جاوب ،، واسأل .... أهم حاجه الصراحه

[sahiro]

http://www.21za.com/pic/salam_kalam001_files/8.gif

يلا نبتدى لعبه خفيفه وجميله

طبعا معروفه من عنوانها .. كل واحد يدخل يجاوب على سؤال اللى قبله

وبعدين يسيب سؤال للى بعده .. وهكذااا

ابدأ انا واقول

لاعب شايف انه مايستحقش يلعب فى الاهلى

[Amer_Love_Alahly]

أنيس بو جلبان



لاعب ترى أنه يستحق اللعب للنادى الأهلى

[MR.FeeeRooo]

حسنى عبد ربه


كام مره اتخدعت فى الشخص اللى قدامك

[sahiro]

كتير قوى مش مره واحده بس

اللى بعدى


فوز الترجى ع الاهلى مستحق ؟؟

[MR.FeeeRooo]

اه طبعا مستحق الاهلى بصراحه مالعبش ومع انى اكتر ناس مش بحب انهم يفوزوا علينا هم التوانسه


اللى بعدى شايف فرصة الاهلى قويه فى التأهل لكاس العالم للأنديه ؟؟؟؟

[MR.FeeeRooo]

اه طبعا مستحق الاهلى بصراحه مالعبش ومع انى اكتر ناس مش بحب انهم يفوزوا علينا هم التوانسه


اللى بعدى شايف فرصة الاهلى قويه فى التأهل لكاس العالم للأنديه ؟؟؟؟

[™Mahmoud]

انا شايف انها الفرصة مش قوية قوي بس ان شاء الله يتأهل

اللي بعدي

هل ابراهيم سعيد يستحق الرجوع للنادي الاهلي؟؟؟؟

[kapo4e]

ممكن ليه لاء

طيب حسام حسن ينفع يرجع الاهلي

[sahiro]

مستحيل
اللى بعدى
مشترك فى كام منتدى؟؟

[kapo4e]

يااااااااااااااااااااه متعدش كتير اوووووووووي والله انا ناسي اصلا اميلاتي عليهم ايه

الي بعدي بتنام امته

[sahiro]

مش فى وقت محدد .. بس اغلب وقت نومى بيبقى من الساعه 10 لحد الضهر
اللى بعدى
قدوتك مين فى الحياه ؟؟ ..

[NoNa]

انا بنام الساعه9 الصبح
اللى بعدى
بتصوم الاتنين والخميس ولالا

[sahiro]

بصراحهـ .. لأ

اللى بعديـ ..

مين قدوتكـ .. فى الحياه ؟؟

[CrazY GirL AbouT AhlY]

أى إنسان ناجح
ايه نقطة ضعفك؟

[sahiro]

التسرعـ ..

اللى بعدى

اكتر حاجه تحبها فى نفسكـ ..

[samoha]

مفيش حاجه معينه
بصراحه كمده انت راضي عن نفسك؟؟؟

[عادل متعب]

ماليش معاد محدد بنام فيه


اللي بعدي بتصحي الساعه كام

[sahiro]

والله مش معاد محدد لانـ مفيش معاد نوم محدد

اللى بعديـ

اكتر عضو فرحت بانضمامهـ للمنتديـ .. ؟؟

[MR.FeeeRooo]

والله كل ماشوف حد من الناس اللى اعرفهم سجل بفرح

سؤال لولبى بقى للى بعدى >> لو جاتلك فرصه تلعب للزمالك لاقدر الله هاتوافق ولا هاتحكم عقلك وتقول انا مش مجنون ياعم الحاج

[Rania Ebrahim]

لا هحكم عقلى واقولك انا مش مجنونة ولا هبله ياعم الحاج:D

قال زمالك قال:mad: !!!!!!!!!!!!!!!!!




لو جاتلك فرصة تسافر بره مصر .. هتسافر ؟؟؟؟؟؟؟؟؟؟؟

[ASMA2]

انا فعلا جاتلي الفرصه وسافرت 4 شهور السعوديه

مين اكتر عضو بترتاح ليه في المنتدا

[Rania Ebrahim]

كلهم بعتبرهم اخواتى


سؤال ذكى بقى :




اول حاجه بتعملها لما بتصحى من النوم ؟؟؟؟؟؟؟؟؟؟؟

[samoha]

اكييييييييييييد بغسل وشي (اجابه اذكي)
سؤال انا بقي
اول حاجه تعملها بعد ماتصحي من النوم وتغسل وشك

[Rania Ebrahim]

على حسب اليوم ممكن افطر ممكن انزل كده يعنى


جبت كام فى الثانويه العامه؟؟؟؟؟؟

[sahiro]

89 فى الميه

اللى بعديـ

نفسك تعيش فين غير مصر؟

[NoNa]

نفسى اعيش فى لندن
ا ايه الاكل المفضل ليك

[samoha]

بحب المحشي اوي وبحب الكشري برده
ا اللي بعدي بقي لو ولد <<<<<<كام مره خلصت فلوسك علي عزومه لصاحبتك؟؟؟؟؟
لو بنت<<<<<<كام مره دبستي واحد في عزومه لحد ماجيبه فضي؟؟

[NoNa]

هههههههههههههههه لا والله عمرى مدبست حد فى عزومه
ده انا غلباااااااااااااااااااااانه
بتشتغل ايه؟

[sahiro]

طالب لسه http://www.mor3ben.com/forum/images/smilies/3d/36_1_6.gif

أهلاوى ليه ؟؟ http://www.mor3ben.com/forum/images/smilies/3d/36_1_11.gif

[samoha]

خلقه ربنا
>لولماكن اهلاوي لودتت ان اكون اهلاوي<
كام مره خلص كارت التليفون علي الجو

[NoNa]

انا ولا اهلاويه ولا زملكويه ولا ليا فى الكوره اصلا
واكيد لو اهلويه هكون بحب الاهلى سؤال يطرح نفسه ههههههههه
مين اكتر ممثل بتحبه؟؟؟

[kapo4e]

احمد حلمي ..

