خاص : الحضري يطلب العودة للأهلي .. ورجوعه أمر وارد !

[::TiTo elmasry::]

خاص : الحضري يطلب العودة للأهلي .. ورجوعه أمر وارد !

http://www.el-awael.com/news/images/up/79721655hadary.jpg




علم أن هناك محاولات يجريها أحد أعضاء الجهاز الفني للفريق الأول لكرة القدم بالنادي الاهلي لاقناع البرتغالي مانويل جوزيه بالموافقة علي عودة الحارس الهارب عصام الحضري لصفوف الفريق من جديد..جاء ذلك بعدما تلقت إدارة النادي طلبا رسيما من الحضري برغبته في العودة للاهلي .

ووفقا لتصريحات عضو بارز داخل النادي أكد أن عودة الحضري في يد مجلس الإدارة وتخضع لمعايير محددها ولكنه أكد من بين كلامه أن عودة الحضري واردة خاصة وأنه ابدي ندمه واعتذاره للجميع من أجل العودة للفريق من جديد .. وكان الحضري قد كلف أحد اصدقاءه المقربين منه داخل النادي بالتفاوض مع أعضاء لجنة الكرة للتوصل إلي حل يقضي بعودته للفريق

وبسؤال أحمد ناجي عن هذا الموضوع قال مدرب حراس المرمي أنه علم أن الحضري يرغب في العودة ولكنه رفض ابداء رأيه سواء بالموافقة او الرفض في وسائل الأعلام .. وقال من العيب ان اكشف عن رأيه قبل أن قرار مجلس الإدارة في هذا الموضوع .

المصدر:موقع الاهلى

[رقية هانى]

ياريت توفقى للحضرى بانة يرجع

[MeEeDoOo]

يا ريت الحضري يرجع
بصراحة مفيش حارس زيه
ما شاء الله
بالتوفيق للحضري وللأهلي
شكرا ليك يا تيتو

[alaaayoub]

مشكور يا محمد على الخبر و تم النقل الى عشاق الاهلى

[3ashe2at el ahly]

الهى ما يوعة يرجع الى بتاع مصلحته ده الى نسى انا الاهلى صاحب الفضل عليه فى الاول وفى الاخر مهما كان هو مين
مابيغيرؤش من زمايله انتو ماسمعتوش حسن مصطفى بيقول ايه بيقول انا مستحيل اسيب النادى الى ليه فضل عليا الا لما هو يسيبنى رغم انا حسن مصطفى مش زى الحضري بس اصيل مش كل حاجة عنده فلوس فلوس
الحضري محسسنى انه بيشحت ه اغنى لاعب في الاهلى كلها اللهم لاحسد
يالا خليه بتذل ويتممرمط كده زى الكلا ب

شكرا يا محمد على الخبر

[THE FREE STAR]

والله كل ده كلام وعودة الحضري مستحيلة
ونفتكر التاريخ مع اللاعبين اللي عملوا زيه
وشكرا ع الموضوع

[::TiTo elmasry::]

عوده الحضرى مرفوضه
شكرا على المرور

[KEMOOO]

لا مش عايزينه كده كده فاضله كام سنه يبقي من الأفضل يلعب أمير عشان ياخد الخبره و طظ فيك يا حضري و إلاهي متوعي تدخل النادي أصلا

[محمدغانم2008]

وياريت عصام الحضرى يرجع لبيته لان بصراحه حراسة المرمى بالاهلى حاليا فى خطر مبنبقاش مطمنين زى زمانانا شايف ان الاداره وحدها هيا اللى تحدد العقاب
ولونفتكر هروب ابراهيم سعيد يبقى يوم رجوع الحضرى عيد

[شرين]

حراسة مرمى الاهلى فى خطر ونسبة اخطاء أمير فى أول مشاركاته لا تتعدى 5% من أخطاء الحضرى فى أربع سنوات ولا احنا المصريين طيبين وبننسى بسرعة

لا والف لا لعودة الهارب اللى اشتكى الاهلى للفيفا ودى غلطة عمرها ما اتعملت ابدا حتى من أسوأ لاعب مر على الاهلى ابراهيم سعيد

ده لسه من شهر مع خالد الغندور فى مكاالمة تليفونية يقول انا بصحح الكدب اللى اتقال على لسان مسئولى الاهلى انى اخدت مكافأة الدورى وانا مخدتهاش وعايزها وان العقوبة اللى عاملوهالى كانت كدبة عشان الناس تقول ده نادى مبادئ

أنا بعلن ابتعادى عن تشجيع الأهلى إذا عاد الحضرى الخاين أو ابراهيم سعيد الغير محترم أو حتى شيكابالا اللى رفع الجزمة فى وش أعظم جمهور فى مصر

[بسنت.22]

