دلوعه اهلاويه
05-09-2007, 08:39 PM
هو انت متعرفش تقول حاضر من سكات ؟؟؟؟, ناس غريبه والله
--------------------------------------------------------------------------------
كلمة عشان تريح وتستريح،كل يوم شد وحل عشان الوالدين عشان الحاجات الصغيرة قبل الكبيرة والمفروض انك غلط على طول وطبعا سيادتك مش موافق على اى شئ ومستكبر انك تقول "حاضر"
الصبح تصحى من نومك تطلب من ماما كوباية شاى او قهوة ويبدأ الخناق والشد والغلط و"صحتك يا حبيبى،ولازم تشرب اللبن وتفطر"خلاص ياعم ارضيها وارضى نفسك واشرب نسكافيه وكل ساندوتش بسرعه واترحم من الاصطباحة..
وبعدين على الباب تلاقى شد تانى على طريقة اللبس،بسيطة ياسيدى حاول توفق بين الموضة الروشة والكلاسيك،بحيث يكون عندك الاتنين والاكثر اللى تحبه وفهمها بالراحة انها موضة وعاجباك وبوسها واطلع فريرة قبل ماتاخد بالها من حاجة تانية فى منظرك..واضحك وقولها "حاضر "
واخرج وعيش حياتك واتعب وكافح وارجع البيت ، آه بداية الشد مع بابا بيسألك"اتأخرت ليه يا ولد؟؟ " رديت وقلت "سورى يا بوب كنت قاعد مع الشلة ،بروش شوية"
وعينك ماتشوف الا النار خناق وجدال حوالين الفاظك المبتذلة الغير مهذبة اللى هتضيع آمال والدك وتفسد اخلاقك مع انه مجرد كلام بسيط ، مشكلة هايفة طحن وحلها انك تتكلم زى ما اللى قدامك عايز و خصوصا مع الوالدين وطبعا تقول ايه "حاضر ".
دخلت تذاكر شغلت التسجيل يسليك دخل عليك بابا برده يشد معاك تانى قال ايه "صاحب بالين كداب " و"اقفل يا ولد وركز فى دروسك".خلاص ياباشا اخلص وقول "حاضر" وفى وقت الراحة شغل اللى انت عايزه وزى مانت عايز.
وفجأة يدخل بابا وماما و"يلا يا حبيبى عشان تنام بدرى وتصحى بدرى وانت نفسك تستنى شوية تعمل شات على النت او تتفرج على فيلم خلاص ياجميل اتفاهم مع بابا وماما بالراحة ولما تكون اول كلمتك ليهم "حاضر" اكيد هما لما تطلب منهم حاجة هيقولوا "حاضر".
المشكلة مش فى شبابا الجيل الجديد ولا فى كبار الجيل القديم ، المشكلة ان محدش منهم عايز يفهم ان دلوقتى غير امبارح ، الوقت بقى من ماس ،واقل الفلوس الماظ ، والمشاعر بقت سرعة احساس ، والهدف بقى عايز انجاز , مفيش حاجة سهلة زى ما هو مفيش حاجة مستحيلة.ابتدى بالتفاهم مع والديك ولو كنت متمرد وكل اللى على لسانك " لأ " مش هتلاقى غير الشد ولو كنت بتقول "حاضر هتكون قريب من قلب ماما وبابا
يارب تقولو حاضر بقي عشان ترتاحو وتريحوهم
اااامين
--------------------------------------------------------------------------------
كلمة عشان تريح وتستريح،كل يوم شد وحل عشان الوالدين عشان الحاجات الصغيرة قبل الكبيرة والمفروض انك غلط على طول وطبعا سيادتك مش موافق على اى شئ ومستكبر انك تقول "حاضر"
الصبح تصحى من نومك تطلب من ماما كوباية شاى او قهوة ويبدأ الخناق والشد والغلط و"صحتك يا حبيبى،ولازم تشرب اللبن وتفطر"خلاص ياعم ارضيها وارضى نفسك واشرب نسكافيه وكل ساندوتش بسرعه واترحم من الاصطباحة..
وبعدين على الباب تلاقى شد تانى على طريقة اللبس،بسيطة ياسيدى حاول توفق بين الموضة الروشة والكلاسيك،بحيث يكون عندك الاتنين والاكثر اللى تحبه وفهمها بالراحة انها موضة وعاجباك وبوسها واطلع فريرة قبل ماتاخد بالها من حاجة تانية فى منظرك..واضحك وقولها "حاضر "
واخرج وعيش حياتك واتعب وكافح وارجع البيت ، آه بداية الشد مع بابا بيسألك"اتأخرت ليه يا ولد؟؟ " رديت وقلت "سورى يا بوب كنت قاعد مع الشلة ،بروش شوية"
وعينك ماتشوف الا النار خناق وجدال حوالين الفاظك المبتذلة الغير مهذبة اللى هتضيع آمال والدك وتفسد اخلاقك مع انه مجرد كلام بسيط ، مشكلة هايفة طحن وحلها انك تتكلم زى ما اللى قدامك عايز و خصوصا مع الوالدين وطبعا تقول ايه "حاضر ".
دخلت تذاكر شغلت التسجيل يسليك دخل عليك بابا برده يشد معاك تانى قال ايه "صاحب بالين كداب " و"اقفل يا ولد وركز فى دروسك".خلاص ياباشا اخلص وقول "حاضر" وفى وقت الراحة شغل اللى انت عايزه وزى مانت عايز.
وفجأة يدخل بابا وماما و"يلا يا حبيبى عشان تنام بدرى وتصحى بدرى وانت نفسك تستنى شوية تعمل شات على النت او تتفرج على فيلم خلاص ياجميل اتفاهم مع بابا وماما بالراحة ولما تكون اول كلمتك ليهم "حاضر" اكيد هما لما تطلب منهم حاجة هيقولوا "حاضر".
المشكلة مش فى شبابا الجيل الجديد ولا فى كبار الجيل القديم ، المشكلة ان محدش منهم عايز يفهم ان دلوقتى غير امبارح ، الوقت بقى من ماس ،واقل الفلوس الماظ ، والمشاعر بقت سرعة احساس ، والهدف بقى عايز انجاز , مفيش حاجة سهلة زى ما هو مفيش حاجة مستحيلة.ابتدى بالتفاهم مع والديك ولو كنت متمرد وكل اللى على لسانك " لأ " مش هتلاقى غير الشد ولو كنت بتقول "حاضر هتكون قريب من قلب ماما وبابا
يارب تقولو حاضر بقي عشان ترتاحو وتريحوهم
اااامين