اكتر ممثله بتحبها

[NoNa]

منى زكى
ايه اكتر حاجه بتحبها فى الحياه

[Rania Ebrahim]

ضحكها علينا!!!!!!



ايه اكتر حاجه بتكرهها فى نفسك ؟؟؟؟

[samoha]

ليه بقي الاحراج ده
>>>> انا بكره نفسي كلها لما احس ان انا اغضبت ربنا <<<<
ايه امنيتك في الحياه

[NoNa]

انى اكون قريبه جدا جدا جدا من ربنا وميغضبش عليا ابداااااا واكره الحياه (التلفزيون والكمبيوتر والخروج ) كده يعنى
عملت عمره قبل كده؟؟؟

[samoha]

مش شرط ان اننا نكره الحياه واللي فيها ونكره كل حاجه زي التلفزيون والكمبيوتر دي كلها نعم ربنا سخرهالنا بس احنا اللي اسئنا استخدامها
وبالنسبه للسؤال ياااااااااااااااااااااااااااااااااريت اعمل حج وعمره
بصراحه كده ايه اللي مصحيك دلوقتي

[elnaggar]

الســاعه 3 بعد الظهر لازم ابقى صاحى


ايه اكتر عاده بتعملها اول لما تصحى من النووم؟

[samoha]

معلش بقي انا كنت كاتب السؤال الساعه5الفجر وتوقغت حد هيرد
اكيد بغسل وشي يعني
كان نفسك في كليه معينه ومدخلتهاش ولا دخلت اللي انت عايزه

[NoNa]

لا كان نفسى فى كليه رياض اطفال بس محصلش نصيب ودخلت خدمه اجتماعيه الحمد لله على كده
وفرحانه بيها بردو مش وحشه
ايه اكتر حاجه نفسك تتخلص منها فى نفسك؟؟؟

[samoha]

رياااااااااض اطفال (علي اد سنك برده)
هههههههههههههه
بالنسبه للسؤال
نفسي ابطل اعمل اي حاجه تغضب ربنا عليا
ايه اكتر حاجه بتحرص(ي)عليها يوميا

[elnaggar]

يعنى بحاااول احرص على الحـاجات اللى ترضى ربنــا


نفس السوال ؟.

[CrazY GirL AbouT AhlY]

اهم حاجة اقيم صلواتى والاذكار وبعد كده الشغل

ايه اللى بتحبه فى مصر؟؟؟؟؟؟؟؟؟؟؟؟

[samoha]

بصراحه ولا حاجه الا بعض اهلها الطيبين الجدعان
بتحب مصر ليه؟

[elnaggar]

عشان انا عايش فيها وباكل من خيرها ومن طيباتها

نفس السووووال؟

[sahiro]

لانها بلدى

اللى بعدى لو الاهلى وصل للنهائ ان شاء الله تتوقع مين يكون طرف تانى ؟؟

[Mido Star]

قول يارب

اتوقع الهلال السودانى

مين احسن عمرو دياب ! ولى تامر حسنى !

[samoha]

عمرو طبعا
اللي بعدي نفسك تسافر بالخارج بعد التخرج

[Natallia]

أنا ماتفرقش معايا

بس نفسي اتفسح بره ودوني الكويت مثلا ;);)

اصلي بحبها موت بصراحة:):):rolleyes::rolleyes:


هل توافق على احتراف متعب دلوقتي او بعدين؟؟

[elnaggar]

ان شايف ان لاعبى الاهلى فيهمـ مهاجميـن حلوين

يحترف متعب انا موافق

ايه رايك فى اللى جوزيه بيعمله مع شوقى
؟

[sahiro]

هو غلط طبعا بس محدش ينكر ان شوفى مستواه مكنش قد كده قبل ما يمشى وكمان كان مغرور قوى

بنسبه كام الاهلى ممكن يوصل لليابان من وجهة نظرك وباذن الله طبعا

[samoha]

علي ما اعتقد انه حفظ لماء وجه النادي والمدرب لان شوقي عمل اللي ميتعملش عشان يحترف وبس كان لازم يهدي الدور شويه
ياتري ايه احسن حاجه تعجبك في مصر(وبلاش الشعارات اللي احنا حافظينها)

[Amer_Love_Alahly]

أحسن حاجة بتعجبنى فى مصر


البساطة .. بساطة وطيبة الشعب المصرى





بتتوقع ايه لأبراهيم سعيد .. هل العودة للنادى الأهلى .. أو البقاء فى تركيا

[sahiro]

سؤال عامر بتوقع انه مش هيرجع الاهلى


اللى بعدى

شايف ان المنتدى ناقصه حاجه ولا لأ ؟؟

[دلوعه اهلاويه]

انا شايفه انه احسن منتدي شفته بصراحه
لو تحب تاخد صوره تذكاريه مع لاعب تحب تتصور مع مين؟؟

[برنس الاهلي]

محمد ابو تريكه
مين المغني المفضل ليك؟

[Rania Ebrahim]

عمرو دياب


مين نفسك تشوفه حالااااااااااا؟؟؟؟

[Wa2L 3mRaN]

حبيبتي!!




اللي بعدي،،





امنية نفسك تتحقق!!

