الحاجه دى

لا عمر ما كانت دى طبيعتى ابدا انا عمرى ما بغير الا بشكل ايجابى يعنى اغير من حد بذل مجهود اكبر منى لما كنت فى الكلية او حاليا فى الشغل بس دايما بتبقى غيرة تدفعنى لادام بمعنى انى اانب نفسى انى قصرت بس مش اكتر ... ودى الحقيقة والله على فكرة ...

9//لو ماشيه فى شارع ضلمه وطلع عليكى اتنين حراميه وعاوزين ياخدو كل الفلوس اللى معاكى تعملى ايه

والله اللى اقدر اقولهولك الله يرحمهم ...... كانوا ناس طيبين ..... هههههههههههههه
لا التصرف اللى بجد .. انى ههددهم انى مش هسكت وهبلغ وانى حفظت شكلهم وانى كمان اتصلت ببابا قبل ما يجولى على طول اصل انا الحمد لله فى المواقف الصعبة بتجيلى ملكة كدة تخلينى ارهب اللى قدامى واكله ...... وبعدين انا اساسا صعب اتعرض للموقف دة لانى باخد بالاسباب عشان ربنا يسترها معايا ..... لا بمشى لوحدى بالليل متاخر ولا بحط نفسى فى موضع شبهات يطمع حد فيا بالمشى فى شوارع ضلمة ...

10//ايه اكتر اسم بتحبيه فى الاولاد وفى البنات

فى الاولاد محمد و احمد وفى البنات هدى وماهيتاب

11// لو عندك عربيه وعوازه تغيريها تغيريها بعربيه ماركة ايه

انا معرفش فى ماركات العربيات اوى بصراحة مش مهتمة انا بس بحب اوى العربيات الجيب
وال 4 باى 4 بجميع انواعها واشكالها بس طبعا صعب اسرق بنك واشتريهم اصلى حرامية فاشلة هههههههههههه ... انا طبعا عايزة اجيب عربية بس متهيالى انا منفعش فى السواقة لانى متهورة وشوية وممكن اعمل كل يوم 50 حادثة وخناقة ..... ههههههههههههه

12//لو معديه من تحت بلكونه وكان فى واحده ست حدفت عليكى ميه وسخه تعملى ايه؟؟
تمشى ولا تتخانقى معاها

يا خرابى .... دى تبقى ليلتها طين ..... بجد
بس انا عمرى ما بتجاوز او بغلط يعنى بمعنى ان لسانى مش طويل لا يمكن تطلع منى الفاظ وحشة ..... بس مش بسكت .....

13// عرفتى اهلى ديفيلز ازاى

انا بحب ادخل على منتديات الاهلى كلها فبعمل search عالنت على كلمة منتديات اهلى وانا بالفعل مشتركة فى اكتر من منتدى تانى بس نادرا ما بدخلهم ... يعنى كل واحد حسب ما بيحس بالراحة فى منتدى ......

14// مين اكتر عضوه بتحبيها فى المنتدى واكتر عضو بيعجبك اسلوبه خللى بالك انا ديمراطى جدا هه فاهمانى طبعا

فاهماك طبعا ياريس وعشان كدة بقولك انت مش اكتر عضو بيعجبنى اسلوبه عشان مش بتدخل المنتدى كتير .... ههههههههههههه طبعا امن الدولة هيخبط عليا كمان شوية ... استعد ولا ايه ... ؟؟؟
اكتر عضوة بحبها ..... رشا ورانيا وسهر ونانسى ...... هههههههههههههه
واكتر عضو بيعجبنى اسلوبه ...... مين ياربى مين ...... مين .....
فارس وكتكت ...... العقل كله ...... هههههههههههههههههههه

15// بتشجعى مين فى مصر غير الاهلى طبعا ومين بره مصر

مش بشجع حد جوا مصر غير الاهلى بس احيانا بيعجبنى لعب الاسماعيلى كمحبة للعبة الحلوة
وبرة مصر بحب المنتخبات اللى بتلعب كرة كلها فنيات ومهارات زى البرازيل وهولندا والارجنتين

16// مين اكتر لاعب بتحبيه فى الاهلى ومين اكتر لاعب على المستوى العالمى

بحب كل لاعيبة الاهلى ..... بس طبعا اكتر واحد طبعا طبعا ملك القلوب ابو تريكة ربنا يخليهولنا يارب
وعلى المستوى العالمى كل اللعيبة المهاريين ..... رونالدينيو و ميسى و كريستيانو رونالدو وغيرهم ....

17// ايه اكلتك المفضله ومشروبك المفضل

الاكلة .... المكرونة بالبشاميل .... و المشروب ..... انا مدمنة شاى بس بحب اوى الكاكاو باللبن ......

