المساعد الشخصي الرقمي

مشاهدة النسخة كاملة : ضيفنا الان على الكرسى samoha

walix ! l.e.d.a
02-10-2007, 06:34 AM
لكل الأعضاء معنا شخصيات نتمنى أن نزيح عنها الستار يوما
لـ نتعرف عليهم أكثر ..

لـ هذا من دواعي سروري أن يعود [ كرسي الإعتراف ]
مع عضـو نعتبره ضمن لائحة الأقلام المُشعة بـ العطاء ..


ضيف كلي ثقه انه يستحق ان يكون ضيف معنا
وان نغوص معه في عالمه ونبحر في سماه
لـ نتعرف على تلك الشخصيه التي سحرتنا بـ أخلاقها أولاً
وحسن تعاملها وتميزها وبـ مشاركاتها الفعاله والمفيده معنا


تميز. بـ مواضيعه الرائعة
شخصية إتصفت بتواضعها و حضورها القوي
شخصية كلماتها تُنطق صارخة في سماء التميز
عضو تألق في سماء الشياطين حتى أصبح نجم لامع بحق
عضو مُحب للجميع و مُحب من قِبل الجميع


مواضيعه شيقة واعية ذات مستوى عالٍ و رفيع
إنسان شفافيته عالية تثير إنتباه الجميع
أثبت جدارته يتجه إلى الجميع يشاركنا آرائنا و أفكارنا
كسباً رائعاً في منتديات اهلى ديفيلز ...


رحبوا معي بـ ضيفنـا ...
[ samoha]



لن أطيل عليكم الحديث أحبتي
لأنه غني عن التعريف طبعا
وسـ أترككم معه تستمتعون بأجاباته
وتطرحون عليه ما شئتم من الأسئلة
وطبعا لا ننسى أن نبتعد بأسألتنا عن الخصوصية
وأن لا نتجاوز الخط الأحمر للضيف ..
walix ! l.e.d.a
02-10-2007, 06:38 AM
جيتك بآلأسئلـهـ والله يعينك

وجـآوب عليهم كلهم ..







آلأسئـلـهـ ..


؛؛


صـف لنـآ نفسـك في سطريـن ...؟!


؛؛


مـآذآ أضـآف لك اهلى ديفيلز ..؟! ومـآذآ أضفت لـهـ ...؟!


؛؛


حكمتك بـآلحـيــآهـ ..؟!



؛؛



قرآر إتخذتـهـ ونـدمت عليـهـ فيـمـآ بعد .. مـآهو ..؟! ..


؛؛


مـآهـي آلتـجربـهـ آلتـي تتمـنـى أن تكررهــآ ...؟


؛؛


أهم 3 أعضــآء تتـآبـعهم ...؟!


؛؛



3 هدآيـآ لـمـن تقـدمهـآ ...؟!


؛؛


مـآشعورك عنـدمـآ تـوآجـهـ شخـص لأ يستطيع تفهمك ...؟!


؛؛


كتـآب قرأتــهـ وتتمنـى مـن آلجـميــع قرآتــهـ ...؟!


؛؛


مـآذآ يعـني لك ::


:: آلبـحـر ::


:: آلغـروب ::


؛؛


مـآهـي أصعب آللحـظــآت آلتـي يحـس فيهـآ سامح بـآلعجـز عـن آلتعـبـيــر ..؟!


؛؛


مـآهو مبدأك فـي آلحيـآهـ ..؟!


؛؛


مآ آلحلم إللي تـتـمنـآهـ وإنت على يقيـن أنـهـ لـن يتحـقق ..؟!
kapo4e
02-10-2007, 06:45 AM
حبيب قلبي سامح باشا منور يا جميل الكرسي :


عاوزين نعرف بطاقتك الشخصيه ؟
samoha
02-10-2007, 05:28 PM
جيتك بآلأسئلـهـ والله يعينك

وجـآوب عليهم كلهم ..







آلأسئـلـهـ ..


؛؛


صـف لنـآ نفسـك في سطريـن ...؟!

انسان زيكم بالظبط حساس شويتين كثير التأنيب لنفسي اثق في نفسي واحيانا لا اجد هذه الثقه والحمدلله احاول جاهدا لان يرضي الله عني
؛؛


مـآذآ أضـآف لك اهلى ديفيلز ..؟! ومـآذآ أضفت لـهـ ...؟!

اكتسبت اول حاجه صداقات جديده صحيح لم يتم تفعيلها الا اني تعرفت علي شخصيات جديده اتمني ان تربطني معهم صداقه فيما بعد بجانب بعض المواضيع المميزه للاعضاء والتي تؤثر او تضيف لي جديد
وما اضفته علي ما اعتقد مش انا اللي اقدر اجاوب والؤال متروك للاعضاء كلهم بس احاول اول حاجه ان اكون مفيدا وناصحا في بعض المواقف
؛؛


حكمتك بـآلحـيــآهـ ..؟!


هي مش حكمه ولكن ليس لها الا ان تكون حكمه
وهي الايه(قل لن يصيبكم الا ماكتب الله لكم)يعني انا اعمل اللي عليا والباقي علي الله والحمدلله راض بقضائه وقدره
؛؛



قرآر إتخذتـهـ ونـدمت عليـهـ فيـمـآ بعد .. مـآهو ..؟! ..
قد يكون قار في موقف صغير ولن يترك اثر كبير غير ذلك لايوجد الحمدلله

؛؛


مـآهـي آلتـجربـهـ آلتـي تتمـنـى أن تكررهــآ ...؟

الحياه بطبيعتها متدرجه وكل وقت له تجاربه المختلفه فلايوجد من التجارب حتي الان مايجب تكراره
؛؛


أهم 3 أعضــآء تتـآبـعهم ...؟!
انا مابتبعش عضو معين بعينه ولكن انا بروح للموضوع اللي يشد الواحد وبيبدا طبعا من العنوان فهو اول ما يلفت الانتباه للموضوع
واحب اوي المواضيع التي تناقش احداث حيويه ومهمه ويوميه في حياتنا

؛؛



3 هدآيـآ لـمـن تقـدمهـآ ...؟!
بعد اذنك هازود عليهم هدايا كتير وهاديهم لكل اللي اعرفهم كويس هنا في المنتدي لانهم كلهم عندي واحد والله لاني ببساطه معرفش ولاعضو معرفه شخصيه ولكن هناك من الاعضاء من ارتاح لهم وهؤلاء الذي اعرفهم واهديهم الهدايا

؛؛


مـآشعورك عنـدمـآ تـوآجـهـ شخـص لأ يستطيع تفهمك ...؟!