[Rania Ebrahim]

هى صعبه وتقريبا مستحيله >>> انى اشوف امى وابقى فى حضنها .. ربنا يرحمها



لو خرجت تحب تروح فين ؟؟؟؟

[ܔْށHaMaDaܔْށ]

بنام متاخر
اللي بعدي بتحب السفر ولا مصر احسن؟

[برنس الاهلي]

انا نفسي اروح فرنسا بس بأزن الله كمان سنه هروح ألمانيا لخالي


مين اكتر عضو مقرب ليك في اهلي ديفلز؟

[samoha]

هاه ليه الاحراج ده بقي الصراحخ هما كلهم جمال جدا جدا بس في مجموعه كده انسجمت معاها بسرعه وباعتبرهم اخواتي
وهما ساهر ومحمد نجار وكابو ومودي <<<<<<<<<من الشباب
ورانيا ونورا وسهر <<<<<<<<<من البنات
والمنتدي كلوا رائع يعني
اللي جاي بقيي يقولي
ايه احسن حاجه تتمني تشوفها في نفسك

[Rania Ebrahim]

الشكل اللى ربنا يكون راضى عليه فيه


ايه الحاجه اللى نفسك تعملها وكل ماتحاول مش بتحصل ؟؟؟

[برنس الاهلي]

بحاول اخطب اللي بحبه بس كل مره تحصل مشكله ياله خير

ايه عيوبك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هههههههههههه

[برنس الاهلي]

بحاول اخطب اللي بحبه بس كل مره تحصل مشكله ياله خير

ايه العيوب اللي انته شايفهه في نفسك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[sahiro]

التسرع والندم على بعض التصرفات بعد ما اعملها

مين بتفرح اول ما تلاقيه موجود فى المنتدى ؟؟

[mootaz_eenoo]

هو السؤال دة اجبارى يا شباب انا بفرح لما القيكم كلكم

[sahiro]

الله يكرمك يا معتز بس فين سؤالك طيب

اللى بعدى نفس السؤال ؟؟

[دلوعه اهلاويه]

والله بفرح لما بلاقي ناس كتير قاعدين في المنتدي
وبيكونوا عاملين شغل كويس



ايه اللي نفسك يتحقق؟؟

[samoha]

ان انا اكون كويس في مجال دراستي واشتغل بؤهلي ان شاء الله وبعد كده بقي تفرج من عند ربنا
اللي بعدي ياتري بتحب ايه في مصر(بلاش شعارات)

[دلوعه اهلاويه]

بحب شرم الشيخ
ههههههههههه



اللي بعدي عندك كم سنه؟؟

[samoha]

مااااااشي ياخفه
مش قايلك عندي كام سنه ونخلي السؤال بتحب مصر ليه

[sahiro]

لانها بلدى وحاجات تانيه بس الاهم انها بلدى يعنى

اللى بعدى نفس السؤال

[samoha]

يلا مش مشكله انا هجاوب عليه مع انه سؤالي واجابتك يا ساهر كويسه بس كان نفسي يقول ايه الحاجات التانيه دي
انا بقي بحبها عشان انا اتولدت لقيت نفسي مصري يعني عشان بلدي وعشان اسمها ورد في القرأن العظيم
غير كده مفييييييييييش خالص
اللي بعدي نفس السؤال

[دلوعه اهلاويه]

لانها امي

هههههههههههههههه

اللي بعدي بتعرف تسوق عربيه؟؟؟
بس من غير كدب

[samoha]

مش بقولك خفه
لا مابعرفش اسوق عربيات
اللي بعدي زعلان من نفسه شويه

[دلوعه اهلاويه]

وانا هتضايق من نفسي ليه


اللي بعدي بيحب...؟؟؟

[samoha]

الصراحه لسه شويه(بس اخلص من السجن بتاعي الاول) الكليه يعني
اللي بعدي نفس السؤال

[Mido Star]

الحقيقه بحب ومش قادر اقول للبحبها ايه رايكم

اللى بعدى حل مشكلتى ؟؟؟

[samoha]

اعمل عبيط وابعتلها ميساج رساله يعني وشوف الرد لو طنشت لما تشوفها ولا كأن حادجه حصلت متحاولش تبصلها اصلا
اللي بعدي بقي نفس السؤال(بيحب برده)

[Mido Star]

شكر ليك ياسامح

تحب تاكل ايه قوى ؟؟؟

[samoha]

المحشييييييييييييي
العفو ياعم جماده اي خدعه
الي بعدي ولهان قوي اليومين دول

[Mido Star]

التفكير فى الكليه هوه اللى خنقنى هنعمل ايه

اللى بعدى مدايق على طول ؟؟؟؟

[دلوعه اهلاويه]

صح والله ياعم


اللي بعدي لسه طالب

[برنس الاهلي]

ايوه بس هخلص وسافر بأزن الله

اللي بعدي حبيت بجد وانجرحت؟

[Mido Star]

لالالالالالالالالالالالالالالالالالالالالالال ا

الحب اساسا صعب انك تلائيه بسهوله

عمرك كرهت حد لدرجة انك ممكن تموته ؟؟؟

[ܔْށHaMaDaܔْށ]

لا الحمد لله أنا بحب كل الناس حبيت كام مره وكام مره انجرحت؟

[samoha]

ولا مره يامعلم>>>>>>>فقري اوي >>جه اللي هو انا >>>هع هع هع هع
اللي بعدي كم مره واحده قلبتك فيها

[نانسي]

اختى الكبيره مره قلبتنى من على السرير ههههههههههههههههههههه

الى بعدى متصحرش لسه

[samoha]