18// ايه الاكله اللى لو اتعملت فى البيت ممكن تنطى من البلكونه

محشى الكرنب .... بينى وبينه مصانع الحداد ..... هههههههههههه

19//عملتى ايه يوم زلزال 92 وكنتى موجوده فين وقتها

كانت تيتا الله يرحمها عايشة وهى ساكنة فى الشقة اللى تحتنا على طول كنت قاعدة انا وهى بس و كنت لسة راجعة من المدرسة وساعات كنت برجع عليها ..... فلقيت كل حاجة بتترج حواليا طبعا طلعت اجرى على باب الشقة (( يلا نفسى بقة ..... شوفتوا الجدعنة ههههههههه ))
فتحت باب الشقة لقيت ماما واخواتى نازلين جرى من فوق هههههههههههههههههه

20// ايه هو الفيلم المفضل ليكى عربى وانجليش

عربى ...... انبهرت جدا بفيلم واحد من الناس واجنبى مفيش فيلم محدد بس بحب جدا اى فيلم انسانى او رومانسى لان الافلام الاجنبية افضل فى التمثيل مليون مرة من العربى .. ودة سر اعجابى بفيلم واحد من الناس انه قرب من الافلام الاجنبية .......

21// ايه هى نوعية الافلام العربى اللى بتحبيها >> رومانسى ولا درامى ولا كوميدى ولا أكشن

العربى الاربع حاجات بيجتمعوا فى افلام كريم عبد العزيز فقط غير كمان تمثيله القوى وخفة دمه عشان كدة بحبه جدا ومش بسيبله فيلم ......

22// وايه نوعية الافلام الاجنبى اللى بتحبيها >> رومانسى ولا كوميدى ولا أكشن ولا افلام الاساطير

الرومانسى الدرامى ...... بس مبحبش خالص افلام الاساطير والخيال العلمى كمان والاكشن بتاعهم رغم انه بيبقى متقن اوى وانتاجه عالى بس عشان الاتقان دة مش بحبه لانه مابيتفقش مع طبيعتى الوديعة ... حد عنده اعتراض ....... ؟؟؟؟

23//نظرك كام على كام وماتخافيش ماحدش هايحسدك

ههههههههه ........ يحسد مييييين دنا نظرى فى الضياع انا اساسا مش بستغنى عن النضارة او العدسات بس اغلبية الوقت عدسات لاصقة .....

24//بتحبى مامتك ولا باباكى اكتر

بحب الاتنين جدا جدا بس ماما هى الوحيدة فى العالم اللى ممكن احكيلها على اى شىء وكل شىء يخصنى فى اى وقت واى مكان ..... ربنا يخليهالى يارب

25//بتصومى السته البيض ولا لا؟؟

ايوا بصومهم الحمد لله .......

كفايه كده عشان شكلك تعبتى

تعبت وبس .... دنتا مفترى ..... قصدى دنتا كويس جدا ........ ههههههههههههههههههههه

ياخرابى ....... كانى راجعة من السفر ........ نفسى اتقطع من كتر الاسئلة .......

Rania Ebrahim

19-10-2007, 08:37 PM

بيتهيألى كده ان فريد مخلاش حاجه نسألهالك ياهدى هههههههههههههه

اولا منورة الكرسى يا قمرايه .. ثانيا اسفه جدا على تأخيرى هنا

ثالثا بقى .. هسألك سؤالين فى السريع كده وسامحينى لو متكرر انا مقريتش من الاول .. ومش هطول عليكى انا عارفه انك تعبتى .. بس معلش هى علقه وهتعدى ان شاء الله هههههههههههههه وانتى قدها وقدود ياجميله ...

1 - قرار أخدتيه فى حياتك وندمتى عليه ؟؟؟؟

2 - العيب اللى فى هدى ونفسها تغيره ؟؟؟

3 - كلمة تقوليها لكل من :::

- ساهر ؟

- رشا ؟

- كابو ؟

- رانيا ؟

- سامح ؟

- سهر ؟

- فريد ؟

- نونا ؟

- اهلى ديفيلز ؟؟؟؟؟

بس كده ياهدى .. يارب مكونش ضايقتك بأسئلتى .. وربنا يوفقك فى حياتك كلها ياااااااااااارب .

هدى الاهلاوية

19-10-2007, 09:43 PM

بيتهيألى كده ان فريد مخلاش حاجه نسألهالك ياهدى هههههههههههههه

امال ايه الاسئلة دى كلهااااااااا ........ يلا سماح المرة دى

اولا منورة الكرسى يا قمرايه .. ثانيا اسفه جدا على تأخيرى هنا

انتى اللى منورة يا جميل ......

ثالثا بقى .. هسألك سؤالين فى السريع كده وسامحينى لو متكرر انا مقريتش من الاول .. ومش هطول عليكى انا عارفه انك تعبتى .. بس معلش هى علقه وهتعدى ان شاء الله هههههههههههههه وانتى قدها وقدود ياجميله ...

1 - قرار أخدتيه فى حياتك وندمتى عليه ؟؟؟؟

الحمد لله رب العالمين لحد دلوقتى مفيش .....

2 - العيب اللى فى هدى ونفسها تغيره ؟؟؟

العصبية ....

3 - كلمة تقوليها لكل من :::

- ساهر ؟
انت مميز جدا ومجهودك واضح فى المنتدى واتمنى اى مشاكل عندك تتحل باذن الله

- رشا ؟

بحبك جدا وفعلا انتى قريبة من قلبى ... و ليكى شخصية مميزة

- كابو ؟

انت كمان مميز جدا واتمنى تشارك معانا اكتر واكتر فى كل المواضيع ...

