رسالة لكل المتعاطفين مع الحارس الهارب واللى انا مش منهم

[MOnMOn]

http://img182.imageshack.us/img182/6175/picture009350va1.jpg

أنا شايفة فى المنتدى وغير المنتدى ناس متعاطفين مع الحارس الخائن الهارب
ومش عارفة بجد هما بيشجعوا الأهلى كنادى والا بيشجعوا لاعيبة بعينهم؟؟؟؟؟؟؟؟؟؟
انا معاكم ان الحضرى ليه تاريخ مع الأهلى مشرف
ولكن تاريخ يعنى ماضى وهو ضيع الماضى بعملته المؤسفة
باع كل شىء من أجل الفلوس ومن أجل نغمة بيضحك بيها علينا انه مظلوم فى الأهلى
وان جوزيه بيكرهه وعاوز يدمره
وانه ياعينى بياخد ملاليم فى الأهلى وعاوز يأمن مستقبله
أصل ياعينى دروجبا قاله بالفرنساوى
ازاى يا حارس ياهربان حارس زيك ميلعبش فى اوربا
وكأن الحضرى بيفهم فرنساوى ماعلينا
الهارب ياريت الناس اللى بتدافع عن الحارس
تقارن بين موقفه السىء ده وبين موقف الراحلين ثابت البطل اللى حضر آخر مباراة له
مع الأهلى فى عز مكان تعبان وعلى فراش الموت
وكلنا طبعا عارفيين الموضوع ده
وكمان محمد عبد الوهاب وأزمته اللى كانت مع نادى الظفرة
ولن أنسى كلمته اللى قالها مع شوبير الأهلى ادانى كلمة وانا مقدرش اخلى كلمتى مع الأهلى ابدا
رحم الله ثابت ومحمد عبد الوهاب

المتعاطفين مع الخائن بيبرروا انه من حقه يحترف انا لا أختلف معاكم فى هذا ولكن
يحترف بطريقة تناسب الأهلى وتناسب تاريخه معاه
مش يهرب بدون علم احد وكمان محطش فى باله الأهلى اللى عمله واللى له فضل عليه بعد ربنا سبحانه وتعالى
الأهلى يا جماعة اللى عمله
انا خلصت كلامى عن هذا الحارس الهارب خلاص
ومش هتكلم فيه تانى
لأن خلاص لم يعد فى بالى ولا فى بال الأهلى والأهلى لن يقف على لاعب

الموضوع الآخر الناس اللى قارفين الأهلى وبيهاجموا فى الأهلى سواء كانوا نقاد رياضيين
او للأسف من جماهير الأهلى اللى بيطالبوا الأهلى انه يسيب لاعيبته علشان يحترفوا احب اقولهم لماذا لاتطالبون الزمالك بترك عمرو زكى للإحتراف والإسماعيلى ايضا؟؟؟؟؟؟؟

وتعالوا نتخيل لو الأهلى وافق على احتراف تريكة ومتعب والحارس الهارب
ووائل جمعة وحسن مصطفى ومحمد شوقى وكمان فلافيو بالمرة وجيلبرتو

وانهار الأهلى وخسر المباريات
فمن الذى سينفعه
ستجد جماهير الأهلى بتعيط وبتتشاكل وهما نفسهم اللى عاوزين اللاعيبة تحترف
وسنجد النقاد الجاهبزة اعدين نفس الأعدة فى الفضائيات ينهشون لحم الأهلى ويتهمون الإدارة انها فرطت فى اللاعيبة
بجد حاجة محيرة وحاجة تقرف
الأهلى مش بيجيب ناس وينظفهم ويعليهم علشان بعد كدة يسبوه
من وجهة نظرى الأهلى مثله مثل الأرسنال وريال مدريد وبرشلونة اندية تبحث عن البطولات
يعنى مش نادة محطة

وياريت الناس تفهم كدة
احنا عاوزين بطولات
واللاعب اللى جاى الأهلى وحاطط فى دماغه انها محطة
يبقى الأحسن يروح يشوفله نادى تانى
لأن الأهلى نادى بطولات ومن حقه يحافظ على لاعيبته

وجماهير الأهلى اللى عاوزة تشوف لاعبيتها بتلعب فى الدورى الأروبى متبقاش بقى تعيط
وتزعل لما نخسر البطولات
انا مش عارفة ازاى بطالبوا الأهلى ببطولات وفى نفس الوقت عاوزينه يستغنى عن احسن لاعيبة عنده؟؟؟؟؟؟