فعلا احنا مش بقينا بنحب الحضرى زى زمان لانه سبنا وجرى ورا الفلوس

بس يا جماعه نتكلم بصدق شويه حراسه المرمى من بعد الحضرى ضاعت

مفيش حارس بامكانيات الحضرى

ولو رجع اكيد هنرجع نطمن تانى على حراسه مرمى الاهلى

مع انى بجد والله مش طيقاه ولا طايقه اشوفه تانى فى الاهلى

[لولا2008]

على فكرة مفتكرش ان الاهلى ممكن يوافق على عوده الحضرى بعد الطريقه اللى سابهم بيها لان الاهلى مهم عنده اوى الاخلاق وربنا معاه مكان ما اختار ولازم يتحمل نتيجه اختياره

[::TiTo elmasry::]

فعلا والله كلمكم بس
يابسنت مش مهم ممكن يجى غيره
بس ميرجعشى الاهلى

[حمدى الاهلاوى الدمياطى]

انا فى رايى ان الاهلى لازم يرجع الحضرى لانه من حق الاهلى فيسبه ازاى وبعدين عوده الحضرى مش مستحيله ولا حاجه هانى سعيد هرب من الاهلى وكانوا عايزين يجيبوه

[caboOo]

رجوع الحضرى مش هيقدم ولا يأخر زى مقال مشرف الشباب أنه فضله كام سنه وهيعتزل بس لازم نفتكر الأول أن أمير برده سنه كبير يعنى ولا ده ولا ده ينفع يعنى الأهلى لازم يجدد دمه

[ندى الاهلوية]

الحضرى لو رجع الاهلى انا مش هشجع كورة تانى فى مصر وانا عندى ثقة فى ادارة الاهلى انها ادارة محترمة

[اهلاوية من اسكندرية]

هو عايز ايه ما يرحم نفسه هو عشان مالقاش هناك اللي كان متوقعه كان فاكر نفسه هيروح ارسنال و لا اي فرقة كبيرة احنا مش عاوزينه اللي يبعنا نبيعه بنكرهككككككككككككككككككككككككككككككككككككككككككككك كككك يا حضري

[::TiTo elmasry::]

الحضرى لو رجع الاهلى انا مش هشجع كورة تانى فى مصر وانا عندى ثقة فى ادارة الاهلى انها ادارة محترمة

هو عايز ايه ما يرحم نفسه هو عشان مالقاش هناك اللي كان متوقعه كان فاكر نفسه هيروح ارسنال و لا اي فرقة كبيرة احنا مش عاوزينه اللي يبعنا نبيعه بنكرهككككككككككككككككككككككككككككككككككككككككككككك كككك يا حضري

صح يا اهلاويه هو دا الكلام
مش عاوزينك يا حضرى

[ahlylovly]

لا مانع........................

[::TiTo elmasry::]

لا مانع........................

ديـ ارااء

[ROBOS]

ان شاء الله يكون الخبر ده مش صحيح
أمير حارس ممتاز ومحتاج بس نص الصبر اللي صبرناه علي الحضري
وهو مستقبل الأهلي
لكن الحضري خلاص كده أو كده مش فاضل له كثير
يبقي نكسب الأخلاق والمستقبل

[alkotsh]

لا والف لا لرجوع الهارب للنادى الاهلى دة خاين وقليل الاصل ونسى فضل الاهلى علية بس احنا مش هننسا الى عملة مع النادى ولو وافقنا على رجوع ابراهيم سعيد كنا نوافق على رجوع هذا الخاين للنادى ولازم نرفض عودتة حتى يكون عبرة لغيرة ولكل لاعب يتوهم ان الاهلى يتوقف علية لا والف لا لعودة الخائن

[::TiTo elmasry::]

ان شاء الله يكون الخبر ده مش صحيح
أمير حارس ممتاز ومحتاج بس نص الصبر اللي صبرناه علي الحضري
وهو مستقبل الأهلي
لكن الحضري خلاص كده أو كده مش فاضل له كثير
يبقي نكسب الأخلاق والمستقبل

ياريت فعلا الصبر على امير مع انى مش مقتنع بيه اوى

بس بردك نصبر عليه حبه
وتسلم على المرور

[::TiTo elmasry::]

لا والف لا لرجوع الهارب للنادى الاهلى دة خاين وقليل الاصل ونسى فضل الاهلى علية بس احنا مش هننسا الى عملة مع النادى ولو وافقنا على رجوع ابراهيم سعيد كنا نوافق على رجوع هذا الخاين للنادى ولازم نرفض عودتة حتى يكون عبرة لغيرة ولكل لاعب يتوهم ان الاهلى يتوقف علية لا والف لا لعودة الخائن

كلامك جميل
تسلم على المرور

[THE FREE STAR]

لو حمل أمير كأس هذه البطولة الأفريقية الصعبة أن شاء الله

فحرام نعيده للدكة ونأتي بالحضري

شكرا علي الموضوع

[::TiTo elmasry::]

فعلا كلامك صح