- رانيا ؟

طيبة اوى وجميلة وبموت فيها وحبيتها بسرعة من ساعة مابقت تدخل المنتدى الاكتر فى الايام الاخيرة ... ايه دة دنتى ..... طيب تصدقى اقسم بالله انا كتبت الكلام دة وبعدين افتكرت انه انتى اللى بتسالى .... عشان تعرفى انه طالع من القلب بجد ....

- سامح ؟

اهلا بريحة الحبايب ..... اخويا الصغير وبحب اناكفه

- سهر ؟

حبيبة قلبى و دمها خفيف جدا ...

- فريد ؟

الكبير بتاعنا ..... كلنا وراك ياريس وبندفعك فى مسيرة التقدم والاصلاح ...... هههههههههههه

- نونا ؟

عسولة خالص رقيقة فى مشاركاتها زى القسم اللى هى بتشرف عليه .... بس ياريت تدخل اكتر

- اهلى ديفيلز ؟؟؟؟؟

مش هو فريد هو اهلى ديفلز ولا ايه ..... ؟؟؟؟ شكل الموضوع بتاع قصة المشرفين خلاكى هيستى يا رانيا .... هههههههههه

بس كده ياهدى .. يارب مكونش ضايقتك بأسئلتى .. وربنا يوفقك فى حياتك كلها ياااااااااااارب .

لا يا جميل ضايقتينى ايه بالعكس خالص ....... وميرسى لاسئلتك الجميلة .......

دلوعه اهلاويه

19-10-2007, 09:49 PM

يا هدي رانيا قصدها اهلي ديفلز المنتدي مش فريد

ركزى انتي ههههههههههه

هدى الاهلاوية

19-10-2007, 09:54 PM

يا هدي رانيا قصدها اهلي ديفلز المنتدي مش فريد

ركزى انتي ههههههههههه

اااااه ........ ماشى يا ستى بالراحة شوية ........ ههههههههه
اهلى ديفلز اقرب منتدى لقلبى على الاطلاق بجد والله .........
شكرا ياست سهر عالتوضيح ........

دلوعه اهلاويه

19-10-2007, 09:58 PM

سهر ؟

حبيبة قلبى و دمها خفيف جدا ...

انا بقي ياستي بشكرك علي الكلام الجميل اللي قلتيه عليا

انتي كمان والله حبيبه قلبي وبحبك موووووت

لان شخصيتك زى شخصيه جهاد صاحبتي الانتيم وانا بحبها اوى

Rania Ebrahim

19-10-2007, 09:59 PM

يا هدي رانيا قصدها اهلي ديفلز المنتدي مش فريد

ركزى انتي ههههههههههه

فعلا يا سهر .. انا قصدت منتدى اهلى ديفيلز ياهدى .. مش فريد .. شكلك انتى كتر الاسئله خلاكى تهيسى ....

ومش عارفه اقولك ايه والله على الكلام الجميل اللى قولتيه عليه ده .. بس زى مابيقولوا من القلب للقلب والله .. انا كمان بحبك جداااااااااا وبحب كل الاعضاء ودايما حاسه انى موجوده وسط اخواتى

ويارب دايما مع بعض

هدى الاهلاوية

19-10-2007, 10:09 PM

هدى الاهلاوية

19-10-2007, 10:12 PM

فعلا يا سهر .. انا قصدت منتدى اهلى ديفيلز ياهدى .. مش فريد .. شكلك انتى كتر الاسئله خلاكى تهيسى ....

ومش عارفه اقولك ايه والله على الكلام الجميل اللى قولتيه عليه ده .. بس زى مابيقولوا من القلب للقلب والله .. انا كمان بحبك جداااااااااا وبحب كل الاعضاء ودايما حاسه انى موجوده وسط اخواتى

ويارب دايما مع بعض

يارب يا جميل باذن الله .......

samoha

19-10-2007, 10:16 PM

والله ياجماعه انا عايز اعيط
اهئ اهئ اهئ اهئ اهئ

samoha

19-10-2007, 11:10 PM

- سامح ؟

اهلا بريحة الحبايب ..... اخويا الصغير وبحب اناكفه

اهلا بيكي ياستي
اخوكي الصغير>>انتي كده هتدخليني الجيش وانا ماليش خلينا اصحاب بلاش اخوات عشان انا مش عايز اخش الجيش وانتي عارفه بقي اكيد جربتي المهندسين بيخبطوهم 3سنين اكيد كانوا صعبين عليكي

هدى الاهلاوية

19-10-2007, 11:25 PM

samoha

19-10-2007, 11:35 PM

ممممممممممممممممممممممم
طالما ماكتبتش هههههههههههههههههههه بعد كتابتها يبقي ممكن تكوووون زعلت

الحمد لله عرفت ازعلها مره في حياتي

MR.FeeeRooo

19-10-2007, 11:38 PM

انتى كده استريحتى بما فيه الكفايه
خدى بقى الكام سؤال دول وخدى كوباية الميه دى عشان تبلعى ورا الاسئله
هم كام سؤال كده خفيف >>اخف من الشويه الاولانيين

1// كان نفسك تكونى ايه غير مهندسه معماريه واشمعنى معمارى اللى اختارتيه ولا عشان بيحتاج مجموع قليل فى اعدادى ؟؟

