المساعد الشخصي الرقمي

مشاهدة النسخة كاملة : تلكس الي

samoha
13-09-2007, 02:40 AM
اتحاد الكرة:
** المنتخب مش عاوز مدرب.. عايز استشاري "عقم"!!
حسن شحاتة:
** لاعبونا أعصابهم في منتهي "البروندي"!!
أحمد فتحي:
** الأهلي دفع 12 مليونا للتعاقد معك.. ومنعا للحسد أكتب علي ظهر فانلتك "ماتبصليش بعين رضية.. شوفوا كام دفع الأهلي فيّا"!!
آسيك:
** دورة كفر طهرمس تبدأ الأسبوع القادم.. الاشتراك فيها ب 2 يورو أو 15 جنيها للنفر!!
اتحاد طرابلس الليبي:
** يمكنكم الفوز علي الأهلي.. "الشياطين" الحمر والزرق تختفي في "رمضان"!!
أحمد حسن:
** إذا كان رب المنتخب بالشلوت ضاربا فشيمة اللاعبين الهجص!!
فضيلة المفتي:
** الناس تصوم شهرا ولاعبونا صائمون من ستة أشهر وحياتك يامولانا عايزين فتوي بأن "الأهداف" لا تفطر!!
عصام الحضري:
** عيب أن تتطاول علي أستاذك ومدربك شوقي غريب فهو أحد نجوم كأس الأمم الإفريقية عام 1986 يوم أن كنت تجري وراء عربات الرش في دمياط!!
سمير زاهر:
** رئاستك للبعثة لم تحقق الفوز في بوروندي.. المرة الجاية أترك المهمة لحازم الهواري "بيعرف يظبطهم كويس"!!
المهندس عقيل بشير:
** فريق الاتصالات "هنج".. عايز مدرب وسوفت وير!!
شعب السودان:
** "الهلال" تلاشي أواخر "شعبان"!!
أحمد شوبير:
** ولعتها في اتحاد الكرة.. وشعللتها في التليفزيون!!
الخفير2007
13-09-2007, 05:37 PM
الله يكرمك يا باشا على التليكس الجامد ده
وكل سنه وحضرتك طيب بمناسبة شهر رمضان الكريم
samoha
14-09-2007, 12:02 AM
ربنا يخليك ياجميل وكل سنه وانت طيب ورمضان كريم
فارس
16-09-2007, 04:58 PM
عصام الحضري:
** عيب أن تتطاول علي أستاذك ومدربك شوقي غريب فهو أحد نجوم كأس الأمم الإفريقية عام 1986 يوم أن كنت تجري وراء عربات الرش في دمياط!!

با يخه دى .... سب لاعب واهانته بلا مبرر امر مرفوض دينيا .... ماعدا ذلك توبيك لذيذ
samoha
16-09-2007, 05:02 PM
تمام جدا يافارس بس هنعمل ايه
هي الصحافه بتاعتنا كده <<<وطبعا كلنا عارفين محمود معروف ذوتطالوله المستمر علي الاهلي
ربنا يهدي الكل