ضيفنا فى كرسى الاعتراف مؤسس المنتدى Dr.MSK [الأرشيف]

مشاهدة النسخة كاملة : ضيفنا فى كرسى الاعتراف مؤسس المنتدى Dr.MSK

walix ! l.e.d.a

23-09-2007, 03:32 AM

http://www.jadehabrisham.com/images/54b.jpg

السلام عليكم ورحمة الله وبركاته

تحية مليئة برائحة العنبر والعود والعطور
مساء معطر بـ عطر ورود المحبه

أبعثها لجميع طاقم هذا المنتدى

من المدير العام إلى أخر عضو يسجل معنا في هذا المنتدى

أحبتي ...

يسرنا اليوم في كرسي الاعتراف ان نستضيف احد نجوم هذا المنتدى اللامعين

ضيفنا إنسان رزين، ذات شخصية محبوبة شخصية جميلة ورائعة

مميز في ردوده ، إنسان رائع في حضوره

مبدع في حروفه

يحمل في قلبه روح الجد والمرح

فرض حنان قلبه وحبه واحترامه على الجميع هنا

الكلام عنه يطول ويحتاج الى الكثير من الوقت ، ولكن فليعذرني ؛؛

هذا القلب الكبير ، فليعذرني على تقصيري

بأجمـل بـاقـات الـورود

وأعـطـر التـحـايـا

رحبوا معي بضيفنـا

<<<<< Dr.MSK >>>

فلكم حرية توجيه السؤال له

وله حرية الأمتناع عن الأجابة ...

أن شعر أن هناك أقتحام للخصوصيه ....

أهلا ومرحبا بك أخي معنا هنا
http://www.3roos.com/upload/3roos24.gif

تقديم بطاقتك الشخصية
- لماذا اخترت منتدى شياطين الاهلى ليكون بيتك,,,؟؟
1_طمـوحـك لمستقبـل المنتدى ,,,,؟؟
2_متـى كـان تعـرفك علـى النـت,,,؟؟
3_مالذي رأيتـه من النـت >ايجـابي وسلبـي<,,؟؟
نسفيـد من خبـرتك
_مـن هـو قدوتـك بالحيـاة ,,؟؟
لـن أطيـل وأتـرك المجـال للاعضـاء
- أقدم لك في بداية هذا اللقاء كأس من عصير الليمون لتهدئة أعصابك

Dr.MSK

23-09-2007, 05:12 AM

ايه الجمال دا انا اول واحد في كرسي الاعتراف

يلا مش مشكله

المهم

تقديم بطاقتك الشخصية
انا اسمي محمد صبحي قنديل
21 سنه
و طالب في الفرقه الرابعه ( نظم معلومات ) ( أكاديميه المستقبل )
- لماذا اخترت منتدى شياطين الاهلى ليكون بيتك,,,؟؟
من واقع حبي للأهلي اخترت ان يكون هو بيتي
1_طمـوحـك لمستقبـل المنتدى ,,,,؟؟
والله انا حاسس ان المنتدى دا هيكبر مش عارف ليه ههههههههه
2_متـى كـان تعـرفك علـى النـت,,,؟؟
لا من زمان قوي تقدر تقول كدا من 2001
3_مالذي رأيتـه من النـت >ايجـابي وسلبـي<,,؟؟
االايجابي ملفات الشرح الموجوده على كل المنتديات وملفات الفيديو ايضا
اما السلبي كتير قوي من شات على الفاضي و المواقع اللي ... وحجات كتير كتير
_مـن هـو قدوتـك بالحيـاة ,,؟؟
ااولا سيدنا محمد ثانيا في ناس كتير اثرت فيا