2// انتى خريجة هندسه جامعة ايه ؟؟ ومش عاوزين فشر وتقوليلى كامبريدج

3// بما ان ال N70 عده تعبانه مولا تحبى تغيريها بأيه ؟؟؟ مش شرط تقولى احدث حاجه المهم الحاجه اللى بترتاحى فيها

4// بما ان احوالك العاطفيه سر حربى من اسرار حرب اكتوبر 73 احب اقولك ان حرب اكتوبر خلصت من زمان يعنى هاتعترفى والانكار مش هايفيدك

5// لو مش ساكنه فى دوران شبرا والفرح اللى انتى عاملاه ده كنتى تتمنى تسكنى فين بس مش جوا مصر يعنى مثلا موزمبيق ولا سنغافوره ولا كوالالامبور ؟

6// كام مره غدر بيكى حد من اصحابك

7// بما ان قلبك ميت ومابتخافيش من الحراميه لو اتعرض عليكى تشتغلى بودى جارد توافقى ولا لا؟؟

8// اه اكتر موقف محرج اتعرضتى ليه فى حياتك

9// طيب انا عاوز اعرف انتى عيطتى اخر مره امتى

10// لو اتعرض عليكى تمسكى رئيس مجلس ادارة نادى الزمالك توافقى ؟؟

11// بما ان ذوقك طلع عالى جدا وبتحبى كريم عبد العزيز تقدرى تقولى بتحبى مين من الممثلات

12// مين مطربك المفضل ومطربتك المفضله ؟؟

13// فيلم اجنبى مش عاوز يروح من دماغك

14// انا عارف انه مش قصدك تقولى انك بتحبى الاسماعيلى هاغفرلك الغلطه دى بس لازم تصومى 3 ايام على الغلطه الشنيعه دى

15// سافرتى بره مصر قبل كده ولا لا؟؟

16// اكتر بلد تحبى تروحيها فى مصر

17//بتقعدى كام ساعه تقريبا قدام النت وازاى بتوفقى بينه وبين الشغل

18/ روحتى الاستاد قبل كده ولا من هواة التليفزيون ؟؟

19// مين نفسك تشوفيه من اعضاء المنتدى عامة سواء شخصيا او حتى صوره ليه

20// اه اهتماماتك غير الكوره ؟؟

21// بما انك مدمنة شاى بتشربى كام كوباية تقريبا فى اليوم

هاقوم اعمل كوباية شاى واجى اكمل الاسئله

هدى الاهلاوية

20-10-2007, 12:35 AM

ياربى .. والله كدة حرااااااام انا تعبت هو مش قواعد الكرسى ان العضو يسال مرة واحدة بس ... ؟؟
انا هجاب على الاسئلة دى بس دول اخر اسئلة ليك ... كفاااااية ... ههههههههههههههه

انتى كده استريحتى بما فيه الكفايه
خدى بقى الكام سؤال دول وخدى كوباية الميه دى عشان تبلعى ورا الاسئله
هم كام سؤال كده خفيف >>اخف من الشويه الاولانيين

ربنا عالظااااالم ....... ههههههههههه

1// كان نفسك تكونى ايه غير مهندسه معماريه واشمعنى معمارى اللى اختارتيه ولا عشان بيحتاج مجموع قليل فى اعدادى ؟؟

كان نفسى ادرس فى كلية الاداب قسم انجليزى جدا لانى بحب اللغة دى اوى واتمنى دراستها باستفاضة .... وعلى فكرة قسم عمارة كان بياخد اعلى مجموع من اعدادى والله بيرفع المجموع عشان ياخد اقل عدد ممكن وفعلا بتبقى اقل دفعة فى العدد هى دفعة عمارة وكمان بيعملوا تدريب صيفى لمدة 3 اسابيع فى الصيف قبل سنة اولى الهدف منه انهم بيدوا الطلبة عدد مهول من اللوحات يرسموها ويحملوهم فوق طاقتهم عشان يطفشوا عدد اكبر من الطلبة وكمان يقيسوا قدرة الطالب اللى هيكمل فى القسم وفى نفس الوقت يعرفوه انه مقبل على ايام سودة .......
ههههههههههههههه

2// انتى خريجة هندسه جامعة ايه ؟؟ ومش عاوزين فشر وتقوليلى كامبريدج

ههههههههه .... على فكرة انا مكدبتش فى كلمة واحدة كتبتها فى كرسى الاعتراف
انا خريجة هندسة شبرا جامعة الزقازيق فرع بنها بس الكلية نفسها مقرها فى شبرا عندنا على بعد 5 دقايق من البيت ...... ههههههههههههههه

3// بما ان ال N70 عده تعبانه مولا تحبى تغيريها بأيه ؟؟؟ مش شرط تقولى احدث حاجه المهم الحاجه اللى بترتاحى فيها

مين قالك كدة ابدا والله دى عدة جميلة جدا انا جايباها ال music edition من شهر 4 اللى فات ومش عايزة اغيرها خالص دلوقتى ...... دور على حد تانى تشترى منه موبايلات .......
هههههههههههههه

4// بما ان احوالك العاطفيه سر حربى من اسرار حرب اكتوبر 73 احب اقولك ان حرب اكتوبر خلصت من زمان يعنى هاتعترفى والانكار مش هايفيدك

لا ... لعلمك انا ضد اللى بيقول حرب اكتوبر 73 خلصت ..... مين قال كدة .......
ههههههههههههههههههههه

5// لو مش ساكنه فى دوران شبرا والفرح اللى انتى عاملاه ده كنتى تتمنى تسكنى فين بس مش جوا مصر يعنى مثلا موزمبيق ولا سنغافوره ولا كوالالامبور ؟

انا مسافرتش قبل كدة برة مصر عشان افضل مكان خارج مصر عن مكان وبصراحة انا بخاف من فكرة انى اعيش فى مكان مش عارفاه لانه جميل جدا ان الانسان يبقى عارف المدينة اللى عايش فيها كويس اوى ويقدر يتنقل فيها بثقة وامان ....... يمكن داخل مصر احب اعيش فى مدينة جديدة وخصوصا 6 اكتوبر عشان حلوة ......

