بركات ملك الحركات
05-10-2007, 02:35 PM
http://www.boswtol.com/Upload/Pages/6_17_16_10_27_9_2007_.jpg
تشربها سادة.. تشربها زيادة مافيش فايدة، تشربها على قهوة 'بلدي' في قهوة بـ'صرة' –نياهاهاها- برضه مافيش فايدة، تشربها وإنت نايم تشربها وإنت صايم تشربها بعد الفطار مافيش فايدة.. قسمتك كده يا 'بومبو' هتعترض يعني، بعدين وماله وإنت بتتغلب من أي حد، إنت بتتغلب من الجيش -أول الدوري- والأهلي -ثالث العالم- والإسماعيلي -برازيل مصر- مش عيب يا 'بومبو'، وبعدين نتكلم بموضوعية، المسابقة لسه في أولها، هو الدرع هيدور ويطلع ما هو موجود في الأهلي.. بالراحة شوية على نفسك يا 'بومبووووووو' أحسن ييجي لك المرة دي غيبوبة ماتفوقش منها.. نياهاهاها.. نياهاها.. ههههه.. هأو أو أو!!
هكذا قال صاحبنا الأهلاوي موجها كلامه -الخالي طبعا من التشفي- لصديقنا الزمالكاوي دون مراعاة لحرمة حرقة دمه ولحظات التعاسة المقدسة ودون اعتبار لحالة صديقه الغلبان الذي لا يزال قلبه مفطورا وضغطه مرفوعا وعقله مشلولا بعد هدف 'أبو تريكة'.. اللهم اشفِه واشفِ كل زمالكاوي عليل.
ولأن صاحبنا -الأهلاوي- مغلول منذ مباراة القمة فلم يستطع أن يمنع نفسه من استفزازه وقطع عليه لحظة شروده التي ظل خلالها ينظر إلى سقف القهوة ولسان حاله يلعن الظروف التي دفعته لاعتناق المذهب الزمالكاوي، فدخل عليه بمقطوعة شعرية من أغنية 'دايما دموع' بتاعة 'حمادة هلال' وأخذ يربت على كتفه ثم قال له: 'المشكلة مش في الزمالك لأ طبعا، الإدارة محترفة وبتدفع فلوس، واللاعيبة أغلى لعيبة فيكِ يا مصر، والجماهير يا عيني على الصبر مافيش بعد كده، يبقى العيب فين؟؟! العيب فين، قول لي العيب فين، العيب في الجواد أبو كبوة، أيوه هو أبو كبوة، لأن الزمالك يتنفخ ولكنه أبدا لا يتحلل، أي نعم الواحد مش عارف الجواد ده رجليه مكسحة ولاّ إيه، بس هو العيب منه، أقول لك ركبوا له باتيناج يمكن تاخدوا الدوري نياااههههههااااا نياااههههههااا هههههه'.
ضرب الدم في رأسه ولسه هينطق، قام قايم التاني من مكانه ووقف وقال: 'بص يا بومبو ماتحرقش دمك، كفاية عليك كده تشجيع الزمالك.. حرام إنت هتموّت نفسك، خليك في الاتصالات، آه، مالها الاتصالات، زي الفل بتكسب ثلاث ماتشات وتتغلب ثلاث ماتشات، وبعدين مش هتحس بالغربة هناك، وأهي شبكة واحدة بتغطينا كلنا، أي نعم هي بتشيل أقل من شبكة 'عبد المنصف' بس مش مشكلة إن شاء الله يلعب معاكم الموسم اللي الجاي.. نياااههههههااااا نياااههههههااا هههههه'.
-حد طب يا جدعان يحوش عن الراجل الطيب ده.
قلتها بنية صافية لعل أحدهم يتدخل للدفاع ويصرف عنه هذا الـ'بريشر' الفظيع -الضغط يعني بالإنجليزي-، أو يتكلم أهلاوي عاقل بلسان حكيم، وفعلا قام صاحبنا المثقف وقام قايل: 'على فكرة منحنى أداء نادي الزمالك في تصاعد مستمر، ولاعبوه جميعهم يمتلكون مهارات فنية تضاهي وتحاكي مهارات أفضل اللاعبين الأوربيين لكن الحظ يعاندهم ولا يريد الوقوف بجوارهم، أنا بانصحهم إنهم يركنوا في حتة واسعة شوية علشان الحظ يلاقي مكان يقف فيه.. نياااههههههااااا نياااههههههااا هههههه'.