بحاول اكبر دماغي منه واحيانا يصيبني بفقدان للثقه
؛؛


كتـآب قرأتــهـ وتتمنـى مـن آلجـميــع قرآتــهـ ...؟!

الصراحه انا لااهوي القرأه عشان كفايه اللي بقراه طول السنه
بس طبعا هناك كتب اتمني قرأتها مثل الكتب الدينيه الهادفه وانصحهم بقراتها ؛؛


مـآذآ يعـني لك ::


:: آلبـحـر ::
احس امامه بالاستمتاع والحريه

:: آلغـروب ::
عظمه الله وجمال خلقه

؛؛


مـآهـي أصعب آللحـظــآت آلتـي يحـس فيهـآ سامح بـآلعجـز عـن آلتعـبـيــر ..؟!

عندما اجد نفسي محاط بانتقادات واتهامات من كل اللي حوليا
؛؛

مـآهو مبدأك فـي آلحيـآهـ ..؟!

ان الله لايضيع اجر من احسن عملا
وكما تدين تدان

؛؛

مآ آلحلم إللي تـتـمنـآهـ وإنت على يقيـن أنـهـ لـن يتحـقق ..؟!
الحلم لو كبير اوي ممكن احس انه صعب اوي بس لااشعر باستحاله تحقيقه
الا بقي لوحلمت احلام غير منطقيه احلام يقظه او احلام مجانين سميها اي حاجه بقي



واضح ياريس انك بتحبني اوي
ايه التشريد ده كله
تعبتني ياراجل>>>>>>>مشكوووووووور
samoha
02-10-2007, 05:46 PM
حبيب قلبي سامح باشا منور يا جميل الكرسي :


عاوزين نعرف بطاقتك الشخصيه ؟

وربنا ياكابو انت اللي منور يامعلم >>>>>>يلا بقي اللي ليه تار بايت يلحق يخلصه

الاسم/سامح بديع ابو يوسف
الديانه/مسلم الحمد لله
تاريخ الميلاد/23/12/1986(سري للغايه يابشررررررر يعني مايطلعش متدي تاني هههههه)
العمر/20سنه و10شهور
الوظيفه/طالب (علي ماتفرج)بهندسه طنطا الفرقه الثالثه بعد سنه اعدادي هندسه
بركات ملك الحركات
02-10-2007, 05:58 PM
منور يا قمر شعورك اية وانتا على كرسى الاعتراف انت حبيت كام مرة فى حياتك
هدى الاهلاوية
02-10-2007, 06:06 PM
هاى كابتن سامح ....... هاو ار يوو ؟؟؟؟

قولى بقة .......

انت قسم ايه فى كلية هندسة ؟؟ يمكن افيدك انت عارف طبعا ان خيرى عالجميع مش عايزين نتكلم عن نفسنا

ايه رأيك فى فى كلية الهندسة وهل هى كانت حلم حياتك ؟؟

ايه رأيك فى سياسة الحكومة المصرية ؟؟http://www.m5zn.com/uploads/a61ae860ac.GIF (http://www.m5zn.com)http://www.m5zn.com/uploads/a61ae860ac.GIF (http://www.m5zn.com)http://www.m5zn.com/uploads/a61ae860ac.GIF (http://www.m5zn.com)


ما احلى يوم فى حياتك
ما رايك فى الحب من اول نظره
ما احدث نكته
ما هى الحياه بالنسبه لك
من اقرب صديق لك
احلى مكان تحبه
ما اسم حبك الاول والحالى
ماذا تفعل فى هذين الموقفين؟
اذا احببت ووجدت انه لم يحبك
اذا احبك شخص وانت لم تحبه
لمــــــــــــــــن تقول ؟
ما بلاش نتكلم فى الماضى:
نسيانك صعب اكيد:
كن صديقى:
بحبك:
كذاب:
مع السلامه:
افتكرنى:
كرهتك:
سامحتك:
زعلان منك:
نور عينى:
دول اللى انت كنت عايز تتسالهم لحد هنا كدة
لو حبيت وعرفت ان صاحبك بيحب حبيبتك فى نفس الوقت تصرفك ايه؟
ايه رائيك فى البنت اللى بتعترف للولد بحبها الاول ؟ رائيك بصراحه؟
ايه اكتر المواقف اللى بتفتكرها وتضحك؟
احلى هديه جاتلك لحد الان ايه هى؟
لو بقيت وزير هتختار وزاره ايه و هتعمل ايه
مين الى احسن صداقه ثانوى ولا صداقه الجامعه؟؟ومين الى بيدوم اكتر؟
احسن ايام حياتك وانت فى الثانوى ولا وانت فى الجامعه؟
مين الى اقربلك صحابك ولا حبيبتك؟

جاوب على دول على ما احضر الاسئلة اللى بعدها بسرعة فاهم ولا لأ ؟؟؟
اوعى تغش ........
قدامك خمس دقايق ........
samoha
02-10-2007, 10:37 PM
منور يا قمر شعورك اية وانتا على كرسى الاعتراف انت حبيت كام مرة فى حياتك

اهلا ياسيدي شعوري بقي فوق المريب >>منك لله ياللي في بالي
السؤال بقي ياريس>>>>>>ولامره
samoha
02-10-2007, 11:23 PM
هاى كابتن سامح ....... هاو ار يوو ؟؟؟؟