ههههههههههههههههههههههههههههه>>>>>ايه الخفه دي
يعني اديني باكل بقالي ساعتين تقدري تقولي لسه متصحرتش
اللي بعدي عمال ياكل دلوقتي

[نانسي]

واللهى ياسامح انا عماله اتحايل على نفسى تقوم تاكل وهى مش رديا تسمع الكلام اظاهر انها هتفضل

تتمايص لغيت لم الفجر يدن هى حره انا غلبت معاها
الى بعدى اماص

[samoha]

سيبها تولع وتستحمل بقي ولو صعبت عليكي اكليها بعدد الفجر وانا مش هقول لحد
السؤال بقي>>>>>>>>>احيانا كتير اتئمص من اللي قصادي
اللي بعدي>>>>>>>>راضي عن نفسك

[نانسي]

تبئا اماص يامعلم

انا الحمد لله رضى عن نفسى لان ربنا الحمد لله مدينى حجات كتير جميله

الى بعدى سهران

[samoha]

ههههههههههههههههه>>>>>ايه الذكاء ده
تخيلي احتمال اكون نايم ومش واخد بالي
اللي بعدي هينام

[نانسي]

هههههههههههههههههه 00 طب خد بالك بئه لاتنام على روحك

الى بعدى هيقوم يصلى الفجر عشان هو شاطر

[ܔْށHaMaDaܔْށ]

أكيد
اللي بعدي هيروح يلعب كوره انهارده

[دلوعه اهلاويه]

نووووووووووووووووووووو


اللي بعدي اهلاوي؟

[Mido Star]

لالالالالالالالالالالالالالالالالالالالالالالالالا لالالالالا


اللى بعدى متفوق ؟؟؟

[ܔْށHaMaDaܔْށ]

ههههههههههههههههه لاطبعا
اللي بعدي سافر امريكا ولسه مجاش

[دلوعه اهلاويه]

لا ياخفه انا في مصر


اللي بعدي اسرائيلي

[samoha]

سهر متجيش هنا تاااااااااني
اللي بعدي عايز يخنق سهر زيي كده

[Mido Star]

انا بلعكس انا مقدرش اعمل معاها حاجه دى تضربنى هو انا قدها

الا بعدى انت عبيط زى واحد صحبنا؟؟؟؟

[ܔْށHaMaDaܔْށ]

هههههههههههههههههههههه لا طبعا بس هو مسن صاحبنا ده

[samoha]

ياتري بقي مين صاحبنا ده
اللي بعدي بقي ياريت يوسع شويه عشان هاضرب حماده لوفر

[ܔْށHaMaDaܔْށ]

ههههههههههههه اضرب وانا معاك

[samoha]

قشطه ياريس
اللي بعدي هتضرب معانا ولا ايه
ولو انت نعيم قولي هتضرب بايه

[دلوعه اهلاويه]

لا انا مش نعيم يابابا

وانا مش هضرب حماده لوفر عشان هو انسان محترم ومش بيعوز يخنقني

زيك كده ياسامح


اللي بعدي بيكره سامح ونعيم زى كده هههههههه

[samoha]

هههههههههههههههههههههه
ده سامح ده عسل ونعيم اعسل منه
حرام عليكي ياشيخه
اللي بعدي مش سهر

[دلوعه اهلاويه]

لا يا خويا انا سهر

اللي بعدي

بتعمل ايه دلوقتي

[samoha]

سؤال ظريف ما اجاوبش عليه
يعني بذاكر يعني
اللي بعدي ناوي ان شاء الله يحيي العشر الاواخر من رمضان

[دلوعه اهلاويه]

انشاء الله مع ان عارفه اني مقصره السنه دي كتير



والسببب هو المنتدي ده

[kapo4e]

فين السؤال يا سهر هانم ...

طيب الي بعدي هتقضي اول يوم العيد فين ان شاء الله

[دلوعه اهلاويه]

في بيتنا يا اما عند قرايبي وبعدين انت مالك انت


اللي بعدي نفس السؤال

[kapo4e]

في البلد معا قريبي ...

الي بعدي بامانه صليت العشاء

[joosry888]

الحمد لله والتروايح كمان
اللى بعدى
هتصلى الفجر النهارده فى ميعاده

[نانسي]

اساسى امال انا سهرانه ليه

الى بعدى هيعمل ذى

[joosry888]

انا صليت خلاص الحمد لله
اللى بعدى انت قرأت اديه ايه من القرآن لحد الان

[sahiro]

للاسف مقرأتش

اللى بعدى


الاهلى ممكن يكسب فى تونس ؟؟

[samoha]

هيتعااااااادل
اللي بعدي حاسس ان ربنا راضي عندك ولا لا

[دلوعه اهلاويه]

الواحد بيحاول يرضي ربنا باي شكل والله

بس يارب يتقبل مني

اللي بعدي عايش قصه حب

[samoha]

ياريت مبقاش ده حالي
هههههههه
لا لسه
اللي بعدي نفس السؤال

[دلوعه اهلاويه]

نووووووووووو

الشر بره وبعيد

الواحد مرتاح


اللي بعدي نفس السؤال؟؟

[samoha]

هههههههههههههههههههه
علي رايك ربنا يكون في عونه اللي هيقع في نصيبك
وبعدين ههي شغلانه قلت مره لا
اللي بعدي ششايف انه ىمعملش حاجه عدله في حياته(عايز اجابه بجد ده سؤال مش تريقه)

[دلوعه اهلاويه]