صاحبنا أعصابه اتحرقت ودمه فار، وفط قام من مكانه وعلى طريقة فيلم 'أمير الانتقام' أشار إلى خصمه الأحمر بيده ثم سكت وكأنه يبلع الكلام وقال بعد تفكير وبحث مضنٍ: 'لكل جواد كبوة يا حبيبي، احنا اتغلبنا على فكرة من الجيش الموسم اللي فات في الدور الأول بس كسبنا في الدور التاني 3-0، ونفس الأمر حصل معاكم، الزمالك يمرض يا 'كوكو' ولكنه لا يموت'!!!
جماهير الزمالك فاهمة الأمر غلط، الموضوع ليس له علاقة بالجواد والمرض، الموضوع له دعوة بروح الفريق، والكلام ده مش تهريج ولا إسطوانة مشروخة، لأن فعلا فيه حاجة اسمها روح الفانلة، بس لعيبة الزمالك لا تعرف عنها أي شيء، فكل الدلالات تشير إلى أن نادي الزمالك لا توجد لديه أي مشاكل إدارية أو فنية أو جماهيرية -على الأقل في الفترة الحالية-.. كل طلبات اللاعبين والجهاز الفني سواء الحالي أو السابق مجابة.. وكل المباريات التي خاضها الفريق زحفت خلفه فيها الجماهير، حتى اللاعبين على المستوى الفردي كلهم أسماء معروفة، إذن المشكلة فعلا في روح الجماعة.
الفترة الأخيرة حدثت عدة مواقف داخل أرض الملعب وخارجها عكست هذا، ويكفيك أن تتذكر مشهد مشادة 'عمرو زكي' و'شيكابالا' في مباراة الاتحاد في نهاية الموسم الماضي، وخناقة الشوارع اللي كانت بين 'عمرو زكي' و'جمال حمزة' على مين اللي يلعب ضربة الجزاء في مباراة الجيش، وغيره كثير، ويكفيك أن تعلم أيضا أن هناك العديد من المشاحنات حدثت في معسكر الزمالك في فرنسا وستستمر في الحدوث.
بالتأكيد هناك شيء ما يحدث في الخفاء بين لاعبي الزمالك، شيء يتعلق بصفاء النوايا والحب والمهادنة وتفضيل الغير، شيء يتعلق بروح الفريق، بذوبان الجزء في الكل، بنكران الذات، بالمكرونة بالبشاميل -معلش صيام بقى- فمشكلة الزمالك والله العظيم مش في الجواد ولا طبعا في الكبوة ولا في الحدوة، المشكلة في الروح، لو بتتشرى دي، الزمالك ياخد الدوري ثلاث سنين قدام!!
تشربها سادة.. تشربها زيادة مافيش فايدة، تشربها على قهوة 'بلدي' في قهوة بـ'صرة' –نياهاهاها- برضه مافيش فايدة، تشربها وإنت نايم تشربها وإنت صايم تشربها بعد الفطار مافيش فايدة.. قسمتك كده يا 'بومبو' هتعترض يعني، بعدين وماله وإنت بتتغلب من أي حد، إنت بتتغلب من الجيش -أول الدوري- والأهلي -ثالث العالم- والإسماعيلي -برازيل مصر- مش عيب يا 'بومبو'، وبعدين نتكلم بموضوعية، المسابقة لسه في أولها، هو الدرع هيدور ويطلع ما هو موجود في الأهلي.. بالراحة شوية على نفسك يا 'بومبووووووو' أحسن ييجي لك المرة دي غيبوبة ماتفوقش منها.. نياهاهاها.. نياهاها.. ههههه.. هأو أو أو!!
هكذا قال صاحبنا الأهلاوي موجها كلامه -الخالي طبعا من التشفي- لصديقنا الزمالكاوي دون مراعاة لحرمة حرقة دمه ولحظات التعاسة المقدسة ودون اعتبار لحالة صديقه الغلبان الذي لا يزال قلبه مفطورا وضغطه مرفوعا وعقله مشلولا بعد هدف 'أبو تريكة'.. اللهم اشفِه واشفِ كل زمالكاوي عليل.
ولأن صاحبنا -الأهلاوي- مغلول منذ مباراة القمة فلم يستطع أن يمنع نفسه من استفزازه وقطع عليه لحظة شروده التي ظل خلالها ينظر إلى سقف القهوة ولسان حاله يلعن الظروف التي دفعته لاعتناق المذهب الزمالكاوي، فدخل عليه بمقطوعة شعرية من أغنية 'دايما دموع' بتاعة 'حمادة هلال' وأخذ يربت على كتفه ثم قال له: 'المشكلة مش في الزمالك لأ طبعا، الإدارة محترفة وبتدفع فلوس، واللاعيبة أغلى لعيبة فيكِ يا مصر، والجماهير يا عيني على الصبر مافيش بعد كده، يبقى العيب فين؟؟! العيب فين، قول لي العيب فين، العيب في الجواد أبو كبوة، أيوه هو أبو كبوة، لأن الزمالك يتنفخ ولكنه أبدا لا يتحلل، أي نعم الواحد مش عارف الجواد ده رجليه مكسحة ولاّ إيه، بس هو العيب منه، أقول لك ركبوا له باتيناج يمكن تاخدوا الدوري نياااههههههااااا نياااههههههااا هههههه'.