قولى بقة .......
اقولك ايه صبرك عليا لما انزل من علي الكرسي
انت قسم ايه فى كلية هندسة ؟؟ يمكن افيدك انت عارف طبعا ان خيرى عالجميع مش عايزين نتكلم عن نفسنا

انتي هتقوليلي خيرك طبعا علي الدنيا كلها بدلاله الهدايا الفظيعه اللي نازله رف عليكي واخرها الفاااار فاركاه طبعا وانا بقي ياهندس في قسم قوي والات كهربيه الفرقه التالته وفعلا عايز منك خدمه
ايه رأيك فى فى كلية الهندسة وهل هى كانت حلم حياتك ؟؟
كفايه الاسم بس ياهدي مش عارف لما حد بيسالني انت في كليه ايه واقوله هندسه الاقيه بيقولي بسم الله ماشاء الله كاني عملت اللي مايتعملش ومن ناحيه تانيه هي كليه مهمه جدا جدا جدا ومستقبلها كويس للي ربنا يوفقه وطبعا كانت حلم حياتي بس الاول كان نفسي هندسه البترول بس ربنا مايسرش بفارق1%بس الحمدلله علي كل حاجه

ايه رأيك فى سياسة الحكومة المصرية ؟؟http://www.m5zn.com/uploads/a61ae860ac.GIF (http://www.m5zn.com)http://www.m5zn.com/uploads/a61ae860ac.GIF (http://www.m5zn.com)http://www.m5zn.com/uploads/a61ae860ac.GIF (http://www.m5zn.com)


مش كفايه انتي السبب في اللي انا فيه عايزه كمان تخليهم يعتقلوني بلاش سيايه ياطنط ماشي
بس مش هاكسفك هرد بكلمه واحده حرام يبقي ده حال البلد الوحيد التي ذكرت في القران اكثر من مره وربنا يجازي اللي كان السببما احلى يوم فى حياتك

ما رايك فى الحب من اول نظره
ده مش حب ده اعجاب ولو شاف واحده احلي هيتخيل انه حبها وان دي اللي عليها العين

ما احدث نكته
انتي طبعا هو في اكتر منك نكته>هع هع هع هع هاااااااااااااااااااي
بصي ياستي هي مش اخر نكته بس هي نكته وخلاص
مهندس كهرباء (زي كده)شاف سلك عريان اتكسف اوي
جاري البحث عن نكته لمهندسن عماره
ما هى الحياه بالنسبه لك
حاليا مستقبلي فقط
من اقرب صديق لك
صديق لي في كليه الطب
احلى مكان تحبه
مفيش مكان معين بس احب الاماكن المفتوحه
ما اسم حبك الاول والحالى
لا في اول ولا في حالي وبجد والله بس هو كان ممكن اعجاب وراح لحاله
ماذا تفعل فى هذين الموقفين؟
اذا احببت ووجدت انه لم يحبك
صعب جدا الاحساس ده بس ده قضاء الله والنصيب ليس معاها ولعل الله اراد لي في غيرها خيرا
هو ده اللي لازم يتقال ساعتها
اذا احبك شخص وانت لم تحبه
ده بقي اصعب لاني هاحس اني ظالم بس هاحاول اتجنبها خالص وتجنب النظر لها اصلا
لمــــــــــــــــن تقول ؟
ما بلاش نتكلم فى الماضى:
دي بتاعه عمرو دياب وانا مابقلدش حد
لاي حد زعل مني وخلاص صلحنا كل حاجه
نسيانك صعب اكيد:
دي بردهة بتاعه مغني برده ومليش دعوه بيها
بس ممكن اقولها لعزيز علي قلبي
كن صديقى:
لصديقي طبعا
بحبك:
حاليا بابا وماما ويارب يرضوا عني لان رضاهم يعني رضا ربنا(قولي امين ماشي)
كذاب:
مفيش بس ممكن تتقال طبيعي لاي حد بيكدب عليا
مع السلامه:
واحد خاين
افتكرنى:
شخص بحبه وحاسس اني مش علي باله
كرهتك:
مفيش الحمدلله معرفش الكره القاسي ده
سامحتك:
ممم سامحتك جايه من سامح واخد بالك كويس ولا ايه
واحد غلط في حقي واعتذر
زعلان منك:
واحد عشمان فيه خير وخيب ظني فيه
نور عينى:
اكيد اهلي برده ولو حتي حصل خلاف مع اي منهم بس تخيل نفسك من غيرهم هتبقي ولاحاجه
دول اللى انت كنت عايز تتسالهم لحد هنا كدة

هاتي اللي عندك هو انا عملت فيكي ايه ربنا علي الظالم والمفتري وواحده كمان في بالي
لو حبيت وعرفت ان صاحبك بيحب حبيبتك فى نفس الوقت تصرفك ايه؟
الصراحه مش عارف ساعتها ايه اللي هيحصل بس اهم حاجه تتعمل تشوف هي عايزه مين فينا وساعتها لازم ارضي بالواقع ولو عايزاه هو يبقي خلاص ده نصيب هابعد عنه شويه لحد ما الامور تتنسي شويه وبعدها عادي خالص بس لو هو حبها وهو عارف ان انا بحبها يبقي انا اكيد كنت غلطان اني اخترته صاحب اصلا