آخر حاجة معلش طولت عليكم
ياريت الناس تبطل تحب لاعب بعينه وياريت
تحبوا ناديكم أحسن
لأن من وجهة نظرى لم يعد هناك انتماء عن اى لاعب الا للفلوس
ولم يعد هناك انتماء الا عند الجماهير اللى انا واحدة منهم


الموضوع ده بقلمى

[سندباد]

انا معاكم ان الحضرى ليه تاريخ مع الأهلى مشرف
ولكن تاريخ يعنى ماضى وهو ضيع الماضى بعملته المؤسفة

بصراحه انا مقراتش المقال للاخر واكتفيت بهذه العباراه التي تعتبر وبكل صراحه هي الواقع الحضري ماضي ويجب ان ينتهي
شكرا علي المقاله يا يمنه يا بنت دمياط بلد الكرم اللي اكيد قالتها بكل صراحه

الحضري الخائن :AD (46):

[MOnMOn]

بصراحه انا مقراتش المقال للاخر واكتفيت بهذه العباراه التي تعتبر وبكل صراحه هي الواقع الحضري ماضي ويجب ان ينتهي
شكرا علي المقاله يا يمنه يا بنت دمياط بلد الكرم اللي اكيد قالتها بكل صراحه

الحضري الخائن :AD (46):


ياريت تقرا المقال كله لأن مش عن الخائن بس فى حاجات اهم
وانا بنت دمياط اه ولكن الأهلى هو الأصل عندى
والحارس ده خلاص سقط من عندى نهائيا
شكرا لردك

[bosi88]

والله عندك حق في كلمة بتقولها
شكرا بجد علي كلامك ده

[MOnMOn]

والله عندك حق في كلمة بتقولها
شكرا بجد علي كلامك ده

العفو يابوسى شكرا لمرورك

[برنس الاهلي]

انا تعبت من كتر الدفاع عن النجم عصام الحضري هوه نجم النجوم
بس الراجل حقه ياخد فلوس حقه يشتهر حقه الاحسن
يا ريت يا يمنه نفتكر للراجل اي حاجه من مليون حاجه كويسيه عملها لمصر والاهلي وكره القدم

[سندباد]

آخر حاجة معلش طولت عليكم
ياريت الناس تبطل تحب لاعب بعينه وياريت
تحبوا ناديكم أحسن
لأن من وجهة نظرى لم يعد هناك انتماء عن اى لاعب الا للفلوس
ولم يعد هناك انتماء الا عند الجماهير اللى انا واحدة منهم

بجد مقاله رائعه وبايدك في كل كلمه انتي قلتيها وفعلا من يطالب الاهلي بالافراج عن لعيبته للاحتراف الخارجي اقول لهم اليس النظام المعمول به في الاهلي احتراف ثم ان الاعبين المصريين اثبتوا تماما ان اغلبهم يفشل خارجيا ويهبط مستواه كثيرا بالاحتراف وليس العكس مع الاعتراف بان هناك القليل جدا الذي يشز عن هذه القاعده فهناك لاعبين خرجت من مصر ومن الاهلي بالذات وهي تحمل لقب افضل لاعب في مصر اين هم الان ابراهيم سعيد ومحمد فاروق وسمير كمونه واحمد بلال و... و...و الكل يحقد علي الاهلي وعلي نجاحاته المتتاليه لهذا يكيدون له ويتمنون سقوطه ويتهمونه انه من دمر الكره في مصر وارد عليهم بان الاهلي بلاعبيه هو من حصل علي اخر بطولات مصر في الكل العصور اليس الاعبين المحليين هم من حصلوا علي كأس الامم الافريقيه مرتين علي التوالي والذي يمثل لاعبي الاهلي منهم اكتر من نصف التشكيله الاساسيه للمنتخب
نعم نحن نحب الاهلي والاهلي فقط وكل من يخلص للاهلي كنا نحب حسام حسن وهو يرتدي فانله الاهلي واصبح ماضي بمجرد ان ارتدي فانله الزمالك
انا اهلاوي فقط
واعشق الاهلي الاهلي فقط
شكرا مره تانيه يا يمنه علي التوبيك الرائع الذي ارشحه للمسابقه

[MOnMOn]

انا تعبت من كتر الدفاع عن النجم عصام الحضري هوه نجم النجوم
بس الراجل حقه ياخد فلوس حقه يشتهر حقه الاحسن
يا ريت يا يمنه نفتكر للراجل اي حاجه من مليون حاجه كويسيه عملها لمصر والاهلي وكره القدم