6// كام مره غدر بيكى حد من اصحابك

مش لدرجة غدر بس ممكن فى ناس بيبقى ليها حركات كدة دقات نقص يعنى بس بصراحة قسم عمارة دة اكتر شىء اتعلمته منه انى مبقيتش اتصدم فى حد ...... ههههههههههههههههه

7// بما ان قلبك ميت ومابتخافيش من الحراميه لو اتعرض عليكى تشتغلى بودى جارد توافقى ولا لا؟؟

لا طبعا مش بعرف امسك مسدس ....... بس هتعلم قريب ان شاء الله

8// اه اكتر موقف محرج اتعرضتى ليه فى حياتك

محرج .... مش عارفة .... لما افتكر ابقى اقولك .... هههههههههههه

9// طيب انا عاوز اعرف انتى عيطتى اخر مره امتى

وانت مالك ....... بس على فكرة بقة انا دموعى عزيزة جدا ونادرة كمان ........

10// لو اتعرض عليكى تمسكى رئيس مجلس ادارة نادى الزمالك توافقى ؟؟

برغم ان احواله بتستفزنى جدا بس صعب لانى بصراحة مش هشتغل بقلب ...... اصلى بعشق الاهلى .........

11// بما ان ذوقك طلع عالى جدا وبتحبى كريم عبد العزيز تقدرى تقولى بتحبى مين من الممثلات

منى ذكى ومنة شلبى ...... لان تمثيلهم قوى وعندهم موهبة حقيقية مش داخلين التمثيل ابدا عشان الجمال

12// مين مطربك المفضل ومطربتك المفضله ؟؟

انا بسمع الحاجة اللى بتعجبنى سواء قديم او جديد .... لكن انا اكتر بحب اوى تامر حسنى
وهتستغرب لو قولتلك مطربتى المفضلة فيروز .......

13// فيلم اجنبى مش عاوز يروح من دماغك

فيلم شفته من كام شهر على mbc2 ومش قادرة انساه ابدا مع انى حتى محفظتش اسمه
كاناحداثه كلها فى يوم واحد ولد وبنت اتقابلوا فى القطار بتاع اوروبا اللى هوا مابين الدول هو كان رايح من بلد لبلد وهى كانت مسافرة ما بين بلدين مختلفين خالص عنه يعنى مفترق طرق وظروف الرحلات خلتهم بعد مااتعرفوا فى القطر يقضوا يوم كامل ترانزيت مع بعض فى مدينة ما واليوم اللى قضوه مع بعض دة حبوا فيه بعض جدا لدرجة انهم فى نهاية الفيلم وكل واحد فيهم هيركب قطر غير التانى اتفقوا انهم يتقابلوا فى نفسم المدينة دى فى نفس اليوم بعد سنة كاملة ......
الفيلم دة بيتكلم عن القدر بشكل كبير جدا وحتى بعيد عن قصة الحب فيه انسانيات جامدة جدا ...

14// انا عارف انه مش قصدك تقولى انك بتحبى الاسماعيلى هاغفرلك الغلطه دى بس لازم تصومى 3 ايام على الغلطه الشنيعه دى

انا مقولتش بحب الاسماعيلى ..... انا اساسا بحب مهارات وفنيات الكرة وبرغم كرهى الشديدخصوصا لجماهير الاسماعيلى لكن مانكرش ان فى بعض مباريات الاسماعيلى بيقدم فيها فنيات عالية .......

15// سافرتى بره مصر قبل كده ولا لا؟؟

لا .......

16// اكتر بلد تحبى تروحيها فى مصر

كانت اسكندرية بس لما رحت مرسى مطروح لاول مرة الصيف اللى فات دة لقيتها اجمل بمراحل

17//بتقعدى كام ساعه تقريبا قدام النت وازاى بتوفقى بينه وبين الشغل

طول منا فاضية فى البيت ..... لكن وانا فى الشغل طبعا مفيش نت .....

18/ روحتى الاستاد قبل كده ولا من هواة التليفزيون ؟؟

رحت مرة واحدة بس كان ماتش اعتزال وليد صلاح الدين .... انا اصلا امنية حياتى اروح الاستاد واحضر ماتشات ... بس عندى هنا فى البيت بيقعدوا يقولولى مفيش بنات تروح الاستاد .......
ههههههههههه ....... مش عايشين فى الدنيا .......

19// مين نفسك تشوفيه من اعضاء المنتدى عامة سواء شخصيا او حتى صوره ليه

رانيا ورشا ونانسى ..... وسهر شفتها وشافتنى .....