انا بقي شايفه اني معملتش حاجه وحشه في حياتي خالص

لان بتقي ربنا في كل حاجه بعملها

انا بتكلم بصراحه والله

وعلي اد ماقدر مبعملشي حاجه غلط


اللي بعدي نفس السؤال

[samoha]

تمااااااااام ويارب كده علي طول
انا بقي الي حد ما شايف اني عملت حاجه كويسه وبحاول ان ربنا يرضي عني
بس شايف اني معملتش لسه اللي اانا عايزه عايزه عشان كده مقلق شويه
اللي بعدي >>>>>ياتري بتحب اخوك ولا اختك اكتر

[دلوعه اهلاويه]

ربنا ينولك اللي في بالك

انا ماليش اخوات بنات بس بحب اخواتي الاتنين اد بعض


اللي بعدي

قريت كم جزء في القران

[samoha]

الحمد لله ربنا وفقني ويسر لي ختم القران في رمضان >>>اللهم لا رياء
اللي بعدي نفس الؤال

[دلوعه اهلاويه]

انا قريت 11 جزء اول سنه تحصل

انا كنت بختمه كل سنه

سامحني يارب

اللي بعدي بيحب البانيه

[samoha]

كده مش نافع والله ياسهر شدي حيلك شويه وحاولي تكملي بعد ال11طول السنه عادي عشان تخشي رمضان الجاي ان شاء الله بختمه جديده عشان طالما بداتي ختمه لازم تكمليها
اللي بعدي نفس السؤال

[joosry888]

الصراحه انا كنت بحاول السنه دى اختمه 3 مرات فى رمضان
لكن للأ سف ختمته مره واحد بس
اللى بعدى
صليت القيام ليه القدر او العشر الأواخر

[samoha]

الحمد لله علي كل شئ يا جوسري
وانا الحمد لله صليت القيام في العشر الاةاخر ماعدا ليله واحده عشان كان عندي امتحان تاني يوم الصبح بدري فمنفعش اسهر عشان كده مش متاكد احييت ليله القدر ولا كانت هي اللي مصلتهاش ربنا يستر
اللي بعدي نفس السؤال

[دلوعه اهلاويه]

الحمد لله

ودعيت كتير جدا ويارب يستقبل مننا يارب

اللي بعدي بتحب سامح

[samoha]

اكيد طبعا ده سامح ده روحي روحي روحي روحي
اللي بعدي نفس السؤال

[نانسي]

مش عيزه احرجك بس ياله ذى اخويه

الى بعدى بيلعب رياضه

[samoha]

بلي مسافات طويله>>>>>هع هع هع هع هع
اللي بعدي مابيطقش سهر ونانسي

[Rania Ebrahim]

لا خاااااااااااااااااالص .. انا بحبهم جداااااااااااا


اللى بعدى >>>> بيكره سامح لله فى لله ؟؟؟؟

[نانسي]

حبيبت قلبى جيتى على الوجيعه

الى بعدى نفسى اضربه بالشلوط

[Dondon]

ليه بس يا نانسى


اللى بعدى بيحب رانيا

[joosry888]

طبعا فى الله
اللى بعدى زعلان من دنيا الأهلاويه

[samoha]

ليه ده انا حتي لسه ماشفتش منها حاجه وحشه طبعا لا
هي تيجي حاجه جنب الكوابيس اللي هنا
اللي بعدي عايز يخنق رانيا وسهر ونانسي

[joosry888]

لالالالالالالالالالالالالالالالا حراااااااااااااااااااااااااااااااااااام
اخواتنا برده هنعد نكلم مع ميين
هههههههههههههههههههههه

[samoha]

اتكلم معايا يامعلم
اللي بعدي بقي يفضل ان يكون المنتدي رجالي فقط

[KEMOOO]

أكيد حيبقي ممل لاننا مش عايشين لوحدنل في المجتمع
هل ممكن تحب بنت صحبك الانتيم كان بيحبها قبل كده بس دلوقتي بيحب واحده تانيه ؟؟؟؟؟؟؟؟؟؟؟؟؟؟

[samoha]

هههههههههههه
اانا بهذر ياكيمو في السؤال

بص الحب ده حاجه جميله وغير متوقعه فاكيد لو حبتها هاحافظ اوي علي شعور صاحبي واكيد طالما مفيش بينهم حاجه دلوقتي يبقي صاحبي ده لو صاحبي بجد يتمنالي الخير

اللي بعدي >>>>>حاسس انك ماشي في حياتك صح

[دلوعه اهلاويه]

الحمد لله مبحاولشي اعمل الخطأ

اللي بعدي حاسس ان ربنا راضي عنه؟؟

[samoha]

الحمد لله انا بحاول معملش حاجه تغضبه ولو غلطت بارجعله علي طول

اللي بعدي نفس السؤال

[دلوعه اهلاويه]

الحمد لله بحسها في مواقف كتيره اوى ان ربنا دايما واقف جمبي

اللي بعدي انت بتحب الاهلي من وانت عندك كم سنه

[samoha]

ايه الاسئله الصعبه دي
تقريبا كده وانا عندي10سنين اول ماتابعت الكوره

اللي بعدي انت مخطط لمستقبلك ولا زي ماتيجي تيجي

[دلوعه اهلاويه]

انا بصراحه كنت راسمه لمستقبلي شيئ معين بس متحققشي

وهو كان نفسي ادخل كليه صيدله بس وقفت معايا علي 4%

فدخلت تجاره انجلش وقلت دي هتعوضني بقي

لقيت صحابي كلهم في تجاره عربي ولعبوا في دماغي جامد لحد لما حولت معاهم

ومن يوميها وانا مش شايفه اي مستقبل
شكلي في الاخر هتجوز وهعد في البيت هههههههههه


اللي بعدي نفس السؤال

[samoha]