ايه رائيك فى البنت اللى بتعترف للولد بحبها الاول ؟ رائيك بصراحه؟
قصدك يعني تقوله انه كان في حياتها حب اول دي تبقي هايله جدا وعايزه حياتها بلا غش ولا خدااااع
اما لوقصدك انها تصرحله انها بتحبه تبقي قللت من كرامتها كتير عشان هيبقي شكلها وحش لوقالها وانا مبحبكيش
[COLOR="Blue"]علي فكره انا مش متعود اتكلم في الحاجات دي وتقريبا دي من المرات القلائل اللي اتكلمت فيها عن الاجات دي بس يلا نيفير
ايه اكتر المواقف اللى بتفتكرها وتضحك؟
الصراحه مش فاكر حاجه دلوقتي
احلى هديه جاتلك لحد الان ايه هى؟
ولاحاجه لاني مفيش بيني وبين اصحابي هدايا
لو بقيت وزير هتختار وزاره ايه و هتعمل ايه
الصراحه حاليا عشان انا عايش الحته دي هبقي وزير النقل لاني بيطلع عيني وانا مسافر لاني بسافرالقاهره اليومين دول واجارك الله بقي من قرف المواصلات والزحمه
واصلا بقي كل الوزارات عايزه ناس عندها ضمير بجد وناس حاسه بالشعب بجد والل اعلم مين فيهم دلوقتي كده
هاعمل ايه بقي>>>>>لما ابقي وزير اقولك
مين الى احسن صداقه ثانوى ولا صداقه الجامعه؟؟ومين الى بيدوم اكتر؟
مش بالمقياس ده الصداقه اللي بتدوم الصداقه اللي بجد
والباقي ممكن يتقال عليه زماله يعني تتنتهي بمجرد انتهاء المرحله
احسن ايام حياتك وانت فى الثانوى ولا وانت فى الجامعه؟
الجامعه اكتر شويه لان الثانوي بيبقي الضغط فيه عالي اوي مش الضغط بتاع الفيزياء هاه

مين الى اقربلك صحابك ولا حبيبتك؟
لما تبقي تيحي ابقي اقولك ماااااااااشي
بس المفروض تبقي هي اقرب لانها هتبقي جزء من حياتك القادمهجاوب على دول على ما احضر الاسئلة اللى بعدها بسرعة فاهم ولا لأ ؟؟؟
اخرك معايا كده انا تعبت خلااااااااااااص
اوعى تغش ........
قدامك خمس دقايق ........
متقلقيش مش هزود عن ال5ايام ولاثانيه

ياريت بقي ماشوفكيش هنااا تاني بليز يعني
هدى الاهلاوية
03-10-2007, 02:00 AM
للاسف مش مسموحلى انى اسالك غير مرة واحدة ........
بس هتبقى تشوفنى هنا برضه ......... هدخل اضحك عليك لما حد يزنقك فى سؤال ماتعرفش تجاوبه ...... ههههههههههههههه
walix ! l.e.d.a
03-10-2007, 02:06 AM
هي مش حكمه ولكن ليس لها الا ان تكون حكمه
وهي الايه(قل لن يصيبكم الا ماكتب الله لكم)يعني انا اعمل اللي عليا والباقي علي الله والحمدلله راض بقضائه وقدره
؛؛


سيدى الفاضل نرجو دقة الكلام فى القراءن الكريم حتى لايعتبر تحريفا

بسم الله الرحمن الرحيم

وقل لن يصيبنا الا ما كتب الله لنا
صدق الله العظيم
samoha
03-10-2007, 04:42 PM
سيدى الفاضل نرجو دقة الكلام فى القراءن الكريم حتى لايعتبر تحريفا

بسم الله الرحمن الرحيم

وقل لن يصيبنا الا ما كتب الله لنا
صدق الله العظيم

اشكرك علي الملاحظه
وهي ممكن تكون جات سهوا
اللهم نعوذ بك من انفسنا فاغفر لنا وارحمنا
samoha
03-10-2007, 04:45 PM
للاسف مش مسموحلى انى اسالك غير مرة واحدة ........
بس هتبقى تشوفنى هنا برضه ......... هدخل اضحك عليك لما حد يزنقك فى سؤال ماتعرفش تجاوبه ...... ههههههههههههههه

الحمد لله جات من عندهم
بس ماتقلقيش مش هاتزنق اصلا
وبكره يجيلك يوم وتعدي علي الكرسي وابقي شوفي اللي هيحصلك
سلااااااام ياكابتن
دلوعه اهلاويه
03-10-2007, 10:50 PM
هاااااااااااااااااااااااااالو ساموحه

ايه شعورك وانت علي الكرسي ههههههههه

بص بقي انا جيبالك شويه اسئله بسيطه جدا علي قدك يعني

وكفايه اللي هدي عملته فيك

1/

انا عاوزه اعرف انت جبت كام في الثانويه العامه في المرحلتين
وكمان ايه تقديراتك في الكليه؟؟؟
ولو كنت دبلرت سنه قول برده وانا هستر عليك؟؟



2/

مين اللي عرفك علي اهلي ديفلز؟؟ وايه اكتر حاجه بتحبها في المنتدي ؟؟؟




3/

لو حصلك اي مشكله تحب تقولها له وتحس انه هيفيدك ومش هيضرك



كفايه عليك كده حاجه بسيطه

انت لسه مارتحتش من الاسئله اللي فاتت
samoha
04-10-2007, 10:21 PM
هاااااااااااااااااااااااااالو ساموحه

ايه شعورك وانت علي الكرسي ههههههههه

هههههههه براحتك اوي مسيرك تقعي في يووم

بص بقي انا جيبالك شويه اسئله بسيطه جدا علي قدك يعني

وكفايه اللي هدي عملته فيك


انتي عتقوليلي ربنا علي المفتري 1/

انا عاوزه اعرف انت جبت كام في الثانويه العامه في المرحلتين
وكمان ايه تقديراتك في الكليه؟؟؟

تؤتؤتؤتؤتؤتؤ>كده خطر عليكي
بس مش مشكله انا ياستي جبت96.5%في الثانويه العامه(اوعي تقري لاحسن تجيبيني الارض )
وده المجموع في السنتين علي بعض اما كل ثانيه وثالثه جبت 95.5%زي بعض يعني ووواحد مستوي رفيع بقيت96.5
"]اما الكليه ياستي (ليه الاحراج ده بقي )اعدادي هندسه عشان اول سنه فكانت مقبول جدا ههه
واولي وتانيه الحمدلله جيد مرتفع>>>>ده انتي رخمه بشكل>هع هع هع هااااااي
ولو كنت دبلرت سنه قول برده وانا هستر عليك؟؟
عييييييييييييييب مش سامح اللي يدبلر ياطنط