20// اه اهتماماتك غير الكوره ؟؟

القراءة .......

21// بما انك مدمنة شاى بتشربى كام كوباية تقريبا فى اليوم

3 او 4 ........

هاقوم اعمل كوباية شاى واجى اكمل الاسئله

لالالالالالالا ...... كفاية اوى كدة مش هجاوب على حاجة تانىىىىىىى .............

MR.FeeeRooo

20-10-2007, 01:02 PM

يامسهل يارب خد ياواد يانخنخ رش جردل الميه ده قدام المحل
اصطبحنا واصطبح الملك لله

انا شايف حد معترض انه يتسأل قولله انه مش بمزاجه طالما على الكرسى يبقى لازم يسمع الكلام احسن نكهربه

قوليلى بقى
1// كان ايه شعورك يوم ماتش الصفاقس فى نهائى دورى الابطال اللى فات قبل مالجون ييجى وساعة مالجون ماجه وبعد الجون ماجه

2// بما انك مش قدره تفتكرى اسم الفيلم احب اقولك انه فيلم القطار بتاع نور الشريف وميرفت امين وامين الهنيدى هههههههههه

3//بتصللى ولا لا وكنتى بتصلى التراويح فى رمضان ولا لا وختمتى القراّن ولا لا

4// يومك بيبدأ ازاى

5// مين اكتر عضو بيشدك اسمه ومين اكتر عضو بتشدك مواضيعه

6// بما ان هوايتك القراءه تفتكرى اخر كتاب قرأتيه كان امتى وبعنوان ايه

7// ليكى ميول سياسيه ولا هاتخافى عشان البوكس واقف على باب المنتدى

8// بيبقى ايه شعورك لما بتشوفى حد مريض وايه شعمورك لما بتشوفى حد مظلوم وايه شعورك لما بتشوفى طفل صغير بيعيط

9// لو مالكيش ميول سياسيه لو اتعرض عليكى منصب عالى جدا وفى تخصصك فى اسرائيل توافقى ولا لا؟؟ ولو اتعرض عليكى منصب اقل منه فى امريكا توافقى ولا لا

10// انتى قولتى انك خريجة شبرا جامعة الزققازيق ومصيبه سوده لتكونى ساكنه فى شارع اليازجى كمان وا ساكنه عند جامع الخازنداره ؟؟؟

11// امتى بتتخنقى من اخواتك وامتى هم بيتخنقوا منك

12 // بما انك خريجة معمار المفروض يكون بتعرفى تشتغلى كويس اوتوكاد وفوتوشوب وساب على الاقل ليكى ى البرامج دى ولا مكبره الجمجمه ومهندسه فاشله هههههه

13// بعد مالفاس وقعت فى الراس وخلاص وبقيتى مهندسه معماريه اد الدنيا تحبى تشتغلى فين ؟؟؟

14//شوفتى سهر قبل كده !!! دا انتى نفسك حلوه اوى بس انتى شكلك كده بتروحى طنطا كتير صح؟؟

15// عملتى ايه لما سمعتى خبر ان عامر فى حاله خطر عملتى ايه مع العلم ان دموعك غاليه اوى

16//ايه اللى انتى شايفه انه ناقص اهلى ديفيلز؟؟ وايه اكتر حاجه بتحبيها فى اهلى ديفيلز ؟؟

177/ شعورك ايه وانتى عماله تجاوبى على الاسئله دى كلها؟؟

18// نفسك فى ايه دلوقتى حالا غير ان ربنا ينقذك من ايدى هههههههه

19//مين من الااعضاء نفسك مايدخلش المنتدى تانى غيرى

20// هاتتفرجى على ماتش الاهلى فين ؟؟ ولا هاتسمعيه فى الراديو

21// طولك اد ايه ووزنك اد ايه وهل طولك متناسب مع وزنك ولا من النوع اللى بيقعد ياكل مايقومش غير والترابيزة السفره منتهيه

22/ مدة الحجز بتاعك هاتنتهى امتى على الكرسى ؟؟؟

23// كفايه عليكى كده احسن تزهقى ولاحظى انى ماضغطش عليكى يعنى لو لاقدر الله وقعت فى يوم من الايام تحت ايديك هم سؤالين وخالصين

هدى الاهلاوية

20-10-2007, 11:43 PM

بص بقى عشان انت اخرك معايا خااااااالص شوية الاسئلة ......
انا خلاص استوييييييييت ..... هههههههههههههه

يامسهل يارب خد ياواد يانخنخ رش جردل الميه ده قدام المحل
اصطبحنا واصطبح الملك لله

انا شايف حد معترض انه يتسأل قولله انه مش بمزاجه طالما على الكرسى يبقى لازم يسمع الكلام احسن نكهربه

قولتلك اخرك معايا حبة الاسئلة دول خلالالاص ..... المولد انتهى ..... ههههههههههههه

قوليلى بقى
1// كان ايه شعورك يوم ماتش الصفاقس فى نهائى دورى الابطال اللى فات قبل مالجون ييجى وساعة مالجون ماجه وبعد الجون ماجه

كنت مع صاحبتى فى كافيه فى عباس العقاد .. وطول الماتش والله كان قلبى حاسس ان الجون هييجى وساعة الجون ماجه مش هقدر اوصف مهما قلت وبعد الجون برضه مش هقدر اوصف خصوصا مع الاجواء اللى كانت فى مدينة نصر فى الشوارع ...

