مقهى المنتدى جهز الشاى والدوميتو يا فوزى

[فارس]

هنا هنتكلم عن اى شىء فى تلك المقهى حدث غريب - حدث ممتع - حدث يومى لك

ساكون احد الدائمين على الكرسى المجاور للقهوجى حيث امسك بكوب شاى خفيف واى حد عايز ياخد كرسى ويتكلم يتكلم عن اى شىء

بس يا جماعه الجلسه بمشروب ولازم يدفع والحساب يجمع

عصير ليمون للشخص اللى داخل يا مرعى ......... براحه يا جماعه الناس اللى قاعده تزعق بشويش يا جماعه

هااااا بتقول ايه يا مرعى زبون مش عايز يدفع ؟

يا جماعه القعده بمشروب !!

[sahiro]

أنا جاى هنا بفلوسى ...
مش هتكلم ولا حاجه هاخد عصير ليمون واقوم عشان اعصابى تهدى
النتيجه اخر كلام ليها النهرده ودمى محروق .. لو نجحت ان شاء الله حساب القهوه كله عليا ..
ههههه فكره جميل يا دوكـ .. وكنت بفكر فيها .. انتظر منى مشاركه دائما فى التوبيك ده

[hassan]

موضوع جميل اوى ا..واحد عناب يلا وحجر تفاح وصبطه أ..

[™Mahmoud]

طيب يا سيدي واحد شاي خفيف سكر بره ...

[فارس]

المشاريب للكل يا بنى انا عابز اسال سؤال كده للكل ازاى تعرف البنى ادم اللى قدامك انه نصاب او محتاج فلوس فى حاله لو سالك ان تعطيه مالا

ممكن تعرف طيب لو حد طلب منك تسلفه فلوس بتعمل ايه



معسل لاول واحد هبتكلم يا مصيلحى

[sahiro]

معسلـ ايه انا ماليشـ فى الحاجات دى
وبالنسبه لسؤالكـ مش بقدر احدد والله .. افتكر فى الثانوى واحد زميلى نصب عليا
ومن شهر تقريبا واحد طلبـ منى فلوس فى الشارع وماادتهوش ..كنت فاكره نصاب ..بس بعد ما مشى حسيت انه مكنش بيكدب
مش عارف بقا نسمع رأى واحد تانى..

[فارس]

طيب نسمع اراء باقى الاخوه على المقهى

واحد ليمون للقادم

[MR.FeeeRooo]

واحد ليمون بس انا عاوز تسعه ليمون ههههههه

بالنسبه لموضوع النصب ده والله فعلا صعب جدا ان الواحد يحدد حصلت معايا كذا مره ومره منهم اديت لواحد فلوس بعد ماقالى انا مش من هنا والفلوس وقعت منه وكان شكله محترم والله وبعدها بكام يوم شوفته فى منطقه تانيه وبرضه قاللى نفس الكلام سبحان الله من ساعتها مابديش لحد حاجه بصراحه واتعلمت الادب

فين ياعم السبعتاشر ليمون اللى طلبتهم >> هى المشاريب مش على حساب صاحب القهوه ولا ايه ههههههه

[فارس]

الليمون جاى اصل بصراحه اتعمل فى حاجه زى كده و اضعت 40 جنيه وانا بتكلم وانا مقهور ........ واحد ليمون لى انا كمان اصلى دمى مقهور

[sahiro]