2/

مين اللي عرفك علي اهلي ديفلز؟؟ وايه اكتر حاجه بتحبها في المنتدي ؟؟؟

عرفته عن طريق كليب لقيت اسم الموقع عليه فدخلت واشتركت
واحلي حاجه فيه ان انا عرفت اصدقاء جداد وبقضي وقت لذيذ جدا معاهم في المنتدي

3/

لو حصلك اي مشكله تحب تقولها له وتحس انه هيفيدك ومش هيضرك[/COLOR]

لومشكله لاتتعلق بالمور الشخصيه اقولها لصاحبي انتيمي ولوشخصيه اوي مبقولش لحد واحيانا ممكن لماما

كفايه عليك كده حاجه بسيطه
ياسلاااااااااااااام ياريت كلهم زيك ياسهر والله
انت لسه مارتحتش من الاسئله اللي فاتتعلي رايك منه لله اللي كان السبب


اي خدمه ياسهررررررررر منوررررره
هدى الاهلاوية
04-10-2007, 10:27 PM
سامح ازيك حمد الله عالسلامة بقالك فترة غايب والله قلقت عليك
وكمان ماكنتش عارفة اغلس على مين ........ هههههههههههههههههه
انت كنت بتقول عايز منى خدمة يا سلالالالالام رقبتى بس حدودك معايا 20 جنيه هههههههههههههههه
قول بجد اى خدمة عايز ايه ...........
samoha
05-10-2007, 02:24 PM
سامح ازيك حمد الله عالسلامة بقالك فترة غايب والله قلقت عليك
وكمان ماكنتش عارفة اغلس على مين ........ هههههههههههههههههه
انت كنت بتقول عايز منى خدمة يا سلالالالالام رقبتى بس حدودك معايا 20 جنيه هههههههههههههههه
قول بجد اى خدمة عايز ايه ...........

شكرا ياهدي علي سؤالك وانا تمام الحمد لله اصل النت عمل معايا حركه مش ولابد وقطع يوم ونص وبليل بتبقي فتره دخولي قليله عشان رمضان والذي منه و كل سنه وانتي طيبه بقي
بس جايه علي نفسك كده ليه 20جنيه كتير اوي اللي انا عايزه هما 2جنيه عشان مزنوق ي ازازه بيبسي ومولتو >>>>>>هع هع هاي
بما انك شغاله يعني (زي ماقلتي )وبما انك يعني سمعتهم بيقولولك يابشمهندسه
فياريت لو في مجال شغلك اي مهندس كهرباءقوي شغال معاك يعني ياريت تحولي توصليني بيه (ده بعد اذنه الاول)حتي لو خلال الايميل
معلش هاتعبك معابا >>>>>>مانتي بره بتغلسي عيا يبقي كده خالصين مؤقتا
هدى الاهلاوية
05-10-2007, 02:40 PM
شكرا ياهدي علي سؤالك وانا تمام الحمد لله اصل النت عمل معايا حركه مش ولابد وقطع يوم ونص وبليل بتبقي فتره دخولي قليله عشان رمضان والذي منه و كل سنه وانتي طيبه بقي
بس جايه علي نفسك كده ليه 20جنيه كتير اوي اللي انا عايزه هما 2جنيه عشان مزنوق ي ازازه بيبسي ومولتو >>>>>>هع هع هاي
بما انك شغاله يعني (زي ماقلتي )وبما انك يعني سمعتهم بيقولولك يابشمهندسه
فياريت لو في مجال شغلك اي مهندس كهرباءقوي شغال معاك يعني ياريت تحولي توصليني بيه (ده بعد اذنه الاول)حتي لو خلال الايميل
معلش هاتعبك معابا >>>>>>مانتي بره بتغلسي عيا يبقي كده خالصين مؤقتا

يا خبر ابيض بس كدة حاضر من عينيا بس هى ممكن تبقى مهندسة بس قديمة دفعة 2000 وان شاء الله هتستفيد منها هخدلك الايميل منها فى اقرب وقت ان شاء الله ...............
samoha
05-10-2007, 04:14 PM
يا خبر ابيض بس كدة حاضر من عينيا بس هى ممكن تبقى مهندسة بس قديمة دفعة 2000 وان شاء الله هتستفيد منها هخدلك الايميل منها فى اقرب وقت ان شاء الله ...............

شكرا ياهدي مش مهم هي او هو دفعه كام حتي لو من ايام سيدنا بم بم مش مشكله
اهم حاجه انها تكون موجوده في سوق العمل
ولو هيبقي فيها احراج مش مشكله خالص
شكرا تاني ياهدي<<<<<<<معلش عشان بتكلم بطريقه مؤدبه دلوقتي بس اوعدك في اقرب وقت هاغلس وارخم من جديد هع هع هع هع هااااااااااااي
هدى الاهلاوية
05-10-2007, 04:20 PM
شكرا ياهدي مش مهم هي او هو دفعه كام حتي لو من ايام سيدنا بم بم مش مشكله
اهم حاجه انها تكون موجوده في سوق العمل
ولو هيبقي فيها احراج مش مشكله خالص
شكرا تاني ياهدي<<<<<<<معلش عشان بتكلم بطريقه مؤدبه دلوقتي بس اوعدك في اقرب وقت هاغلس وارخم من جديد هع هع هع هع هااااااااااااي