وهو يعنى مابيخدش فلوس فى الأهلى
بيلعب يعنى ببلاش
ماتتكلموا كلام معقول
والله حاجة تحرق الدم ده عايش احسن عيشة ومليونير ومشهور
المفروض يحمد ربه فيه شباب فى البلد مش لاقين ربع اللى بياخده
ولا لاقيين يشتغلوا ولا لاقيين يتجوزوا
ياريت تبطلوا نغمة عاوز فلوس ونيلة
مش كل حاجة فلوس
شكرا لمرورك

[MOnMOn]

بجد مقاله رائعه وبايدك في كل كلمه انتي قلتيها وفعلا من يطالب الاهلي بالافراج عن لعيبته للاحتراف الخارجي اقول لهم اليس النظام المعمول به في الاهلي احتراف ثم ان الاعبين المصريين اثبتوا تماما ان اغلبهم يفشل خارجيا ويهبط مستواه كثيرا بالاحتراف وليس العكس مع الاعتراف بان هناك القليل جدا الذي يشز عن هذه القاعده فهناك لاعبين خرجت من مصر ومن الاهلي بالذات وهي تحمل لقب افضل لاعب في مصر اين هم الان ابراهيم سعيد ومحمد فاروق وسمير كمونه واحمد بلال و... و...و الكل يحقد علي الاهلي وعلي نجاحاته المتتاليه لهذا يكيدون له ويتمنون سقوطه ويتهمونه انه من دمر الكره في مصر وارد عليهم بان الاهلي بلاعبيه هو من حصل علي اخر بطولات مصر في الكل العصور اليس الاعبين المحليين هم من حصلوا علي كأس الامم الافريقيه مرتين علي التوالي والذي يمثل لاعبي الاهلي منهم اكتر من نصف التشكيله الاساسيه للمنتخب
نعم نحن نحب الاهلي والاهلي فقط وكل من يخلص للاهلي كنا نحب حسام حسن وهو يرتدي فانله الاهلي واصبح ماضي بمجرد ان ارتدي فانله الزمالك
انا اهلاوي فقط
واعشق الاهلي الاهلي فقط
شكرا مره تانيه يا يمنه علي التوبيك الرائع الذي ارشحه للمسابقه

العفو يا عمرو
شكرا انت لردك الجميل

[برنس الاهلي]

طيب بصي يا يمنه هحاول اوصلهالك
انتي الحضري اوكي بتلعبي في النادي الاهلي عشتي معاه بطولات وكان ليكي اكبر دور فيها كلها في الزمن اللي انتي موجوده فيه اوكي المفروض ان شارت الكبتنه اللي انتي جديره بيها خدها جوزيه منغير سبب والنادي لا حول له ولا قوه واكتفوا ده جوزيه يا حضري
تاني حاجه انتي جايلك عروض باكتر عشر مرات من اللي بتاخديه افتكر انه مبيلعبش كوره هوايه انتي فاهمه
المهم انتي قدامك شهره اكبر وده السبب اللي خلا الحضري او اي لاعب كوره في العالم يلعب كوره
ده كله ومافضلش غير 4 او 5 سنين وتعتزلي
بالله عليكي هتعملي ايه بس من غير افلام عربي

[MOnMOn]

طيب بصي يا يمنه هحاول اوصلهالك
انتي الحضري اوكي بتلعبي في النادي الاهلي عشتي معاه بطولات وكان ليكي اكبر دور فيها كلها في الزمن اللي انتي موجوده فيه اوكي المفروض ان شارت الكبتنه اللي انتي جديره بيها خدها جوزيه منغير سبب والنادي لا حول له ولا قوه واكتفوا ده جوزيه يا حضري
تاني حاجه انتي جايلك عروض باكتر عشر مرات من اللي بتاخديه افتكر انه مبيلعبش كوره هوايه انتي فاهمه
المهم انتي قدامك شهره اكبر وده السبب اللي خلا الحضري او اي لاعب كوره في العالم يلعب كوره
ده كله ومافضلش غير 4 او 5 سنين وتعتزلي
بالله عليكي هتعملي ايه بس من غير افلام عربي

والله انا لو مكانه وبجد الكلام ده
مهما جالى من مليارات مش ملايين
لو المان يونايتد طلبنى كمان اللى انا بعشقه بعد الأهلى
هرفض رفضا تاما حتى لو عندى 40 سنة
لأن انا اصيلة ومقدرش امشى واسيب الأهلى كدة من غير علمه
وكمان سبب ازمة فى افريقيا ياعالم هتعدى على ايه
بس خلاص

[::TiTo elmasry::]