نطلع من موضوع النصب دا .. وندخل فى موضوع تانى
أنا من ثوانى بس كان هيجيلى سكته قلبيه وانا بضغط على كلمة ..النتيجه.. بعد ما دخلت اسمى فى موقع الجامعه
والنتيجه ظهرت .. يمكن الموقف دا مريت بيه اربع مرات من اول ما دخلت الجامعه .. بس المره دى غير كل مره ،، ظروفى كانت صعبه .. كنت متوقع مقبول او معايا ماده او مادتين .. والحمدلله جبت جيد .. توقعى الاسوأ خلى فرحتى تزيد اما لقيت نتيجه حلوة ،، الغريب ان الواحد فى ماده زى البلاغه الجزء التانى منها ما كتبتش فى الورقه ولا كلمه ليها علاقه بالمنهج ونجحت .. وفى مادة اسمها مسرح طفل ،، توقعت فيعا امتياز ،، وجبت مقبول ..... الكليه دى غريبه
يلا بقا شغلنا ،، وحياة قلبى وأفراحه ،، ووزعوا حاجه ساقعه على كل الموجودين على حسابى

[Amrousi]

مبرووك يا ساهر واحد لأ وزع شربات علي المنتدي يا بو حسن

[hassan]

انا ماخدتش انا ماخدتش ..انتو عاوزين تضحكوا عليا ولا ايه ..كلكوا عليا ولا ايه ..ههههههههه
مبروك ياساهر ..فين الشربات انا مش شايف حاجة ..

[sahiro]

ههههههههه يا جماعه انتوا اللى جيتوا متأخرين انا وزعت من شويه
انا كده هدايق انى نجحت اصلا .. بس يلا اتفضلو اقعدوا وخدوا اللى انتوا عايزبنه
والحساب يجمعـ ..
http://img.aljasr.com/icon.aspx?s=faces/guiltyhttp://img.aljasr.com/icon.aspx?s=faces/guilty

[samoha]

تلاته شيشه ولفلي اتنين ومتنساش القهوه والعصير وبعد كده هاحبس بشاي ومتنساش والنبي تلفلي اللي قلتلك عليه
الله يكرمك ياساهر يارب
دايما عاامر يامعلم
عقبال السنه الجايه وهحيلك هنا برده

[hassan]

ههههههههه يا جماعه انتوا اللى جيتوا متأخرين انا وزعت من شويه
انا كده هدايق انى نجحت اصلا .. بس يلا اتفضلو اقعدوا وخدوا اللى انتوا عايزبنه
والحساب يجمعـ ..
http://img.aljasr.com/icon.aspx?s=faces/guiltyhttp://img.aljasr.com/icon.aspx?s=faces/guilty
ماتقول كدا من الاول ..لازم يعنى هدايق ومش هدايق ..ههههههههه

[فارس]

بمناسبه كثره اعداد الوافدين الى المقهى فقد قررنا نحن مديرى المقهى ان نرفع من سعر الشاى والمطاليب ..


ياله با جماعه ورونا الهمه

مشاركات ايجابيه فى المنتدى ورونا

[sahiro]

ايه الظلم دا بسـ .. من اولها كدهـ .. مش لاعبـ قصدى مش شاربـ http://img.aljasr.com/icon.aspx?s=faces/guilty

ههههههههههههههـ .. حرام والله يا دوكـ .. دا احنا اعضاء غلابه http://img.aljasr.com/icon.aspx?s=faces/liar

عاوز اخد رأيكم فى قضية معاكسة البنات كل واحد يقولـ رأيه فى الموضوعـ ده

بس بصراحهـ .. http://img.aljasr.com/icon.aspx?s=faces/hopeful

[hassan]

ميرسى ياساهر على انك فتحت النقاش فى الموضوع ..
وبص الولاد مظلومين الواد من دول لو شايف قدامه بنت محترمة عمره ما هيعاكس ..بس بيعملوا كده من الى يشافوه يعنى واحدة لبسة بدى ضيق وبنطلون محزق ..هيعمل ايه يعنى يغض البصر ..طيب ماتحترم نفسها الاول عشان ماحدش يرمى كلمة مش تمام او حركة مش تمام ..
انما الى بيعاكسوا المحجبات والمحترمين فا دول عالم عايزة الحرق ..ربنا يهديهم ..