ماشى يا اخويا غلس ورخم براحتك ............ ههههههههههههه
مفيش احراج ولا حاجة
samoha
05-10-2007, 04:40 PM
الرخامه دي اساسي عندي ماهو بسببك وبسبب ال100سؤال بتوعك ولا واحد لحد دلوقتي عبرني بسؤال تقريبا خلصتي الاسئله كلها
الله يكرمك يارب
walix ! l.e.d.a
07-10-2007, 03:47 AM
انتا قلبت الكرسى يا سامح كافية ولا ايه هايصة معاك يا عم محدش بيسئلك كتير يا بختك يا عمنا
samoha
07-10-2007, 01:24 PM
شوفت بقي اهو شفت شغلانه تانيه للكرسي يسترزق منها بدل ماهو مفيش حد معبره خالص ولاحتي بسؤال
بس كده احسن مع ان العدد اللي سال قليل بس طلعوا عيني وبالذات هدي الله يكرمها
walix ! l.e.d.a
08-10-2007, 04:49 AM
خلاص هانت انتا هتنزل يوم الوقفة من على الكرسى علشان تلحق تعيد على اصحابك واحبابك بدل ما انتا مربوط بالكرسى كده

وكل سنة وانتا طيب يا فريند
samoha
08-10-2007, 04:53 PM
ههههههههههههه
ماشي ياعم ربنا يخليك هتديني فرصه اخلع قبل العيد اهه
يلا ياجماعه اللي عايز يسال يخلص قبل العيد
يامسهل
samoha
08-10-2007, 07:38 PM
حبيب قلبي سامح باشا منور يا جميل الكرسي :


عاوزين نعرف بطاقتك الشخصيه ؟

علي فكره ياكابو نسيت اكتب في البطاقه
ان انا اخ ل3 بنات وانا اصغرهم >يلا ياعم اي خدعه
sahiro
08-10-2007, 08:24 PM
اذيك يا واد يا سامح .. معلش يا عسل أتأخرت عليك عشان الظروف العصيبه اللى بمر بيها

زمانك كنت فرحان وانا بعيد عن المنتدى .. منا عارفك ..

المهم الكرسى منور بيك يا معلم .. اسئلتى يا باشا ..

انتا متعصب للأهلى ولا لأ .. ؟؟ ايه رأيك فى التعصب عامة ؟؟

حبيت كام مره فى حياتك .. ؟؟ من اول ما عرفت حاجه اسمها حب غيرت رأيك فيه لحد دلوقتى مع الايام ولا لأ ؟؟

لو كان نفسك يبقى ليك اسم غير سامح ............ ؟؟ ساهر مثلا .. عايز اجابه محدده ...

أكتر عضو بتفرح اما تلاقيه موجود فى المنتدى .. ؟؟ فكرت فى طلب الاشراف ولا لأ ؟؟ اجابات محدده

كل سنهـ .. وانتا طيب يا معلم .. اخوك الكبير .. ساهر
فارس
09-10-2007, 03:30 PM
اسئله بسيطه

1- مارايك فى المنتدى الان ؟

2- هل هناك افكار عندك لنطوير المنتدى ؟

3- احنا عالم تافهه بدليل كثره المشاركات فى الالعاب .... هل توافقنى ام ان هذه هى ثقافه العصر؟

4- ما معنى ان امدحك ولم اكلمك يوما .... وما معنى ان ازمك لاختلاف وجهات النظر؟

5- هل تجد ان كثره المديح تضايق ام انك تتلذذ بهذا ؟

6- ما احساسك والكرسى توقفت الاسئله فيه بعض الوقت ؟

7- هل تتقبل النقد والى اى مدى توافق ؟

8- لو عندك ورقه وقلم ماذا سوف تكتب ؟

9- ماهى احلامك للمستقبل ؟

كفايه دول
samoha
09-10-2007, 06:42 PM
اذيك يا واد يا سامح .. معلش يا عسل أتأخرت عليك عشان الظروف العصيبه اللى بمر بيها
[COLOR="Red"]ولايهمك ياحبيبي بس واحشني والله ويارب الظروف تعدي علي خير يارب
زمانك كنت فرحان وانا بعيد عن المنتدى .. منا عارفك ..

مش هتبطل طوله لسان طبعا كنت طاير من الفرح عشان مستريح منك المهم اوعي تغيب تاني مااااشي ولا ........
المهم الكرسى منور بيك يا معلم .. اسئلتى يا باشا ..

اه عارف ان الكرسي منور شوفلك غيرها

انتا متعصب للأهلى ولا لأ .. ؟؟ ايه رأيك فى التعصب عامة ؟؟

لا مش متعصب خالص والتعصب الاعني تقدر تسميه تخلف وجهل وممكن يوصل لقله ادب

حبيت كام مره فى حياتك .. ؟؟ من اول ما عرفت حاجه اسمها حب غيرت رأيك فيه لحد دلوقتى مع الايام ولا لأ ؟؟
[COLOR="red"]
ممكن كان اعجاب انما حب لسه مفيييييييييييييييييييييييييييييييش (ده انت رخم اوي)


لو كان نفسك يبقى ليك اسم غير سامح ............ ؟؟ ساهر مثلا .. عايز اجابه محدده ...
ساهر ايه ياعم فال الله ولا فالك لو مش سامح يبقي محمد علي اسم الحبيب صلي الله عليه وسلم

أكتر عضو بتفرح اما تلاقيه موجود فى المنتدى .. ؟؟ فكرت فى طلب الاشراف ولا لأ ؟؟ اجابات محدده

انا بفرح لما الاقي معظم الاعضاء اللي عارفهم موجودين في وقت واحد
والاشراف مفكرتش فيه خااااااااالص

كل سنهـ .. وانتا طيب يا معلم .. اخوك الكبير .. ساهر
وانت طيب يالمض
اخوك الكبير سااااااااااااامح




بقولك ايه ياااااااااض خش علي ده
http://www.ahlydevils.com/vb/showthread.php?t=3497
samoha
09-10-2007, 07:24 PM
اسئله بسيطه

1- مارايك فى المنتدى الان ؟

المنتدي عدده في زياده كل يوم والناس اللي فيه لذيذه جدا واحيانا ما نري بعض المواضيع امؤثره والمفيده