وشكرا على الليمون

Mido Star

23-09-2007, 09:06 AM

اولا احب ارحب بيك فى بيتك

ثانيا انت دخلات ( أكاديميه المستقبل ) ( نظم معلومات ) ممكن اعرف ايه السبب ؟؟؟؟؟؟

Dr.MSK

24-09-2007, 01:27 AM

اولا احب ارحب بيك فى بيتك

ثانيا انت دخلات ( أكاديميه المستقبل ) ( نظم معلومات ) ممكن اعرف ايه السبب ؟؟؟؟؟؟

علشان انا بموت في مجال الكمبيوتر

Mido Star

24-09-2007, 02:04 AM

ممكن تعترف

انت حبيت كام مره فى حياتك الشخصيه؟؟؟؟؟

وايه هي قصة الحب ده ؟؟؟؟؟؟؟

walix ! l.e.d.a

24-09-2007, 03:40 AM

يا جدعان انا قولت هلاقى الاعضاء كلهم بيسئلو الاستاذ محمد

مفيش غير عضو واحد

فين التفاعل قبل ما الاسبوع يخلص مش عايز نسيبه الا لما لازم نتعبه فى الاسئلة

انا بحضرلك شوية اسلة يا محمد هتاكل صوابعك وراها

ܔْށHaMaDaܔْށ

24-09-2007, 10:03 PM

ايه السبب اللي خلاك تعمل قسم خاص للزملكاويه مع انك اهلاوي؟ سوري يعني في السؤال

برنس الاهلي

24-09-2007, 11:46 PM

انته فعلااا بتحب الاهلي علشان كده عملت المنتدي ده ولا عملته علشان مصر كلهه اهلاويه ؟

وانته دماغك عاليه في الصور ازاي؟

دلوعه اهلاويه

25-09-2007, 10:04 PM

ليه سميت المنتدي باهلي ديفلز؟؟

ليه مش اي اسم تاني للاهلي اشمعني ده بالذات؟؟

Dr.MSK

25-09-2007, 10:06 PM

ممكن تعترف

انت حبيت كام مره فى حياتك الشخصيه؟؟؟؟؟

وايه هي قصة الحب ده ؟؟؟؟؟؟؟

انا عمري ما اتخبط في نفوحي و حبيت

ايه السبب اللي خلاك تعمل قسم خاص للزملكاويه مع انك اهلاوي؟ سوري يعني في السؤال

لان انا بحب اسمع الرأي و الرأي الاخر

انته فعلااا بتحب الاهلي علشان كده عملت المنتدي ده ولا عملته علشان مصر كلهه اهلاويه ؟

وانته دماغك عاليه في الصور ازاي؟

اولا : مصر كلها مش اهلاويه ... زملكاويله على اهلاويه على اسماعيلاويه على كلو
ثانيا : انا عامل الموقع علشان انا بحب الاهلي

Dr.MSK

25-09-2007, 10:08 PM

ليه سميت المنتدي باهلي ديفلز؟؟

ليه مش اي اسم تاني للاهلي اشمعني ده بالذات؟؟

والله تعبت كتير لغايه ما لقيت الاسم دا وكمان هو اسم جديد وصعب حد يقلدو

دلوعه اهلاويه

25-09-2007, 10:23 PM

انت مش رديت علي سؤالي ليه بقي انشاء الله؟؟

اشمعني انا؟؟

Dr.MSK

25-09-2007, 10:29 PM

انت مش رديت علي سؤالي ليه بقي انشاء الله؟؟

اشمعني انا؟؟

واضح انك مش دخلتي على الصفحه التانيه

دلوعه اهلاويه

25-09-2007, 10:32 PM

سووووووري

العتب علي النظر بقي؟؟

ميرسي لردك

Dr.MSK

25-09-2007, 10:33 PM

ولا يهمك ...

Damas

25-09-2007, 10:51 PM

السلام عليكم ورحمة الله
انا اهلاوى جديد معاكو ... واهلاوى من زماااااااااااااااااان اوى ..
دى اول مشاركة ليا فى موضوع وبما انى مجرب الكرسى دة قبل كدة فى منتديات تانية وعجبتنى فكرته
اتمنى تكون اسئلتى خفيفة ومش محرجة ومفيش مانع من عدم الرد لو مش عاوز

1- ايه اكتر شئ بتعتز بيه ... ؟
2 امتى كدبت على حد قريب منك وكنت زعلان من جواك انك كدبت عليه .. وكدبت ليه ؟

وكفاية الاتنين دول دلوقتى ..

Dr.MSK

25-09-2007, 11:06 PM

walix ! l.e.d.a

26-09-2007, 03:12 AM

ندخل بقى على كمية الاسئلة دى يا محمد باشا

ماذا تفعل عندما تكون مخنوق هل تذهب الى صديق ما اما تذهب للصلاة وقراءة القراءن ام بتحب تقعد لوحدك

نفترض انك مكنش معاك غير 5 جنيه فى جيبك بس ونفرتض كمان انك هتتعشى بيها وانتا وماشى لقيت ست غلبانة تحتاج الى صدقتك لكى تطعم ابنلئها الصغار ماذا تفعل هل سوف تتصدق بالمبلغ اللى معاك ام سوف تذهب من غير ما تبص للمراة العجوز من الاصل