ايه ده يابنتي ده كله
يعني ينفع كده ياسهر
اولا الصيدله قسمه ونصيب مش مشكله خالص انها مجتش
اما بقي يعدوا يلغبوا في دماغك لحد ماتحولي مش ينفع ياطنط خالص
علي العموم ربنا يسهلك يارب في تجاره عربي وتشتغلي في بنك كبير
عشان ابقي اقلبه انا وانتي ونستوولي عليه
بس بلاش نظره التشاؤم دي يعني انك مش شايفه اي مستقبل >>>>>تفاءل الخير تجده
وان شاء الله ربنا يسهلك قبل ماتتجوزي (اللي مامته داعيه عليه)


انا بقي كان نفسي اخش بترول وتعدين بس فرقعت مني عشان 1%
ودلوقتي بقي الواحد بيحاول انه يجهز نفسه لقدام عن طريق كورسات اللغه والكبيوتر وكده يعني وربنا يفرجها من عنده



اللي بعدي>>>>>>>>>>>>>>>ايه نقطه ضعفك

[KEMOOO]

الحب
إلي بعدي نفس السؤال

[samoha]

نقطه ضعفي>>>الطيبه

اللي بعدي ايه اهم عيب فيك

[KEMOOO]

الصراحه
إلي بعدي لو ليك صاحب (انتيم ) وحسيت ان صحبك ده بدا يتعالي عليك حتعمل إيه ( مش فلوس ) بيحسسك إنه فاهم كل حاجه و انت جنبه و لا بتعرف تفكر هوه إلي ممشيك علي حد قوله حتعمل إيه ؟؟؟؟؟؟؟؟؟؟؟؟؟؟؟

[samoha]

هاخلعه واراجع نفسي لان ده عمره ماينفع يبقي صاحب اصلا ومعتقدش انه بالمنظر ده يبقي باقي علي عشره او اي حاجه وكرامتي ساعتها احسن من الف صديق واحسن لي اكون راضي نفسي حتي لو هبقي لوحدي

اللي بعدي>حاسس ان ربنا راضي عنك

[KEMOOO]

ساعات و ساعات
من ترشح لنيل لقب أبطال أوروبا

[samoha]

مممممممممممممممممم

انا صالا مش متابعه كويس

بس ارشح برشلونه

ترشح مين يفوز ببطوله امم افريقيا

[KEMOOO]

يارب الأرسنال
لو فكرت تعمل حاجه مجنونه تكون إيه ؟

[samoha]

ممممممممممممممممممممم
مش عارف دي صعيه جوي جوي يابوووووووووي

قولي انت هتعمل ايه

[KEMOOO]

أنا لو مش حرام ممكن أنتحر بس حرام
لو القتل مش حرام مين أول واحد حتقتله ؟

[samoha]

ياعم والله حرام عليك>>بطل بؤس بقي

مكن اقتل نفسي


وانت بقي

[KEMOOO]

نفسي أكيد
طب لو من المنتدي حتقتل مين ؟

[samoha]

بلاش بقي عشان دول كتير

اللي بعدي نفسك تعمل ايه بكره

[دلوعه اهلاويه]

نفسي اروح الكليه اللي مشفتهاش لسه

بس مش هروح برده هخليها بقي يوم الحد

اللي بعدي نفس السؤال

[ܔْށHaMaDaܔْށ]

نفسي انام طول اليوم بكره
اللي بعد بتعمل ايه لما بتروح الكليه بتحضر محاضراتك ولا

[samoha]

طبعا هو في غيرها ده انا بيطلع عيني

بس اليومين دول مقضيها نوم في المحاضرات
ههههههههههه

اللي بعدي >>>>>>ياتري مابتحبش ايه في نفسك

[ܔْށHaMaDaܔْށ]

قللبي الابيض والله
اللي بعدي بتحب السهر علي النت ولا قدام التليفزيون

[sahiro]

النت طبعا .. التليفزيون دا تقريبا انتهى من حياتى


اللى بعدى


حسيت بايه يوم ماتش الاهلى (النهائى) مع النجم ؟؟


قبل الماتش وبعده ؟؟

[Mido Star]

حسيت ان الاهلى هيكسب

ده قبل المتش

اما بعد حسيت بكره كبير نحيت الحكم وكمان انا كنت بشد فى شعرى

اللى بعدى بتعمل ايه لما تكون فى موقف حرج ؟

[samoha]

بفضل السكوت واحيانا احاول اغير الموقف


ايه رايك في نفسك

[دلوعه اهلاويه]

بنوته عسوله ودمها خفيف وكميله ومخنوقه منك اوى مش عارفه ليه هههههههههههههههه

[samoha]

هههههههههه

ايه النفاق ده كله

اللي بعدي ايه رايك ف الكلام الكدب اللي فوق ده

[Mido Star]

مش فاهم اى حاجه اللى بعدى

حبيت كام مره فى حياتك

[sahiro]

مرتين

اللى بعدى

نفس السؤال

[Mido Star]

نفس الجواب بردو ياريس

اللى بعدى بتحب مين اكتر ولدك ولا ولدتك ؟؟؟؟؟

[برنس الاهلي]

والدتي اللي بعدي
نفس السؤال؟

[Mido Star]

بصارحه بحبهم الاتنين

جدا بس ولدى كان اكتر شويه الله يرحمو

اللى بعدى اكتر اغنيه بتحبها وبتمسلك ايه

[برنس الاهلي]