2- هل هناك افكار عندك لنطوير المنتدى ؟
التطوير بيبقي من الاعضاء كلها لانهم هما اللي بيثروا المنتدي بمواضيعهم الجيده ولو تطوير بالنسبه للشكل فده متروك للمؤسس وممكن الاشراف


3- احنا عالم تافهه بدليل كثره المشاركات فى الالعاب .... هل توافقنى ام ان هذه هى ثقافه العصر؟

معلش انا مش معاك خالص احنا مش عالم تافهه احنا عالم بتحاوزل تهرب او تخفف من زحمه الحياه وكثره مشاكلها باي حاجه تروح عن النفس وفب اخر الليل بالذات مننا من يريد ان يروح عن نفسه بعد يوم طويل قد يكون متعب وشاق زبه بعض المشاكل وكمان الشعب المصري بطيعته كوميدي وحاول الخروج من المحن بالضحك ودي شهاده من ناس كتير بس الموضوع لم يصل لحد التفاهه لان كما نشارك في الالعاب نشارك في المواضيع الاخري ولكن الالعبا اكثر لانها مستمره والردود فيها مختلفه ومتجدده وسريعه

4- ما معنى ان امدحك ولم اكلمك يوما .... وما معنى ان ازمك لاختلاف وجهات النظر؟
ان تمدحني ولم تكلمني يوما فانك منافق وقد يكون لك مصلحه شخصيه معايا
اما ان تذمني لاختلاف وجهات النظر فانك ضعيف جدا ولا تقوي علي فرض وجهه نظرك او حتي الاستماع للخرين وكل اهتمامك ان تفرض نفسك فقط
فانت مريض

5- هل تجد ان كثره المديح تضايق ام انك تتلذذ بهذا ؟

اذا زاد الشئ عن الحد ينقلب لضده وكثره المديح لا تسعدني اطلاقا

6- ما احساسك والكرسى توقفت الاسئله فيه بعض الوقت ؟

عادي جدا يعني معظم اللي رشحوني للكرسي سالوني والباقي قد لا يكون مهتم بي او لا يعرفني او لا يدخل علي الموضوع من اساسه وده لايفرق معايا اي شئ خالص
بس كاكدبش عليك اني لما الاقي اعضاء مهتمه وبتسال وبتتجاوب مع الموضوع اكيد ببقي مبسوط

7- هل تتقبل النقد والى اى مدى توافق ؟

النقد البناء وان يكون بطريقه جيده في حدود الادب
واوافق عليه الي ان يتحول لنوبيخ او اتهام عند ذلك هناك تصرف اخر

8- لو عندك ورقه وقلم ماذا سوف تكتب ؟
هاكتيب حاجتين ياتري ربنا راضي عني ولا لا
والحاجه التانيه مستقبلي عاما ازاي وازي اخططله بطريقه جيده

9- ماهى احلامك للمستقبل ؟
اكيد زي اي شاب
انا نفسي ربنا يوفقني في وظيفه وتكون في مجال تخصصي الهندسه يعني واكيد بعدها يرزقني بزوجه المستقبل وان تكون علي قدر من الخلق والتدين والجمال
كفايه دول
ايه ياراجل هو لسه في حاجه تانيه ولا ايه
يابخت من زار وخفف


منور يافارس والله واسئلتك جميله
دلوعه اهلاويه
09-10-2007, 10:16 PM
ههههههههههههههه


فرحانه فيك اوى يا سامح



بس اقولك حاجه بصراحه


انت اجباتك عشره علي عشره

والله المره دي بالذات والوحيده اللي مش بهزر فيها معاك
فارس
09-10-2007, 10:56 PM
امممممممممممم لا واضح انك عقليه ناضجه وابهرتنى بردودك

طيب شويه تانيين

1- موقف من الحياه تتذكره باستمرار

2- احكيلنا ازاى الزمالك يخرج من كبوته وهل هذا ممكن

3- لو حدث ورايت مثلا وكنت فى اتوبيس امراه واقفه وفتاه ورجل عجوز ... موقف صعب تقوم تقعد مين ... فكر واختار

4 4- لماذا نشعر الان ان الشباب بدا يبتعد عن السياسه والدين وبدا يعتم بامور اخرى .. هل عندك نفسير

5- ما رايك فى عدم اختيار الاهرامات فى عجائب الدنيا الجديده ... هل هو نوع من تهميش مصر

6- لو ارادت ان تعيش مع شخص واحد .... من تختار ولماذا

7- هل انت مستعد للقاء الله .... ام لا .... وهل تحتاج ان تفيق ... متى

مش قصدى اعصرك اسئله بس انا عارف ان اللى على الكرسى بيحب يتسال
samoha
10-10-2007, 05:50 PM
ههههههههههههههه


فرحانه فيك اوى يا سامح



بس اقولك حاجه بصراحه


انت اجباتك عشره علي عشره

والله المره دي بالذات والوحيده اللي مش بهزر فيها معاك

اللهم لاشماته ياسهر مسيرك تقعي في يوم ياطنط وهتشوفي هيحصلك ايه

وشكرا جدا علي صراحتك المره دي وياريت يتبقي كده علي طول وتبطلي طوله لسان ماشي

وشكرا علي مشاركتك الجميله ورايك في الردود
samoha
10-10-2007, 06:29 PM
امممممممممممم لا واضح انك عقليه ناضجه وابهرتنى بردودك

شكرا يا دوك علي رايك المبالغ فيه بس احب اضيف ان اجابات اي حد معظمها نابع من تجارب في الحياه بجانب العقليه طبعا
طيب شويه تانيين
كده مخااااالف ياكوتش ولو الريس عاشق الحريه عرف احتمال يعلقني وطبعا هينوبك من الحب جانب
بس ولا يهمك كله يعدي وفرصه اهو مش موجود الحق اجاوب قبل مايطل علينا بطاعته البهيه
1- موقف من الحياه تتذكره باستمرار

