لما الاهلي خسر!!!!!

[Medo Hardy]

السلام عليكم ورحمة الله وبركاته
---
اتفاجئت لقيت نفسي حاسس بزعل شديد جدا جدا وكنت في مود غريب امبارح
بسبب خسارة الاهلي ل ماتش في كاس العالم لليابان

ليه الواحد بيزعل اوي اوي على ماتش كورة
ومش بيزعل نفس الزعل او بيهتم نفس الاهتمام بالمسلمين الي حوالينا بيموتوا..سواء من الجوع في مصر او دول مسلمة مجاورة بيننا وبينهم أخوة في الله
هل علشان اتعودنا على موت المسلمين ؟؟ومش متعودين على خسارة الاهلي؟؟

زعلت اوي على نفسي ساعتها
وانا اساسا مش متعصب للكورة انا بتفرج لما يكون عندي وقت وبقرأ اخبار رياضية لما يبقى فيه فرصة

ما بالنا بالمتعصبين المتابعين

فيه مشجع توفاه الله بعد الهدفين الي الأهلي جابهم في الشوط الاول
توفاه الله من الفرحة زي ما بيقولوا
او ممكن يكون مات حزين على الاهلي ومش عاوزين الناس تعرف

ليييييييييه دة
ليه احنا منبقاش ايجابيين وطاقة الزعل دي تتحول لطاقة ايجابية نعمل بيها المعجزات

ليه مدييين الكورة اكبر من حجمها واهتمام اكبر من اللازم
ليه منهتمش بتطوير أنفسنا وبلدنا وشغلنا؟؟؟

ربنا ادانا وقت..هوة وقت الحياة
نقرأ أكتر وأكتر علشان يبقى لينا رؤى أوسع
اقروا يا جماعة اقروا

اقروا كتاب في السنة
صفحة كل اسبوع

ممكن يكون اهتمامنا بالكورة دة تحت تأثير قوى أكبر مننا عاوزانا نهتم بيها عن حاجات تانية
حجة واااهية
احنا لينا ارادة وحرية اختيار
طاقة ووقت ..في ايدينا محدش بيتحكم فيهم غيرنا

ابدأ بنفسك
ابدأ بنفسك
ابدأ بنفسك

يومك ..عيشه واكسب كل لحظة فيه
استفيد من يومك على اد ما تقدر


اعمل خير في نفسك
واستفيييييد من وقتك وكن ايجابي

[3ashe2at el ahly]

تصدق عندك حق بس مين قالك ان ان الناس مش زعلانة من الى بيحصل فى المسلين والله الناس متدايقة ومخنوقة

شكرا لطرحك للموضوع الجميل ده

[arabi1978]

السلام عليكم ورحمة الله وبركاتة
الصراحة الكلام دة زى الفل ويا ريت نزعل على اللى بيحصل فى المسلمين زى ما احنا بنزعل على ماتش كورة فى الاول وفى الاخر ملوش اى لازمة والاخ اللى بيقول ما احنا برضة بنزعل على المسلمين برضة عمر زعلنا على المسلمين زى زعلك على مباراة كرة قدم ممكن يكون علشان للاسف اتعودنا على هذا المسلسل الوضيع الذى يمارس من قبل الامريكان واليهود لعنهم الله ومبقاش قفرق معانا ممكن نحكم لو الاهلى برضه قعد يخسر على طول يمكن ناخد على الهزيمة ومنزعلش زى ما احنا منزعلش قوى على حال المسلمين فى كل انحاء الارض جزى الله خيرا كاتب الموضوع والله اسال ان يجعلة فى ميزان حسناتة يوم لا ظل الا ظله