بحبك وحشتيني لانها اول اغنيه رقصت فيها مع خطيبتي
اللي بعدي نفس السؤال

[Rania Ebrahim]

الله لو نرضى .. لفؤاد >>> بتفكرنى بصحابى

اللى بعدى نفس السؤال

[Mido Star]

الحلم الجميل بتفكرنى بولدى

اللى بعدى

كام مره زهقت من نفسك وحسيت انك مخنوق

[Rania Ebrahim]

يوووووووووووووووه كتيييييييييييييييييييييييييييييييييييييير متعدش




اللى بعدى >> بتكذب ولا لأ ؟؟؟؟

[samoha]

الحمد لله معرفش اكدب


اللي بعدي نفس السؤال

[سندباد]

طبعا سؤال مش ذكى لانى لومش بكدب هجاوب انى مش بكدب
ولو بكدب هجاوب انى برضه مش بكدب هههههههههه
اللى بعدى ايه الحاجه اللى ممكن تنزل دموعك؟

[KEMOOO]

بنت بحبها موت و هيه مش واخده بالها
نفس السؤال ؟؟؟؟؟؟؟؟؟؟؟

[Rania Ebrahim]

طب ماتقولها ياكريم واتكلم معاها

فراق حد غالى عليه

اللى بعدى >> نفس السؤال

[فارس]

انى اظلم حد ... او يظلمنى .... بجد شعور مش حلو


ايه اكتر شىء فى الحياه يسعدك ؟؟؟

[Rania Ebrahim]

ان ربنا يكون راضى عنى


امتى تكذب فى حياتك ؟؟

[KEMOOO]

لما ملقيش حل تاني غير ده

طب امتي تنسحب من حياه الشخص إلي قدامك صديق أو حبيب ؟؟؟؟؟؟؟؟؟؟؟

[Rania Ebrahim]

لو كان وجودى معاه هيسبب له مشاكل او لو كان هو رافض وجودى معاه


امتى تحكم على نفسك بالفشل ؟؟؟؟؟؟

[سندباد]

لو قررت التحدى فى شئ وبرده معرفتش اوصل للهدف

امتى تيأس من الحياه؟؟؟؟؟؟؟؟؟؟؟

[Rania Ebrahim]

لما افقد اعز واغلى الناس ..............


امتى تفرح من قلبك اوىىىىىىىىىىىى؟؟؟؟؟؟؟

[سندباد]

لما اشوف اللى بحبهم فرحانين

ليه رافض فكره الزواج؟؟؟؟؟؟؟؟؟
هههههههههههههه

[Rania Ebrahim]

هههههههههههههههههههههههه

عشان مش لاقيه حد مبسوط منه


ايه هو السؤال اللى نفسك تسأله لشخص معين ؟؟؟؟

[سندباد]

هههههههههههههه اللى انا سالته فوق
امتى هنفرح فييك؟؟؟؟؟؟؟؟؟؟؟

[Rania Ebrahim]

هههههههههههههههه

قصدك تشمتوا فيا ههههههههههههه .. بس انا مش هديييكوا الفرصه دى ابدااااااااااااا


ايه الحاجه اللى ممكن تضايقك اوى وتخرجك عن شعورك ؟؟؟؟؟؟؟؟؟؟

[سندباد]

الكدب
تتمنى ايه يتحقق فى حياتك

[Rania Ebrahim]

رضى ربنا أهم حاجه


ايه الامنيه اللى نفسك تحققها ؟؟؟؟؟؟

[سندباد]

انى احج بيت الله وان ربنا يتقبل منى
نفسك اولادك يشتغلوا ايه............؟

[Rania Ebrahim]

مش لما يجوا الاول هههههههههههه .. بس اكيد نفسى يبقوا احسن حاجه


هتقوم تصلى الفجر؟؟؟؟؟؟؟

[sahiro]

مهو دلوقتى مش الفجر اصلا هههههههههه

اللى بعدى

تخر مره استلفت فيها فلوس

[night rose]

ماعتقدش انى استلفت من حد من ايام ابتدائى وكان تقريبا ربع جنيه عيال بقى
مين اكتر انسان بتكرهه ؟

[Rania Ebrahim]

ولا حد خالص


نفسك تكون ايه ؟؟؟؟؟؟؟

[سندباد]

نفسى اكوووون نفسى
اكتر حاجه بتحبها فى نفسك؟؟؟؟؟

[Rania Ebrahim]

انى بسامح بسرعه اوى ومن غير تفكير


ايه اللى بتكرهه فى نفسك ؟؟؟؟؟

[سندباد]

طيبه قلبى والخوف من احرج الاخرين
هل مررت بتجربه عاطفيه؟؟؟

[Rania Ebrahim]

هو السؤال ده أجبارى ؟؟؟ هههههههههههههه

أى نعم


خرجت فى العيد ولا قعدت فى البيت ؟؟؟

[سندباد]

طبعااااااااااااااااااااا
مقدرش معيدش على الاهل والاحباب
اهم موقف حصلك فى حياتك؟

[Rania Ebrahim]

موقف مع واحده صاحبتى >> ماحبش افتكره


تحب تقعد فى البيت ولا تخرج ؟؟

[سندباد]

اخرج طبعا مبحبش البيت
موقف صعب حصلك فى حياتك؟

[Rania Ebrahim]

موت أمى ......