2// بما انك مش قدره تفتكرى اسم الفيلم احب اقولك انه فيلم القطار بتاع نور الشريف وميرفت امين وامين الهنيدى هههههههههه

لا خالص والله .... دة اساسا لا يقارن بالفيلم اللى اقصده .....

3//بتصللى ولا لا وكنتى بتصلى التراويح فى رمضان ولا لا وختمتى القراّن ولا لا

الحمد لله بصلى .... والتراويح بصراحة ماكنتش بقدر عشان بصحى لشغلى الساعة 6 الصبح
وملحقتش اختم السنة دى للاسف ... ايه دة انت عامللى بحث اجتماعى ...... هههههههههههههه

4// يومك بيبدأ ازاى

بصلى الصبح والبس وانزل جرى عشان الحق الباص بتاع الشركة .....

5// مين اكتر عضو بيشدك اسمه ومين اكتر عضو بتشدك مواضيعه

بيشدنى اسمه ازاى يعنى ؟؟؟ هو اسمه فيه حبل يعنى ولا ايه ... ههههههههههههههههههه
والاعضاء اللى مواضيعهم حلوة كتييييير ....

6// بما ان هوايتك القراءه تفتكرى اخر كتاب قرأتيه كان امتى وبعنوان ايه

كتاب قتاوى ..... اليومين دول بقراه

7// ليكى ميول سياسيه ولا هاتخافى عشان البوكس واقف على باب المنتدى

ماليش ميول سياسية بس متابعة محبش ابدا يبقى فيه اى احداث حواليا بتحصل وانا منفصلة عنها
وعلى فكرة لازم اقرا الجرايد يوميا ... مشهورة بالحكاية دى ... ههههههههههههه

8// بيبقى ايه شعورك لما بتشوفى حد مريض وايه شعمورك لما بتشوفى حد مظلوم وايه شعورك لما بتشوفى طفل صغير بيعيط

لما بشوف مريض بتمناله الشفا وبحمد ربنا بصراحة على نعمة الصحة اللى محدش بيقدرها الا لما تروح منه .. ودى مشكلة كبيرة دااحنا لو جالنا شوية برد بنتبهدل وندعى ربنا يشفينا امال لو بصينا للى بيحصل حوالينا ......
لما بشوف حد مظلوم بيستفزنى دة جدااااااا .......
طفل صغير بيعيط دة بقى اللى ممكن يقتلنى مش بستحمل ابدا وياسلام لو شفت حد بيضرب طفل صغير بتجنن ومبستحملش ابدا ..... انا عندى اختين بنات لما كانوا صغيرين مكانش حد يقدر يمسهم او يقربلهم وانا موجودة ....

9// لو مالكيش ميول سياسيه لو اتعرض عليكى منصب عالى جدا وفى تخصصك فى اسرائيل توافقى ولا لا؟؟ ولو اتعرض عليكى منصب اقل منه فى امريكا توافقى ولا لا

طبعا موافقش على الاتنين ....

10// انتى قولتى انك خريجة شبرا جامعة الزققازيق ومصيبه سوده لتكونى ساكنه فى شارع اليازجى كمان وا ساكنه عند جامع الخازنداره ؟؟؟

ههههههههه .... لا بس على بعد 5 دقايق من الاماكن دى ... دنتا حشرى اوىىىىى

11// امتى بتتخنقى من اخواتك وامتى هم بيتخنقوا منك

بتخنق لما احط حاجة وملاقيهاش فى مكانها بتخانق معاهم وهم بيتخنقوا منى .... لا مابتحصلش واحدة بالرقة والوداعة دى مين هيتخنق منها ..... ههههههههههههههه

12 // بما انك خريجة معمار المفروض يكون بتعرفى تشتغلى كويس اوتوكاد وفوتوشوب وساب على الاقل ليكى ى البرامج دى ولا مكبره الجمجمه ومهندسه فاشله هههههه

اولا الاتوكاد والفوتوشوب هما اساس شغلى ماينفعش اصلا حد يشتغل دلوقتى من غير ما يكون عارفهم كويس جدا كمان ..... والساب دة للانشائى فقط مش برنامج معمارى ....

13// بعد مالفاس وقعت فى الراس وخلاص وبقيتى مهندسه معماريه اد الدنيا تحبى تشتغلى فين ؟؟؟

انا حاليا بشتغل فى مكان راضية عنه جدا الحمد لله ....

14//شوفتى سهر قبل كده !!! دا انتى نفسك حلوه اوى بس انتى شكلك كده بتروحى طنطا كتير صح؟؟

شوفت صورتها وشافت صورتى .... يا ذكى .... هههههههههههه

15// عملتى ايه لما سمعتى خبر ان عامر فى حاله خطر عملتى ايه مع العلم ان دموعك غاليه اوى

بجد فعلا اتضايقت جدا خصوصا من ظروف اصابته جت ازاى كمان وربنا يقومه بالسلامة يارب ....