الديك سيارة وبها مقعد واحد ووجدت قدامك صديقك الذى لما تراه منذ سنوات طويلة ووجدت امراة فى غاية الجمال جميلة قوووووووى وامامك برضه امراءة فاقدة بصرها وعجوزة ولا تقدر على المشى فماذا تفعل هل تاخد صديقك ام المراءة الجميلة ام الست العجوز واذا اخترت احد قول ايه السبب

بما انك اهلاوى اهلاوى لو عيونك مكان جوزيه فمن كنت ستخليه يقعد على دكة البدلاء ومن ستلعب به انا لو منك هتطلع كتير ميستهلوش اساسا يلعبوا فى الاهلى ومنهم واحد عبيط قووى كلنا عارفينه احمد عادل مش عارف ده بيعلب ليه فى الاهلى

اماذا تتوقع لنادى الزمالك فى هذا الدورى الممتاز هل سوف يكمل مشوراه ام انه هترجع ريمة لقعدتها القديمة

كفاية بقى اسئلة

Mido Star

27-09-2007, 11:03 AM

ايه اكتر موقف اعجبت بيه من قبل الاهل ولاصدقاء ؟

وايه هى صفات فتات احلامك ؟؟؟؟

فارس

27-09-2007, 06:19 PM

مارايك فى التعصب فى الكوره؟

لمن كانت فكره انشاء منتدى خاص للزمالك داخل المنتدى؟

هل تعنقد ان المنتدى فى الطريق للتقدم؟

ماهى خططك القادمه للنهوض بالمنتدى ؟

راجعلك ان شاء الله

دلوعه اهلاويه

30-09-2007, 02:12 AM

مين الا عضاء اللي لو سابوا المنتدي يسيبوا اثر جامد؟؟

او بمعني تاني مين اكتر الاعضاء بيفيدوا المنتدي؟؟

نانسي

30-09-2007, 10:54 AM

هو انت ليه مبتعلقش على الموضيع يعنى مبتقولش رئيق فيها ؟؟؟

هو ايه موضوع البرنس انا جالى اخبار ان رد عليه ردود سخيفه وفى ناس قالت سامحيه

وبعدين قالو انى ادمت فيه شكوى وبعدين قلوا خالاص الموضوع انتها وانا اصلا معرفش حاجه عن الموضوع

ممكن تفهمنى القصه عشان اعرف ازعل كويس !!!!!!

CrazY GirL AbouT AhlY

30-09-2007, 11:53 AM

ايه اكتر حاجة ممكن تتأثر بيها وايه الشىء اللى ممكن يفرحك

walix ! l.e.d.a

01-10-2007, 01:02 AM

اين انتا يا Dr.msk

يا جماعة من قوانين اللعبة انى العضو يسئل مرة واحدة فقط ان شاء الله يكتب مليون سؤال بس ميدخلش مرة تانى ويكتب اسئلة تانى

ياريت التقيد بالشروط

وعسى ان يكون غياب Dr.msk خير ان شاء الله اللى يعرف اخبار عنه يا جامعة يقولنا لانه غيابة طول قووى

Dr.MSK

01-10-2007, 06:18 AM

ندخل بقى على كمية الاسئلة دى يا محمد باشا

ماذا تفعل عندما تكون مخنوق هل تذهب الى صديق ما اما تذهب للصلاة وقراءة القراءن ام بتحب تقعد لوحدك
مبدأيا الصلاه ... ثانيا احب اذهب الى صديق

نفترض انك مكنش معاك غير 5 جنيه فى جيبك بس ونفرتض كمان انك هتتعشى بيها وانتا وماشى لقيت ست غلبانة تحتاج الى صدقتك لكى تطعم ابنلئها الصغار ماذا تفعل هل سوف تتصدق بالمبلغ اللى معاك ام سوف تذهب من غير ما تبص للمراة العجوز من الاصل
والله على حسب الحاله لو جعان ممكن انفض
انما لو عادي ممكن اديها للست

الديك سيارة وبها مقعد واحد ووجدت قدامك صديقك الذى لما تراه منذ سنوات طويلة ووجدت امراة فى غاية الجمال جميلة قوووووووى وامامك برضه امراءة فاقدة بصرها وعجوزة ولا تقدر على المشى فماذا تفعل هل تاخد صديقك ام المراءة الجميلة ام الست العجوز واذا اخترت احد قول ايه السبب
اعتقد الست العجوزه ( لانها اولى )