ضرب الدم في رأسه ولسه هينطق، قام قايم التاني من مكانه ووقف وقال: 'بص يا بومبو ماتحرقش دمك، كفاية عليك كده تشجيع الزمالك.. حرام إنت هتموّت نفسك، خليك في الاتصالات، آه، مالها الاتصالات، زي الفل بتكسب ثلاث ماتشات وتتغلب ثلاث ماتشات، وبعدين مش هتحس بالغربة هناك، وأهي شبكة واحدة بتغطينا كلنا، أي نعم هي بتشيل أقل من شبكة 'عبد المنصف' بس مش مشكلة إن شاء الله يلعب معاكم الموسم اللي الجاي.. نياااههههههااااا نياااههههههااا هههههه'.
-حد طب يا جدعان يحوش عن الراجل الطيب ده.
قلتها بنية صافية لعل أحدهم يتدخل للدفاع ويصرف عنه هذا الـ'بريشر' الفظيع -الضغط يعني بالإنجليزي-، أو يتكلم أهلاوي عاقل بلسان حكيم، وفعلا قام صاحبنا المثقف وقام قايل: 'على فكرة منحنى أداء نادي الزمالك في تصاعد مستمر، ولاعبوه جميعهم يمتلكون مهارات فنية تضاهي وتحاكي مهارات أفضل اللاعبين الأوربيين لكن الحظ يعاندهم ولا يريد الوقوف بجوارهم، أنا بانصحهم إنهم يركنوا في حتة واسعة شوية علشان الحظ يلاقي مكان يقف فيه.. نياااههههههااااا نياااههههههااا هههههه'.
صاحبنا أعصابه اتحرقت ودمه فار، وفط قام من مكانه وعلى طريقة فيلم 'أمير الانتقام' أشار إلى خصمه الأحمر بيده ثم سكت وكأنه يبلع الكلام وقال بعد تفكير وبحث مضنٍ: 'لكل جواد كبوة يا حبيبي، احنا اتغلبنا على فكرة من الجيش الموسم اللي فات في الدور الأول بس كسبنا في الدور التاني 3-0، ونفس الأمر حصل معاكم، الزمالك يمرض يا 'كوكو' ولكنه لا يموت'!!!
جماهير الزمالك فاهمة الأمر غلط، الموضوع ليس له علاقة بالجواد والمرض، الموضوع له دعوة بروح الفريق، والكلام ده مش تهريج ولا إسطوانة مشروخة، لأن فعلا فيه حاجة اسمها روح الفانلة، بس لعيبة الزمالك لا تعرف عنها أي شيء، فكل الدلالات تشير إلى أن نادي الزمالك لا توجد لديه أي مشاكل إدارية أو فنية أو جماهيرية -على الأقل في الفترة الحالية-.. كل طلبات اللاعبين والجهاز الفني سواء الحالي أو السابق مجابة.. وكل المباريات التي خاضها الفريق زحفت خلفه فيها الجماهير، حتى اللاعبين على المستوى الفردي كلهم أسماء معروفة، إذن المشكلة فعلا في روح الجماعة.
الفترة الأخيرة حدثت عدة مواقف داخل أرض الملعب وخارجها عكست هذا، ويكفيك أن تتذكر مشهد مشادة 'عمرو زكي' و'شيكابالا' في مباراة الاتحاد في نهاية الموسم الماضي، وخناقة الشوارع اللي كانت بين 'عمرو زكي' و'جمال حمزة' على مين اللي يلعب ضربة الجزاء في مباراة الجيش، وغيره كثير، ويكفيك أن تعلم أيضا أن هناك العديد من المشاحنات حدثت في معسكر الزمالك في فرنسا وستستمر في الحدوث.
بالتأكيد هناك شيء ما يحدث في الخفاء بين لاعبي الزمالك، شيء يتعلق بصفاء النوايا والحب والمهادنة وتفضيل الغير، شيء يتعلق بروح الفريق، بذوبان الجزء في الكل، بنكران الذات، بالمكرونة بالبشاميل -معلش صيام بقى- فمشكلة الزمالك والله العظيم مش في الجواد ولا طبعا في الكبوة ولا في الحدوة، المشكلة في الروح، لو بتتشرى دي، الزمالك ياخد الدوري ثلاث سنين قدام!!