فعلا الاهلى ينضف ويكون نتيجه ده الهروب من اجل الفلوس مع انه فى الاهلى هيكون احسن من بره ومن الغربه وغيرها وعلى العموم خلاص انا نسيته اصلا وفعلا هو ماضى وهو ضمره بايده

[برنس الاهلي]

طيب يا يمنه ده كلامك كمشجعه وزي ما بنقول اللي ايده في الميه مش زي اللي ايده في النار
ومين قالك ان الحضري كان حابب يمشي كده الحضري حاول بكل طريقه انه يقنه النادي برحيله لكن النادي رفض
وعلي فكره الحضري احترف بنص التمن اللي المفروض يحترف بيه والسبب القيعي بيه يعني المشكله منش مشكله فلوس قوي قد ما هوه نفسه يحترف ويعمل حاجه

[elnaggar]

تسلم ايدكـ يايمــنـه على التووبيكـ


انا بحبـ الحضــرىى وعشان كدأأ
قررت انى ماردش على توبيكات
او ااقول اى حاجـه فيــه

غير ربنا يســامحكـ
لانى معترض على الوقت والطريقـه اللىى مشى
بيهــــا

[اسلام نبيل]

طيب يا يمنه ده كلامك كمشجعه وزي ما بنقول اللي ايده في الميه مش زي اللي ايده في النار
ومين قالك ان الحضري كان حابب يمشي كده الحضري حاول بكل طريقه انه يقنه النادي برحيله لكن النادي رفض
وعلي فكره الحضري احترف بنص التمن اللي المفروض يحترف بيه والسبب القيعي بيه يعني المشكله منش مشكله فلوس قوي قد ما هوه نفسه يحترف ويعمل حاجه

مظبوط كلامك يا عمده والله عين العقل يا برنس وبلاش قساوة ع الحضرى يا جمهور الاهلى

[برنس الاهلي]

مظبوط كلامك يا عمده والله عين العقل يا برنس وبلاش قساوة ع الحضرى يا جمهور الاهلى

والله شكرا ليك يا اسلام انك بكلامك ده حسستني اني لسه بعقلي ايه يا عم اللي بيحصل ده الناس بتسمع الكلام زي ما تكون بتسمع قران النهارده المزيع ده يقول الحضري غلطان نعمل ثوره عالحضري بكره لو مزيع طلع وقال ان معاه حق يبقي انته راجل بتفهم وبكل اللغات ميرسي

[اسلام نبيل]

والله شكرا ليك يا اسلام انك بكلامك ده حسستني اني لسه بعقلي ايه يا عم اللي بيحصل ده الناس بتسمع الكلام زي ما تكون بتسمع قران النهارده المزيع ده يقول الحضري غلطان نعمل ثوره عالحضري بكره لو مزيع طلع وقال ان معاه حق يبقي انته راجل بتفهم وبكل اللغات ميرسي

مظبوط ودى حاجه معروفه عن المصريين يمشوا مع التيار

[MOnMOn]

خلاص بلاش تشجعوا الأهلى تانى
بقى وروحوا شجعوا الحضرى فى سويسرا
عجبت لك يازمن
انا مش عارفة بيشجعوا الأهلى والا الحضرى؟؟؟؟؟؟؟؟؟

[محمود حامد]

انا كمان بشجع الاهلى واللى خان الاهلى لازم اكرهه شكرا على الموضوع الرهيب يا mon mon بصراحه برافو عليكي

[MOnMOn]

انا كمان بشجع الاهلى واللى خان الاهلى لازم اكرهه شكرا على الموضوع الرهيب يا mon mon بصراحه برافو عليكي

العفو يامحمود

وبقولها تانى
اللى بيدافع عن الهارب يروح يشجع نادى سيون
اللى خان الأهلى
ومتوجعوش دماغنا
لايمكن تكونوا بتحبوا الأهلى وتدافعوا عن واحد سابه

:AD (11)::AD (23)::AD (46)::AD (52):

[مني]

وانا كمان مش نه طبعا موضوع جميل وكلام جميل اسلم ايدك يا يمنه

[MOnMOn]

وانا كمان مش نه طبعا موضوع جميل وكلام جميل اسلم ايدك يا يمنه

العفو يامنى شكرا لمرورك الكريم

[kotkot22]

بصراحة يا يمنه كلامك جميل و انا معاكي في كل حرف

انا من ساعة ماعرفت الخبر

و انا مصدوم في الحضري

انا مش ضد ان الحضري يحترف

بس علي رأي حسن المستكاوي

يحترف من الباب مش من الشباك!!!!

خلص الكلام

[MOnMOn]

نورت ياكوت كوت التوبيك