نفس السؤال

[سندباد]

الله يرحمها
موت خالتى
بتحب ايه فى نفسك؟؟؟؟؟؟؟؟؟ظ

[Rania Ebrahim]

طبيعتها



بتتمنى ايه من ربنا فى كل وقت ؟؟؟؟

[sahiro]

بتمنى انى اموت مسلم

اللى بعدى

حاطط نغمه ايه لموبايلك ؟؟

[Dondon]

معنديش موبايل اصلا هههههههه

اللى بعدى


بتحب مين اكتر واحد؟

[Rania Ebrahim]

بحبك انتى واخوكى


هتعمل ايه فى اول يوم فى السنه الجديده ؟؟؟

[3mooor]

العادي بتاع كل يوم مش فارقة كتير اللي بعدي نفس السؤال هتعمل ايه

[Dondon]

يوم عادى زى اى يوم يعنى عادى

ما اكتر مطرب ومطربه بتحبهم؟

[Rania Ebrahim]

عمرو دياب طبعا .. اصاله


ايه الحاجه الى بتخليك خايف ؟؟؟؟؟؟؟؟

[KEMOOO]

أفقد أغلي انسان عندي

هل انت اناني ؟؟؟؟؟؟؟؟؟؟؟

[Rania Ebrahim]

لا عمرى الحمد لله




انت بتحب؟؟؟؟

[LoveBarcelona]

بحب ايه بالضبط ؟؟؟؟؟؟؟؟

ايه رقمك المفضل ؟؟؟؟؟؟؟؟؟

[KEMOOO]

13

هل تؤمن بالحظ ؟؟؟؟؟؟؟؟؟؟؟؟؟؟؟

[LoveBarcelona]

احياناً بيكون الواحد محظوظ .........

بتشجع مين في الليجا ؟؟؟؟؟؟؟؟

[KEMOOO]

برشلونه

نفسك مين ياخد أبطال أوروبا

[LoveBarcelona]

برشلونه .......

انت قلت برشلونه عشان بجد بتحبو ولا خايف اقتلك ولا حاجه ههههههههه

[KEMOOO]

أنا بحب برشلونه عشان فيه مسي و هنريغير كده مبحبش الريال

بتحبي هنري لما كان في الأرسنال و لا لما راح برشلونه

هنري عامل مشترك

[LoveBarcelona]

هههههه ........ يعني هنري بقى الوصل بين الناديين ........

ماشي كان بيعجبني لعبوا في الارسنال ..... بس لما جه برشلونه بقيت بحبوا .........

ماشي ايه برأيك سبب هزيمتنا امام الريال ؟؟؟؟

[KEMOOO]

أكيد كتره النجوم في برشلونه سبب الهزيمه و بقي مفيش فكر جديد للمدرب ريكارد

تحبي مين في الريال يجي برشلونه ؟؟؟؟؟؟؟؟؟

[LoveBarcelona]

نستلروي اكيد .............

مع انو دايما السبب في خسارتنا ......

ليه بتحب الاهلي .

[KEMOOO]

عشان فيه روح و اللعيبه عندهم أخلاق و بيعملوا اللعيبه كل إلي عليهم عشان يجيبوا بطوله

علمي و لا أدبي ؟؟؟؟؟؟؟؟؟؟؟؟؟؟؟؟ظ

[LoveBarcelona]

ادبي .......

ايه رأءيك في منتخب مصر ..... تتوقع ياخد كأس الامم ؟؟؟؟؟؟

[KEMOOO]

لو وصل للدور التاني يبقي انجاز

ما هيه طموحاتك ؟؟؟؟؟؟؟؟؟؟؟

[LoveBarcelona]

اكون مرشده سياحيه .......ز وكمان اعمل فيلم كارتون .......

نفس السؤال للي بعدي .

[KEMOOO]

أشتغل محاسب في مجالي و يكون ليا مركز في المستقبل

طب بتخافي من ايه ؟؟؟؟؟؟؟؟؟

[LoveBarcelona]

بخاف من حاجات كتير ........... الكلاب والاسانسير ......

بتحب ايه ...؟؟؟؟؟؟؟

[H!M@_HP]

الكلاب و الاسنسير
مين اكتر مغني بتحبه

[KEMOOO]

تاااااااااااااااامر
و اكتر مغني بتكرهه

[H!M@_HP]

عماد بعرور
اكتر ممثل بتحبه

[LoveBarcelona]

منه شلبي .......

تعرف انك رخم يا هيما هههههههههه

[KEMOOO]

هههههههههههههههههه

لا و الله ده ظريف

تتمني تكوني زي مين في المستقبل

[H!M@_HP]

ده سؤال اه اعرف
تعرفي ايه تاني

[LoveBarcelona]

ليوناردو دافنشي ..........

واسعه مش كده ؟؟؟؟؟ ههههههههه

نفس السؤال .....

[KEMOOO]

جاوبوا علي سؤالي و بطلوا لعب

[H!M@_HP]

الله يخليك يا كركر
اتمني اكون زي هاري بوتر

[H!M@_HP]

انا ماشي و هاجي كمان نص ساعة
مين عايز حاجة من تحت

[LoveBarcelona]

فين السؤال يا هيما ؟؟؟؟؟؟؟؟؟؟

[KEMOOO]

حسأل أنا

حاجه نفسك تعمليها

[LoveBarcelona]

ارجع لبلدي ام الدنيا .

[LoveBarcelona]

نفس السؤال اللي بعدي .

[KEMOOO]

نفسي كل حياتي تتنقل إسكندريه

مبتحبيش البلد إلي انت فيها ؟؟؟؟؟؟؟؟؟؟؟

[LoveBarcelona]

لا خالص ........بكرهها اوي .........

هيما : جبلي شوكولانه من تحت هههههههه ........

ليه بتحب الاسكندريه اوي ولا ايه ؟؟؟؟؟؟؟؟