الصراحه مفيش حاجه معينه بس في كذا موقف يخلي الواحد ياخد باله بعد كده واكثر المواقف هي اللي بتبقي مزنوق وي فيها وبترجع علي طول لربنا وتبقي فاكره طول الوقت وبعديها بتنساه ولنا تفتكر الموقف تعرف ازاي انت بعيد عن ربنا
ومن المواقف برده شئ يعرضك للاحراج او انتقاد من اللي حولك فيخليك بعد كده تبقي واخد بالك من كلامك

2- احكيلنا ازاى الزمالك يخرج من كبوته وهل هذا ممكن

مفيش شئ مش ممكن الزمالك عايز ناس بيحبوا بعض مش ناس كل واحد فيهم عايز يبقي هو اللي في الصوره يعني مفتقد للعمل الجماعي ده بالنسبه للاداره واللعيبه كمان
والاداره بالذات لازم كمان تبقي هاديه شويه مش كل ماتتفاوض مع لعيب نلاقي تاني يوم في الصحف فلان في الزمالك وبعد كام يوم نلاقيه في الاهلي (واه من الاهلي المكار) يعني من الاخرؤ الزمالك عايز حد فاهم كوره كويس اوي اوي مش فلوس وخلاص
3- لو حدث ورايت مثلا وكنت فى اتوبيس امراه واقفه وفتاه ورجل عجوز ... موقف صعب تقوم تقعد مين ... فكر واختار

dمش صعب ولحاجه العجوز اولي طبعا ومش عايز اقولك لولاقيت مراه وفته بس ممكن اتردد قبل ما اقوم لحد عشان ببقي صدقت ان اقعد بس ممكن اقوم للمراه ولو فتاه بس والله بقي حسب الفتاه

4 4- لماذا نشعر الان ان الشباب بدا يبتعد عن السياسه والدين وبدا يعتم بامور اخرى .. هل عندك نفسير
بسبب نقص الوعي الديني والتربوي عند كثير من الاباء والامهات والاهتمام اولا بجمع المال والله يكون في عونهم طبعا ظروف الحياه اللي بتجبرهم علي كده وممكن تكون بسبب ياس البعض من المستقبل بالاضافه طبعا للهبل الاعلامي اللي موجوووووود



5- ما رايك فى عدم اختيار الاهرامات فى عجائب الدنيا الجديده ... هل هو نوع من تهميش مصر

طبعا وده عشان احنا مقصرين في حق نفسنا حتي مهماتنا الاصليه مقصرين فيها والشعب بيعاني اصلا من الحكومه واذا عاني شعب فهذا يساوي حكومه فاشله فكيف تنجح حكومه فاشله في الحفاظ علي مافعله الناجحون كمان لاننا بنضحك علي نفسينا وبنصدقها

6- لو ارادت ان تعيش مع شخص واحد .... من تختار ولماذا
مع زوجه صالحه
لانها ببساطه هي المستقبل وعندما تكون صالحه فاكون حياتك هادئه وجميله وكمان طبعا هنعين بعض علي الخير وارضاء ربنا

7- هل انت مستعد للقاء الله .... ام لا .... وهل تحتاج ان تفيق ... متى

الصراحه مش علي اتم الاستعداد اكيد هناك تقصير كبير جدا في حق الله

ولكني الصراحه مش محتاج حد يفوقني لاني عارف ماعلي من واجبات تجاه الله وان كنت مقصر في بعضها فلا يعني اني في توهه من حقوق الله ولكن اي حد محتاج للي يؤكد عليه هذه الواجبات فربما كنت لانعرف جميع واجباتك تجاه الله
مش قصدى اعصرك اسئله بس انا عارف ان اللى على الكرسى بيحب يتسال

ده كله ومش قصدك تعصرني امال لوعايز تعصرني كنت عملت ايه
وبعدين بعد اللي شوته علي الكرسي خدعوك فقالوا اللي علي الكرسي بيحب يتسال





منورررررررررر تااااااااني يادوك ولو في اسئله تانيه مو مشكل
بس برااااااحه عليا شويه
samoha
11-10-2007, 09:26 PM
يلا ياجماعه انا قايم بكره اللي عايز يرخم عليا ويسال يتفضل بسرعه
وكل سنه وانتم
يبيبين
هدى الاهلاوية
11-10-2007, 10:00 PM
ايه الاخبار يا سامح واضح انك مطحوووووووون ......... هههههههههههههههههه

الله يجازى اللى كان السبب .........
walix ! l.e.d.a
13-10-2007, 12:45 AM
انزل بقى من على الكرسى يا حبيبى وروح عيد وكل سنة وانتا طيب
walix ! l.e.d.a
13-10-2007, 12:45 AM
كل سنة وانتوا طيبين يا جماعة عيدكم مبارك عساكم من عوداه
samoha
13-10-2007, 06:08 PM
ايه الاخبار يا سامح واضح انك مطحوووووووون ......... هههههههههههههههههه

الله يجازى اللى كان السبب .........

مطحون دي كلمه قليله اوي علي اللي انا فيه بس معلش ياكوتش المباراه الجايه هكسب ان شاء الله

والله يجازي اللي كان السبب بقي عارفاه طبعا
samoha
13-10-2007, 06:10 PM
انزل بقى من على الكرسى يا حبيبى وروح عيد وكل سنة وانتا طيب

ماشي ياحاج اديني نازل اهه مشكر علي استضافتك ليا اسبوع
ويارب اكون كنت ضيف خفيف علي الساده الصحفيين
وكل سنه وانت طيب ياجميل وهابي فيست عليكم كلكم
samoha
13-10-2007, 11:22 PM
خلاص ياجماعه انا كده خلصت وطبعا اللي كان نفسه في حاجه عملها فيا واتشردت اخر تشريد والحمدلله
نورتوا كلكم وكل سنه وانتم طيبين كلكم وعيد سعيد يارب
ويلا بقي ياعاشق الحريه عايزين نشوف مين الضحيه الجايه