[فارس]

هوه طبعا مساله معاكسه البنات امر مرفوض دينيا .. ولكن النفس اماره بالسوء .. البنت ان كان لبسها محترم لن تنال اى مضايقه .. ولكن البنات هن من يردن ذلك

ولو احترمت البنت نفسها لن تنال اى مضايقه .. واعتقد ان الولد عندما يرى اى بنت محترمه فلن يعاكسها .. وانا لا ارمى الموضوع كله على البنات بل اننى ايضا اعرف ان الولد لابد ان يغض بصره وان يحترم اداب الطريق ولكن النفس اماره بالسوء

اللهم اهدينا جميعا الى طاعتك

واحد سحلب لساهر يا فوزى

[sahiro]

مشـ بحبـ السحلبـ قوى .. بس شكله ببلاشـ يبقى نخدهـ http://img.aljasr.com/icon.aspx?s=faces/cool

المهم شكرا على مشاركاتكم فى موضوع معاكسة البناتـ دهـ اراء محترمه سواء من حسنـ او منكـ يا دوكـ

شغلنا بقا الراديو فى ماتش لمصر مع كوديفوار دلوقتى ... اكيد مفيش تليفزيونـ ولا نقوم نتفرج فى البيت احسنـhttp://img.aljasr.com/icon.aspx?s=faces/appetizing

نبقى نجيلكم فى ماتشـ مشفرhttp://img.aljasr.com/icon.aspx?s=sports/football

[فارس]

ايه رايكم فى اللى عملته السودان بعد ماتش الاهلى من تكسير السياره وضرب الاعبين ؟

دا حتى لاعب طلع بتصريح نعتذر لكل تونسى وجزائرى انتم لا تفعلوا مثلما فعل السودانيين !!!!!!

[فارس]

لما بتفتكر رمضان منك له بتفتكروا ايه ؟

ما تيجو ندردش سوا فى الموضوع ده على القهوه كده


نجيب سحلب ونحكى

[ܔْށHaMaDaܔْށ]

واحد شاي وصلحه

[فارس]

طيب هاحكى انا ........ فى رمضان افتكر انى كنت بقوم بصعوبه وكانت عنى مقفوله وانا بسحر وفى مره كنت باكل خسايه وكانت عليها جراده خضره ولسه باكل لقيت حاجه فى بقى .... انا لاقيت نفسى بصرخ .. والبيت كله اتخض والسبب خسايه !!!

[sahiro]

هههههههه لألأ انا ذكرياتى زمان مع رمضان ابعد حاجه افتكرها كان الفانوس

انا واخواتى كلنا نطلع فى الشارع ونلعب بيهم وكل واحد يفضل يزين فى الفانوس بتاعه

بس كانت ايام حلوه والله .... انما من الحاجات اللى كنت احبها انى كنت ارجع من الدرس على الفطار ايام اما كنت فى مدرسه

كنت ارجع الاقى الشوارع فاضيه واقول يا سلام لو الدنيا كده فعلا .. كنت اجرى زى الاهبل ومفيش اى حد خالص فى الشوراع

بس شكلها مش هترجع تانى دلوقتى حتى ساعة الفطار الناس بتبقى فى الشوراع

[CrazY GirL AbouT AhlY]

معلش يا اخ كوباية قهوة على الريحة دبل
عشان انا خلاص داخى وجعتنى من موضوع حسنى عبد الربه

[فارس]

حسنى عبد ربه ايه يا كريزى مش هيجى الاهلى انا حاسس بكده .... قال حسنى فال

[MR.FeeeRooo]

السلام عليكم يارجالة قهوة اهلى ديفيلز واد ياسكسوك واحد سكلانس هنا بسرعه

شايفكم بتتكلموا كده على حسنى عبد ربه ياخواننا الواحد قرف من القصه دى وحاسس انه لو جه هايبقى جاى غصب عنه عشان كده مش عاوزه ييجى انت يابنى فين السكلانس