بما انك اهلاوى اهلاوى لو عيونك مكان جوزيه فمن كنت ستخليه يقعد على دكة البدلاء ومن ستلعب به انا لو منك هتطلع كتير ميستهلوش اساسا يلعبوا فى الاهلى ومنهم واحد عبيط قووى كلنا عارفينه احمد عادل مش عارف ده بيعلب ليه فى الاهلى
لا سؤال صعب قوي
اماذا تتوقع لنادى الزمالك فى هذا الدورى الممتاز هل سوف يكمل مشوراه ام انه هترجع ريمة لقعدتها القديمة
والله بعد اللي حصل صعب التوقع

كفاية بقى اسئلة

طبعا كل الاجابات فوق

Dr.MSK

01-10-2007, 06:21 AM

ايه اكتر موقف اعجبت بيه من قبل الاهل ولاصدقاء ؟
ممكن نقول التكاتف

وايه هى صفات فتات احلامك ؟؟؟؟
انها تكون مطيعه دي اهم حاجه وكمان تكون بتعرف تعمل كنافه هههههههههههههه

مارايك فى التعصب فى الكوره؟
حاجه وحشه جدا

لمن كانت فكره انشاء منتدى خاص للزمالك داخل المنتدى؟
والله تقدر تقول انها فكره مجلس الاداره

هل تعنقد ان المنتدى فى الطريق للتقدم؟
ان شاء الله بإديكم انتم
ماهى خططك القادمه للنهوض بالمنتدى ؟
والله موضوع الاشهار دا اهم حاجه دلوقتي
راجعلك ان شاء الله
..............................

Dr.MSK

01-10-2007, 06:24 AM

مين الا عضاء اللي لو سابوا المنتدي يسيبوا اثر جامد؟؟
والله في ناس كتير

او بمعني تاني مين اكتر الاعضاء بيفيدوا المنتدي؟؟
ممكن نقول اخونا ساهر من الناس اللي شغاله كويس قوي

هو انت ليه مبتعلقش على الموضيع يعنى مبتقولش رئيق فيها ؟؟؟
للأسف انا بدخل المنتدى قليل في الفتره دي علشان الشغل
هو ايه موضوع البرنس انا جالى اخبار ان رد عليه ردود سخيفه وفى ناس قالت سامحيه
الحمد لله مشكلة البرنس اتحلت خلاص

اين انتا يا Dr.msk

يا جماعة من قوانين اللعبة انى العضو يسئل مرة واحدة فقط ان شاء الله يكتب مليون سؤال بس ميدخلش مرة تانى ويكتب اسئلة تانى
انا رأيي كدا برده

وعسى ان يكون غياب Dr.msk خير ان شاء الله اللى يعرف اخبار عنه يا جامعة يقولنا لانه غيابة طول قووى

هو الشغل اللي مش ورانا غيره ههههههههههههههه
.................................................. ..........

نانسي

01-10-2007, 06:26 AM

من فضلك ترود على سوئالى 00 مش عرفه ليه كلكم بتتهربو من الرد على موضوع البرنس

لعله المانع خير00 ولو انى معتقدش

Dr.MSK

01-10-2007, 06:31 AM

من فضلك ترود على سوئالى 00 مش عرفه ليه كلكم بتتهربو من الرد على موضوع البرنس

لعله المانع خير00 ولو انى معتقدش

المسأله مش تهرب لكن المشكلة اني مكنتش موجود الفتره اللي فاتت واللي كان ماسك الموضوع دا mooodi وهو خلص المشكلة

نانسي

01-10-2007, 06:41 AM

انا برده مبسئلش خلصت ولا لئه انا عيزه اعرف الموضوع متهيئلى من حقى

ومتقولش انك متعرفش لانها مش هتليق عليك

Dr.MSK

01-10-2007, 06:50 AM

انا برده مبسئلش خلصت ولا لئه انا عيزه اعرف الموضوع متهيئلى من حقى

ومتقولش انك متعرفش لانها مش هتليق عليك

ارجو اضافتي على الايميل التالي
mo_sophy1@yahoo.com لمعرفه محاور مشكله البرنس

walix ! l.e.d.a

02-10-2007, 01:29 AM

بما انك جاوبت على كل الاسئلة المتوجهة لك استاذى الفاضل تتفضل سيدتك تنزل من على الكرسى ونسيب الاعضاء ترشح مين يمسك يقعد تانى على الكرسى

Dr.MSK

02-10-2007, 06:38 PM

بما انك جاوبت على كل الاسئلة المتوجهة لك استاذى الفاضل تتفضل سيدتك تنزل من على الكرسى ونسيب الاعضاء ترشح مين يمسك يقعد تانى على الكرسى

والله انت ميه ميه فينك من زمان يا راجل