16//ايه اللى انتى شايفه انه ناقص اهلى ديفيلز؟؟ وايه اكتر حاجه بتحبيها فى اهلى ديفيلز ؟؟

اكتر حاجة بحبها الروح ما بين الاعضاء .... وناقصه كثرة المشاركات وكثافة عدد الاعضاء ودة هييجى مع الوقت باذن الله ....

177/ شعورك ايه وانتى عماله تجاوبى على الاسئله دى كلها؟؟

زهقت جداااااااا ........ ههههههههههههه

18// نفسك فى ايه دلوقتى حالا غير ان ربنا ينقذك من ايدى هههههههه

هو بس ان ربنا ينقذنى من ايدك ... دى اغلى امنية ... ههههههههههههه

19//مين من الااعضاء نفسك مايدخلش المنتدى تانى غيرى

ولا اى حد ...

20// هاتتفرجى على ماتش الاهلى فين ؟؟ ولا هاتسمعيه فى الراديو

فى البيت ... انا مشتركة فى كل قنوات ال ART دلوقتى ...... احنا بنهرج ولا ايه .... ههههههههههههه

21// طولك اد ايه ووزنك اد ايه وهل طولك متناسب مع وزنك ولا من النوع اللى بيقعد ياكل مايقومش غير والترابيزة السفره منتهيه

وانت مااااالك بالخصوصيات دى ...... ههههههههههههههههه

22/ مدة الحجز بتاعك هاتنتهى امتى على الكرسى ؟؟؟

انهاردة .... دى اخر مشاركة خلاص ..... والنبى حل عنى بقة .... هههههههههههههههه

23// كفايه عليكى كده احسن تزهقى ولاحظى انى ماضغطش عليكى يعنى لو لاقدر الله وقعت فى يوم من الايام تحت ايديك هم سؤالين وخالصين

بس انت اقعد عالكرسى بس ومالكش دعوة ........ اوعى تقلق خااالص ....... هههههههههههههه

walix ! l.e.d.a

22-10-2007, 08:05 AM

هانت يا هدى بكره اخر يوم ليكى فى الكرسى

يلا بقى عايزة تغنى طالع يا ناس بكره براءة بتاعت اللمبى

دلوعه اهلاويه

22-10-2007, 07:38 PM

14//شوفتى سهر قبل كده !!! دا انتى نفسك حلوه اوى بس انتى شكلك كده بتروحى طنطا كتير صح؟؟

شوفت صورتها وشافت صورتى .... يا ذكى .... هههههههههههه

ومالها سهر بقي انشاء الله

هدى الاهلاوية

22-10-2007, 08:20 PM

هانت يا هدى بكره اخر يوم ليكى فى الكرسى

يلا بقى عايزة تغنى طالع يا ناس بكره براءة بتاعت اللمبى

طالع يا ناس بكرة براءة ..... هنام وهصحى على رواقة
راجع لبيتى ولسريرى راجع لفوطتى وبشكيرى .......
يا ..... يا نهاااااااااار

هدى الاهلاوية

22-10-2007, 08:22 PM

14//شوفتى سهر قبل كده !!! دا انتى نفسك حلوه اوى بس انتى شكلك كده بتروحى طنطا كتير صح؟؟

شوفت صورتها وشافت صورتى .... يا ذكى .... هههههههههههه

ومالها سهر بقي انشاء الله

زى الفل يا سهورة ...... معليش متضايقين عشان هما مشافوكيش يا جميل وانا شوفتك ..........

samoha

22-10-2007, 08:25 PM

كفاااااااااااااااااااره يامعلمه
الحته وحشه من غيرك
الله يجازي اللي كان السبب ويوقفله في كل خطوه..............سلامه

هدى الاهلاوية

22-10-2007, 08:31 PM

كفاااااااااااااااااااره يامعلمه
الحته وحشه من غيرك
الله يجازي اللي كان السبب ويوقفله في كل خطوه..............سلامه

ويوقفله فى كل خطوة كرسى ....... هههههههههههههههههههه

samoha

22-10-2007, 08:35 PM

ده عشان يستريح عليه ولا ايه
اشكرك بشده
وسمداالا علي الحلامه

walix ! l.e.d.a

22-10-2007, 08:53 PM

هدى الاهلاوية

22-10-2007, 09:02 PM

يلا بقى يا هدى انتى خلاص برااااااااااااااااااااااءة

ميرسى دا على ضيافتك لينا على الكرسى وفعلا كنتى ضيفة خفيفة علينا قووى وكنتى مثال للمشرفة الصح فى الزمن الصح
هههههههههههههه

ميرسى كمان مرة ويلا بقى مش عايزين نشوفك تانى هنا
ههههههههههههههه

يلا بقى يقفل الموضوع يا جماعة ونشوف عضر تانى علشان نرزل عليه بشوية اسئلة

الف شكر يا عاشق الحرية على استضافتكوا ليا على الكرسى واتمنى انى اكون فعلا كنت ضيفة خفيفة عليكوا ..... وفعلا الكرسى دة خلانى اتكلمت عن حاجات كتير اوى بصراحة وبحرية واتمنى كل الناس تعتبره كرسى فضفضة وصراحة عشان كلنا نتعرف على شخصيات بعض اكتر وميرسى للجميع ...

outforkill.2

19-11-2007, 10:29 PM

اوكى انا عاوز افهم العملية ماشية ازاى